Apocalipsis 6:12 - Bible in Tzotzil de Chamula

¹² C'alal laj stots svaquibal seyo ti jcot ta Uni Chije, laj quil lic jun muc' ta niquel. Ic'ub sat ti c'ac'ale, co'ol s'elan ic'al c'u'il xch'ayobil ti me'inale. Tsajub sbejel sat ti ue jech c'u cha'al stsajal ti ch'ich'e.

Tzotzil Zinacantan

¹² Li chꞌiom tot chije istotsbe noxtoc li svaquibal xa spaqꞌue. Cꞌalal istotse, jaꞌo iꞌechꞌ tsots niquel liꞌ ta balamile. Imac sat li cꞌacꞌale, coꞌol xchiꞌuc icꞌal pocꞌ yilel. Li jchꞌulmeꞌtique itsajub, coꞌol xchiꞌuc chꞌichꞌ yilel.

Bible in Tzotzil de Chenalhó with Deuterocanon

¹² C'alal te jq'ueloje, laj quil ituch' noxtoc li svaquibal spac' vune. Jech laj ca'ay ital tsots niquel. Li c'ac'ale i'ic'ub jech chac c'u cha'al ic'al poc' tslapic ta sventa me'nal. Li ue itsajub sbejlijil jech chac c'u cha'al ch'ich'.

Tzotzil San Andres

¹² Li chexel chije la stuchꞌ nojtoc li svaquibal spacꞌ li june. Cꞌalal la stuchꞌe, iquil tsots inic li balumile. Li cꞌacꞌale iꞌicꞌub, jaꞌ jech chac cꞌu chaꞌal icꞌal pocꞌ. Li ue itsajub jech chac cꞌu chaꞌal chꞌichꞌ.

Tzotzil de Huixtán

¹² Laj jq'uel c'alal laj xtuch' ti svaquibal sello ti Ch'iom Carneroe. Tsots inic ti balumile. Itup' ti c'ac'ale. Ic' ti jyalel hech chaj c'u che'el ic'al poc' ic'ot ti c'ac'ale. Hech chaj c'u che'el ch'ich' ic'ot ti ue.

Apocalipsis 6:12 Iomraidhean Croise

Isaías 24:23

Ti Dios ti scotol xu' yu'une, ti c'alal ta xlic ochuc ta Ajvalil ta vits Sione, ti ta lum Jerusalene, ti c'ac'ale, ti ue, ta x'ic'ub. Ti banquilaletic yu'un ti steclumale ta xilic yutsilal slequilal ti Diose.

Isaías 29:6

Ti Dios ti scotol xu' yu'une xc'avlajet no'ox jech c'u cha'al junuc chauc ta xtal sva'an sba ta atojol, ti xc'uyc'un no'ox ta niquel ti banomil yu'une, ti xvo'o'et no'ox ta j'ech'ele, ti sts'otobaj no'ox ta jmec ti sutub ic' xchi'uc ti ya'lele, ti xloclun no'ox ta j'ech'el ti leb c'oc' ta stsutsesvane.

Isaías 34:4

Scotol ti c'usitic oy ta vinajele, tan puc ti c'u s'elan ta xlaj lilijuque. Ti vinajele ta svol sba ech'el jech c'u cha'al junuc ti c'usi bal-bale. Scotol ti c'analetique ta xbaj talel jech c'u cha'al ta xbaj yanal ti uvae, mi ja' ti icux ti c'alal nucultajem xae.

Isaías 50:3

Vu'un ta jpas ti ic'uneb ta xcom ti vinajele, ti lamal sc'u'inoj ta xc'ot cu'un ti me'inal c'u'ile.”

Joel 2:10

Ta xnic yu'unic ti banomile; xc'uyc'un no'ox yu'unic ti vinajele. Ta xmac sat yu'unic ti c'ac'ale, ti ue; ta xmac yu'unic ti xchijlajan yutsil xojobal ti c'analetique.

Joel 3:15

Ti c'ac'ale, ti ue, ta x'ic'ub, ja' jech xtoc ti c'analetique ta xtub ti xvic'vun no'ox yutsil ti xojobale.

Amós 1:1

Ti c'op li'e, ja' albil yu'un ti Amose, jun jq'uel-chij ti nacal ta jteclum Tecoae. Chib to jabil sc'an ti bu c'ot ta pasel ti lic niquele, c'alal ja' o tiq'uil ta ajvalil ti Uzías ta jteclum Judae, xchi'uc ti Jeroboam xnich'on ti Joás tiq'uil ta ajvalil ta Jteclum Israele, ti c'oponat yu'un Dios ti Amós ta sventa sc'oplalic ti Israele:

Amós 8:9

Xi ta xal ta jamal ti Diose: “Yu'un ti jech c'ac'al taje, ta xc'ot ta pasel cu'un ti ta x'ic'ub ti banomil ti c'alal ja' o yorail ti o'lol c'ac'ale. C'alal xt'ajalin ti c'ac'altique, ta xc'ot ta pasel cu'un ti ta x'ic'ub ti banomile.

