Apocalipsis 5:5 - Bible in Tzotzil de Chamula

⁵ Ti jun ta scotol ti moletique xi laj yalbune: “Mu xa loq'uel xa'oc'. Yu'un ti Buch'u co'ol s'elan jcot ta león ti ja' snitilul ti Judae, ti ja' jun snitilul ti ajvalil Davide, laj xa stsal scotol, ti xu' yu'un ta sjame, xchi'uc ta stotsbel loq'uel ti vucub seyoale.”

Tzotzil Zinacantan

⁵ Oy jun li veinticuatro moletique jaꞌ yech liyalbe chac liꞌi: ―Mu xaꞌocꞌ. Oy muchꞌu ti oy tajmec yip chac cꞌu chaꞌal li leone. Jaꞌ jun achiꞌilic ta israelal, jaꞌ smom ti Judá ti ta más voꞌnee. Jaꞌ smom ti David ti ta voꞌnee. Jaꞌ icuch yuꞌun scotol, yechꞌo ti jaꞌ xuꞌ stotsbe svucubal spaqꞌue, jaꞌ xuꞌ sjilchꞌun li vune ―xiyut.

Bible in Tzotzil de Chenalhó with Deuterocanon

⁵ Jech laj yalbun jun li chanib xcha'vinic (24) banquilaletique: “Mu xa'oc'. A'yo ava'ay, spasoj xa canal jun sts'unubal li Judae, ech'em stsatsal jech chac c'u cha'al león. Ja' smomnich'on li David ta vo'onee. Laj xa stsal scotol, jech xu' yu'un tsjam li vune; xu' yu'un ta xtuch'be li vucub spaq'ue”, xiyutun.

Tzotzil San Andres

⁵ Jech liyalbe jun li chanib schaꞌvinic banquilaletique: ―Mu xaꞌocꞌ. Oy buchꞌu echꞌem stsatsal jech chac cꞌu chaꞌal li jtiꞌaval bolome. Jaꞌ jun achiꞌilic ta israelal, jaꞌ snitilul li Judá ta voꞌonee. Schiꞌuc li mucꞌta ajvalil David ta voꞌonee, jaꞌ snitilultac. Jaꞌ ispas ta canal scotol, jaꞌ yuꞌun xuꞌ ta sjilchꞌun li june. Xuꞌ yuꞌun ta stuchꞌbe li jucub spaqꞌue ―xiyut.

Tzotzil de Huixtán

⁵ Hech yu'un hech lic yalbun jun ti totiletique: ―Mu me xa'oc'. Oy much'u itsal xa yu'un scotol, ja' xu' yu'un tstuch'be ti selloe, hech chjam ti hune. Ja' jun achi'il, ho'oxuc ti yelnich'onoxuc ti Israele, ja' yu'un ti jchop yu'un ti Judae. Ja' statamol ti Davide. Ja' ep yip hech chaj c'u che'el yip jti'vanej bolom hech yu'un xu' yu'un tsjam ti hune ―xiyutun.

Apocalipsis 5:5 Iomraidhean Croise

1 Reyes 10:20

Ta jujucoj tec'obal xtoque, cotajtic lajcha'cot sloc'ol león, ti jujucot cotajtic ta jujujot sti'il ti tec'obale. ¡Mu'yuc buch'u yan ajvaliletic smeltsanoj co'ol sba ti va'i s'elan taje!

2 Crónicas 9:18

Ti muc' ta chotlebale, ta svac-cajal to tec'obal oy, xchi'uc oy stec'ob acanil ti meltsanbil ta oroe. Yich'oj scaj c'obal ta jujujot xocon ti chotlebale, ti cotajtic cha'cot sloc'obbail león ta sts'ele.

Job 41:15

Ti co'ol s'elan macobbail stsalalet no'ox ti snequebe, lec pac'al ta j'ech'el ti co'ol s'elan jbujuc ton ti syijile.

Isaías 11:1

Ti ta xchumanil te' taje, ti ja' sc'oplal ti Isaie, ta xvul ta loq'uel sq'uelom, jun sq'uelom ti ta yi'bel to ta xpul talele.

Isaías 11:10

Ta yorail taje, ti sc'oplal sq'uelom xchumanil snitilul ti Isaie, ta xlic sva'an sba ti ta xc'ot ta senyail yu'un ti lume. Ta xlic sa'anan talel ti muc'tiquil lumetique, ti bu tiq'uile, jun yutsil ta j'ech'el.

Jeremías 31:16

Ti Dios une xi ta xale: “Mu xa xa'oc', Raquel, mu xa xamal ti ya'lel asate. Ti oyot ta at-o'ntone, xi s'elan ta xatabe ti stojole: ti avalabtaque ta xcolic loq'uel talel ti oyic ta c'abal ta slumal ti yajcontraique. Ti vu'un Diosune, mu lo'iluc no'ox ta xcal.

