Daniel 2:1 - Bible in Tzotzil de Chamula

¹ C'alal xchibal xa ox jabil yochel ta ajvalilal ti Nabucodonosore, ep ta velta ti c'usitic laj yil ta xvaiche. Ta scoj ti jech taje, lic ta vul o'nton. Mu xa xvay xchi'uc ta snopel.

Bible in Tzotzil de Chenalhó with Deuterocanon

¹ C'alal xchibal jabil yochel ta ajvalilal li Nabucodonosore, ivaychin. Toj ep ilo'ilaj yo'nton; solel muc xvay o.

Daniel 2:1 Iomraidhean Croise

Ester 6:1

Ti ta yac'ubalil taj une, mu x'och svayel ti ajvalile. Jech laj stac mantal ti ich'batuc talel svunal bu ts'ibabil ti c'usitic c'otem ta pasel ta sjunul ti muc' ta lume, ti avtabatuc ya'ie.

Jeremías 25:1

Ta xchanibal jabil yochel ta ajvalilal ta jteclum Judá ti Joacim xnich'on ti Josiase, ti Diose laj xchapbe tal ya'i Jeremías c'u s'elan sc'oplal scotol ti jnaclejetic yu'un ti jteclum Judae. Taj une, ja' sba sjabilal yochel ta ajvalil ta Babilonia ti Nabucodonosore.

Daniel 2:3

Va'i un, xi albatic yu'un ti ajvalile: “Oyun ta vul o'nton ta j'ech'el, yu'un oy c'usi laj quil ta jvaich ti tsots sc'oplal ta jc'an xca'i c'usi ti smelol ta xac' ta na'ele.”

Daniel 4:2

Ta jc'an ti ac'o ana'ic ti c'usitic toj jun yutsil ch'ayal ta xc'ot o'ntonal yu'un ti c'usi laj spas ta jtojol ti muc'ul Dios oy ta toyole.

Daniel 4:5

Ja' no'ox un, oy jun ac'ubal c'alal telel ta jcuxe, livaichinaj, toj xi'bal sba ti c'usi laj quile. C'alal jech lic ta vulvunel ti jol co'nton ti c'usitic ta jnope, lic ochcun ta xi'el yu'un ta j'ech'el. Yu'un yip xa laj sta ya'luc ti c'alal vul ta co'nton ti c'usi li'ac'bat quil ti c'alal jam ti jba jsate.

Daniel 5:9

Ja' yu'un un, ti ajvalil Belsasare, yich' to xchi'il ti xi'el ta xa'ie. Jeche' xa sac pac'an ti sat xchi'uc ta j'ech'ele. Jech ti buch'utic cajal yabtelic yu'un ti bu c'alal ta spas mantale, mu xa stac' a'yeluc ta xa'iic c'usi ta spasic ec.

Daniel 6:18

Ts'acal to un, ti ajvalile bat ta sna. Mu'yuc xa xve'. Bat xpuch'an sba. Ma'uc xa ta yo'nton ta ya'yiel ti oy c'usi xlomet no'ox ta xich' tijel jech c'u cha'al liquem yu'une. Ma'uc no'ox taje, yu'un sjunul ac'ubal mu xtal ti vayel ta xa'ie.

Daniel 7:1

Oy jun ac'ubal, ti c'alal ja' to ox sliqueb jabil yochel ta ajvalil ta Babilonia ti Belsasare, jech ti Daniele vaichinaj ti oy c'usi ac'bat yil ti c'alal jam ti sba sate. C'alal julave, lic sbejan ta vun ti jaytos tsotsic sc'oplal ti c'usi laj svaichintae. Ti c'usi laj sbejan ta vune, jech c'u cha'al li'e:

Daniel 7:15

Ti vu'un Danielune laj ca'i ti litsaque yu'un ti xi'ele. Vul o'ntonun xa xchi'uc scotol ti c'u s'elan laj quile.