Apocalipsis 5:6 - Bible in Tzotzil de Chamula

⁶ C'alal jech laj yale, ja' o laj quil ta o'lol bu oy ti muc' ta chotlebale, ta o'lol bu oy ti c'usi chanib cuxajtique, ta o'lol bu oy ti moletique, laj quil cotol jcot ta Uni Chij ti oy svinajeb laj yich' milele. Ti Uni chij taje, oy vucub xulub, xchi'uc vucbej sbec' sat ti ja' svinajeb ti vuctos stalel Ch'ul Espíritu yu'un ti Diose, ti yac'oj batel sat ti Dios ta sjoylej ti banomile.

Tzotzil Zinacantan

⁶ Oy tey cotol iquil jcot chꞌiom tot chij ta oꞌlol yoꞌ bu ti Rioxe, yoꞌ bu li chanvoꞌe, yoꞌ bu li veinticuatro moletique. Li chꞌiom tot chije tey seña ta spat xocon ti imilee pero ichaꞌcuxi. Jaꞌ seña ti jaꞌ ti Cajvaltic Jesuse. Oy vucub xulub, oy vucpꞌej sat, jaꞌ seña ti Chꞌul Espíritue ti itaque tal ta sjunlej balamile.

Bible in Tzotzil de Chenalhó with Deuterocanon

⁶ C'alal la jtoy jsate, ja' to laj quil te cotol jcot Ch'ium Chij ta o'lol yo' bu oy li chotlebale, xchi'uc li chanibique, xchi'uc li chanib xcha'vinic (24) banquilaletique. Li Ch'ium Chije oy yav ta sbec'tal ti imilate. Oy vucub xulub xchi'uc vucbej sat. Le'e ja' senyail li vucub espíritu tacbil batel ta sbejel banamile.

Tzotzil San Andres

⁶ Iquil te cotol jcot chexel chij ta oꞌlol li yoꞌ bu oy li Diose, schiꞌuc li chanvoꞌique, schiꞌuc li chanib schaꞌvinic banquilaletique. Li chexel chije oy yav ta sbecꞌtal ti imilee pero ichaꞌcuxi. Jaꞌ svinajeb ti jaꞌ li Cajvaltique. Oy jucub xulub schiꞌuc jucpꞌej sat, jaꞌ senyail li Chꞌul Espíritu ti itaque talel ta spꞌejel balumile.

Tzotzil de Huixtán

⁶ Hech yu'un laj jq'uel. Te ti o'lol yo' bu nacal ti Diose joyubtabil yu'un ti chanvo'ique xchi'uc ti veinticuatro ti vo' ti totiletique laj quil oy te cotol jun to jcot ch'iom carnero x'elan. Chvinaj ti imilate icha'cuxi xa. Ja' señail ti Cajvaltique ti ch'iom carnero x'elane. Hucub ti xulube, hucp'ej ti sate. Ti hucp'ej sate ja' señail ti Ch'ul Espíritue ti huctos yich'oj sbae ti ja' itacat batel ti sjoylejal balumil.

Apocalipsis 5:6 Iomraidhean Croise

2 Crónicas 16:9

Ti Diose chajal ta sba ta sat ti c'usitic ta xc'ot ta pasel ta sjoylej banomile yo' jech ta xac'be yipal yu'un ti buch'utic spatoj yo'nton ta stojole. ¡Li'e, ch'ayemot ta j'ech'el ti c'usi ta xapase! Tana li' une, ta xlic ech'el ti xlic xcaj ti letovajele.”

Daniel 7:14

Ac'bat yich' ti jelavem smuc'ul stsatsale, ti yutsilal slequilale, ti ventainel yu'une. Jech o xal ta xac' sbaic ta tunel ta stojol scotol ti jnaclejetic ta jujun muc' ta lume, ti ta jujuchop ti sc'opique. Yu'un jech sbatel osil ti oy smuc'ul stsatsale. Mi jutebuc ta xc'ot ta tubel ti c'u s'elan ta spas mantale.

Daniel 8:3

Tey laj jtoy batel jsat ta nom. Tey laj quil jcot tot chij ti cotol ta ti' uc'ume. Chib xulub ti nat va'ajtic muyele. Ja' no'ox un, oy jun ti ta xchibale ti natub to muyel ta j'ech'ele, ti ts'acal ch'i loq'uele.

