Apocalipsis 8:2 - Bible in Tzotzil de Chamula

² Laj taj une, laj quil ac'bat jujun yoq'uesic ti vucub anjeletic ti va'ajtic ta sts'el ti Diose.

Tzotzil Zinacantan

² Iquil iꞌacꞌbat scornetaic vucvoꞌ anjeletic, jaꞌ ti tey vaꞌajtic ta yichon ti Rioxe.

Bible in Tzotzil de Chenalhó with Deuterocanon

² Laj quil i'ac'bat yoq'uesic li vucub j'almantaletic te va'ajtic o ta stojol Diose.

Tzotzil San Andres

² Iquil iꞌacꞌbat yoqꞌuesic li jucvoꞌ chꞌul ángeletic ti scotol ora te vaꞌalic o ta stojol li Diose.

Tzotzil de Huixtán

² Laj quil ti i'ac'batic scornetaic ti hucvo' ch'ul abatetic ti scotol ora te va'ajtic ti stojol ti Diose.

Apocalipsis 8:2 Iomraidhean Croise

Zacarías 4:10

“Ti buch'utic mu'yuc xaq'uic ta venta ti c'u s'elan uni juteb lic talele, xmuyubajic no'ox ti c'alal ta xilic ti ta xc'ot ta tsutsel ti abtel yu'un ti Zorobabele”, xi ti Diose. Laj taj une, xi to laj sts'ac batel slo'il ti ánjele: “Ti vucub (7) lamparaetic le'e, ja' me sat ti Dios ti xchajoj ta q'uelel sbejel ti banomile.”

San Mateo 18:10

“Mu xajip xatenic junuc ti ololetic li'e. Ta xcalboxuc ava'iic, ti ánjeletic yu'unique oyic ono'ox ta stojol ti Jtot ti oy ta vinajele.

San Mateo 24:31

Ja' ta jpas ta mantal ti caj'ánjeltac ti tsotsuc yoq'uisanic ti yoq'uesique yo' ta stsobic talel ti c'u yepal t'ujbil cu'un ti buyuc no'ox oyic ta xchanjotal ti banomile.

San Lucas 1:19

Ti anjele xi laj staq'ue: —Vu'un Gabrielun, yajtunelun ti Diose. Ja' laj stacun talel yo' tal calbot ava'i ti lequil a'yeje.

San Lucas 21:36

Chaplanic ta c'opojel ti'inel scotol c'ac'al yo' xu' xapoj abaic ta stojol scotol ti c'usitic ta xc'ot ta pasele, yo' xu' ta xava'an abaic ta jtojol ti co'ol j'elantique.”

1 Corintios 15:52

ta jliquel no'ox co'ol s'elan jech c'u cha'al ta jviq'uel ta jmuts'el jsatic c'alal yorail slajeb ta xich' oq'uisanel ti oq'uese. C'alal ta x'oc' ti oq'uese, ta xich' cha'cuxesel ti animaetique yo' jech mu xa xchamic. Ti vo'otique ta xijoybijotic ta ach'.

1 Tesalonicenses 4:16

Yu'un ba'yel ta xvinaj oy Buch'u tsots x'avet ta spas mantal, ta xvinaj sc'oplal ti ánjele, ta xvinaj ta x'oc' yoq'ues ti Diose, ja' o ta xyal talel ta vinajel ti Cajvaltic une. Ti buch'utic c'otem ta yo'ntonic ti Cajvaltic c'alal cham lajique, ja' ba'yel ta xcha'cuxiic.

Apocalipsis 1:4

Vu'un Juan ta jts'iba batel ti jvun ta stojol ti vuc-chop tsobobbail ti oy ta Asia banomile. Ich'beic slequilal yutsilal xchi'uc slamajemal yo'nton ti Diose, ti ja' ono'ox Dios avi tana li'e, ti ta vo'ne talele, ti oy sc'oplal ta xtale, xchi'uc ta sventa ti Ch'ul Espíritu ti oy vuctos ti stalel ti bu oy ta spas mantal ti Diose,

Apocalipsis 11:15

C'alal laj yoq'uisan yoq'ues ti yucubal anjele, vinaj ti oy buch'utic tsots ta xc'opojic talel ta vinajel ti xi ta xalique: “Laj sc'oplal ta xventainvanic ti ajvaliletic li' ta banomile, ja' xa ta xlic ventainvanuc ti Cajvaltic Diose xchi'uc ti Cristo yu'une, ja' xa ta xlic pasvanuc ta mantal sbatel osil.”

Apocalipsis 15:1

Laj quil yan muc' ta senyail ta vinajel ti labal sba ta j'ech'ele. Oy vucub anjeletic oy ta sc'ob ti slajeb vuctos cuxul j'ilbajinvanej vocole, ti ja' c'ot ta pasel ti bu xa c'alal mu ts'icbaj laj ya'i sc'ac'al yo'nton ti Dios ti ta scunan yalel tale.

Apocalipsis 16:1

Laj ca'i oy buch'u tsots ta xc'opoj talel ta ch'ulna ti xi ta xalbe ti vucub anjeletique: “Batanic, ba cocanic yalel ta banomil ti vuctos vocol sc'ac'al yo'nton Dios ti ch'amal ta abisique.”

Apocalipsis 8:13

Laj taj une, laj quil xvilet talel jun xic ta o'lol vinajel ti xi tsots ta xal laj ca'ie: “Mu xa ono'ox cha'bel un ma' ti jnaclejetic ta banomil c'alal ta xoq'uisan yoq'uesic ti yan oxib anjeletique.”

Apocalipsis 8:6

Ti vucub ánjel yich'ojic ti yoq'uesique, lic xchapan sbaic ta yoq'uisanel.

Apocalipsis 9:1

C'alal laj yoq'uisan yoq'ues ti yo'obal anjele, laj quil baj yalel ta vinajel jbej c'anal, c'alal to banomil c'ot. Ti c'anale ac'bat yich' syavial ti xa'ab ti mu'yuc spajeb ti snatile.