Apocalipsis 8:8 - Bible in Tzotzil de Chamula

⁸ C'alal laj yoq'uisan yoq'ues ti xchibal anjele, ja' o laj yich' jipel talel ta nab co'ol to s'elan jbej vits volibil ta c'oc'. Ti oxch'ac nabe, c'ataj ta ch'ich' jch'ac.

Tzotzil Zinacantan

⁸ Li xchaꞌvaꞌal anjele iyoqꞌuesin scorneta uc. Jaꞌo ipꞌaj ta mar coꞌol xchiꞌuc jpꞌej vits yilel, oy scꞌacꞌal. Jutuc xa mu oꞌloluc icꞌataj ta chꞌichꞌ li mare.

Bible in Tzotzil de Chenalhó with Deuterocanon

⁸ C'alal la sjupan yoq'ues li xchibal j'almantale, laj quil ijipat ochel ta nab xco'laj xchi'uc jun muc'ta vits, xpulpun sc'ac'al. Jutuc xa mu o'loluc ic'ataj ta ch'ich' li nabe.

Tzotzil San Andres

⁸ Li schaꞌvaꞌal chꞌul ángele la sjupan eꞌuc li yoqꞌuese. Jaꞌ o ijipe ochel ta nab coꞌol schiꞌuc jun mucꞌta vits, xloclun ochel scꞌacꞌal. Jutuc xa muc xcꞌataj ta chꞌichꞌ oꞌlol li nabe.

Tzotzil de Huixtán

⁸ Ti xchibal ch'ul abate lic yoq'uesan uc ti scornetae. Jun to muc'ta vits yac'oj sba chtil itenat ochel ti yut nab. Jutuc mu sta o'lol ti nabe ic'ataj ti ch'ich'.

Apocalipsis 8:8 Iomraidhean Croise

Jeremías 51:25

Yu'un ta jcontrainot ti jsoquesvanejot vits a'elane, ti ta xatubbe sc'oplal scotol ti banomile. Ti vu'un Diosune, mu lo'iluc no'ox ta xcal. Yu'un ta jyales coc jc'ob yo' ta jtsitsot. Xabanlaj to yalel cu'un ta lican ch'entic. Ta xajoybinot ta jun c'aq'uemal vits s'elan.

Ezequiel 14:9

“Ti mi oy jun j'alc'op ti mu xc'ot ta pasel ti c'usi ta xale, ti vu'un Diosune, yu'un me laj jlo'la ti j'alc'op taje yo' jech ta jyales ti coc jc'ob ta stsitsele. Yu'un me ta jten loq'uel ta stojol Israel ti ja' jteclumale.

Amós 7:4

Xi s'elan laj yac'bun quil ti Diose: Laj quil ti laj stac talel muc'ul c'oc' ti ta xac'be yich' tsitsel ti muc' ta natil nab ti yacal xa ta soques xtoc ti osil banomile.

Zacarías 13:8

Ti oxvoc' jnaclejetic ti li' ta muc' ta lume, ta xc'ot ta pasel ti ta xchamic cha'voq'ue, c'ajomal xa no'ox jvoc' ti cuxul ta xcome.

Zacarías 13:9

Jech ti jvoc' ti cuxul to ta xcome ta jtiq'uic ya'iic ochel ta c'oc' yo' jech ta xich' lecubtasel jech c'u cha'al ta xich' lecubtasel ta c'oc' ti plata ti oroe. Jech ti stuquic une ta xlic vocoleticuc ta jtojol. Ti vu'un ec une ta jtac'beic ti sc'opique. Ta xcalbeic ya'iic ti ja' jteclumaltaque. Ti stuquic une xi ta staq'uique: ‘Ti Ajvalile ja' ti Dios cu'untique.’ Jech ta xc'ot ta pasel cu'un ti vu'un Diosune.”

Marcos 11:23

Ta xcalboxuc ava'iic ta melel, buch'uuc no'ox ti xi ta xalbe ya'i ti vits li'e: ‘Loc'an batel li'e, ba jipo aba ta nab’, mi xute, mi mu xna'etuque, ti xch'unoj ta xc'ot ta pasel c'usi laj yale, ta ono'ox xc'ot ta pasel.

Apocalipsis 11:6

Ac'bil smuc'ul stsatsalic ti rexticoetic taje, ti mu xaq'uic taluc vo' ta vinajel ti c'u sjalil ta xc'opojic ta sventa ti Diose. Ac'bil smuc'ul stsatsalic xtoc ta sjoybinel ta ch'ich' ti vo'e, xchi'uc ta yilbel svocol ti banomil yu'un ep ta tos cuxul j'ilbajinel vocol ti jaycoj xal yo'ntonique.

Apocalipsis 12:4

Ta sne no'ox laj squiil talel jch'ac ti oxch'ac c'analetic oy ta vinajele, ti laj sjip yalel tal ta banomile. Ti tsajal jti'oval chone laj scotan sba ta sts'el ti ants ti buch'u yacal ta svoq'ues ti yole, yo' ta sti' ta ora no'ox ti olol c'alal mi voq'ue.

Apocalipsis 8:7

Ti ánjel ti buch'u ba'yel laj yoq'uisan ti yoq'uese, ja' o yich' jipel talel ta banomil bot xchi'uc c'oc' ti capal ta ch'ich'e. Ti oxch'ac banomile, c'ac' jch'ac. Ti oxch'ac te'tique, c'ac' jch'ac. Ti yaxaltique, c'ac' scotol.

Apocalipsis 9:15

Va'i un laj yich' jitunel ti chanib anjeletique, yo' ta xc'ot ta pasel c'u s'elan nopbil sc'oplal, yorail, sc'ac'alil, yual, sjabilal ti jnaclejetic ta banomile ti ta xich'ic milel jch'aque, lec ta xcom ti cha'ch'aque.

Apocalipsis 9:18

Ti oxch'ac jnaclejetic ta banomile, chamic jch'ac ta scoj ti oxtos vocol ta xloc' talel ta ye ti ca'etique: ti c'oq'ue, ti ch'aile, ti azufree.