Daniel 11:3 - Bible in Tzotzil de Chamula

³ “Ti ta ts'acal toe, ta xlic ochuc ta ajvalilal ti buch'u jun banquilal j'ac'-leto xa'i sbae, ti jelavem xu' yu'un ti tsalvaneje, ti ta spas ti c'usi xa xal ti yo'ntone.

Bible in Tzotzil de Chenalhó with Deuterocanon

³ Ts'acal ta xlic yan ajvalil noxtoc toj ech'em sna' paspleito, chlic smuq'uibtas batel ti bu c'alal tsc'an tsventaine; ta spas scotol li c'usi tsc'an yo'ntone.

Daniel 11:3 Iomraidhean Croise

Daniel 11:16

Yu'un ti j'ilbajinvaneje ta spas ti c'usi xa xal ti yo'nton ta stojol ti buch'u tsalbil c'otique. Yu'un mi ja'uc xpac yu'unic ti sc'oplalique. Yu'un ta xc'ot svol sbaic ta banomil ti bu sbiinoj ti C'upil sbae, ti naca slilinel no'ox yu'unic ti c'usi ta staic ta bee.

Daniel 11:36

“Ti ajvalil ti oy ta yolon ti yolon xocon sloq'ueb c'ac'ale, ta xlic spas ti c'usi xal ti yo'ntone. Ta xc'ot ta pasel yu'un ti stuc xa no'ox ti cajal xa'i sba xchi'uc ti stoyobbaile, ti ja' peq'uel ta xcom yu'un scotol ti yan diosetique. Spajeb xa no'ox chopol ta xc'opoj ta stojol ti cuxul Diose. Scotol ti c'usitic ta xlic spase, lec ta xbat yu'un c'uc sjaliluc, ja' to ti mi ta x'ac'bat talel tsitsel yu'un ti Diose. Yu'un ti c'usi ta snop ta spas ti Diose, ta xc'ot ta pasel ono'ox yu'un.

Daniel 4:35

Yu'un ta sba ta sat ti stuque, mu'yuc c'usi xu' yu'unic ta xil scotol ti jnaclejetic ta banomile. Yu'un ja' ta xc'ot ta pasel yu'un ti c'usi snopoj stuque. Ja' ta spas mantal ta vinajel xchi'uc li' ta banomile. Mi junuc ti oy buch'u xu' yu'un ta spajesel ti c'usi oy ta yoc ta sc'ob ta spasele. Mi ja'uc oy buch'u xu' ta sjac'be ti c'u yu'un jech ta snop ta spasel ti c'ot ta nopel yu'un jech c'u cha'al le'e.

Daniel 5:19

Ti jech ac'bat ti jelavem xu' yu'une, scotol ti jnaclejetic ta jujun lumetique, ta jujun muc'tiquil lumetique, xchi'uc ti ep ta tos ti sc'opique, laj sbic'tajes sbaic ta stojol, xi'tabil c'ot yu'unic. Yu'un ti stuque xu' ta smilan ti buch'uuc no'ox ta sc'ane. Mi mo'oje, tey no'ox sq'ueloj ac'o cuxiuc yu'un ti mi jech ta sc'ane. Yu'un oy jlom ti cajal ich'bil ta muc' ta xc'ot yu'une. Yu'un oy jlom ti c'ajomal no'ox ta spec'tsanbe ti sc'oplale.

Daniel 7:6

Ti yoxcotale, co'ol s'elan muc' ta bolom laj quil. Ja' no'ox un, oy chanib xic' ta spat. Ja' jech xtoc laj quil oy chanib sjol, ti ac'bat yich' ti jelavem xu' yu'une.

Daniel 8:21

Yan ti tot tentsune, ja' sc'oplal ti ajvalil yu'un ti jteclum Greciae. Ti smuc' ta xulub ti ch'iem liquel ta nopol sbec' sate, ja' sc'oplal ti sba ajvalile.

Efesios 1:11

Ti jech lijc'ot ta jun xchi'uc ti Cristoe, yu'un vo'ne xa ono'ox t'ujbilotic yu'un ti Diose yo' ta xquich'tic ti rextoil ti albil sc'oplal ta xaq'ue, ti co'ol xchi'uc jech c'u cha'al oy ono'ox ta yo'nton ti Dios ta spas ti c'u s'elan lec ta xil ti stuque.

Hebreos 2:4

Ja' jech xtoc ti Diose laj svinajes ti ja' sc'oplal stuc ta sventa ti oy c'usitic jchop o ta q'uelele, ti labal ta q'uelele, ti c'usitic ti ch'ayal ta xc'ot o'ntonal yu'un ta sventa ti Ch'ul Espíritu ti yalel toyol laj yac'botic jbijiltic jech c'u cha'al oy ta yo'nton ti Diose.

Santiago 1:18

Yu'un laj xa yac' jcuxlejaltic ta sventa sc'op ti bu ja' melele, yo' jech x'ech' to cajal ta xijc'ot ta stojol scotol ti c'usitic laj xa smeltsane. Jech loc' ta nopel yu'un ti Diose.