Daniel 2:3 - Bible in Tzotzil de Chamula

³ Va'i un, xi albatic yu'un ti ajvalile: “Oyun ta vul o'nton ta j'ech'el, yu'un oy c'usi laj quil ta jvaich ti tsots sc'oplal ta jc'an xca'i c'usi ti smelol ta xac' ta na'ele.”

Bible in Tzotzil de Chenalhó with Deuterocanon

³ Li ajvalile jech laj yalbe: —Oy c'usi laj quil ta jvayech, pero solel i'ech' xa co'nton ta snopel c'usi smelol —xut.

Daniel 2:3 Iomraidhean Croise

Génesis 40:8

Xi laj staq'uique: —Yu'un livaichinajcutic. Ja' no'ox un, mu'yuc buch'u xiyalbuncutic c'usi smelol ta xal ti jvaichcutique. Xi laj stac' ti Josee: —¿Mi mu ja'uc xu' svinajesbe smelol ti Diose? Alic ca'itic c'usi ti avaichique.

Génesis 41:15

Va'i un, ti faraone xi laj yale: —Livaichinaj. Ja' no'ox un, mu'yuc buch'u xu' xiyalbun ti smelole. Laj ca'i ac'oplal c'alal ta xava'i jun vaichile, xana' yalbel smelol.

Génesis 41:8

Ja'uc le' une, c'alal sacub ti osil ta yoc'omale, ochem xa ta vul o'nton. Ja' yu'un un, laj yal mantal talicuc scotol ti jt'unvanejetique, ti bijil viniquetic oy ta Egiptoe. Jech ti faraone laj xchapbe ya'iic ti xvaiche. Ja' no'ox un, mi ja'uc junuc oy buch'u al yu'unic ta yalel ti c'usi smelole.

Daniel 2:1

C'alal xchibal xa ox jabil yochel ta ajvalilal ti Nabucodonosore, ep ta velta ti c'usitic laj yil ta xvaiche. Ta scoj ti jech taje, lic ta vul o'nton. Mu xa xvay xchi'uc ta snopel.

Daniel 4:5

Ja' no'ox un, oy jun ac'ubal c'alal telel ta jcuxe, livaichinaj, toj xi'bal sba ti c'usi laj quile. C'alal jech lic ta vulvunel ti jol co'nton ti c'usitic ta jnope, lic ochcun ta xi'el yu'un ta j'ech'el. Yu'un yip xa laj sta ya'luc ti c'alal vul ta co'nton ti c'usi li'ac'bat quil ti c'alal jam ti jba jsate.