Apocalipsis 5:9 - Bible in Tzotzil de Chamula

⁹ Xi s'elan lic sq'uejintaic jun ach' q'uejimol: “Vo'ot ac'otebal o xu' avu'un xajam ti balbil vune, xchi'uc stotsel loq'uel ti seyoale, yu'un laj avich' avocol ta milel, yu'un laj amanuncutic ta ach'ul ch'ich'el yo' licomcutic ta yu'un ti Diose, ti oyuncutic ta jujun lume, ti jujuchop ti jc'opcutique, ti jujun muc'tiquil lume, ti oyuncutic ta sjoylej banomile.

Tzotzil Zinacantan

⁹ Isqꞌuevujintaic jcoj achꞌ qꞌuevuj. Jaꞌ yech chal chac liꞌi: Jaꞌ yech smelol ti voꞌot chavichꞌ li vune, ti chatotsbe li spaqꞌue, yuꞌun voꞌot avacꞌ aba ta milel. Ta achꞌichꞌel amanoticotic, voꞌoticotic ti chitunoticotic xa yuꞌun ti Rioxe, jcotolticotic ti jaylajuntos jtsꞌunbalticotic ta sba balamile, ti jaylajuntos jcꞌopticotique, ti butic nacional nacaloticotique.

Bible in Tzotzil de Chenalhó with Deuterocanon

⁹ La sq'uejintaic jun ach' q'ueoj, jech chal: “Vo'ot no'ox atuc puru lec c'usi apasoj ti ivu' avu'un laj avich' li vune, xchi'uc xu' avu'un chatuch'be li spaq'ue. Yu'un vo'ot laj avich' milel. Ta ach'ich'al laj aman sventa chc'otic ta yu'untac Dios li cristianoetic ta jujuchop sts'unubal, ta jujuchop c'op, ta jujun lum, xchi'uc ta jujun banamile.

Tzotzil San Andres

⁹ La sqꞌueojintaic jun achꞌ qꞌueoj. Jech chal: Joꞌot noꞌox atuc ti naca lec li cꞌusi la apase jech ijuꞌ avuꞌun la avichꞌ li june, schiꞌuc xuꞌ avuꞌun chatuchꞌbe li spaqꞌue. Yuꞌun joꞌot la avacꞌ aba ta milel. Ta achꞌichꞌel la aman li buchꞌutic ta xtuneic yuꞌun Dios ti butic xa oyic ta spꞌejel balumile.

Tzotzil de Huixtán

⁹ Ach' q'uejoj laj sq'uejintaic. Hech ti sbie: Atuc ihu' xa avu'un laj avich' ti hune. Atuc xu' avu'un chatuch'be ti selloe. Yu'un ho'ot laj avac' aba ti milel. Ti ach'ich'el laj aman loq'uel ti sc'ob ti pucuje ep crixchanoetic talemic ti sjoylejal balumil ti jaylajuntos ti oyic ti balumile.

Apocalipsis 5:9 Iomraidhean Croise

Salmos 144:9

Cajval, ta jq'uejintabot ach' q'uejimol, ti xlomet xa jchop o ta vob ta jq'uejintabot q'uejimoletique.

Salmos 149:1

Jun yutsil ta j'ech'el ma' ti Diose. Q'uejintabeic junuc ach' q'uejimol ti Diose. Ti bu vololic ti buch'u oy stuq'uil sjol yo'ntonique, ba lequil c'optaic Dios bu taje.

Salmos 33:3

Q'uejintabeic junuc ach' q'uejimol, xatij avobic ti stsac lec snuq'uilale.

Salmos 40:3

Xiq'uejin no'ox liquel ta jun ach' q'uejimol, ta sq'uejintael slequil c'optael ti Dios cu'untique. Ti jech laj yilic taje, yepalic lic stij yo'ntonic ta yich'el ta muc', lic spat yo'ntonic ta stojol ti Dios une.

