Apocalipsis 8:7 - Bible in Tzotzil de Chamula

⁷ Ti ánjel ti buch'u ba'yel laj yoq'uisan ti yoq'uese, ja' o yich' jipel talel ta banomil bot xchi'uc c'oc' ti capal ta ch'ich'e. Ti oxch'ac banomile, c'ac' jch'ac. Ti oxch'ac te'tique, c'ac' jch'ac. Ti yaxaltique, c'ac' scotol.

Tzotzil Zinacantan

⁷ Cꞌalal iyoqꞌuesin scorneta li jun anjele, jaꞌo iyacꞌ tsots bot liꞌ ta sba balamile xchiꞌuc cꞌocꞌ capal ta chꞌichꞌ. Ti bu cꞌalal icꞌote icꞌacꞌ li teꞌetique xchiꞌuc li tsꞌiꞌlele. Jutuc xa mu oꞌloluc icꞌacꞌ li teꞌetique xchiꞌuc li tsꞌiꞌlele.

Bible in Tzotzil de Chenalhó with Deuterocanon

⁷ C'alal la sjupan yoq'ues li sba j'almantale, ital ep bot ta banamil, xchi'uc c'oc' capal ta ch'ich'. Jutuc xa mu sta o'lol ic'ac' li te'etique xchi'uc li yaxal ts'i'laletique.

Tzotzil San Andres

⁷ Cꞌalal la sjupan yoqꞌues li jun chꞌul ángele, jaꞌ o ital ep bot ta balumil schiꞌuc cꞌocꞌ, tsoj jech chac cꞌu chaꞌal chꞌichꞌ. Li bu cꞌalal icꞌote icꞌacꞌ li balumile, schiꞌuc li teꞌetique, schiꞌuc li tsꞌiꞌleletique. Jutuc xa muc xcꞌacꞌ oꞌlol li balumile, schiꞌuc li teꞌetique, schiꞌuc li tsꞌiꞌleletique.

Tzotzil de Huixtán

⁷ Ti primero ch'ul abate lic yoq'uesan ti scornetae. Hech ip'aj yalel ti balumil bot xchi'uc c'oc' xchi'uc ch'ich', scapoj sbaic iyal. Ti sjoylejal balumil ic'ot. Ti butic ic'ote, ic'ac' ti balumile xchi'uc vomoletic xchi'uc te'tic. Ti scotol ti butic ic'aq'ue jutuc mu sta o'lol ti balumile.

Apocalipsis 8:7 Iomraidhean Croise

Salmos 105:32

C'alal oy sc'oplal ta xtal ti vo'e, tal bot yu'un; xjaplajet no'ox ti sac tsel ti co'ol s'elan c'oc' vul ta stojolic ti jteclume.

Éxodo 9:33

Ti Moisese loc' batel ta jteclum ti c'alal laj xa ox sc'opon sba xchi'uc ti faraone. Laj stoy sc'ob ta sc'oponel ti Diose. Ta ora no'ox paj ti chauque, ti vo'e, xchi'uc ti bote.

Isaías 28:2

Ti Diose sva'anoj xa jun tsatsal vinic ti cuchem yu'une, ti naca xjipvan no'ox ta lume, jech c'u cha'al ti bot xchi'uc ti yic'ale, jech c'u cha'al banomilal vo' ti ta soquesvane, ti xbalaq'uin no'ox ta smut'ian comel ta j'ech'ele, ti ta xjipvan ta lume,

Isaías 29:6

Ti Dios ti scotol xu' yu'une xc'avlajet no'ox jech c'u cha'al junuc chauc ta xtal sva'an sba ta atojol, ti xc'uyc'un no'ox ta niquel ti banomil yu'une, ti xvo'o'et no'ox ta j'ech'ele, ti sts'otobaj no'ox ta jmec ti sutub ic' xchi'uc ti ya'lele, ti xloclun no'ox ta j'ech'el ti leb c'oc' ta stsutsesvane.

Isaías 30:30

Ti Diose ta xac' ta a'yiel sc'opojel ti tsots yabtel yich'oje. Ta xac' ta ilel smuc'ul stsatsal ti xi'bal sba c'u s'elan ta sliques ti yabtele. Mu no'ox albajuc sleb c'oc' ta stsutsesvan ta j'ech'ele. Xc'avlajet no'ox yu'un ti chauque. Xchajet no'ox ta j'ech'el vo' xchi'uc ti bote.

Isaías 32:19

ac'o mi laj yich' bojel ti te'tique, ac'o mi aq'ue ta lo'il maxil ti lume.

