Apocalipsis 6:8 - Bible in Tzotzil de Chamula

⁸ Laj jq'uel batel un, laj quil loc' talel jcot c'anal ca'. Ti buch'u scajlebinoje, sbiinoj ti Lajebale. Oy yan oy buch'u cajal talel ta spat ti sbiinoj Yajval ti Lajebale. Tey ac'batic stsatsal yo' ta xchamesic o'lol jvoc' ti ta o'lol ti jnaclejetic ta banomile, yo' ta xchamic ta leto, ta vi'nal, ta chamel, ta jti'oval chonetic li' ta banomile.

Tzotzil Zinacantan

⁸ Iquil ti oy muchꞌu scajlebinoj tal jcot cꞌanal caꞌe. Jmilvanej, xi sbi. Oy muchꞌu yan tey tijil tal ta spat, cꞌotebal xi sbi. Jaꞌ seña ti ta cꞌotebal chbatic ti muchꞌutic ta xmilatique. Li crixchanoetic liꞌ ta sba balamile, mi oy chanmil ta jun jteclume, ta xlaj jmil, oxmil ta xcom. Jaꞌ yech chcꞌot ta sjunlej balamil. Jlom chlajic ta acꞌ cꞌocꞌ, jlom ta xchamic ta viꞌnal, jlom ta xchamic ta chamel, jlom ta xlajic ta bolom.

Bible in Tzotzil de Chenalhó with Deuterocanon

⁸ La jq'uel, ja' to laj quil te oy jcot ca', sacvayan sc'anal. Li boch'o scajlebinoje ja' Lajel sbi. Ja' te nabal batel yu'un li Yavil Animaetic sbie. I'ac'bat svu'el sventa ch-och ta sc'ob o'lol jvoc' li cristianoetic ta banamile, yu'un jech ac'o chamicuc ta espada, ta vi'nal, ta tsatsal chamel, xchi'uc ac'o lajicuc ta ti'el ta chonbolometic.

Tzotzil San Andres

⁸ La jqꞌuel li buchꞌu jech iꞌaptaate, scajlebinoj jcot cꞌanal caaꞌ. Jaꞌ jmilvanej sbi. Oy yan buchꞌu te tijil talel ta spat, jaꞌ cꞌatinbac sbi. Jaꞌ senyail ti ta cꞌatinbac chbatic li buchꞌutic chlajic ta milele. Jaꞌ iꞌacꞌbat yichꞌ ta venta scotol crixchanoetic li liꞌ ta balumile. Li cꞌu yepal oy crixchanoetic ta spꞌejel balumile, mi oy chanmil crixchano ta jun jteclume, chlajic jmil, chcom oxmil. Jech chcꞌot ta pasel ta spꞌejel balumil. Oy ta xchamic ta scoj cꞌop, oy ta xchamic ta scoj viꞌnal, oy ta xchamic ta scoj chamel, oy ta xlajic ta tiꞌel ta jtiꞌaval bolom.

Tzotzil de Huixtán

⁸ Laj jq'uel ti much'u hech ch-albate, ja' scajlebinoj jcot c'anal ca'. Ti much'u scajlebinoj ti ca'e, jmilvanej yu'un ti crixchanoetique, ja' sbi. Oy yan tsts'aclivan ja' c'atimbac sbi. Ja' señail ti ja' chbatic ti c'atimbac ti much'utic chmilatique. Ti much'u scajlebinoj ti ca'e, ja' ac'bil sventain ti crixchanoetic li' ti balumile. Ti jujutos crixchanoetic mi oy chanmil chmilat jmil, chcom oxmil. Hech tspas ti sjoylejal balumil. Ja' tsmil ti espada xchi'uc ti vi'nal xchi'uc ti chamel xchi'uc ti ti'el. Ja' chti'van ti jti'vanej bolom li' ti balumile.

Apocalipsis 6:8 Iomraidhean Croise

Proverbios 5:5

Ch'ayel xa xal o ma' ti jmoj ta xaxanav xchi'uque; muquinal xa xal o ma' ti bu stamoj batel une.

Isaías 25:8

Ti Diose j'ech'el ta stubbe sc'oplal ti lajel tubebale. Ta scusbe ya'lel sat scotolic. Ta xch'aybe ta banomil scotol ti mu'yuc yutsil slequil sc'oplal ti slumale. Ja' Dios laj yal stuc ma' taje.

Jeremías 14:12

Mi yepal no'ox ta xicta ti yotique, mu xca'ibe ti jech xvocoletique. Mi yepal no'ox ta xaq'uic ti chic'bil matanale, ti sat ts'unubaletique, j'ech'el mu lecuc ta xquil. Ta jtsutsesic ya'i ta leto, ta vi'nal, ta chamel.”

Jeremías 16:16

“Jbel xcal ti vu'un Diosune, ta jtac talel epal jmas-choyetic ti ochuc yu'unic ta smasobil choyetic ti israeletique. Ts'acal to un, ta xcac' taluc epal jnutsuviletic yo' ta x'och ta c'abal yu'unic. Ta xch'ajatic ta sa'el ta pimilal te'tic, ta vitstic, ta sjap c'al tonetic.

Jeremías 16:4

Ep ta tos jtsutsesvanej chamel xa'i xcham xlajic. Laj to ta alel ma' ti oy yoq'uitaelique, ti oy smuquelique, yu'un xi s'elan ta xc'otic ta stojolique: Q'uiil ta xcomic ta lumtic jech c'u cha'al tso' chon bolometic ti busul no'oxe. Leto, vi'nal xve' yu'unic. Ti sbec'tal stacopalique, xulemetic xchi'uc jti'oval chon bolometic xve' yu'unic.”