Salmos 96:1

Q'uejintaic ta jun ach' q'uejimol ti Diose. Jnaclejetic ta sbejel banomil, q'uejintaic ti Diose.

Salmos 98:1

Q'uejintaic ta junuc ach' q'uejimol ti Diose, ch'ayal o'ntonal yu'un ti c'usitic ta spase. Tsalvanem c'ot ta sventa ti jelavem smuc'ul stsatsal xchi'uc ti xch'ul c'obe.

Isaías 42:10

Q'uejinanic ta jun ach' q'uejimol ta stojol ti Diose. Lequil c'opojanic yu'un ti nacaloxuc ta namal banomile, xchi'uc ti buch'utic xnuxetic ta ba nabe, xchi'uc ti c'usitic chanuletic ti cuxajtic teye, xchi'uc ti muc'tiquil lumetic ti oyic ta ti' nabe, xchi'uc ti jnaclejetic yu'une.

Daniel 3:4

Ti buch'u sbainoj ta yalel ti c'u s'elan ta xlic yich' pasbel ti stoyel xi'ele, xi s'elan tsots avan laj yal ti mantale: “A'yio ava'iic, ts'ijlanic acotolic, jnaclejetic, muc'tiquil lumetic, xchi'uc ti jujutos ac'opique:

Daniel 4:1

Ti Nabucodonosore laj stac batel vun ta stojol ti jnaclejetic ta banomil ti xi ta xale: “Ti ajvalil Nabucodonosorune, oy ta co'nton lamajemuc ti c'op yu'unique, mu'yucuc c'usi sna'ic ti jnaclejetic ta scotol ti jteclumetique, ti muc' ta lumetique, ti ep ta tos sc'opic ti li' nacalic ta banomile.

Daniel 5:19

Ti jech ac'bat ti jelavem xu' yu'une, scotol ti jnaclejetic ta jujun lumetique, ta jujun muc'tiquil lumetique, xchi'uc ti ep ta tos ti sc'opique, laj sbic'tajes sbaic ta stojol, xi'tabil c'ot yu'unic. Yu'un ti stuque xu' ta smilan ti buch'uuc no'ox ta sc'ane. Mi mo'oje, tey no'ox sq'ueloj ac'o cuxiuc yu'un ti mi jech ta sc'ane. Yu'un oy jlom ti cajal ich'bil ta muc' ta xc'ot yu'une. Yu'un oy jlom ti c'ajomal no'ox ta spec'tsanbe ti sc'oplale.

Daniel 6:25

Va'i un, ti ajvalil Darioe xi laj yal ti laj sts'iba ech'el vunetic ta stojol ti jnaclejetic ti oy ta sjunul ti muc' ta lume, ti jaylajun-tos ti sc'opic ti buyuc no'ox nacalic ta banomile: “Ta jc'an ti lamajemuc c'op ta atojolique, ti mu'yucuc c'usi xana'ic ta j'ech'ele.

San Mateo 20:28

Ti vu'un co'ol j'elantique, mu'yuc tal mosovinvancun, tal cac' jba ta tunel, tal cac' jba ta milel yo' ta jtojbe scolelic ti mu albajuc yepal oyique.

San Mateo 26:28

yu'un ti ya'lel uva li'e, ja' c'ot xa ta pasel ti ach' trate ta sventa ti ta xmal ti jch'ich'ele, ti ja' ta sventa ti yepal ta staic ti ch'aybil ta xc'ot ti smulic ta jventae.

Hechos 20:28

Ja' yu'un un, ich'o abaic ta c'ac'al, tuc'ulanic ti tsoblebal ti la'ac'batic ta abaic yu'un ti Ch'ul Espíritu ti lac'otic ta sventainel ti jch'unolajeletic yu'un ti Cajvaltic ti laj sman ta xch'ul ch'ich'ele.

