Apocalipsis 5:12 - Bible in Tzotzil de Chamula

¹² ti xi tsots ta xalique: “Ti jcot ta Uni Chij ti laj yich' svocol ta milele, sc'otebal o yich'uc albel ti oy smuc'ul stsatsale, ti oy sc'ulejale, ti oy sbijile, ti xu' yu'une, ti lec sc'oplale, ti muyubtabiluque.”

Tzotzil Zinacantan

¹² Iꞌavan scotolic: Ti iyacꞌ sba ta milel li chꞌiom tot chije, jaꞌ yech smelol ti chichꞌ tsots yabtele. Stuc noꞌox tspas mantal. Jaꞌ yuꞌun scotol li cꞌusitic oye. Pꞌij tajmec, stuc noꞌox oy syuꞌel. Ichꞌbil ta mucꞌ. Stuc noꞌox “colaval”, xꞌutat, xiic.

Bible in Tzotzil de Chenalhó with Deuterocanon

¹² Tsots i'avan scotolic: “Li Ch'ium Chij imilate ja' no'ox stuc oy ta sventa chich' lec svu'el, sc'ulejal, sbijil, stsatsal, ich'el ta muc', yutsilal, xchi'uc albel slequilal”, xiic.

Tzotzil San Andres

¹² Tsots icꞌopojic scotolic, jech laj yalic: Li chexel chij li imilee naca lec li cꞌusi la spase, jaꞌ yuꞌun iꞌacꞌbat tsots yabtel yuꞌun ispas ta canal scotol. Jaꞌ ta spas ta mantal scotol. Jaꞌ yuꞌun xa scotol li cꞌustic oye. Toj echꞌem schꞌulpꞌijil, scotol xuꞌ yuꞌun ta spas. Ichꞌbil ta mucꞌ. Stuc noꞌox ta xꞌalbat coliyal, xiic ta stojol li chexel chije.

Tzotzil de Huixtán

¹² Scotol tsots ic'opojic. Hech laj yalic: Yu'un scotol itsal yu'un ti Ch'iom Carneroe, ja' ti imilate, ti cha'cuxem xae, hech yu'un ac'bil yabtel. Ja' tspas ti mantal scotol, chu'unin scotol. Ja' jelaven sp'ijil; scotol xu' yu'un tspas. Stuc chch'umbat sc'op. Stuc tspasat ti muc'. Stuc ch-albat vocol ti stojol, xchiic ti stojol ti Ch'iom Carneroe.

Apocalipsis 5:12 Iomraidhean Croise

Zacarías 13:7

Ti Dios ti scotol xu' yu'une xi ta xale: “Va'lan, tec'lan un, espada, tsaco ta milel ti caj'il-chije. Tsaco ta milel xtoc ti caj'coltaobbae, milo ti j'il-chije, jech ti jvoc' chijetique, tan puc ta xbatic, yu'un ti vu'un eque ta jcontrain ti uni ch'iom chijetique.

San Mateo 28:18

Nopaj batel ti Jesús ta stojolic ti xi laj yale: —Ti Diose laj xa yac'bun ta coc ta jc'ob scotol ti c'usitic oy ta vinajele xchi'uc ti c'usitic oy ta banomile.

San Juan 1:29

Ta yoc'omal un, laj yil ti Juan ti ta xnopaj talel ti Jesús ta stojol ti xi laj yale: —Q'uelo avilic le'e, ja' ti xch'iom chij Dios ti ta xch'aybe smul scolo' ti jnaclejetic ta banomile.

San Juan 17:2

Yu'un laj avac'bun cabtel ta sbainel scotol ti jnaclejetic ta banomile, yo' jech ta xcac'beic xcuxlejalic sbatel osil ti buch'utic laj avac'bune.

2 Corintios 8:9

Yu'un ti vo'oxuque xana'ic lec, ta sventa ti oy yutsilal slequilal yo'nton ti Cajvaltic Jesucristoe, joybij ta me'un c'alal jc'ulej ono'oxe, yo' jech c'ulej ta xac'otic ta sventa sme'unal ti Cajvaltique.

1 Timoteo 1:17

Sbateluc osil ich'biluc ta muc', albiluc slequilal yutsilal ti Ajvalile, ti jelavem sbijile, ti mu xvinaj ta q'uelele, ti laj to c'op sna' xcham xlaje, ti c'ajomal Dios stuque. Jechuc.

Apocalipsis 1:6

Yu'un ta sventa Cristo, lijc'ot ta ajvalil, ta pale yo' jech ta xijtun ta stojol ti Diose, Stot ti Cajvaltic Jesucristoe. Jechuc o sbatel osil, ich'biluc ta muc' ti slequil yutsile, ti smuc'ul stsatsale. Jechuc.