Jeremías 24:10

Ta banomil ti bu laj cac'beique, ti cac'ojbeic no'ox ti stot sme'ic ta vo'nee, ta xcac' taluc ti letoe, ti vi'nale, ti chamele, ja' to ti c'uxi mu junuc ta xcomic ta muc' ta lume.”

Jeremías 29:17

‘Ti Ajvalilun ti scotol xu' cu'une, xichi ta xcale: Ta jtacbeic talel leto, vi'nal xchi'uc chamel ta stojolic. Ta staic cu'un jech c'u cha'al junuc c'a'emal icux toj chopol ta j'ech'el ti mu stac' lo'ele.

Jeremías 43:11

Ta xvul ta loq'uel ta slilinel ti muc' ta lum Egiptoe. Ti buch'utic yich'oj talel ta chamel ta xc'otic ta tsutsele, jech ta xchamic. Ti buch'utic yich'oj talel ti bec'bil ta xloq'uic batele, jech ta xc'ot ta stojolic. Ti buch'utic yich'oj talel ta leto ta xc'ot ta tsutsele, jech ta xchamic.

Ezequiel 29:5

Ta jipot batel ta sbajtical banomil xchi'uc scotol ti choyetic oy ta avuc'umale. Ta jamalaltic, telel ta xac'ot. Mi junuc oy buch'u ta x'abolaj ta amuquel. Ta xalaj ta ti'el cu'un ta jti'oval te'tical chon bolometic, xchi'uc ti jti'oval mutetique.

Ezequiel 5:12

Ti jch'ac ta oxch'ac ti jnaclejetic avu'une, ta xchamic ta tsots chamel, xchi'uc ta vi'nal ti nabal ta stojole. Ti jch'aque ta xlajic ta milel yu'un ti yajcontraic ti joyol no'ox ta spat ta xoconique. Ti jch'aque, tan puc ta xbat cu'un ta xchanjotal banomil. Jye'oj ti quespada tijil ta xibat ta spatique.

Oseas 13:14

¿Mi yu'un ta to jpoj loq'uel ti jech u'ninibilic yu'un ti muquinale? ¿Mi yu'un ta to jcoltaic loq'uel ti oyic ta lajebale? ¿Bu bat avu'un ti jelavem xalilinvane, lajebal? ¿Bu bat avu'un ti c'usi tsots xu' avu'une, muquinal? Mu xa ts'icbajuc ta xca'i yu'unic ti jnaclejetic li'e.”

Habacuc 2:5

Ti toyobba viniquetique, juteb ta yo'ntonic ti staicuc ti cajal c'otuc ti sc'oplalique, mi ja'uc xlubtsajic ta sa'el ac'o mi ta x'aq'ue ta vocol yu'un. Xc'anc'un ti mu xlamaj ta xa'iique, co'ol s'elan jech c'u cha'al ti muquinal ti naca xic' no'ox ti jlajel jtubele. Jech o xal un, naca xu'ninic no'ox ech'el ti jujun muc'tiquil lumetique.

Zacarías 6:3

Ja'uc ti yoxibale jochbil ta saquil ca'etic. Yan ti ta xchanibale jochbil ta ca'etic ti sac pojantic sba tsajale.

San Mateo 11:23

Ti vo'ote, jteclum Capernaum, ¿mi anopoj ta xavich' toyesbel ac'oplal c'alal to vinajel? ¡Bu xata! ten jip xa'ute yalel ti bu xa c'alal spajeb snatil ti xabe. Ati lajuc yilic ti jnaclejetic ta Sodoma jteclum ti c'usi ch'ayal ta xc'ot o'ntonal yu'un jech c'u cha'al ta xavilic tana li'e, staoj to yav va'al ti jteclum jechuque.

San Mateo 24:7

Ti jun muc' ta lume ta xlic scontrain sbaic xchi'uc yan muc' ta lum. Ti jun ajvalile ta xlic scontra sbaic xchi'uc ti yan ajvalile. Ta xtal vi'nal. Ta xtal chamel. Buyuc no'ox oy ti niquele.

1 Corintios 15:55

Mu xa ono'ox cha'bel un, lajebal, tubebal, ¿bu bat ti avip ti tsalvanemot to ox ta chamesvaneje? ¿Bu bat avu'un ti naca tsalvanej to ox xava'i abae?”

Apocalipsis 1:18

Vu'un ti stalel cuxulune. Licham to ox, avi tana une, cuxulun sbatel osil, yu'un oy xa ta coc ta jc'ob syavial ti lajebale, xchi'uc ti bu ta xbatic ti animaetique.

Apocalipsis 12:4

Ta sne no'ox laj squiil talel jch'ac ti oxch'ac c'analetic oy ta vinajele, ti laj sjip yalel tal ta banomile. Ti tsajal jti'oval chone laj scotan sba ta sts'el ti ants ti buch'u yacal ta svoq'ues ti yole, yo' ta sti' ta ora no'ox ti olol c'alal mi voq'ue.

Apocalipsis 9:15

Va'i un laj yich' jitunel ti chanib anjeletique, yo' ta xc'ot ta pasel c'u s'elan nopbil sc'oplal, yorail, sc'ac'alil, yual, sjabilal ti jnaclejetic ta banomile ti ta xich'ic milel jch'aque, lec ta xcom ti cha'ch'aque.

Apocalipsis 9:18

Ti oxch'ac jnaclejetic ta banomile, chamic jch'ac ta scoj ti oxtos vocol ta xloc' talel ta ye ti ca'etique: ti c'oq'ue, ti ch'aile, ti azufree.