Zacarías 14:5

Ti bu taje ta xajatavic batel ta stenlejal yu'un ti vitse, ti ta xc'ot c'alal to ti bu sbiinoj Asal ti xi oy ta jot xchiquine. Xabitetic no'ox ta jatobal jech c'u cha'al jatavic ti amolmuc'totic ta vo'ne ta scoj ti ech' ti niquel ti c'alal ja' o yorail ochem ta ajvalilal yu'un jteclum Judá ti Uziase. Ti jech taj une, ja' o ta xvul ta loq'uel ti Ajvalil Dios cu'une ti chi'inbil talel yu'un ti yajtuneltaque.

San Mateo 11:21

—Mu cha'beluc un, jteclum Corazín. Mu cha'beluc un, jteclum Betsaida. Ati lajuc yilic ti jnaclejetic ta Tiro xchi'uc ta Sidón jteclum jech chac c'u cha'al ta xavilic avi li'e, vo'ne xa laj sutes sbaic ta stojolal Dios, laj slapic c'u'il sventa at o'ntonal, laj svijbe sbaic tan ti jechuque.

San Mateo 24:29

“C'alal mi ech' no'ox yorail ti vocole, ta x'ic'ub sat ti c'ac'ale. Ti ue mu xa xac' ti xojobale. Ti c'analetique xlaj bajicuc yalel tal ta vinajel. Scotol ti c'usitic oy ta vinajele xlaj nicanuc.

San Mateo 24:7

Ti jun muc' ta lume ta xlic scontrain sbaic xchi'uc yan muc' ta lum. Ti jun ajvalile ta xlic scontra sbaic xchi'uc ti yan ajvalile. Ta xtal vi'nal. Ta xtal chamel. Buyuc no'ox oy ti niquele.

San Mateo 27:45

C'alal laj sta ti o'lol c'ac'ale, scotol banomil ic'uneb com. Ta oxib to ora mal c'ac'al, sacub talel.

San Mateo 27:54

Ti banquilal soldadoe xchi'uc ti soldadoetic ta xchabiic ti Jesuse, c'alal laj yilic inic ti banomile, ti xi'bal sba c'usitic c'ot ta pasele, xi'ic ta j'ech'el ti xi laj yalique: —Melel, ti vinic li'e ja' Xnich'on Dios.

San Mateo 28:2

Ta ora no'ox nic ti banomile, yu'un ja' o yal tal ta vinajel jun yaj'ánjel ti Diose. Nopaj batel ta sts'el ti muquinale. Laj sloq'ues ti muc' ta ton smac sti' ti muquinale, chot xi ta sba.

Marcos 15:33

C'alal laj sta ti o'lol c'ac'ale, scotol banomil ic'ub. Ta oxib to ora mal c'ac'al, sacub talel.

Apocalipsis 11:13

Ti ta yorail taje, ta jech to yepal, lic tsots muc' ta niquel. Ti lajunch'ac jteclume, lilij jch'ac. Lajic vucmil (7.000) ta vo' jnaclejetic ta banomil. Ti c'u to yepal cuxul come, ta xi'el xa lic snijan xchiman sbaic ta stojol Dios ti oy ta vinajele.

Apocalipsis 16:18

Va'i un, xjaplajet no'ox liquel ti sac tsele, xvochet no'ox liquel ti c'opojele, xc'avlajet no'ox liquel ti chauque. Xnic no'ox liquel ti banomil yu'un ti tsots niquel ta j'ech'ele, ti ja to no'ox jech c'ot ta pasele, ja' mu sta ti c'u s'elan sliquel talel ti jnaclejetic ta banomile.

Apocalipsis 16:8

Loc' batel ti xchanibal anjele, laj scocan ti sbel sbis ta sba sat ti c'ac'ale, ti ac'bat yich' yip stsatsal sat ti c'ac'ale, yo' tsots xchic'chun ta j'ech'el ta xc'ot ti sat c'ac'al ta stojol ti jnaclejetic ta banomile.

Apocalipsis 8:12

C'alal laj yoq'uisan yoq'ues ti xchanibal anjele, ti oxch'ac sat c'ac'ale, soc jch'ac. Ti oxch'ac sat ue, soc jch'ac. Ti oxch'ac c'anale, soc jch'ac. Jech o xal ti oxch'ac taje, ic'uneb jxet' yo' mu xac' xojobal ta c'ac'altic, mi ja'uc ta ac'ubaltic.

Apocalipsis 8:5

Ti ánjel xtoque laj snojes ta yac'alil c'oc' ti oy ta altar ti yavil ac'ale. Laj sjip yalel talel ta banomil. Xc'avlajet no'ox liquel un. Xvo'o'et ta j'ech'el. Xjaplajet no'ox liquel ti sac tsele xchi'uc ti niquele.