1 Corintios 6:20

Yu'un ti Diose toyol atojolic laj smanoxuc. Jech o xal un, tsots sc'oplal, aq'uic ta ich'el ta muc' Dios yu'un ti abec'talique xchi'uc ti ach'ulelique. Ti xchibal taje ja' yu'un ti Diose.

1 Corintios 7:23

Yu'un toyol atojolic laj smanoxuc ti Diose, mu xavac' ave ati'ic ta xrioxinel ti jnaclejetic ta banomile.

Efesios 1:7

Ti jech mu albajuc syail xc'uxul yo'nton ti Diose, laj spoj laj scoltaotic ta sventa ti laj smal xch'ich'el ti Xnich'one, yo' jech ta jtatic ti ch'aybil ti jmultic ta xc'ote.

Efesios 5:19

Ta sventauc ti sc'op Diose, ta sventa ti q'uejimoletique, tsatsubtasbo aba avo'ntonic ta jujun tal. Ta sjunuluc avo'ntonic, muyubtaic ta sq'uejintael ti Cajvaltique.

Colosenses 1:14

ti ja' ta sventa laj jtatic pojel colele, xchi'uc laj jtatic ti ch'aybil c'ot ti jmultic yu'une.

Colosenses 1:23

Ti jech taj une, tsots sc'oplal j'ech'el c'otuc o ta avo'ntonic ta xch'unel ti Cajvaltique, ti ats'unoj lec ta avo'ntonic ti ta xacolic ta sventa ti colebal lequil ach' c'op ti laj ava'iique. Taje, ja' ti lequil ach' c'op ti buyuc no'ox ta xich' alel ta sjoylej banomile. Yu'un ta jcolta jba ta yalel ti vu'un Pabloune.

SUN TITO 2:14

Yu'un laj yac' sba ta milel ta jcojtic ta spoquel stuselotic ta j'ech'el ti laj scoltaotic loq'uel ta stojol ti mulile yo' jech ta xijc'ot ta yu'un, xchi'uc ti oyuc ta co'ntontic ta spasel ti c'usi leque.

Hebreos 11:14

Ti buch'utic jech loc' ta alel yu'unic taje, ta xac' ta na'el ti yacalic to ta sa'el batel ti sbats'i lumalique.

2 Pedro 2:1

Ti ta jteclum Israel ta vo'nee, ayan loq'uel ta stojolic jlo'lavanej j'alc'opetic. Jech ta x'ayan loq'uel jlo'lavanej jchanubtasvanejetic ta atojolic ec. Yu'un ta mucul ta xchanubtasvanic ti c'u s'elan nopbil yu'unique yo' ta soquesvanic, ti ta svalopatinic comel ti Cajvaltic ti Jpojvanej Jcoltavanej yu'unique. Ti jech taje, q'uelel xa ono'ox talel ti vocol ta stojolic ti jech ta spasique.

1 Juan 1:7

Mi oyotic ta saquilal osil jech c'u cha'al ti Dios oy ta saquilal osile, va'i unbi, co'ol co'ntontic jcotoltic. Ja' jech xtoc xch'ich'el ti Xnich'one, ja' ti Jesucristoe, ta spoc ti c'usiuc no'ox mulil ti oy ta jtojoltique.

1 Juan 2:2

Ti jech laj yac' sba ta milel ti Jesucristoe, laj jtatic yu'un ti ch'aybil c'ot ti jmultique. Ma'uc no'ox ti vo'otique, ja' jech c'ot ta stojol scotol ti jnaclejetic ta sjoylej banomile.

Apocalipsis 10:11

Va'i un, oy buch'utic xi laj yalbeicune: “Tsots sc'oplal ta xlic ava'an aba ta scaj'alel ti c'usi ta xac' ta na'el ti Dios ta stojol ti epal jnaclejetic oyic ta jujun lume, ti jujun muc'tiquil lume, ti jujutos sc'opojelique, ta stojol ti jujun ajvaliletique.”

