Apocalipsis 7:3 - Bible in Tzotzil de Chamula

³ “Mu to xasoquesic ti banomile, ti nabe, ti te'etique ti c'alal mu to cac'ojbecutic senyail ta sti'baic yajtuneltac ti Dios cu'untique.”

Tzotzil Zinacantan

³ ―Mu to me xasoquic li balamile, xchiꞌuc li mare, xchiꞌuc li teꞌetique. Jaꞌto cꞌalal xlaj cacꞌbe seyo ta stiꞌbaic li muchꞌutic ta spasic li cꞌusitic ta scꞌan li Cajvaltique, jaꞌto xuꞌ xasoquic ―xꞌutatic li chanvoꞌe.

Bible in Tzotzil de Chenalhó with Deuterocanon

³ Jech laj yalbe: “Mu to me xasoquesic li banamile, xchi'uc li nabe, xchi'uc li te'etique, ja' to me laj cac'be smarcail sti'baic scotol li yajtuneltac Dios cu'untique”, x'utatic.

Tzotzil San Andres

³ Jech laj yalbe: ―Mu to me xasoquic li balumile, schiꞌuc li nabe, schiꞌuc li teꞌetique. Jaꞌ to mi laj cacꞌbe seyoal stiꞌbaic scotolic li buchꞌutic ta spasic li cꞌustic ta scꞌan li Dios cuꞌuntique, jaꞌ to xuꞌ chasoquic ―xꞌutatic.

Tzotzil de Huixtán

³ ―Ja'to mi laj cac'be smarcaic ti stibaic scotol ti much'utic chch'umbat ti sc'op ti Dios cu'untique, ja'to chasoquesic ti balumile xchi'uc ti nabe xchi'uc ti te'etique ―x'utatic.

Apocalipsis 7:3 Iomraidhean Croise

Éxodo 12:13

‘Yu'un ti ch'ich'e, ja' ta xtun ta senyail ti ta xvinaj ti bu nail tiq'uiloxuque. Jech ti c'alal ta jyayijes ta milel ti egipcioetique, mi junuc ta xachamic. Yu'un ta xquil bu oy ti ch'ich'e, jelavel ta xijelav.

Éxodo 12:23

C'alal ta x'ech' ti Dios ta syayijesel ta milel xnich'nab ti egipcioetique, ta xil ti ch'ich' ti bonbil ta sjunul smarcoil ti ti'nae, jelavel ta xjelav xtoc ti ta na taje. Ja' jech ti Diose mu xac' ochuc ta anaic ti buch'u yich'oj yabtel ta yayijesvanej ta milele.

Isaías 27:8

Ti Diose laj stsits ti slumal ti laj stac loq'uel ta sbanomilique. Tsots laj xvuch'ta loq'uel jech c'u cha'al tsots ic' ta xlic talel ta sloq'ueb c'ac'ale.

Isaías 54:17

Ja'uc le' une, mu'yuc to buch'u smeltsanoj ti abtejebal ti xu' ta stsutsesote. Yu'un ch'an xi, ts'ijil ta xcom avu'un scotol ti buch'u ta sa'bot amule. Xi s'elan ta xcac'beic yich'ic ti buch'utic yac'oj sbaic ta tunel ta jtojole: cuchem yu'un ta j'ech'el.” Taje, ja' ta xal stuc ti Diose.

Isaías 6:13

Ti mi oy ta xc'ot ta pasel ti cuxul ta xcom lajunvoc'uc ti lume, ta xich' tsutsesbel sc'oplal xtoc jech c'u cha'al ta xich' lomesel ti c'an tulane, mi ja' ti tulan ti c'ajomal xa xchumanil ta xcome.” (Ja'uc ti ta xchumanil une, ta xlic ayanuc sq'uelom ti t'ujbil ta xc'ote.)

Isaías 65:8

Ti Diose xi ta xale: “C'alal oy lec ya'lel sat ti uvae, mu xch'ayic ec ma' ti jnaclejetique, yu'un ep ta staic ti vinoe. Ta sventa ti syail xc'uxul co'nton yu'un ti cajtuneltaque, jech ta jpas ec ti xi s'elan ta xc'ot ta stojol cu'une: Mu scotoluc ta jtubbe sc'oplal ma' ti muc' ta lume.

