Apocalipsis 7:12 - Bible in Tzotzil de Chamula

¹² ti xi laj yalique: “¡Jechuc! Yich'uc albel slequilal yutsilal ti Dios cu'untique. Yich'uc albel ti jelavem ti sbijile, ta yalbel ti coliyal x'utee, ta yalbel sc'oplal ti ich'biluc ta muq'ue, ti oy smuc'ul stsatsale. Jechuc o sbatel osil ti Dios cu'untique.”

Tzotzil Zinacantan

¹² Jaꞌ yech iyalic chac liꞌi: Toj lec ti jaꞌ yech icꞌote. Jaꞌ jcꞌuxubinvanej li Cajvaltique. Oy slequilal, pꞌij tajmec. Stuc noꞌox “colaval”, xꞌutat. Ichꞌbil o ta mucꞌ. Stuc noꞌox oy syuꞌel. Jaꞌ tspas mantal ta sbatel osil. Toj lec ti jaꞌ yech chcꞌote, xiic.

Bible in Tzotzil de Chenalhó with Deuterocanon

¹² Jech laj yalic: “Toj lec ti jech ic'ot ta pasele. Toj ech'em slequilal, yutsilal. Toj ech'em sbijil. Stuc no'ox chtojbat ta vocol scotol. Ich'biluc ta muc' stuc. Toj ech'em svu'el, toj ech'em stsatsal sbatel osil li Dios cu'untique. Jechuc”, xiic.

Tzotzil San Andres

¹² Xi laj yalic: Toj lec ti jech icꞌot ta pasele. Jaꞌ jcꞌuxubinvanej li Diose. Toj echꞌem slequilal, echꞌem schꞌulpꞌijil. Stuc noꞌox ta xꞌalbat coliyal. Ichꞌbil ta mucꞌ. Echꞌem stsatsal. Jaꞌ ta spas mantal sbatel osil. Toj lec ti jech ta xcꞌot ta pasele, xiic.

Tzotzil de Huixtán

¹² Jun yutsil ti hech chc'ot ti pasel, xchiic. J'ac'bendición ti Dios cu'untique. Jun yutsil ti tspasat ti muq'ue. Jelaven sp'ijil. Jun yutsil ti ch-albat vocol ti stojol. Jun yutsil ti chch'umbat sc'op. Scotol xu' yu'un. Ja' tspas mantal sbatel osil. Jun yutsil ti hech chc'ot ti pasel, xchiic.

Apocalipsis 7:12 Iomraidhean Croise

Nehemías 12:46

Ta vo'ne ti c'alal ech' ti David xchi'uc ti Asafe, va'anbilic banquilal jq'uejimoletic ta sq'uejintael ti jun yutsil q'uejoje, xchi'uc ta xalbel coliyal ti Diose.

Nehemías 12:8

Xi s'elan sbiic ti levitaetique: ti Josuee, ti Binuye, ti Cadmiele, ti Serebiase, ti Judae, ti Mataniase. Taje, xchi'uc ti xchi'ilic ta abtele, sbainojic ta sq'uejintael ti q'uejimol ti jun yutsile.

Salmos 100:4

Ochanic talel ta ti'naetic yu'un; laetanic ta lequil q'uejimoletic ta yamaq'uil xch'ulna. Lequil c'optabiluc avu'unic ta yalbel coliyal.

Salmos 106:48

Lequil c'optabiluc sbatel osil ti Ajvalile, Dios yu'un ti Israele. Scotoluc xiuc yalique: “¡Jechuc!” Jun yutsil ta j'ech'el ma' ti Dios une.

Salmos 107:22

Ac'beic milbil matanal ta sventa ti coliyale, muyubajanic ta slo'iltael sc'oplal ti yabtel laj spase.

Salmos 116:17

Ta sventa ti colavalbune, ta xcac'bot milbil matanal, oy ono'ox ta que ta jti' ti ac'oplal ec une, Dios.

Salmos 147:7

Laetuc siquetuc o'ntonal ta sq'uejintael ti Diose; lometuc xa ti arpa ta sq'uejintael q'uejimoletic ta stojol ti Dios cu'untique.

Salmos 41:13

Lequil-c'optabiluc ta j'ech'el ti Ajvalil Dios yu'un ti Israele, tana li'e, jechuc o ta x'albat sbatel osil. Jechuc.

Salmos 50:14

Ti matanal ta xavaq'ue, sventa colaval, xavut ti Diose, ti c'otuc ta pasel avu'un ta stojol ti Buch'u oy ta toyole, ti avaloj ta xavac' ta stojole.

Salmos 72:19

Ti sbateluc osil lequil c'optabiluc ta sventa ti yutsilale; nojuc ta scotol banomil ti xojobin no'ox ti yutsilale. Jech c'otuc ta pasel un.

Salmos 89:52

Lequil c'optabiluc sbatel osil ti Diose. Jechuc.