Apocalipsis 11:9

Yepal ti jnaclejetic ta banomile, ti jujuchop ti sts'unubalique, ti jujutos ti sc'opique, ti jujun muc'tiquil lume, o'lol xchanibal c'ac'al (3.5) ta slabanic ti telel ta calle ti sbec'tal stacopale, mi jset'uc xaq'uic ta muquel.

Apocalipsis 13:7

Ac'bat yich' stsatsal xtoc ta stsaquel ta leto ti buch'u yu'untac ti Diose, ja' to ti c'uxi tsalbil ta xc'ot yu'une. Ac'bat yich' stsatsal xtoc ta spasel ta mantal ti jnaclejetic oyic ta sjoylej banomile, ti jujuchop sc'opique, ti jujun tos lume, ti jujun muc'tiquil lumetique.

Apocalipsis 13:8

Ti jti'oval chon loc' ta nab taje, ta x'ich'atic ta muc' yu'un ti jnaclejetic ta banomile, ja' ti buch'utic mu'yuc tsacal sbiic ta jpoc vun sventa cuxlejal c'alal mu'yuc to ox meltsajem ti banomile, xchi'uc ta jpoc vun ti oy ta yoc ta sc'ob ti jcot ta Uni Chij ti laj yich' svocol ta milele.

Apocalipsis 14:6

Laj quil yan ánjel xtoc ti xvilet ta o'lol vinajel ta yalel ta stojol ti jnaclejetic ta banomil ta jujun muc'tiquil lume, ti jujutos sts'unubalique, ti jujuchop sc'opique, ti sbatel osil oy c'usi ach' ta xc'ot ta pasele.

Apocalipsis 15:3

Tey ta sq'uejintabeic sq'uejimol ti Moisés ti yajtunel ti Diose, xchi'uc sq'uejimol ti jcot ta Uni Chij ti xi ta xalique: “Cajval, Ch'ul Dios ti scotol xu' avu'une, jun yutsil, mu no'ox albajuc smuc'tiquil ti c'usi ta xapase. Ch'ul Ajvalilot yu'un ti muc'tiquil lume, ti bu atamoj batele, jbel sc'oplal lec tuc' scotol.

Apocalipsis 17:15

Ti anjele xi laj yalbun xtoque: “Ti vo' xti'bet laj avil bu chotol ti mulivajel antse, ja' sc'oplal jteclumetic, jnaclejetic ta banomil, ti jujuchop ti sc'opique, ti oyic ta jujun muc'tiquil lume.

Apocalipsis 4:11

“Cajval Dios cu'uncutic, ac'otebal o ti ich'bilot ta muq'ue, ti ta xa'albat ti yan avutsile, ti oy amuc'ul atsatsale, yu'un vo'ot laj apas scotol ti c'usitic oye, yu'un loc' ayan ta avo'nton ti jech oy scotol ti c'usitic laj ameltsane.”

Apocalipsis 5:12

ti xi tsots ta xalique: “Ti jcot ta Uni Chij ti laj yich' svocol ta milele, sc'otebal o yich'uc albel ti oy smuc'ul stsatsale, ti oy sc'ulejale, ti oy sbijile, ti xu' yu'une, ti lec sc'oplale, ti muyubtabiluque.”

Apocalipsis 5:6

C'alal jech laj yale, ja' o laj quil ta o'lol bu oy ti muc' ta chotlebale, ta o'lol bu oy ti c'usi chanib cuxajtique, ta o'lol bu oy ti moletique, laj quil cotol jcot ta Uni Chij ti oy svinajeb laj yich' milele. Ti Uni chij taje, oy vucub xulub, xchi'uc vucbej sbec' sat ti ja' svinajeb ti vuctos stalel Ch'ul Espíritu yu'un ti Diose, ti yac'oj batel sat ti Dios ta sjoylej ti banomile.