Apocalipsis 9:21 - Bible in Tzotzil de Chamula

²¹ Mi ja'uc laj yicta sbaic ta milvanej, ta ac'-chamel, ta mulivajel, ta elc'ajel.

Tzotzil Zinacantan

²¹ Muc xictaic noxtoc li milvaneje, li acꞌchamele, li saꞌantse, li saꞌvinique, li eleqꞌue.

Bible in Tzotzil de Chenalhó with Deuterocanon

²¹ Jech noxtoc muc scomtsanic li milvaneje, li ac'chamele, li mulivajele, xchi'uc li eleq'ue.

Tzotzil San Andres

²¹ Pero mi jaꞌuc muc bu xictaic o li milvaneje, schiꞌuc li qꞌuelvaneje, schiꞌuc li mulivajele, schiꞌuc li eleqꞌue.

Tzotzil de Huixtán

²¹ Muc sutes yo'ntonic ti oy smulique yu'un ti imilvanique, ti laj spasbe yabtel ti jpicch'ich'e, ti imulivajique, ti i'elc'ajique.

Apocalipsis 9:21 Iomraidhean Croise

Isaías 47:12

Ac'bo xa yipal ta spasel slo'laobtac avu'une, ta yaq'uel ti chamel lajel ti ta bic'tal ono'ox lic achan talele. Jq'ueltic quic mi oy to c'usi xtun o avu'un. Jq'ueltic quic mi ta to xata ti xi'tabilot yu'un ti jnaclejetique.

Isaías 47:9

Mu ta sjaliluc, ti ta jun no'ox c'ac'ale, xu' ti xi s'elan ta xc'ot ta atojol ti xchibal vocol li'e: Me'unal antsot xa xava'i aba. mi junuc xa avalabtac, manchuc mi mu albajuc xu' avu'un ti j'ac'-vocol lajele, ti slo'laobtac avu'une.

Isaías 57:3

Nopajanic talel, yalab me' j'ac'-chamel, ti xi s'elan lavoq'uic talel ta stojol ta jun mulivajele, xchi'uc ta stojol jun ants ti sna' sbolomalin sbae:

Daniel 11:33

Ti bijil viniquetic yu'un ti jteclume, ep jnaclejetic ta sbijubtasic. C'u stu un, ti stuquique ta xlic yich'ic milel. Ta xlic yich'ic chiq'uel. Ta x'elc'anbatic loq'uel ti c'usitic x'ayan yu'unique. Ta xich'ic mosovinel yu'un jyanlum ti ta namal banomile. Ti va'i s'elan ta xc'ot ta pasel taje, ta xjalij jutuc.

Malaquías 3:5

Ti Dios ti scotol xu' yu'une xi ta xale: “Ta xtal jchapanoxuc ava'iic. Ti jech yorail taje, vu'un ta jva'an jba ta rextico ta scontrainelic ti buch'utic yac'ojbeic yipal ta sc'oponel ti sbel banomile, ti buch'utic ta xmulivaj ta yane, ti buch'utic ta jeche' no'ox ti c'usi ta sva'anic ta rexticoe, ti buch'utic ta xilbeic svocol ti j'abteletique, ti me'unal antsetique xchi'uc ti me'un mu'natetique, ti buch'utic mu'yuc stu ta xilic ti jyanlumetique, xchi'uc ti buch'utic mu x'ac'vanic ta ventae.

San Mateo 15:19

Yu'un ta sjol ta yo'nton ta x'ayan talel ti chopol snopbenale, ti milvaneje, ti yanijem jolile, ta sa'el ti yantsique, ta slo'labe sjol viniquetic ti antsetique, ti elc'ajele, ta sjutel ti c'ope, ta sliquesel ti c'ope.

2 Corintios 12:21

C'alal ta xtal jq'ueloxuque, ta xixi' ti xu' van ta xiyac'un ta q'uexlal ti Dios cu'un ta acojique. Xu' van ta xiyac' ta oq'uel ti buch'u vo'ne xa sa'oj talel ti smulique, ti mu'yuc to bu yictaoj ti c'usi chopol ta spase, ti staoj to yav ta xmulivaje, xchi'uc yan ti c'usitic mu'yuc smelol ta spase.

Gálatas 5:20

xrioxinojic ti c'usitic meltsanbil ta c'abale, j'ac'-chamel, juteb ta yo'nton ti ac'o sta svocol ti xchi'ile, jsoquesej c'op, mu'yuc xlaet yo'nton ta xa'i, ta anil sna' x'ilin, jsa'letoetic, ta sa' sviniquic yo' ta xch'ac sbaic,

Apocalipsis 13:13

Xu' yu'un ec ta yaq'uel iluc c'usitic muc'tic ta xc'ot ta pasel ti ch'ayal ta xc'ot o'ntonal yu'une. Xu' xtoc ta yaq'uel iluc ta sba ta sat ti jnaclejetique, ti syales talel c'oc' ta vinajel ta xvul ta banomile.