Ezequiel 38:22

Xac' no'ox xi'el ti c'u s'elan ta xcham xlajique. Ta jtsits ya'i ta tsots chamel. Lamal ta xc'ot ta sba cu'un ti banomilal vo'e, ti bote, ti c'oc' xchi'uc azufre ta stojol ti yajsoldadotaque, xchi'uc ti mu no'ox albajuc yepal xchi'inojan talel ti jteclumetique.

Joel 2:30

Oy c'usitic ta xcac' iluc ta vinajel ti muc'tic no'ox ta j'ech'ele, ti ch'ayal ta xc'ot o'ntonal yu'une. Ta xvinaj ch'ich', ta xvinaj c'oc', xvolet no'ox lumal toc ti co'ol s'elan ch'ail ti li' ta banomile.

Santiago 1:11

C'alal ta xloc' talel ti c'ac'ale, ta stsac lec yip ti xq'uixnale, ta xtaquij yu'un ti momole, ta xbaj ta lum ti xniche. Laj to me sc'oplal ma' ti c'upil sba ta q'uelele. Ja' jech sc'oplal ec ti jc'uleje, manchuc mi yacal ta stsobel ti sc'ulejale.

Josué 10:11

C'alal palch'ujic xa yalel ti amorreoetic ta stselej yu'un Bet-horón ta jatvil yu'un ti israeletique, ta jech to yepal, ti Diose tal yu'un muc'tiquil bot ti ja' yepal to laj smilan ti amorreoetique, ti ja' mu sta yepal ti lajic ta espada yu'un ti israeletique.

1 Pedro 1:24

Yu'un ti ch'ul c'ope xi ta xale: “Scotol sts'unobal ti jnaclejetic ta banomile, co'ol s'elan momol. Scotol ti yutsil slequilalique, co'ol s'elan nich momol. Ti momole ta xtaquij. Ti xniche ta xlilij yalel ta lum.

Apocalipsis 12:4

Ta sne no'ox laj squiil talel jch'ac ti oxch'ac c'analetic oy ta vinajele, ti laj sjip yalel tal ta banomile. Ti tsajal jti'oval chone laj scotan sba ta sts'el ti ants ti buch'u yacal ta svoq'ues ti yole, yo' ta sti' ta ora no'ox ti olol c'alal mi voq'ue.

Apocalipsis 16:2

Loc' batel ti ba'yel anjele, laj scocan yalel ti sbel sbis ta banomile. Scotol ti buch'utic yich'oj smarcail ti xi'bal sba jti'oval chone, ti snijanoj xchimanoj sba ta yich'el ta muc' ti sloc'obbaile, lic ch'iuc chin ta sbec'tal stacopalic ti jun xc'uxul ta j'ech'ele.

Apocalipsis 16:21

Ti ta vinajele, baj talel muc'tiquil bot ta sbaic ti jnaclejetic ta banomile, ti ech'em ta cha'vinic (40) kilo yalal ti jujubeje. Ti jnaclejetique ech'em no'ox c'usi chopol ta xloc' ta yeic ta stojol ti Diose, ta scoj ti cuxul j'ilbajinvanej vocol ta xich'ic yu'un ti bote.

Apocalipsis 6:8

Laj jq'uel batel un, laj quil loc' talel jcot c'anal ca'. Ti buch'u scajlebinoje, sbiinoj ti Lajebale. Oy yan oy buch'u cajal talel ta spat ti sbiinoj Yajval ti Lajebale. Tey ac'batic stsatsal yo' ta xchamesic o'lol jvoc' ti ta o'lol ti jnaclejetic ta banomile, yo' ta xchamic ta leto, ta vi'nal, ta chamel, ta jti'oval chonetic li' ta banomile.

Apocalipsis 7:1

Laj taj une, laj quil chanvo' anjeletic va'ajtic ta jujot xchanjotal xchiquin ti banomile, sva'anoj sbaic ta spajesel ic' yo' mu xjelav talel ta banomil, ta nab, mi ja'uc ta te'etic.

Apocalipsis 9:15

Va'i un laj yich' jitunel ti chanib anjeletique, yo' ta xc'ot ta pasel c'u s'elan nopbil sc'oplal, yorail, sc'ac'alil, yual, sjabilal ti jnaclejetic ta banomile ti ta xich'ic milel jch'aque, lec ta xcom ti cha'ch'aque.

Apocalipsis 9:18

Ti oxch'ac jnaclejetic ta banomile, chamic jch'ac ta scoj ti oxtos vocol ta xloc' talel ta ye ti ca'etique: ti c'oq'ue, ti ch'aile, ti azufree.

Apocalipsis 9:4

Albatic mantal ti mu soquesic ta yilbajinel ti yaxaletic oy ta banomile, mi ja'uc ti c'usi yoxique, mi ja'uc ti te'etique, ja' no'ox, ac'o yilbajinic ti buch'utic mu'yuc yich'ojic ta sti'baic seyoal ti Diose.