Apocalipsis 8:5 - Bible in Tzotzil de Chamula

⁵ Ti ánjel xtoque laj snojes ta yac'alil c'oc' ti oy ta altar ti yavil ac'ale. Laj sjip yalel talel ta banomil. Xc'avlajet no'ox liquel un. Xvo'o'et ta j'ech'el. Xjaplajet no'ox liquel ti sac tsele xchi'uc ti niquele.

Tzotzil Zinacantan

⁵ Li anjele isnojes ta acꞌal li yav acꞌale. Li acꞌale tey noꞌox ista ta sba xchicꞌobil smoton Riox. Li yav acꞌale isjip yalel tal ta balamil. Cꞌalal ipꞌaje, jaꞌo iꞌavan tajmec chavuc, oy cꞌusi yan xal tajmec noxtoc, xleblajet xa tajmec sactsevul, iꞌechꞌ tsots niquel liꞌ ta balamile.

Bible in Tzotzil de Chenalhó with Deuterocanon

⁵ Li j'almantale la stsac li xchic'ubil pome. La snojes ta ac'al ti te oy ta scajleb smoton Diose; la sjip yalel tal li' ta banamil. Jech tsots ibac' chauc, xchi'uc ep c'usitic yan ibac', xchi'uc ivinaj ep sacsevul, xchi'uc ital tsots niquel.

Tzotzil San Andres

⁵ Li chꞌul ángele la snojes ta acꞌal li schicꞌobpome. Li acꞌale te la stsac ta scajleb smoton Dios. Li schicꞌobpome la sjip yalel liꞌ ta balumile. Cꞌalal jech la spase, ep iꞌavan chauc, schiꞌuc oy cꞌustic yan inic, schiꞌuc xleblajet tajmec li chauque, schiꞌuc tsots inic li balumile.

Tzotzil de Huixtán

⁵ Ti ch'ul abate laj stam ti xchic'bil pome, laj snojes ti ac'al. Te laj stam ti sba ti scajaneb ti smoton ti Diose ti ac'ale. C'alal nojem xa ti xchic'bil pome, laj sten yal tal ti balumil li'to. C'alal hech laj spas, i'avan chavuc, oy c'usi tsots ic'opoj uc, chleblej tselov, tsots inic ti balumile.

Apocalipsis 8:5 Iomraidhean Croise

1 Reyes 19:11

Xi albat yu'un ti Diose: “Loc'an talel ti bu oyote. La' va'lan ta jts'el ti li' ta vitse” Ta jech to yepal, ech' ti Diose, ti tsots ta j'ech'el xjumet liquel ti iq'ue, ti jav ti vitse, ti laj ch'acuc ti tonetic ta sba ta sat ti Diose. Mi ja'uc volibil ta ic' ti Diose. C'alal ech' ti tsots iq'ue, tal tsots niquel. Mi ja'uc tey oy ta niquel ti Diose.

Salmos 18:13

Ti Dios ti oy ta toyole, xt'inluj to laj yac' ta a'yiel sc'opojel ti lic talel ta vinajele; tal ti bote xchi'uc ac'al ti chac uban no'ox ti sc'ac'ale.

Éxodo 19:16

Va'i un, ta sacubel osil ta yoxibal (3) c'ac'ale, xc'avlajet no'ox liquel ti chauque. Xjaplajet no'ox liquel ti sac tsele. Volol vul jun ic'al lumal toc ta sjol ti vitse. Tsots xvochet xa liquel ti oq'uesetique, ti xniquic xa liquel ta xi'el scotol ti c'u yepal tey vololique.

Isaías 29:6

Ti Dios ti scotol xu' yu'une xc'avlajet no'ox jech c'u cha'al junuc chauc ta xtal sva'an sba ta atojol, ti xc'uyc'un no'ox ta niquel ti banomil yu'une, ti xvo'o'et no'ox ta j'ech'ele, ti sts'otobaj no'ox ta jmec ti sutub ic' xchi'uc ti ya'lele, ti xloclun no'ox ta j'ech'el ti leb c'oc' ta stsutsesvane.

Isaías 30:30

Ti Diose ta xac' ta a'yiel sc'opojel ti tsots yabtel yich'oje. Ta xac' ta ilel smuc'ul stsatsal ti xi'bal sba c'u s'elan ta sliques ti yabtele. Mu no'ox albajuc sleb c'oc' ta stsutsesvan ta j'ech'ele. Xc'avlajet no'ox yu'un ti chauque. Xchajet no'ox ta j'ech'el vo' xchi'uc ti bote.

Isaías 66:6

Ati va'i s'elan xvochvun ta xlic talel ta jteclume, ti va'i s'elan xvochvun ta xlic talel ta ch'ulnae, ja' xa xvochvun yu'un ti Dios ti tal yac'be stojic ti yajcontrataque.

