Apocalipsis 6:16 - Bible in Tzotzil de Chamula

¹⁶ Xi ta xalbeic ti vitse, ti ch'ene: “Loman talel ta jbacutic yo' ta xanac'uncutic ta sba ta sat ti Buch'u chotol ta muc' ta chotlebale, xchi'uc jech mu xitaecutic yu'un ti sc'ac'al yo'nton ti jcot ta Uni Chije.

Tzotzil Zinacantan

¹⁶ Jaꞌ yech iyalic chac liꞌi: ―Capem xa cuꞌuntic ti Rioxe xchiꞌuc ti chꞌiom tot chije. Más lec chac jinuc tal ta jbatic li vitsetique li tonetique yoꞌ mu xa xcaꞌitic o li castico ti chiyacꞌbotique.

Bible in Tzotzil de Chenalhó with Deuterocanon

¹⁶ Jech laj yalbeic li vitsetique xchi'uc li ch'entique: “Loman tal ta sba cac'olcutic, but'iuncutic, yu'un jech mu xiyiluncutic li Boch'o te chotol ta muc'ta chotlebale, xchi'uc jech mu xitaatcutic ta sc'ac'al yo'nton li Ch'ium Chije.

Tzotzil San Andres

¹⁶ Scotolic jech laj yalbeic li vitsetique schiꞌuc li tonetique: ―Jinanic talel ta jbacutic yoꞌ jech mu xa xcaꞌicutic li vocol ti chijyacꞌbuncutic li Diose schiꞌuc li chexel chije, yuꞌun ilinem ta jtojolcutic.

Tzotzil de Huixtán

¹⁶ Hech laj yalic: ―Taca p'ajuc tal ti jbatic ti vitsetique. Taca xisbut'iucutic, hech mu xa xistaucutic ti castigo ti chijyac'bucutic ti Diose xchi'uc ti Ch'iom Carneroe yu'un ilinem ti jtojoltic ―xchiic―.

Apocalipsis 6:16 Iomraidhean Croise

San Lucas 23:30

Va'i un, xi ta xalbeic ti vitsetic ti jnaclejetic ta banomile: ‘Loman talel ta jbacutic.’ ‘Nac'uncutic’, xi ta xalbeic ti stselejaltic xtoque.

Oseas 10:8

Ta xc'ot ta pasel ti ta xich' lilinel ti jujun c'opojebaletic yu'unique, ja' ti bu ta sa' smul xchi'uquic ti jteclum Israele. Ta xlic ch'iuc tomal ch'ixetic xchi'uc yan ch'ixetic ta sba ti jinemal altaretique. Jech ti jnaclejetique xi ta xlic yalic ta stojol ti vitsetique: “Nac'uncutic yo' jech mu xi'ilecutic.” Xi ta xalbeic xtoc ti ch'en vitsetique: “Loman talel ta jbacutic.”

Apocalipsis 4:2

Ta jech to yepal un, ventainbil lic'ot yu'un smuc'ul stsatsal ti Ch'ul Espiritue. Laj quil jun muc' ta chotlebal ti ta vinajele, ti oy Buch'u chotol ta muc' ta chotlebale.

Apocalipsis 20:11

Laj quil xtoc jun muc' ta saquil chotlebal. Ti Buch'u chotol ta chotlebale, ta sba ta sat, sac ch'ay batel ti banomile ti vinajele, mi jutebuc xa bu vinaj ta q'uelel.

San Mateo 26:64

Xi laj stac' ti Jesuse: —Vu'un jech c'u cha'al ta xavale. Ta xcalboxuc ava'iic, ta xavilicun liquel ti co'ol j'elantique, ta xichoti ta sbats'i c'ob Dios ti scotol xu' yu'une. Ta xavilicun ta xital ta ba toc.

Jeremías 8:3

Ti buch'u cuxul to ta xcomic ti chopol jnaclejetic ti laj xa jtaniic batele, ma'uc xa oy ta yo'ntonic ma' ti ta to xch'i xc'opoj ya'iique, ja' no'ox ti chamicuque. Ti vu'un Diosun ti scotol xu' cu'une, mu stselbuj ma' ti jc'op une.

Apocalipsis 19:15

Ti Buch'u cajal ta ca'e, ta xloc' ta ye jun espada ti juxbil lec yee, yo' ta syayijesan ti jujun muc'tiquil lume. Co'ol s'elan tsatsal taq'uin, jbel xc'opoj ta spasvan ta mantal. Ti jech mu'yuc xa c'usi x'ech' o ta xa'i yu'un sc'ac'al yo'nton ti Dios ti scotol xu' yu'une, ja' stuc ta st'us ta yacan ti uva oy ta yavile, yo' ta xloc' ti vino ta yac'bel yuch' ti jnaclejetic ta banomil ti ta sta svocolic yu'une.

Apocalipsis 10:6

Tey laj sva'an ta yalel ti Buch'u sbatel osil cuxule, ti laj smeltsan ti vinajele, ti banomile, ti nabe, scotol ti c'usitic oye, ti xi laj yale: “Mu xa xjalij sc'ac'alil ti c'usi ta xc'ot ta pasele.

Apocalipsis 6:10

Xi tsots ta xalique: “Ch'ul Dios, ti atalel xc'ot xac'opoje, ¿c'usi to ora ta xachapan ta xavac'be stoj ti jnaclejetic ta banomil ti laj smiluncutique?”

Apocalipsis 4:9

C'alal jujucoj ti c'usi cuxajtic ta xalbeic slequil yutsil ti Buch'u chotol ta muc' ta chotlebal ti stalel cuxul sbatel osile,

Apocalipsis 4:5

Ti bu oy ti muc' ta chotlebale, xjaplajet no'ox sac tsel, oy c'opojel, xchi'uc xc'avlajet no'ox chauc ta xloc' talel. Ta stuq'uil yeloval ti muc' ta chotlebale, ta xtil vucub leb c'oc', ja' smelol ti vuctos stalel ti Ch'ul Espíritu yu'un ti Diose.

Salmos 14:5

Batel ta xc'ot xch'ulelic yu'un xi'el; xnicnunic xa ti c'alal ta xilic ti chi'inbil yu'un Dios ma' ti buch'utic sna' xi'taique.

Isaías 2:10

Ti jnaclejetique stic'anan xa sbaic liquel ta yolon nail ch'enetic, ta lom ch'entic. Ta snac' sbaic ta stojol ti Dios ti mu no'ox albajuc ta xa'iic ti xi'elal ta sva'an sba ta stojolique, ti xchijlajan no'ox ti xojobal ti yich'oj tsots yabtele.

Marcos 3:5

Va'i un ti Jesuse, ta il, ta at-o'nton laj sq'uelbe batel sat ti c'u yepal joyolic ta stojole ta scoj ti mu xa'ibeic ti xchiquinale. Xi laj yalbe ti vinique: —Xach'o tal ti ac'obe. C'alal laj xach' ti sc'obe, lec com.

Apocalipsis 5:1

Ti Buch'u chotol ta muc' ta chotlebale, laj quil ti stsacoj ta sbats'i c'ob jlic balbil vun ti ts'ibabil ta yut ta spate, ti bajbil lec ta vucub seyoe.

Apocalipsis 9:6

Ti ja' o jech yorail taje, utsuc xa sa'ic yo' ac'o chamicuc ti jnaclejetique, mi ja'uc staic yo' ta xchamic. Manchuc yo'ntonicuc xa ya'iic chamicuc, laj to c'op, yu'un sq'uejoj sba loq'uel ta stojolic ti lajel tubele.