Apocalipsis 8:11 - Bible in Tzotzil de Chamula

¹¹ Ti c'anal taje, ja' sbiinoj ti Ch'a ta jmeque. Ti oxch'ac uc'ume, ti oxch'ac sat vo'e, laj xch'aubtas jch'ac. Yepal no'ox jnaclejetic ta banomil chamic ta scoj ch'aub ti vo'e.

Tzotzil Zinacantan

¹¹ Chꞌail tsꞌiꞌlel sbi li cꞌanale. Ti bu cꞌalal icꞌote ichꞌaub li ucꞌumetique xchiꞌuc li ninabvoꞌetique. Ep crixchanoetic ichamic o li chꞌailvoꞌe.

Bible in Tzotzil de Chenalhó with Deuterocanon

¹¹ Li c'anale ch'ail vomol sbi. Jutuc mu o'loluc ich'aub ta scotol li vo'etique. Jech ep cristianoetic ichamic ta scoj xch'ail li vo'e.

Tzotzil San Andres

¹¹ Li cꞌanale chꞌail pox sbi. Li bu cꞌalal icꞌote laj chꞌaubuc li ucꞌumetique schiꞌuc li nioꞌetique. Jaꞌ yuꞌun ep crixchanoetic ichamic ta scoj li schꞌail li joꞌe.

Tzotzil de Huixtán

¹¹ Ch'ail vomol sbi ti c'anale. Hech ch'a ic'ot ti uc'umetique xchi'uc ti sat ho'etique scoj ti ip'aj yal tal ti c'anale. Hech ep icham crixchanoetic yu'un isoc ti ho'e yu'un lum ch'a ic'ot.

Apocalipsis 8:11 Iomraidhean Croise

Éxodo 15:23

C'alal c'otic ta Marae, mu stac' xuch'ic ti vo' ti laj staic teye, yu'un toj ch'a. Jech o xal ti bu taje, laj yac'beic sbi Mará.

Proverbios 5:4

Le' une, ta xc'ot ta pasel yu'un ti mu x'ech' xjelav ta xac' ti vocole, ja' mu sta yipal ta syayijesvan ti espada cha'jot yee.

Jeremías 23:15

“Ti Ajvalilun ti scotol xu' cu'une, jech o xal xi ta xcal ta scontrainelic ti j'alc'opetique: Ch'a ta j'ech'el ma' ti sve'elic ta xcac'beic slajesique, venenoal vo' ta xcac'be yuch'ic. Xchamelic ti j'alc'opetic ta jteclum Jerusalene, tanij xa ta sjunul ti muc' ta lume.”

Jeremías 9:15

Jech o xal un, ti vu'un Ajvalilun ti scotol xu' cu'une, Dios yu'un ti Israele, xi ta xcale: Jun xch'ail ti c'usi ta xcac'be sve'elinique, venenoal vo' ti ta xcac'be yuch'ique.

Lamentaciones 3:19

Mu xch'ay xca'i ma' ti at-o'ntone, ti jtuc xa no'ox laj ca'ie, ti mu x'ech' xjelave, ti spajeb xa no'ox laj jta ti jvocole.

Lamentaciones 3:5

Jun to moc s'elan joyolun ta vocol yu'un, ti mu x'ech' xjelav ta j'ech'el ti laj jta ti vocol yu'une.

Amós 5:7

Mu xa ono'ox cha'belucoxuc un, ti ta xajoybinic ta vocol ti tuq'uil chapanele, ti ta xavalopatinic ta j'ech'el ta xchapbel sc'oplal yo' lec oy ti yane.

Amós 6:12

¿Mi yu'un xu' ya'yel ti xbitet no'ox muyel ta tontic ti ca'etique? ¿Mi yu'un xu' ta xich' loquel ti banomil ti ts'ajal ta nabe? Ja'uc ti vo'oxuque, laj ajoybinic ta milobbail ti lequil chapanele. Ti lequil chapanele, laj ajoybinic ta at-o'nton.

Zacarías 13:8

Ti oxvoc' jnaclejetic ti li' ta muc' ta lume, ta xc'ot ta pasel ti ta xchamic cha'voq'ue, c'ajomal xa no'ox jvoc' ti cuxul ta xcome.

Zacarías 13:9

Jech ti jvoc' ti cuxul to ta xcome ta jtiq'uic ya'iic ochel ta c'oc' yo' jech ta xich' lecubtasel jech c'u cha'al ta xich' lecubtasel ta c'oc' ti plata ti oroe. Jech ti stuquic une ta xlic vocoleticuc ta jtojol. Ti vu'un ec une ta jtac'beic ti sc'opique. Ta xcalbeic ya'iic ti ja' jteclumaltaque. Ti stuquic une xi ta staq'uique: ‘Ti Ajvalile ja' ti Dios cu'untique.’ Jech ta xc'ot ta pasel cu'un ti vu'un Diosune.”

Deuteronomio 29:18

Mu me ja'uc oy buch'u junucal mi vinic, mi ants, mi jchop ta na, mi jvoc'uc nitilulil ta atojolic ti ta svalopatin comel ti Ajvalil Dios cu'untique, yo' ta xlic snijan xchiman sbaic ta yich'el ta muc' sdiosic ti muc'tiquil lumetic taje. Mu me ja'uc oy buch'u junucal avu'unic jech c'u cha'al junuc yibel te' ti toj ch'a ta j'ech'el ti oy svenenoale.

Hebreos 12:15

Tsotsanic yo' jech mu'yuc buch'u junucal avu'unic ta xicta comel ti c'uxubinel yu'un ti Diose yo' jech mu'yuc buch'u junucal avu'unic chopol ti yo'nton ta soquesvanej jech c'u cha'al ti veneno momol ta xmilvane.

Apocalipsis 12:4

Ta sne no'ox laj squiil talel jch'ac ti oxch'ac c'analetic oy ta vinajele, ti laj sjip yalel tal ta banomile. Ti tsajal jti'oval chone laj scotan sba ta sts'el ti ants ti buch'u yacal ta svoq'ues ti yole, yo' ta sti' ta ora no'ox ti olol c'alal mi voq'ue.

Apocalipsis 8:7

Ti ánjel ti buch'u ba'yel laj yoq'uisan ti yoq'uese, ja' o yich' jipel talel ta banomil bot xchi'uc c'oc' ti capal ta ch'ich'e. Ti oxch'ac banomile, c'ac' jch'ac. Ti oxch'ac te'tique, c'ac' jch'ac. Ti yaxaltique, c'ac' scotol.

Apocalipsis 9:15

Va'i un laj yich' jitunel ti chanib anjeletique, yo' ta xc'ot ta pasel c'u s'elan nopbil sc'oplal, yorail, sc'ac'alil, yual, sjabilal ti jnaclejetic ta banomile ti ta xich'ic milel jch'aque, lec ta xcom ti cha'ch'aque.

Apocalipsis 9:18

Ti oxch'ac jnaclejetic ta banomile, chamic jch'ac ta scoj ti oxtos vocol ta xloc' talel ta ye ti ca'etique: ti c'oq'ue, ti ch'aile, ti azufree.

Rut 1:20

Xi ta xtac'olanbatic sutel yu'un ti stuque: —Mu xa xavalbeicun Noemí, albeicun xa no'ox Mará, yu'un ti Dios ti scotol xu' yu'une, mu albajuc laj jta ti jvocol yu'une.