Ezequiel 9:4

Xi albat xtoc une: “Xani o sjunul ti jteclum Jerusalene. Ac'bo senyail ta sti'ba ti buch'u ta xa'i ti at-o'ntone, xchi'uc ti toj vocol ta xa'i ti c'usitic mu stac' q'uelel ta xc'ot ta pasel ti ta stojolique.”

Ezequiel 9:6

Ta sti' jch'ulna, ta xaliques ta smilel ya'iic ti moletique, ti querem viniquetique, ti tojol tsebetique, ti ololetique, xchi'uc ti antsetique, ja' to ti c'uxi sts'ijlajan ta xcome. Ja'uc ti buch'utic yich'ojic senyailic ti oyic ta sliquebal sti' jch'ulnae, ch'an utic.” Jech ti viniquetic une laj sliquesic ta smilel ti moletique, ti queremetic ti oyic ta ch'ulnae.

Daniel 3:17

Ti buch'u xu' ta jnijan jbacutic ta yich'el ta muq'ue, ja' ti cuxul Diose. Yu'un ja' xu' ta xispojuncutic yo' jech mu xilajcutic ta sleb c'oc' yu'un ti jornoe, xchi'uc scotol ti c'usi chopol ta sc'an ta xispasbuncutic ya'i ti Jcuch abtele. Ta j'ech'el ta stic' sba ta jpojelcutic.

Daniel 3:26

C'alal jech xa ox laj yale, ti Nabucodonosore nopaj batel ta sti' ti jornoe. Tsots avan ti xi laj yale: “Sadrac, Mesac, Abed-negó, ti vo'oxuc yajtuneloxuc ti muc'ul Dios ti oy ta toyole, loc'anic talel.” Ti oxibique loq'uic talel ti bu ta xtil sleb ti c'oq'ue.

Daniel 6:16

Jech o xal un, ti ajvalile laj yal mantal ti ac'o yich' iq'uel talel ti Daniele yo' ta xich' tiq'uel ochel ta nail ch'en ti bu oy ti leonetique. C'alal mu to x'ac'at batel ta c'abale, ti ajvalile xi laj yalbe ti Daniele: “Ja' ac'o xaspojot ti Dios avu'une ti j'ech'el avich'oj ta muc' ta sjunul avo'ntone.”

Sofonías 2:3

Sa'ic ti Dios acotolic ti vo'oxuc ti biq'uit avac'oj abaic li' ta banomile, ti buch'utic ta xch'unbeic ti smantaltaque. Nijil chimil xavac' abaic, lecuc ti c'usi ta xapasique, xu' to nan ta xataic ti pojel coltael c'alal ta xc'ot sc'ac'alil ti ti'em capem sjol ti Diose.

Malaquías 3:18

Va'i unbi, ta xlic avilic xtoc ti mu xco'olaj ta q'uelel xchi'uc ti buch'u leque xchi'uc ti buch'u chopole, xchi'uc ti buch'utic ta snijan xchiman sbaic ta yich'el ta muc' ti Diose xchi'uc ti buch'u mu snijan xchiman sbaique.”

San Mateo 24:22

Ti manchucuc ta sbic'tajes vocol ti Diose, mu'yuc buch'u junucal ta xcolic. Oy bu ta sbic'tajes ti vocole ta sventa xc'uxul yo'nton yu'un ti buch'utic ti t'ujbilique.

San Mateo 24:31

Ja' ta jpas ta mantal ti caj'ánjeltac ti tsotsuc yoq'uisanic ti yoq'uesique yo' ta stsobic talel ti c'u yepal t'ujbil cu'un ti buyuc no'ox oyic ta xchanjotal ti banomile.

San Juan 12:26

Mi oy buch'u ta xac' sba ta tunel cu'une, ac'o sts'acliun batel. Ti buyuc no'ox oyune, tey oy ec ti buch'u ta xac' sba ta tunel cu'une. Ti buch'u ta xac' sba ta tunel ta jtojole, ich'bil ta muc' yu'un ti Jtote.

San Juan 3:33

Mi oy buch'u ta xc'ot ta yo'ntone, ta sva'an sba ta yalel xchi'uc ti ja' melel ti c'usi ta xal ti Diose.

Romanos 6:22

Ti jech lacolic loq'uel ta mosovinel yu'un ti mulil avi tana le'e, la'ochic ta yajtunel ti Diose. Ti jech taje, xloc' venta, yu'un ta xavac' abaic ta tunel yu'un ti Diose. Ts'acal to un, ta xataic acuxlejalic sbatel osil.

