Apocalipsis 7:1 - Bible in Tzotzil de Chamula

¹ Laj taj une, laj quil chanvo' anjeletic va'ajtic ta jujot xchanjotal xchiquin ti banomile, sva'anoj sbaic ta spajesel ic' yo' mu xjelav talel ta banomil, ta nab, mi ja'uc ta te'etic.

Tzotzil Zinacantan

¹ Tsꞌacal to iquil chanvoꞌ anjel ta vinajel tey vaꞌajtic ta xchanjechel li balamile. Jaꞌ spajesojic li iqꞌue yoꞌ mu xtal o icꞌ liꞌ ta sba balamile xchiꞌuc ta mare. Mi jaꞌuc jtecꞌ teꞌ muc bu chbacꞌ.

Bible in Tzotzil de Chenalhó with Deuterocanon

¹ Ts'acal laj quil chanib j'almantaletic te va'ajtic ta xchanjotal xchiquin banamil. Ja' spajesojic li ic' ta xchanjotal xchiquin banamile, yu'un jech mu me xtal ic' li' ta banamil, xchi'uc ta nab, xchi'uc jech mu me xnic ta ic' jbejuc te'.

Tzotzil San Andres

¹ Ta tsꞌacal iquil chanvoꞌ chꞌul ángeletic te vaꞌalic ta schanjotol schiquin li balumile. Jaꞌ spajesojic li icꞌ ta schanjotol schiquin li balumile yoꞌ jech mu xtal icꞌ liꞌ ta balumile schiꞌuc li ta nabe. Schiꞌuc maꞌuc jtecꞌ teꞌ chnic.

Tzotzil de Huixtán

¹ Patil laj quil chanvo' ch'ul abatetic ja' va'ajtic ti jujun xchiquin ti balumile. Ja' tspajesic ti chanib iq'ue li' ti balumil yu'un mu me xlic ic' mi ti balumil mi ti nab. Mi jp'ejuc te' mu me xnicat.

Apocalipsis 7:1 Iomraidhean Croise

Isaías 11:12

Ta xac' iluc senyail ta stojol ti muc'tiquil lumetique, yu'un ta stsob talel ti israeletic ti loq'uic batel ta slumalique; ta xchanjotal to xchiquin banomil, ta stsob talel steclumaltac ti Judá ti tan puquique.

Isaías 27:3

Jbainoj ta xchabiel ti vu'un Diosune. Mu xquicta ta smaltabel ya'lel. Jbainoj ta xchabiel c'ac'al ac'ubal yo' jech mu xich' ilbajinel.

Isaías 27:8

Ti Diose laj stsits ti slumal ti laj stac loq'uel ta sbanomilique. Tsots laj xvuch'ta loq'uel jech c'u cha'al tsots ic' ta xlic talel ta sloq'ueb c'ac'ale.

Jeremías 49:36

Ta xchanjotal vinajel banomil, ta xcac' taluc ic' ta stojol ti jteclum li'e, ti tan puc bu bec'bil ta xbatic yu'une. Mu'yuc xa junuc muc'tiquil lumetic ma' ti mu xc'ot ti jnutseletic ta stojole.

Ezequiel 37:9

Va'i un, ti Diose xi laj yalbune: “C'opojan ta jventa, xi xavalbe ya'i ti ic' yich'oj ta sventa ti cuxleje: ‘Xi ta xal ti Diose: j'ac'-cuxlejal ic', la'ic ta xchanjechal banomil, licuc yich'ic ic' avu'unic ti jlajel jtubeletic li'e.’ ”

Ezequiel 7:2

“Ti vu'un Diosune xi ta xcalbe ya'i ti muc' ta lum Israele: Ta xa xvul ta loq'uel ti tsutsel lajele, ta stsutsesel scotol ti banomile.

Daniel 11:4

Manchuc mi jech un, c'alal cuchem xa ox lec yu'une, ta xlic lilijuc ti jech spasoj xa ox canal ta yu'ninel scotole. Yu'un ta xich' pasel ta chanch'ac ti c'u sjamlej smacoje. Ti jech jelavem xa ox xu' yu'un ti ajvalil taje, mi ja'uc junuc ti jech ta xloc' ti snitilultaque. Mi ja'uc xa ta xvol yu'un jech c'u cha'al ti buch'u ech' ta ba'yel ti jelavem xu' yu'une, ja' ti ta xc'ot ta pasel ti ta spas ta chanch'aque, ti yan o xa ajvaliletic ta x'och ta xq'uexole.

