Apocalipsis 7:10 - Bible in Tzotzil de Chamula

¹⁰ Xi tsots ta x'avan scotolique: “Ti pojel colel laj jtatique, ja' ta sventa ti Dios cu'untique, ja' ti Buch'u chotol ta muc' ta chotlebale, xchi'uc ti jcot ta Uni Chije.”

Tzotzil Zinacantan

¹⁰ Iꞌavan scotolic: Ti licolotic xae, jaꞌ lixcꞌuxubinotic li Jtotic Rioxe ti liꞌ chotol ta mucꞌta chotlebale, xchiꞌuc li chꞌiom tot chije, xiic.

Bible in Tzotzil de Chenalhó with Deuterocanon

¹⁰ Tsots i'avanic: “Ti lijcolutic xae, ja' ta sventa li Dios cu'untic li' chotol ta muc'ta chotlebale, xchi'uc ta sventa li Ch'ium Chije”, xiic.

Tzotzil San Andres

¹⁰ Scotolic tsots icꞌopojic, xi laj yalic: Ti lijcolutic xae, jaꞌ ta sventa li Dios cuꞌuntic li liꞌ chotol ta mucꞌ ta chotlebale, schiꞌuc ta sventa li chexel chije, xiic.

Tzotzil de Huixtán

¹⁰ Tsots ic'opojic, hech laj yalic: Nijcolucutic xa ti sventa ti Dios cu'untique ti li' nacal ti muc'ta naclebale xchi'uc ti sventa ti Ch'iom Carneroe, xchiic.

Apocalipsis 7:10 Iomraidhean Croise

Salmos 115:1

Cajval, ta aventauc atuc, ich'biluc c'otan ta muc', ma'uc ti vu'uncutique; ta sventauc ti syail xc'uxul avo'ntone xchi'uc ti melele, ich'biluc c'otan ta muc'.

Salmos 3:8

Vo'ot no'ox ti jpojvanejote, Cajval Dios, va'ano aba un cha'e ta stojol ti ateclumale.

Salmos 37:39

Scoltaelic ti buch'u oy slequil yutsilique, ta xlic talel ta stojol ti Diose, c'otem ta spojobbailic c'alal yorail ta xc'ot ta pasel ti xi'bal sbae.

Isaías 43:11

C'ajomal no'ox vu'un Diosun. Mu'yuc xa bu ta sta scoltaelic ta yan.”

Isaías 45:15

Manchuc mi jech un, Diosot ti mu xavinaj ta q'uelele, Dios jpojvanej yu'un ti Israele.

Isaías 45:21

C'opojanic un, vinajesic talel ca'itic, ti xi xajac'olanbe abaic ta jujun tal mi lec xava'iique: ¿Buch'u laj scaj'al talel ta vo'ne ti va'i s'elane? ¿Mi yu'un oy xa ono'ox buch'u laj yal ta vo'ne? ¿Mi mu ja'uc vu'un ti Diosune? Mu'yuc xa ta tael yan Dios. Ma' ti yu'un oy to yan Dios ta tsalvanej ta pojvanej jech c'u cha'al ti vu'une, mu'yuc xa.

Jeremías 3:23

Mu'yuc c'usi bal ta j'ech'el ti ta xbat avlajetuncutic ta jujun stseleje, mi ja' ti ta toyol vitstique. Ti coltael yu'un ti Israele, ja' no'ox ta xich' tael ta atojol ti vo'ot Ajvalil Diosot cu'uncutique.

Oseas 13:4

Ti Diose xi ta xale: “Vu'un ti Ajvalilune, ti Diosun avu'une, ti xi s'elan ti oyot to ox ta jteclum Egiptoe: Jtuc no'ox c'otcun ta Dios avu'un. Ma'uc me ti xlic ava'an yan avajdiose. Vu'unun ti avajpojvanejune.

Jonás 2:9

Ti vu'une, c'ajomal xa no'ox jun yutsil ta xloc' ta que ti colaval, xacute, ti ja' jun lequil milbil matanal ta xcac'bote; ta xc'ot ta pasel cu'un xtoc ti oy c'usi laj calbote. C'ajomal no'ox vo'ot, Dios, ti xana' xapojvane.”

