Apocalipsis 6:2 - Bible in Tzotzil de Chamula

² Laj jq'uel un, laj quil jun saquil ca'. Ti buch'u scajlebinoje, jun vinic stsacoj batel syolob. Ac'bat sronail, tey xvilet no'ox ta tsalvanej yo' ta stsal scotol.

Tzotzil Zinacantan

² Iquil ti oy muchꞌu scajlebinoj tal jcot saquil caꞌe, stomoj spꞌilomteꞌ. Iquil iꞌacꞌbat scorona noxtoc, jaꞌ seña ti ta scuentain li crixchanoetic ta sba balamile. Jaꞌo lic sloꞌlo li crixchanoetic ta sba balamile. Ta xchꞌunbat ti cꞌusi chale.

Bible in Tzotzil de Chenalhó with Deuterocanon

² La jq'uel, ja' to laj quil te oy jcot saquil ca'. Li boch'o scajlebinoje yich'oj jun sflecha. I'ac'bat scorona, iloc' batel jech chac c'u cha'al li boch'o lec xu' yu'un tstsalvane, yu'un bat stsal scotol.

Tzotzil San Andres

² La jqꞌuel li buchꞌu jech iꞌaptaate, scajlebinoj jcot saquil caaꞌ yichꞌoj jun syolob. Iquil nojtoc iꞌacꞌbat scorona, jaꞌ senyail ti chichꞌ ta venta li crixchanoetique. Xmuybaj noꞌox ilocꞌ batel, ba sloꞌlo li crixchanoetique.

Tzotzil de Huixtán

² Laj jq'uel ti much'u hech ch-albate, ja' scajlebinoj jcot saquil ca' chloc' batel. Yich'oj syolob. Laj quil i'ac'bat scorona. Oy yip hech ba stsal scotol ti much'utic li'oyic ti balumile.

Apocalipsis 6:2 Iomraidhean Croise

Salmos 110:2

Ta Sión to ta xac'bot ta avoc ta ac'ob avaxton ti Diose, svinajeb ti avich'oj tsots avabtele. Nijil chimiluc c'otuc avu'un ti avajcontra un cha'e.

Salmos 76:7

Xi'bal aba ta j'ech'el un. ¿Buch'u xa ono'ox la lec to va'al ta xcom ta atojol c'alal ta xlic tiluc ti sc'ac'al avo'nton une?

Salmos 98:1

Q'uejintaic ta junuc ach' q'uejimol ti Diose, ch'ayal o'ntonal yu'un ti c'usitic ta spase. Tsalvanem c'ot ta sventa ti jelavem smuc'ul stsatsal xchi'uc ti xch'ul c'obe.

Isaías 25:8

Ti Diose j'ech'el ta stubbe sc'oplal ti lajel tubebale. Ta scusbe ya'lel sat scotolic. Ta xch'aybe ta banomil scotol ti mu'yuc yutsil slequil sc'oplal ti slumale. Ja' Dios laj yal stuc ma' taje.

Zacarías 1:8

Oy jun ac'ubal ti xi s'elan li'ac'bat quil ti jam ti jba jsat ta yilele: Laj quil ti oy buch'u cajal ta jcot tsajal ca' ti cotol ta jun stenlejaltic ti sucul ta yut te'tic ti sbiinoj arrayanetique. Ti xjelav ech'el ta spat xtoque, oy jtsop ca'etic ti ja' tsojique, ti ja' ic' pojan sba stsajale, ti saquic ta q'uelele.

San Mateo 28:18

Nopaj batel ti Jesús ta stojolic ti xi laj yale: —Ti Diose laj xa yac'bun ta coc ta jc'ob scotol ti c'usitic oy ta vinajele xchi'uc ti c'usitic oy ta banomile.

1 Corintios 15:25

Yu'un ti Cristoe jbel sc'oplal ta xventainvan ja' to mi ac'bat xpech' ta teq'uel ti scontrataque.

Apocalipsis 11:15

C'alal laj yoq'uisan yoq'ues ti yucubal anjele, vinaj ti oy buch'utic tsots ta xc'opojic talel ta vinajel ti xi ta xalique: “Laj sc'oplal ta xventainvanic ti ajvaliletic li' ta banomile, ja' xa ta xlic ventainvanuc ti Cajvaltic Diose xchi'uc ti Cristo yu'une, ja' xa ta xlic pasvanuc ta mantal sbatel osil.”

Apocalipsis 11:18

Ti muc'tiquil lumetique soquet ti sjolique, yu'un sta xa yorail lic sc'ac'al avo'nton ta xavac'be stojic ta j'ech'el, ti ja' yorail xa ta xachapan ti animaetique. Sta xa yorail ta xavac'be smoton ti avajtuneltaque, ja' ti buch'utic c'opojic ta aventae, ti laj yich'ot ta muq'ue, manchuc mi yalel toyol ti sbijilique. Sta xa yorail ta xatubbe sc'oplal ti jsoquesej-banomile.”

Apocalipsis 14:14

Laj jtoy jsat, laj quil jun saquil toc. Ta sba ti toque, oy buch'u chotol co'ol s'elan sat jun vinic. Slapoj sronail sjol ti meltsanbil ta oroe, xchi'uc stsacoj jun joz ti juxbil lec yee.

Apocalipsis 15:2

Laj quil xtoc ti co'ol s'elan nen capal ta c'oq'ue. Laj quil ti oy buch'utic ac'bil yarpaic yu'un ti Diose, ti va'ajtic ta sts'el ti nab taje, ja' ti buch'utic mu'yuc lajic ta lo'lael yu'un ti jti'oval chone, ti mu'yuc laj yich'beic ta muc' ti sloc'obbaile, ti mu'yuc laj yich'beic snumeroal sbi ti chone.

Apocalipsis 17:14

Jech ta stsaquic ta leto xchi'uc ti jcot ta Uni Chije. Tsalbil ta xc'otic ti c'alal ta stsaquic ta leto ti jcot ta Uni Chij ti Buch'u c'otem ta Banquilal yu'un ti banquilal ajvalile, xchi'uc ti banquilal ajvalil yu'un ti its'inal ajvaliletique. Yu'un oy ta stojol ti jcot ta Uni Chije ti buch'utic ic'bilic talel yu'un ti Diose, ti t'ujbilic yu'une, ti jun yo'ntonique.”

Apocalipsis 19:14

Nabalic batel ta spat epal anjeletic ti lic talel ta vinajele, ti slapojic ti lino poc' ti jun yutsil ti saquile, ti cajalic ta saquil ca'e.

Apocalipsis 3:21

Ti buch'u ta stsal yu'un scotole, ta xcac' ochuc ta xchi'inun ta spas mantal ti bu ta jpas mantale, jech c'u cha'al ta jchi'in ta pas mantal ti Jtote, ja' ti laj jtsal scotole.

Apocalipsis 9:7

Ti c'ulubetic taje, co'ol s'elan ca' chapalic xa ta sventa ac'-leto. Co'ol s'elan oro yilel yich'oj ti sronail sjolique. Ti sat yelovique, co'ol s'elan yilel jech c'u cha'al sat yelov jun vinic.