Miqueas 4:13

Lican, va'lan ec un, jteclum Sión, ju'o ta teq'uel ya'i ec un, yu'un ti Diose xi ta xale: “Co'ol s'elan yip jcot vacax ta xcac'bot ti avipe, tsatsal taq'uin ta xcac'bot axulubin xchi'uc c'anal ts'ayetel taq'uin ta xcac'bot ti avoytaque yo' jech epal jteclumetic ta xatubbe sc'oplal xchi'uc. Ta xapojbe ti sc'ulejalic ti ma'uc ta slubel xchamel yoc sc'obic laj staic ta tsobele, yu'un ta xavac'bun ta jtojol ti vu'un Ajvalilun yu'un scotol ti banomile.

Habacuc 3:4

Sac jaman no'ox xojobal volibil talel; xnoblajet no'ox xojobal ta xloc' talel ta sc'obtaque, ti ta svinajes ti jelavem ta j'ech'el smuc'ul stsatsal ti nac'al ta stojole.

Zacarías 3:9

Ta jbejan ta stojol Josué ti jbej ton ti yich'oj vucjot (7) yelove, ti ta jluch ta ts'ibael ti c'usi sc'an ta xale. Mi laj taj une, ta jun no'ox c'ac'al, ta jtub ta jch'aybe smul ti muc' ta lum li'e.

Zacarías 4:10

“Ti buch'utic mu'yuc xaq'uic ta venta ti c'u s'elan uni juteb lic talele, xmuyubajic no'ox ti c'alal ta xilic ti ta xc'ot ta tsutsel ti abtel yu'un ti Zorobabele”, xi ti Diose. Laj taj une, xi to laj sts'ac batel slo'il ti ánjele: “Ti vucub (7) lamparaetic le'e, ja' me sat ti Dios ti xchajoj ta q'uelel sbejel ti banomile.”

San Lucas 1:69

Yu'un laj stacbotic talel jun muc'ul Jcoltavanej ti ayan tal ta jun snitilul ti ajvalil Davide, ti ja' yajtunel to oxe.

San Juan 1:29

Ta yoc'omal un, laj yil ti Juan ti ta xnopaj talel ti Jesús ta stojol ti xi laj yale: —Q'uelo avilic le'e, ja' ti xch'iom chij Dios ti ta xch'aybe smul scolo' ti jnaclejetic ta banomile.

San Juan 1:36

C'alal laj yil ti ta x'ech' ti Jesuse, ti Juane xi laj yale: —Q'uelo avilic le'e, ja' ti xch'iom chij ti Diose.

Hechos 8:32

Yu'un xi ta xal ti bu ta sq'uel batel ti ch'ul c'ope: “Jech c'u cha'al jcot chij ic'bil batel ta smilobil, jech c'u cha'al jcot ch'iom chij mu'yuc c'usi sna' xal c'alal ta xich' loc'bel ti stsotsile, ja' jech s'elan ti vinique, mu'yuc bu c'opoj jbeluc.

Apocalipsis 1:4

Vu'un Juan ta jts'iba batel ti jvun ta stojol ti vuc-chop tsobobbail ti oy ta Asia banomile. Ich'beic slequilal yutsilal xchi'uc slamajemal yo'nton ti Diose, ti ja' ono'ox Dios avi tana li'e, ti ta vo'ne talele, ti oy sc'oplal ta xtale, xchi'uc ta sventa ti Ch'ul Espíritu ti oy vuctos ti stalel ti bu oy ta spas mantal ti Diose,

Apocalipsis 12:11

Laj stsalic ti jchi'iltique, ta sventa xch'ich'el ti jcot ta Uni Chije, xchi'uc ti laj sva'an sbaic ta yalel ti xch'ul c'op yu'une. Mu'yuc laj xi'taic mi ta xac' o ti sjol sbaquilic xchi'uque, yu'un chapalic lec manchuc mi ta xchamic.

Apocalipsis 13:8

Ti jti'oval chon loc' ta nab taje, ta x'ich'atic ta muc' yu'un ti jnaclejetic ta banomile, ja' ti buch'utic mu'yuc tsacal sbiic ta jpoc vun sventa cuxlejal c'alal mu'yuc to ox meltsajem ti banomile, xchi'uc ta jpoc vun ti oy ta yoc ta sc'ob ti jcot ta Uni Chij ti laj yich' svocol ta milele.

Apocalipsis 14:1

Laj taj une, laj quil ti va'al ta vits Sión ti jcot ta Uni Chije. Oyic ta stojol chanib xvaxacvinic mil (144,000) ta vo' ti buch'utic yich'ojic ta sti'baic sbi ti jcot ta Uni Chije, xchi'uc sbi ti Stote.