Zacarías 4:7

¿Buch'uot la ya'yel ta xabis aba le' une, muc' ta vits? ¡Yu'un mesel ta xacom yu'un ti Zorobabele! Yu'un ti stuque ta xlic sloq'ues talel ti sliquebal tone, ti c'alal xi x'avlajetic liquel ti jnaclejetique: ¡Toj c'upil sba! ¡Yu'un toj c'upil sba ta j'ech'el!’ ”

Zacarías 9:9

Muyubajan no'ox ta j'ech'el, jteclum Sión. Q'uejinan no'ox ta muyubajel, jteclum Jerusalén. Ti ajvalil avu'une, tuc' sjol yo'nton tal ta atojol ti tsalvanem xa talele, peq'uel yac'oj sba ti cajal talel ta burroe, ja' ti ta jcot uni ch'in burro ti ja' yol jcot me' burroe.

San Lucas 3:6

Scotol banomil ta xilic ti colel pojel ta xac' talel ti Diose.’ ”

San Juan 1:29

Ta yoc'omal un, laj yil ti Juan ti ta xnopaj talel ti Jesús ta stojol ti xi laj yale: —Q'uelo avilic le'e, ja' ti xch'iom chij Dios ti ta xch'aybe smul scolo' ti jnaclejetic ta banomile.

San Juan 1:36

C'alal laj yil ti ta x'ech' ti Jesuse, ti Juane xi laj yale: —Q'uelo avilic le'e, ja' ti xch'iom chij ti Diose.

San Juan 4:22

Ti vo'oxuque mu xana'ic ti buch'u ta xavich'ic ta muq'ue. Ja'uc ti vu'uncutique, jna'cutic ti Buch'u ta xquich'cutic ta muq'ue, yu'un ti coltaele ta xlic talel ta stojol ti israeletique.

Efesios 2:8

Yu'un ta sventa yutsil slequil yo'nton ti Diose, laj ataic acolelic ta sventa ti c'ot ta o'ntonal ta xch'unel ti Cajvaltique. Ma'uc laj avac'be aba atuquic, yu'un ja' amotonic no'ox laj yac'boxuc ti Diose.

Apocalipsis 12:10

Va'i un, laj ca'i oy buch'u tsots ta xc'opoj talel ta vinajel ti xi ta xale: “C'ot xa yorail ti pojel colele. Vinaj xa smuc'ul stsatsal ta xventainvan ti Dios cu'untique. Laj yich' xa yabtel ti Cristo yu'une, yu'un laj xa sjip loq'uel ti buch'u ta stic'be smul ti jchi'iltique, ti c'ac'al ac'ubal ta stic'be smul ta stojol ti Dios cu'untique.

Apocalipsis 19:1

Laj taj une, laj ca'i oy buch'u ep ta xc'opojic ta vinajel ti xi tsots ta xalique: “Ta sventa smuc'ul stsatsal slequilal yutsilal Dios cu'untic, laj jtatic ti pojel colele. Colij'albat yu'un.

Apocalipsis 21:5

Ti Buch'u chotol ta muc' ta chotlebale, xi laj yale: “Vu'un ta jpas ta ach' scotol ti c'usitic oye.” Xi laj yal xtoque: “Tsaco ta vun ti c'op li'e, ja' melel, stac' patel o'ntonal ta stojolal.”

Apocalipsis 22:3

Ti bu taje, laj c'op ma' ti oy c'usi chopol q'uelel ta stojolique. Yu'un ti ta jteclume, ja' ti bu chotol ti Diose xchi'uc ti jcot ta Uni Chije, ti ich'bilic ta muc' yu'un ti yajtuneltaque.

Apocalipsis 4:6

Ta yeloval xtoc ti bu oy ti muc' ta chotlebale, tey oy jun muc' ta nab yilel, ti yaxjipan yutsil co'ol s'elan jech c'u cha'al junuc nene. Ta jujot sti'il ti muc' ta chotlebal oy ta o'lole, laj quil oy c'usi chanib cuxajtic ti yepal no'ox oy sbec' sat ta spat ta sti'bae.

Apocalipsis 5:7

Ti jcot ta Uni Chije, ja' ba stsac ti balbil vune, ti stsacoj ta sbats'i c'ob ti Buch'u chotol ta muc' ta chotlebale.