Jeremías 51:11

Ti Diose oy ta yo'nton ti ta stubbe sc'oplal ti jteclum Babiloniae. Tijbil xa sjol yo'ntonic yu'un ti ajvaliletic ti ta xliquic talel ta Media ti jech c'otuc ta pasel taje. Taje, ta spac sutel ti Dios ti soquesbat ti xch'ulnae. Chaplanic xa xchi'uc ti ayolobique. Tsaquic lec ti amacobbailique.

Levítico 16:12

Mi laj taj une, ta stsac jun yav ac'al ti nojesbil ta ac'al ti laj yich' tamel ta altar ti oy ta stojol ti Diose, xchi'uc cha'jopuc juch'bil muil pom. Ta xich' batel ta spat ti bu lich'il ti muc' ta poq'ue.

Zacarías 14:5

Ti bu taje ta xajatavic batel ta stenlejal yu'un ti vitse, ti ta xc'ot c'alal to ti bu sbiinoj Asal ti xi oy ta jot xchiquine. Xabitetic no'ox ta jatobal jech c'u cha'al jatavic ti amolmuc'totic ta vo'ne ta scoj ti ech' ti niquel ti c'alal ja' o yorail ochem ta ajvalilal yu'un jteclum Judá ti Uziase. Ti jech taj une, ja' o ta xvul ta loq'uel ti Ajvalil Dios cu'une ti chi'inbil talel yu'un ti yajtuneltaque.

San Mateo 24:7

Ti jun muc' ta lume ta xlic scontrain sbaic xchi'uc yan muc' ta lum. Ti jun ajvalile ta xlic scontra sbaic xchi'uc ti yan ajvalile. Ta xtal vi'nal. Ta xtal chamel. Buyuc no'ox oy ti niquele.

San Lucas 12:49

“Ti vu'une tal jtsanbe sc'ac'al ti banomile. ¡Jc'anuc xa ca'i ma' ti tilemuc xae!

Hechos 16:26

Ta jech to yepal un, tal tsots niquel ti laj sc'uyilanbe yibeltac spac'obaltac ti chuquinabe. Ta yorail no'ox jam scotol sti' ti chuquinabe, ti laj coluc scotol ti jchuqueletic ti chucajtic ta carinae.

Hechos 4:31

C'alal laj yo'ntonic ta c'opojel ti'inele, tsots nic ti bu stsoboj sbaic ti jch'unolajeletique. Scotol ventainbil c'otic yu'un ti Ch'ul Espiritue. Oy yip yo'ntonic ta yalel batel ti sc'op Diose.

Apocalipsis 11:13

Ti ta yorail taje, ta jech to yepal, lic tsots muc' ta niquel. Ti lajunch'ac jteclume, lilij jch'ac. Lajic vucmil (7.000) ta vo' jnaclejetic ta banomil. Ti c'u to yepal cuxul come, ta xi'el xa lic snijan xchiman sbaic ta stojol Dios ti oy ta vinajele.

Apocalipsis 11:19

Va'i un, jam xch'ulna ti Dios oy ta vinajele. Ti ta ch'ulnae, xvinaj xcaxail ti tratee. Ta jech to yepal xjaplajet liquel ti sac tsele, ti yech'omal eile, ti xvo'o'et no'ox liquele, ti xc'avlajet no'ox liquel ti chauque, ti lic tsots niquele, ti mu no'ox albajuc tal ti bote.

Apocalipsis 4:5

Ti bu oy ti muc' ta chotlebale, xjaplajet no'ox sac tsel, oy c'opojel, xchi'uc xc'avlajet no'ox chauc ta xloc' talel. Ta stuq'uil yeloval ti muc' ta chotlebale, ta xtil vucub leb c'oc', ja' smelol ti vuctos stalel ti Ch'ul Espíritu yu'un ti Diose.

Apocalipsis 6:12

C'alal laj stots svaquibal seyo ti jcot ta Uni Chije, laj quil lic jun muc' ta niquel. Ic'ub sat ti c'ac'ale, co'ol s'elan ic'al c'u'il xch'ayobil ti me'inale. Tsajub sbejel sat ti ue jech c'u cha'al stsajal ti ch'ich'e.

Apocalipsis 8:3

Tal yan ánjel xtoc ti yich'oj talel yav ac'al meltsanbil ta oroe, bat sva'an sba ta sts'el ti altare. Yepal pom ac'bat yo' jmoj ta xac' jelavel ta altar ti meltsanbil ta oro ti oy ta stuq'uil ti muc' ta chotlebale, jmoj xchi'uc sc'opojel sti'inelic ti buch'u yu'untac ti Diose.