Daniel 7:2

Ti ta jvaiche, laj quil ti xvo'o'et no'ox talel ic' ta xchanjotal ti banomile, ti xyuq'uet no'ox ta jujujot yu'un ti muc' ta nabe.

Daniel 8:8

Jech ti tot tentsune, yantic no'ox yich' batel yip ta j'ech'el. Ja' no'ox un, c'alal yorail yich'oj xa lec ti yipe, ja' o xa lic c'asuc ti smuc' ta xulube. Jech ti bu c'as loq'uele, tey lic ch'iuc talel chanib xulub ti bichajtic muyel ti sq'ueloj batel ta xchanjechal banomile.

Jonás 1:4

C'u stu un, ti Diose laj yac' taluc tsots ic' ti xjumet no'ox liquel xchi'uc ya'lel ta o'lol ti nabe, ti tsots ta j'ech'el ti co'ol xa s'elan yilel ta xlic lilijuc ti barcoe.

Zacarías 6:1

Jam jba jsat no'ox xtoc, laj quil ti vul ta loq'uel chanib carreta yu'un ac'ob-leto ta o'lol yu'un chib vitsetic ti xlaplun no'ox ti sc'anale.

Zacarías 6:5

Xi laj stac'bun ti ánjele: “Le'e, ja'ic ti buch'utic sbainojic ti ic' ti ta xloc' talel ta xchanjotal banomile, ti liquemic talel ta stojol ti Dios yu'un scotol ti banomile.

San Mateo 24:31

Ja' ta jpas ta mantal ti caj'ánjeltac ti tsotsuc yoq'uisanic ti yoq'uesique yo' ta stsobic talel ti c'u yepal t'ujbil cu'un ti buyuc no'ox oyic ta xchanjotal ti banomile.

Marcos 13:27

Ta xcalbe mantal ti caj'ánjeltaque yo' ta stsobic talel ti calab jnich'nab ti t'ujbilic cu'une, ti buyuc no'ox oyic ta sjoylej ti banomil vinajele.

Apocalipsis 20:8

Ta xloc' batel ta slo'lael ti jnaclejetic ta banomil ti oyic ta jujun muc'tiquil lum ta sjoylej banomile, ja' sc'oplal ti Goge xchi'uc ti Magoge, ti co'ol s'elan syi'al sti'il nab yepalic ta stsob sbaic ta letovajele.

Apocalipsis 6:6

Ta o'lol ti bu oy ti c'usi chanib cuxajtique, laj ca'i oy buch'u c'opoj talel ti xi ta xale: “C'ajomal no'ox jun kilo trigo xman yu'un ti tojolil ta jun c'ac'al abtele. Oxib kilo jchop o ta trigo xman yu'un ta jun c'ac'al abtel. Le' une, mu xavixlan ti aceitee xchi'uc ti vinoe.”

Apocalipsis 7:3

“Mu to xasoquesic ti banomile, ti nabe, ti te'etique ti c'alal mu to cac'ojbecutic senyail ta sti'baic yajtuneltac ti Dios cu'untique.”

Apocalipsis 8:7

Ti ánjel ti buch'u ba'yel laj yoq'uisan ti yoq'uese, ja' o yich' jipel talel ta banomil bot xchi'uc c'oc' ti capal ta ch'ich'e. Ti oxch'ac banomile, c'ac' jch'ac. Ti oxch'ac te'tique, c'ac' jch'ac. Ti yaxaltique, c'ac' scotol.

Apocalipsis 9:14

Ti sc'opojele, xi laj yalbe ti svaquibal ánjel stsacoj ti yoq'uese: “Jituno coltao ti chanib anjeletic chucajtic ta sti'il muc' ta uc'um Eufratese.”

Apocalipsis 9:4

Albatic mantal ti mu soquesic ta yilbajinel ti yaxaletic oy ta banomile, mi ja'uc ti c'usi yoxique, mi ja'uc ti te'etique, ja' no'ox, ac'o yilbajinic ti buch'utic mu'yuc yich'ojic ta sti'baic seyoal ti Diose.