Daniel 7:16

Tey linopaj batel ta stojol jun yu'unic ti c'u yepal tey va'alique. Laj jc'anbe ti ac'o yalbun scotol smelol ti c'usi laj quile. Jech ti stuque laj xch'un cu'un ti ac'o yalbun ca'ie, yu'un xi laj yalbune:

Números 24:9

Yu'un xi s'elan ti c'alal xach'al ta xcuxique, co'ol to s'elan junuc jti'oval león yilel: mu'yuc buch'u uni xit'an no'ox xa'i sba ta xnopaj ta stijbel ti svayele. C'uxubinbiluc ec ti buch'u ta xc'uxubinote. Bisatuc ta cotol chaval ya'i ti buch'u ta sbisot ta cotol chavale.”

San Lucas 23:28

Ja'uc ti Jesuse, laj sq'uel batel ti xi laj yalbee: —Antsetic ti nacaloxuc ta Jerusalene, mu xavoq'uitaicun, oq'uitao abaic atuquic, xchi'uc oq'uitaic ti avalab anich'nabique.

San Lucas 7:13

C'alal laj yil ti Cajvaltique, c'uxubaj yo'nton yu'un ti me'unal antse, ti xi laj yalbee: —Mu xa xa'oc'.

San Lucas 8:52

Scotolic x'avlajetic ta yoq'uitael ti tsebe, ja'uc ti Jesuse xi laj yale: —Mu xa'oq'uic, ti tsebe mu'yuc chamem, ta xvay no'ox.

San Juan 20:13

Xi laj sjaq'uic ti ánjeletique: —¿C'u cha'al ta xa'oc', jun me'tic? Xi tac'av ti Mariae: —Laj xa spoyic loq'uel sbec'tal stacopal ti Cajvale. Mu jna' bu laj yaq'uic.

Romanos 1:3

Taje, ja' sc'oplal ti Xnich'one, ti ja' Cajvaltic Jesucristoe, ti voc' talele, ti laj yich' sbec'tal ti lic ta stojol snitilultac ti ajvalil Davide.

Romanos 15:12

Xi laj sts'iba xtoc ti Isaíase: “Ta xvul ta loq'uel snitilul ti Isaie. Ta x'och ta Ajvalil yu'un ti jyanlumetique. Ta xlic spat yo'ntonic ta stojol.”

Hebreos 7:14

Yu'un vinajem lec sc'oplal ti Cajvaltic Jesucristoe ti ayan talel ta stojol jun snitilul ti Judae. Ti Moisese mu'yuc laj yal ti ta xich' t'ujel jun pale ta stojol snitilul ti Judae.

Apocalipsis 1:1

Ti jpoc vun ts'ibabil li'e, ja' sc'oplal ti oy c'usi ac'bat sna' ti Jesucristo yu'un ti Diose, yo' jech ti Jesucristoe ta xac'be sna' ti yajtuneltac ti c'usi jutuc xa sc'an ta xc'ot ta pasele. Ti Jesucristo eque laj stac talel yaj'ánjel yo' tal yac'be sna' ti Juan ti yajtunele.

Apocalipsis 22:16

Xi laj yalbun ti Jesuse: “Vu'un Jesús, laj jtac talel caj'ánjel ta xalbe ya'iic ti jch'unolajeletic ta jujun tsobobbail scotol taje. Ti vu'une liquemun talel ta snitilul ti ajvalil Davide. Yu'un co'ol j'elan jech c'u cha'al ti muc' ta c'anal xojobin no'ox ta xloc' talel ta jujun sobe.”

Apocalipsis 3:21

Ti buch'u ta stsal yu'un scotole, ta xcac' ochuc ta xchi'inun ta spas mantal ti bu ta jpas mantale, jech c'u cha'al ta jchi'in ta pas mantal ti Jtote, ja' ti laj jtsal scotole.

Apocalipsis 4:10

jech ti chanib xcha'vinic (24) ta vo' moletique, ta squejan sbaic ta stojol ta yich'el ta muc' ti Buch'u stalel cuxul sbatel osile, xchi'uc xi ta xalic c'alal ta sye'ic batel sronail sjolic ta stojol ti Buch'u chotol ta muc' ta chotlebale:

Apocalipsis 4:4

Ta joyob bu oy ti muc' ta chotlebale, oy yan chanib xcha'vinic (24) ta cot chotlebal, ti chotolic chanib xcha'vinic (24) ta vo' moletic ti xi s'elan oyique: jun no'ox yutsil ti sc'u' slapojique, xchi'uc slapoj sronail sjolic ti naca meltsanbil ta oroe.

Apocalipsis 5:4

Ti vu'une ep li'oc' yu'un mu'yuc buch'u junucal oy slequilal yutsilal ti sc'otebal o ti xu' yu'un ta sjam ta sq'uelel ti c'usi ta xale.

Apocalipsis 6:1

Ti jcot ta Uni Chije, laj quil laj stots loq'uel sliquebal seyoal ti yich'oj vucub seyo ti balbil vune. Laj ca'i ti co'ol s'elan chauc xc'avluj sc'opojel jun ta xchanvo'al ti c'usi cuxajtique, ti xi laj yale: “¡La' li'e!”

Apocalipsis 7:13

Va'i un, oy jun ta scotol ti moletique xi laj sjac'bune: “¿Buch'utic le'e, ti slapojic ti saquil c'u'ile? ¿Bu talemic?”