Apocalipsis 13:16

Ja' jech xtoc laj yal mantal, c'alaluc ta biq'uit ta muc', scotol ti jnaclejetic ta banomile, ac'o yich' smarcail ta sbats'i c'obic, mi ta sti'baic, mi jc'ulejetic, mi me'onetic, mi mosoviletic, mi ma'uc mosoviletic.

Apocalipsis 13:17

Mu'yuc buch'u xu' ta xmanolaj, ta xchonilaj mi mu'yuc yich'ojbe ti smarcaile, mi mu'yuc yich'ojbe sbi ti jti'oval chone, mi mu'yuc yich'ojbe snumeroal ti jti'oval chone.

Apocalipsis 14:1

Laj taj une, laj quil ti va'al ta vits Sión ti jcot ta Uni Chije. Oyic ta stojol chanib xvaxacvinic mil (144,000) ta vo' ti buch'utic yich'ojic ta sti'baic sbi ti jcot ta Uni Chije, xchi'uc sbi ti Stote.

Apocalipsis 14:9

Xi to laj ts'ac batel c'op ti yoxibal ánjel ti xi tsots ta xale: “Mi oy buch'u ta snijan xchiman sba ta yich'el ta muc' ti jti'oval chon loc' talel ta nabe, ti sloc'obbaile, mi sq'ueloj xa no'ox sba ta yich'bel smarcail ta sc'ob mi ta sti'bae,

Apocalipsis 19:2

Yu'un jbel sc'oplal tuc' ta xchapanvan, Laj xa yac'be stoj smul ti me' jmulivajel antse, ta scoj ti lec xa'i sbolomalin sbae, ti laj soques ti jnaclejetic ta sjoylej banomile. Ti Diose laj xa spacbe sutel ti lajic ta milel ti yajtuneltaque.”

Apocalipsis 20:4

Laj quil chotlebaletic. Ti ta chotlebaletique, chotajtic ti buch'utic ac'bat yich' yabtelic ta chapanvaneje. Laj quil xch'ulelic xtoc ti buch'utic laj yich' c'ocbel snuq'uic ta sventa ti laj sva'an sbaic ta yalbel sc'oplal ti Jesuse, xchi'uc ti laj yalic c'u s'elan ta xac' ta na'el ti sc'op Diose. Yu'un ti stuquique, mu'yuc laj yich'ic ta muc' ti jti'oval chone, mi ja'uc ti sloc'obbaile, mi ja'uc laj yich'beic smarcail ta sti'baic mi ta sc'obique. Cha'cuxiic un, jmoj laj spasic mantal xchi'uc Cristo jmil (1,000) jabil.

Apocalipsis 22:4

Ta xilbe sba ti satique, xchi'uc yich'ojbeic sbi ti Dios ta sti'baique.

Apocalipsis 6:6

Ta o'lol ti bu oy ti c'usi chanib cuxajtique, laj ca'i oy buch'u c'opoj talel ti xi ta xale: “C'ajomal no'ox jun kilo trigo xman yu'un ti tojolil ta jun c'ac'al abtele. Oxib kilo jchop o ta trigo xman yu'un ta jun c'ac'al abtel. Le' une, mu xavixlan ti aceitee xchi'uc ti vinoe.”

Apocalipsis 7:1

Laj taj une, laj quil chanvo' anjeletic va'ajtic ta jujot xchanjotal xchiquin ti banomile, sva'anoj sbaic ta spajesel ic' yo' mu xjelav talel ta banomil, ta nab, mi ja'uc ta te'etic.

Apocalipsis 7:2

Laj quil xtoc yan ánjel lic talel ta stuq'uil sloq'ueb c'ac'al ti yich'ojbe seyo ti cuxul Diose. Ti ánjel taje xi tsots laj yavta ti chanib anjeletic ti ac'bil stsatsalic ta soquesel ti banomile ti nabe:

Apocalipsis 9:4

Albatic mantal ti mu soquesic ta yilbajinel ti yaxaletic oy ta banomile, mi ja'uc ti c'usi yoxique, mi ja'uc ti te'etique, ja' no'ox, ac'o yilbajinic ti buch'utic mu'yuc yich'ojic ta sti'baic seyoal ti Diose.