Apocalipsis 9:4 - Bible in Tzotzil de Chamula

⁴ Albatic mantal ti mu soquesic ta yilbajinel ti yaxaletic oy ta banomile, mi ja'uc ti c'usi yoxique, mi ja'uc ti te'etique, ja' no'ox, ac'o yilbajinic ti buch'utic mu'yuc yich'ojic ta sti'baic seyoal ti Diose.

Tzotzil Zinacantan

⁴ Pero iꞌalbatic mantal ti mu me yaꞌuc sloꞌic tsꞌiꞌlele, xchiꞌuc li cꞌusitic yoxe, xchiꞌuc li teꞌetique. Jaꞌ noꞌox chacꞌbeic castico li crixchanoetique ti muchꞌutic muc bu yichꞌojbeic seyo Riox ta stiꞌbaique.

Bible in Tzotzil de Chenalhó with Deuterocanon

⁴ I'albatic mantal ti mu me soquesic li ts'i'laletique, li c'usitic lec yoxique, xchi'uc li te'etique. I'albatic ti ja' no'ox ac'o yuts'intaic li boch'otic mu'yuc yich'ojic smarcail Dios ta sti'baique.

Tzotzil San Andres

⁴ Pero iꞌalbatic mantal ti mu me sloꞌic li tsꞌiꞌleletique, schiꞌuc li cꞌustic lec yoxique, schiꞌuc li teꞌetique. Jaꞌ noꞌox yabtelic acꞌo yilbeic svocolic li buchꞌutic ti muc bu yichꞌojic li seyo Dios ta stiꞌbaique.

Tzotzil de Huixtán

⁴ Ipasat ti mantal ti mu me xixtanic ti vomoletique xchi'uc ti c'utic yan ts'umbil ti yoxique xchi'uc ti te'etique. Ja' no'ox i'ac'batic yabtel yu'un chilbajin ti much'utic mu yich'ojuc ti smarca ti Diose ti stibaique.

Apocalipsis 9:4 Iomraidhean Croise

Job 1:10

Yu'un ti vo'ote mu xavac' ti oy c'usi chopol ta xc'ot ta stojole, mi ja'uc ti yalab xnich'nabe, mi ja'uc jset'uc ti c'usitic oy yu'une. Ava'anoj aba ta stojol ti c'usi ta spase, ti spajeb xa no'ox jun vinic yepal sc'ulejal ta sventa xchon sbolom ta sjunul ti muc' ta lume.

Job 1:12

Ti Diose xi laj stac'be ti jtic'-mulile: —Lec oy un cha'e, ba paso avil ta stojol scotol ti c'usitic x'ayan yu'un ti Jobe, ti mu'yucuc c'usi chopol xapasbe ti stuque. Ti jtic'-mulil une loc' batel ta stojol ti Diose.

Job 2:6

Ti Diose xi laj stac'be ti jtic'-mulile: —Pasbo avil un cha'e ti c'usi lec ta xava'i ta stojole, ja' no'ox un, ma'uc aventainojbe ti xcuxlejale.

Salmos 76:10

Ti scapemal sjol ti jnaclejetique, ta xjoybij ta alequil c'optael; ta sventa juteb ti sc'ac'al yo'ntone, jun to sronail ajol ta xc'ot yu'unic.

Éxodo 12:23

C'alal ta x'ech' ti Dios ta syayijesel ta milel xnich'nab ti egipcioetique, ta xil ti ch'ich' ti bonbil ta sjunul smarcoil ti ti'nae, jelavel ta xjelav xtoc ti ta na taje. Ja' jech ti Diose mu xac' ochuc ta anaic ti buch'u yich'oj yabtel ta yayijesvanej ta milele.

Ezequiel 9:4

Xi albat xtoc une: “Xani o sjunul ti jteclum Jerusalene. Ac'bo senyail ta sti'ba ti buch'u ta xa'i ti at-o'ntone, xchi'uc ti toj vocol ta xa'i ti c'usitic mu stac' q'uelel ta xc'ot ta pasel ti ta stojolique.”

Ezequiel 9:6

Ta sti' jch'ulna, ta xaliques ta smilel ya'iic ti moletique, ti querem viniquetique, ti tojol tsebetique, ti ololetique, xchi'uc ti antsetique, ja' to ti c'uxi sts'ijlajan ta xcome. Ja'uc ti buch'utic yich'ojic senyailic ti oyic ta sliquebal sti' jch'ulnae, ch'an utic.” Jech ti viniquetic une laj sliquesic ta smilel ti moletique, ti queremetic ti oyic ta ch'ulnae.

San Mateo 24:24

Yepal no'ox ta xvul loq'uel jlo'lavanejetic li' ta banomile, ta sbis sbaic ta Cristo, ta sbis sbaic ta j'alc'opetic. Yepal no'ox ta xaq'uic iluc senyailetic, xchi'uc oy c'usi ch'ayal ta xc'ot o'ntonal yu'un, yo' ta slo'laic ya'i ti buch'utic t'ujbilic yu'un ti Diose.

Efesios 4:30

Mu xavaq'uic ta at o'nton Xch'ul Espíritu ti Diose, yu'un ja' aselloalic svinajeb ti c'otemoxuc xa ta yu'un ti Diose, ti ta ono'ox xacolic c'alal mi sta ti sc'ac'alile.

Apocalipsis 14:1

Laj taj une, laj quil ti va'al ta vits Sión ti jcot ta Uni Chije. Oyic ta stojol chanib xvaxacvinic mil (144,000) ta vo' ti buch'utic yich'ojic ta sti'baic sbi ti jcot ta Uni Chije, xchi'uc sbi ti Stote.

Apocalipsis 6:6

Ta o'lol ti bu oy ti c'usi chanib cuxajtique, laj ca'i oy buch'u c'opoj talel ti xi ta xale: “C'ajomal no'ox jun kilo trigo xman yu'un ti tojolil ta jun c'ac'al abtele. Oxib kilo jchop o ta trigo xman yu'un ta jun c'ac'al abtel. Le' une, mu xavixlan ti aceitee xchi'uc ti vinoe.”

Apocalipsis 7:1

Laj taj une, laj quil chanvo' anjeletic va'ajtic ta jujot xchanjotal xchiquin ti banomile, sva'anoj sbaic ta spajesel ic' yo' mu xjelav talel ta banomil, ta nab, mi ja'uc ta te'etic.

Apocalipsis 8:7

Ti ánjel ti buch'u ba'yel laj yoq'uisan ti yoq'uese, ja' o yich' jipel talel ta banomil bot xchi'uc c'oc' ti capal ta ch'ich'e. Ti oxch'ac banomile, c'ac' jch'ac. Ti oxch'ac te'tique, c'ac' jch'ac. Ti yaxaltique, c'ac' scotol.