Apocalipsis 13:15

Ti xcha'cotal jti'oval chone, ac'bat stsatsal ta yac'bel xcuxlej sloc'obbail ti ba'yel jti'oval chone, yo' xu' ta xc'opoj ti loc'obbaile, yo' jech ta xac' ta milel scotolic ti buch'utic mu snijan xchiman sbaic ta stojole.

Apocalipsis 13:7

Ac'bat yich' stsatsal xtoc ta stsaquel ta leto ti buch'u yu'untac ti Diose, ja' to ti c'uxi tsalbil ta xc'ot yu'une. Ac'bat yich' stsatsal xtoc ta spasel ta mantal ti jnaclejetic oyic ta sjoylej banomile, ti jujuchop sc'opique, ti jujun tos lume, ti jujun muc'tiquil lumetique.

Apocalipsis 14:8

Nabal talel xchibal ánjel xtoc ti xi ta xale: “Tsalel xa, yal xa ta lum ma' ti muc' ta Babiloniae, ti buch'u laj xa syacubtas scotol ti jnaclejetic oyic ta sjoylej banomile ta scoj ti laj sbolomalin sba yu'un ti sc'upijel yo'ntone.”

Apocalipsis 16:6

Yu'un ti stuquique laj smalbeic xch'ich'el ti buch'utic t'ujbil avu'une, xchi'uc ti j'alc'opetic c'opojic ta aventae. Xtunic o avi tana le'e ti jech ta xavac'be yuch'ic ti ch'ich'e.”

Apocalipsis 17:2

Yu'un ti ajvaliletic oyic ta banomile bat sjol yo'ntonic ta mulivajel xchi'uc ti antse. Jovi sjol yo'nton yu'un xtoc ti jnaclejetic ta banomil ta scoj ti ta sbolomalin sbae.”

Apocalipsis 17:4

Ti ants taje, ic' ic' losantic sba stsajal xchi'uc bats'i tsoj yutsil xnichimal slapoj ti sc'u'e. Ch'alal ta naca nats'il, ta oro ti yoc sc'obe, ta c'upil sba tonetic xchi'uc ta perla. Stsacoj xtoc jun bis ti meltsanbil ta oroe, ti noj sbel ta naca c'usitic chopol ta scoj sbolilal ti ta sbolomalin sbae.

Apocalipsis 17:5

Jtos o ta a'yiel ti xi ts'ibabil jun biil ta sti'bae: “Ti muc' ta Babiloniae, me'il yu'un ti buch'utic ta sbolomalin sbae, xchi'uc scotol ti c'usi toj chopol ta xil Dios li' ta banomile.”

Apocalipsis 18:3

Yu'un scotol ti muc'tiquil lumetic oyic ta sjoylej banomile, yacubic yu'un ti vino ti mu'yuc xa c'usi x'ech' o ta xa'iic ti sc'upijel yo'ntone. Yu'un ti ajvaliletic oyic ta banomile, jovi sjolic ta spasel ti mulil xchi'uque. Pas ta jc'ulej yu'un ti jbolomajeletique, ta scoj ti mu'yuc spajeb laj yac'be sba ti c'usi ta sc'an ti sc'upijel yo'ntone.”

Apocalipsis 19:2

Yu'un jbel sc'oplal tuc' ta xchapanvan, Laj xa yac'be stoj smul ti me' jmulivajel antse, ta scoj ti lec xa'i sbolomalin sbae, ti laj soques ti jnaclejetic ta sjoylej banomile. Ti Diose laj xa spacbe sutel ti lajic ta milel ti yajtuneltaque.”

Apocalipsis 21:8

Ja'uc ti buch'utic xi'el no'ox xa'i sbaique, ti buch'utic mu'yuc c'usi ta xc'ot ta yo'nton ta xch'unele, ti buch'utic xti'et sjolique, ti buch'utic jmilvaneje, ti buch'utic batem yo'ntonic ta mulivajele, ti j'ac'-chameletique, ti buch'utic ta xich'ic ta muc' ti c'usitic meltsanbil ta c'abale, ti buch'utic jutc'opetique, scotolic taje, ta xbatic ta muc' ta c'oc' ti bu ta xtil ta azufree, ti ja' xa xcha'cojal lajebale.”

Apocalipsis 22:15

Ja'uc ti jchopol-joletique, ti j'ac'-chameletique, ti buch'u ja' no'ox batem ta yo'ntonic ti mulivajele, ti jmilvaneje, ti ta xich'ic ta muc' ti c'usitic meltsanbil ta c'abale, ti buch'utic lec xa'iic ti lo'lavaneje, scotolic taje ta xcomic ta spat ti jteclume.

Apocalipsis 9:20

Ja'uc le'e, ti c'u yepal com ti jnaclejetic ti buch'utic mu'yuc xchamic yu'un ti oxtos cuxul j'ilbajinvanej vocole, mu'yuc xicta sbaic ta spasel ti c'usi chopole, mi ja'uc laj yicta sbaic ta yich'el ta muc' ti pucuje, xchi'uc ti c'usitic meltsanbil ta c'abale, ti meltsanbil ta oroe, ta platae, ta tsatsal c'anal taq'uine, ta tone, ta te'e, ti c'alal mu x'ilvane, mu xa'i c'oponel, ti mu stac' xanave.