Apocalipsis 13:8

Ti jti'oval chon loc' ta nab taje, ta x'ich'atic ta muc' yu'un ti jnaclejetic ta banomile, ja' ti buch'utic mu'yuc tsacal sbiic ta jpoc vun sventa cuxlejal c'alal mu'yuc to ox meltsajem ti banomile, xchi'uc ta jpoc vun ti oy ta yoc ta sc'ob ti jcot ta Uni Chij ti laj yich' svocol ta milele.

Apocalipsis 15:3

Tey ta sq'uejintabeic sq'uejimol ti Moisés ti yajtunel ti Diose, xchi'uc sq'uejimol ti jcot ta Uni Chij ti xi ta xalique: “Cajval, Ch'ul Dios ti scotol xu' avu'une, jun yutsil, mu no'ox albajuc smuc'tiquil ti c'usi ta xapase. Ch'ul Ajvalilot yu'un ti muc'tiquil lume, ti bu atamoj batele, jbel sc'oplal lec tuc' scotol.

Apocalipsis 19:1

Laj taj une, laj ca'i oy buch'u ep ta xc'opojic ta vinajel ti xi tsots ta xalique: “Ta sventa smuc'ul stsatsal slequilal yutsilal Dios cu'untic, laj jtatic ti pojel colele. Colij'albat yu'un.

Apocalipsis 4:11

“Cajval Dios cu'uncutic, ac'otebal o ti ich'bilot ta muq'ue, ti ta xa'albat ti yan avutsile, ti oy amuc'ul atsatsale, yu'un vo'ot laj apas scotol ti c'usitic oye, yu'un loc' ayan ta avo'nton ti jech oy scotol ti c'usitic laj ameltsane.”

Apocalipsis 5:13

Scotol c'usitic laj spas ti Dios ti oy ta vinajele, ti oy ta banomile, ti oy ta lajebale, ti oy ta nabe, laj ca'i ti xi ta xal scotolique: “Ti Buch'u chotol le' ta muc' ta chotlebale xchi'uc ti jcot ta Uni Chije, c'otuc ta pasel ti ich'biluc ta muq'ue, ti junuc yutsil ti sc'oplalique, ti jelavemuc ti yutsil slequile, ti smuc'ul stsatsale, ti jechuc o sbatel osile.”

Apocalipsis 5:6

C'alal jech laj yale, ja' o laj quil ta o'lol bu oy ti muc' ta chotlebale, ta o'lol bu oy ti c'usi chanib cuxajtique, ta o'lol bu oy ti moletique, laj quil cotol jcot ta Uni Chij ti oy svinajeb laj yich' milele. Ti Uni chij taje, oy vucub xulub, xchi'uc vucbej sbec' sat ti ja' svinajeb ti vuctos stalel Ch'ul Espíritu yu'un ti Diose, ti yac'oj batel sat ti Dios ta sjoylej ti banomile.

Apocalipsis 5:8

C'alal jech laj stsac ti balbil vune, jech ti c'usi chanib cuxajtique xchi'uc ti chanib xcha'vinic (24) ta vo' ti moletique, lic squejan sbaic ta stojol ti jcot ta Uni Chije. Jujun ti moletique oy yarpaic, xchi'uc yich'ojic batel yav ac'al naca meltsanbil ta oro ti noj ta pome. Ti pom taje, ja' smelol sc'opojel sti'inelic ti buch'utic yu'untac ti Diose.

Apocalipsis 5:9

Xi s'elan lic sq'uejintaic jun ach' q'uejimol: “Vo'ot ac'otebal o xu' avu'un xajam ti balbil vune, xchi'uc stotsel loq'uel ti seyoale, yu'un laj avich' avocol ta milel, yu'un laj amanuncutic ta ach'ul ch'ich'el yo' licomcutic ta yu'un ti Diose, ti oyuncutic ta jujun lume, ti jujuchop ti jc'opcutique, ti jujun muc'tiquil lume, ti oyuncutic ta sjoylej banomile.

Apocalipsis 6:1

Ti jcot ta Uni Chije, laj quil laj stots loq'uel sliquebal seyoal ti yich'oj vucub seyo ti balbil vune. Laj ca'i ti co'ol s'elan chauc xc'avluj sc'opojel jun ta xchanvo'al ti c'usi cuxajtique, ti xi laj yale: “¡La' li'e!”

Apocalipsis 7:12

ti xi laj yalique: “¡Jechuc! Yich'uc albel slequilal yutsilal ti Dios cu'untique. Yich'uc albel ti jelavem ti sbijile, ta yalbel ti coliyal x'utee, ta yalbel sc'oplal ti ich'biluc ta muq'ue, ti oy smuc'ul stsatsale. Jechuc o sbatel osil ti Dios cu'untique.”