Daniel 10:3 - Bible in Tzotzil de Chamula

³ Mu'yuc laj jtun laj jlajes ti lequil ve'liletique. Yu'un mu'yuc laj jlajes ti beq'uete, ti vinoe. Mi ja'uc laj cac'be jba muil poxil ech' ti oxib (3) xemuna taje.

Bible in Tzotzil de Chenalhó with Deuterocanon

³ Mu'yuc la jve' ve'lil ti lec mue, mu'yuc la jti' ti'bol, mu'yuc laj cuch' ya'lel ts'usub, xchi'uc mu'yuc la jcac' jmuil poxil, ja' to ti c'alal its'aqui li oxib xemunae.

Daniel 10:3 Iomraidhean Croise

2 Samuel 19:24

Ja' jech xtoc bat snup ta be ti Mefi-bosete, xnich'on ti Saule. Ti sc'ac'alil ti c'alal loc' ech'el ti ajvalile, ti c'alal lec sut ech'ele, mu'yuc c'usi laj spas. Mi ja'uc oy bu spocoj ti yacane. Mi ja'uc oy bu xch'uloj ti yisime. Mi ja'uc oy bu xchuc'oj sc'u' ti Mefi-bosete.

Job 33:20

Scotol ti ve'lil une, ti bu jun xa yutsil ta lajesel ta j'ech'ele, ma'uc xa ta yo'nton ta slajesel.

Daniel 10:12

Ja' yu'un un, xi laj yalbune: “Mu xaxi', Daniel, yu'un ti c'alal laj anijan aba lec ta snopbel smelol ti c'usi toj vocol ti laj avil ta sliqueb c'ac'ale, ti loc' ayan ta avo'nton ti laj abic'tajes aba ta stojol ti Dios avu'une, laj ya'i ti ac'opojel ati'inele. Ja' yu'un un, lital ta atojol.

Daniel 11:8

Ma'uc no'ox taje, yu'un ta xich'ic batel ta jteclum Egipto ti diosetic yu'une, ti loc'obbailetic ti meltsanbil ta unijesbil taq'uine, xchi'uc ti c'usitic yan toyol stojol ti meltsanbil ta oroe, ta platae. Ts'acal to un, c'alal mi ech' jayibuc jabile, ta xc'ot ta pasel yu'unic ti xlamaj c'op yu'unic ti chib muc'tiquil jteclum taje.

Daniel 6:18

Ts'acal to un, ti ajvalile bat ta sna. Mu'yuc xa xve'. Bat xpuch'an sba. Ma'uc xa ta yo'nton ta ya'yiel ti oy c'usi xlomet no'ox ta xich' tijel jech c'u cha'al liquem yu'une. Ma'uc no'ox taje, yu'un sjunul ac'ubal mu xtal ti vayel ta xa'ie.

Amós 5:11

Ti jech ta xavilbe svocol ti me'un mu'nate, ti ta xac'anbeic spatanil ti strigoe, mi ja'uc ta xac'upinic ta snainel ti anaic ti naca ta ton laj ameltsanique. Mi ja'uc ta xava'ibeic yutsil ta uch'el ti vino ti loc' ayan ta ats'unub-uvaique.

Nahúm 2:9

Elc'anic batel ti platae. Elc'anic batel ti oroe. Spajeb xa no'ox busul sc'ulejal ti jteclum Ninivee.

San Mateo 6:17

C'alal ta xacomtsan avotique, poquic asatic, tusetanic, ch'aletanic.

San Lucas 7:46

Mu'yuc bu laj avac'bun jutebuc aceite ta jol. Ja'uc ti ants li'e, laj yac'bun ti muil poxil ta coque.

1 Corintios 9:27

Ti vu'une tsots ta xcac'be yich' svocol ti jbec'tal jtacopale. Ta xcotes ta be yo' mu nacauc no'ox ta x'ech' jvocol c'alal vu'un laj calbe ya'i yan ti xu' ta staic ti smotonique.