Apocalipsis 17:14

Jech ta stsaquic ta leto xchi'uc ti jcot ta Uni Chije. Tsalbil ta xc'otic ti c'alal ta stsaquic ta leto ti jcot ta Uni Chij ti Buch'u c'otem ta Banquilal yu'un ti banquilal ajvalile, xchi'uc ti banquilal ajvalil yu'un ti its'inal ajvaliletique. Yu'un oy ta stojol ti jcot ta Uni Chije ti buch'utic ic'bilic talel yu'un ti Diose, ti t'ujbilic yu'une, ti jun yo'ntonique.”

Apocalipsis 21:22

Ti jcot ta Uni Chije xchi'uc ti Cajvaltic Dios ti scotol xu' yu'une, ja' xa c'otem ta xch'ulna ta jteclume. Mu'yuc laj quil yan ch'ulna ti bu taje.

Apocalipsis 21:23

Ti ta jteclume, laj to c'op ta xtun xojobal ti c'ac'ale, xojobal ti ue, yu'un ja' xa xojobin stuc ti Diose, xchi'uc ja' xa c'otem ta xojobinel yu'un ti jcot ta Uni Chije.

Apocalipsis 22:1

Laj taj une, ti anjele laj yac'bun quil jun yaxjipan uc'um ti ta xac' ti cuxlejale. Yax jipan no'ox yutsil ti vo'e, co'ol s'elan jech c'u cha'al junuc nen ta xloc' talel bu chotol ti Diose xchi'uc ti jcot ta Uni Chije.

Apocalipsis 22:3

Ti bu taje, laj c'op ma' ti oy c'usi chopol q'uelel ta stojolique. Yu'un ti ta jteclume, ja' ti bu chotol ti Diose xchi'uc ti jcot ta Uni Chije, ti ich'bilic ta muc' yu'un ti yajtuneltaque.

Apocalipsis 4:8

Ta jujun ti c'usi chanib cuxajtique, yich'oj vaquib xic' ti jujune, noj ta bec' satil ta yolon ta sba ti xiq'ue. C'ac'al ac'ubal mu xicta sbaic ta yalel ti xi ta xalique: “Ch'ul Dios, Ch'ul Dios, lequil Ch'ul Dios ma' ti Diose. Scotol xu' yu'un ma' ti Diose, ti jech no'ox stalel ta vo'nee, avi tana li'e, xchi'uc ti ta to xtale.”

Apocalipsis 5:11

Laj taj une, laj quil, tey laj ca'i sc'opojel epal anjeletic joyolic ti bu oy ti muc' ta chotlebale, xchi'uc ti c'usi chanib cuxajtique, xchi'uc ti moletique. Ta millón no'ox, ta millón no'ox ti yepal oyique,

Apocalipsis 5:12

ti xi tsots ta xalique: “Ti jcot ta Uni Chij ti laj yich' svocol ta milele, sc'otebal o yich'uc albel ti oy smuc'ul stsatsale, ti oy sc'ulejale, ti oy sbijile, ti xu' yu'une, ti lec sc'oplale, ti muyubtabiluque.”

Apocalipsis 5:13

Scotol c'usitic laj spas ti Dios ti oy ta vinajele, ti oy ta banomile, ti oy ta lajebale, ti oy ta nabe, laj ca'i ti xi ta xal scotolique: “Ti Buch'u chotol le' ta muc' ta chotlebale xchi'uc ti jcot ta Uni Chije, c'otuc ta pasel ti ich'biluc ta muq'ue, ti junuc yutsil ti sc'oplalique, ti jelavemuc ti yutsil slequile, ti smuc'ul stsatsale, ti jechuc o sbatel osile.”

Apocalipsis 5:14

Ti chanib c'usi cuxajtique xi laj staq'uic eque: “¡Jechuc!” Ti chanib xcha'vinic (24) ta vo' moletique laj squejan sbaic ta yich'el ta muc' ti Buch'u stalel cuxul sbatel osile.

Apocalipsis 6:16

Xi ta xalbeic ti vitse, ti ch'ene: “Loman talel ta jbacutic yo' ta xanac'uncutic ta sba ta sat ti Buch'u chotol ta muc' ta chotlebale, xchi'uc jech mu xitaecutic yu'un ti sc'ac'al yo'nton ti jcot ta Uni Chije.

1 Samuel 2:10

Ti Diose ta slilin ti yajcontrae; ta vinajel to, xc'avlajet no'ox liquel yu'un ti chauc ta xac' vuluc ta stojolique. Ti Diose sbainoj ta xchapanel scotol ti banomile; ta xac'be yip ti ajvalil ti laj st'uje, ti jelavem ta j'ech'el ti smuc'ul stsatsal ta xac'bee.”