Salmos 95:2

Ochcutic batel ta stojol ta yalbel coliyal; jq'uejintatic q'uejimoletic sventa yich'el ta muc'.

Isaías 51:3

C'uxubaj to me co'nton yu'un ma' ti lum Sión une, ti lum ti jinem xa scotole. Ti taquin sbajtical banomile, ta joybin ta jun yavil ts'unbilal nichim ti ta xc'ot jech c'u cha'al yavil sts'unbil nichim Dios ta ts'unubaltic ta Edene. Ti bu taje, naca xa muyubajel xal o, mu'yuc c'usi xal ti o'ntonale, ti xlaet no'ox ti q'uejimol jmoj xchi'uc ti c'usitic ta xich' tijele.

Jeremías 33:11

ti q'uejimol sventa q'uine, ti q'uejimol sventa lecomajele. Ta xich' a'yiel ti xi ta xalique: ‘Col lij'albat yu'un ti Ajvalil ti scotol xu' yu'une. Oy slequil ma' ti Dios une. Sbatel osil oy ma' ti syail xc'uxul yo'nton une.’ Ta xich'ic talel matanal ta ch'ulna sventa ti col albate. Melel un, ta jelbe yorailic ti muc' ta lum li'e yo' ta xcha'ta jech c'u cha'al ta sliquebale. Ti vu'un Ajvalilune, mu stselbuj ma' ti jc'op une.”

Jeremías 33:9

Ti Jerusalene, mu'yuc xa buch'u xtaun o ta xca'i yu'un ti ximuyubaje, cutsilal quich'el ta muc' yu'unic ta sba ta sat ti muc'tiquil lumetic ti oy ta banomile. C'alal ta xa'iic ti naca lequilal ta xc'ot ta pasel cu'un ta stojol ti jnaclejetic ta Jerusalene, ti mu'yuc c'usi sna'ique, ta xniquic ta xi'el.”

Jonás 2:9

Ti vu'une, c'ajomal xa no'ox jun yutsil ta xloc' ta que ti colaval, xacute, ti ja' jun lequil milbil matanal ta xcac'bote; ta xc'ot ta pasel cu'un xtoc ti oy c'usi laj calbote. C'ajomal no'ox vo'ot, Dios, ti xana' xapojvane.”

San Mateo 6:13

Mu xavac'uncutic ta lajeltsael, pojuncutic ta yoc ta sc'ob ti pucuje. Yu'un jelavem amuc'ul, oy alequilal, ta xapas mantal sbatel osil. Jechuc.’

Romanos 11:36

Yu'un scotol ti c'usitic oye, ta xlic talel ta stojol ti Diose, ja' pasbil yu'un yo' ta xtun yu'un. ¡Vinajuc slequilal sbatel osil ti Diose! Jechuc.

1 Corintios 14:16

Mi ja' no'ox ta xalequil-c'opon Dios ta yan c'op xchi'uc ti ach'ulel avanimae, ti buch'u ta xa'ie mu xu' ta xchi'inot ta yalbel vocol ti Diose, yu'un mu xa'ibe smelol ti c'usi ta xavale.

2 Corintios 4:15

Ti jech taje, ja' sventa alequilalic yo' avepalic no'ox ta xatabeic slequilal yutsilal ti Diose, xchi'uc yepal no'ox oy buch'utic ta xalbeic vocol ti Diose, ti ja' sventa yutsilal slequilal stuc ti Diose.

Colosenses 2:7

Ti jech c'otem ta avo'ntonic ta xch'unele, j'ech'eluc ts'unano avo'ntonic ta stojol ti Cristo jech c'u cha'al laj avich'ic chanubtasele, xchi'uc mu xavicta abaic ta yalbel vocol ti Diose.

Colosenses 3:17

C'usiuc no'ox ti ta xapasique, xchi'uc ti c'usi ta xavalique, pasic ta sventa ti Cajvaltic Jesuse. Colaval, utic ti Jtotic Dios ta sventa ti Jesuse.

Judas 1:25

Ta sventa ti Cajvaltic Jesucristoe, ich'biluc ta muc' ti Dios ti oy slequil yutsile, ti oy smuc'ul stsatsale, ti yich'oj tsots yabtele, avi tana li'e, jechuc o sbatel osil. Jechuc.

Apocalipsis 1:18

Vu'un ti stalel cuxulune. Licham to ox, avi tana une, cuxulun sbatel osil, yu'un oy xa ta coc ta jc'ob syavial ti lajebale, xchi'uc ti bu ta xbatic ti animaetique.

Apocalipsis 19:4

Ti chanib xcha'vinic (24) ta vo' moletique, xchi'uc ti chanib c'usi cuxulique, snupilanic xa banomil laj spatan sbaic ta lumtic ta yich'el ta muc' ti Dios ti chotol ta muc' ta chotlebale, xi lic yalilanique: “Lequil c'optabiluc ti Diose. Jechuc.”