Apocalipsis 5:11 - Bible in Tzotzil de Chamula

¹¹ Laj taj une, laj quil, tey laj ca'i sc'opojel epal anjeletic joyolic ti bu oy ti muc' ta chotlebale, xchi'uc ti c'usi chanib cuxajtique, xchi'uc ti moletique. Ta millón no'ox, ta millón no'ox ti yepal oyique,

Tzotzil Zinacantan

¹¹ Iquil, icaꞌi ti ep chcꞌopoj anjeletic ta sjoyob yoꞌ bu ti Rioxe, yoꞌ bu li chanvoꞌe, yoꞌ bu li veinticuatro moletique. Li anjeletique ep tajmec, mu jnaꞌtic jayib millón.

Bible in Tzotzil de Chenalhó with Deuterocanon

¹¹ C'alal jq'ueloje, laj ca'ay chc'opoj epal j'almantaletic te ta joyob li chotlebale, xchi'uc ta joyob yo' bu oy li chanibique xchi'uc li chanib xcha'vinic (24) banquilaletique. Li j'almantaletique bats'i ep ta millón ta jyalel.

Tzotzil San Andres

¹¹ Cꞌalal jqꞌueloje, icaꞌi chcꞌopoj ep chꞌul ángeletic ti te joyolic ta stojol Dios schiꞌuc li chanvoꞌique, schiꞌuc li chanib schaꞌvinic banquilaletique. Ep ta millón li chꞌul ángeletique, mu xlaj ta atel.

Tzotzil de Huixtán

¹¹ Laj jq'uel yan vuelta. Laj ca'ibe sc'op ep ch'ul abatetic ti te sjoyubtaojic ti Diose xchi'uc ti chanvo'ique xchi'uc ti totiletique. Ep ti mil ti ch'ul abatetique laj quil. Mu stac' atiel.

Apocalipsis 5:11 Iomraidhean Croise

1 Reyes 22:19

Ti Micaiase xi lic yalilane: —Ti jech laj aval ti va'i s'elan taje, xi chiquintao ava'i sc'opojel ti Diose: Laj quil ti chotol ta chotlebal ti Diose. Va'alic ta sts'el scotolic ti ac'bil yabtelic ti oy ta vinajele, ti vololic ta xocon sts'et c'obe, ti ta xocon sbats'i c'obe.

Salmos 103:20

Ánjeletic ti jelavem xu' avu'unique, lequil-c'optaic ti Diose, ti ta xc'ot ta pasel avu'unic ti c'u s'elan ta xalboxuque, ti chapalucoxuc ta xch'unbel une.

Salmos 148:2

Acotolic ti yaj'ánjeloxuque, lequil c'optaic. Ti c'u avepalic ti oyoxuc ta vinajele, lequil c'optaic.

Salmos 68:17

Ti Diose, ep ta mil no'ox oy yu'un ti scarreta ta sventa ac'ob-letoe; lic talel ta vits Sinaí, vul ta ch'ulna yu'un un.

Daniel 7:10

Co'ol s'elan leb c'oc' ti uc'um ta xloc' talel ti bu oye. Ja' jech xtoc ep ta mil ti yac'oj sbaic ta tunel tey ta stojole. Yan ti buch'utic naca va'ajtic ta sts'ele, mu xa ono'ox albajuc jaylajun-mil ta j'ech'el. Jech ti Buch'u chotol ta xchapanvane lic sliques ti c'usi ta xich' chapanele. Jech xtoc laj yich' jamel ti jujupoc vunetique.

Deuteronomio 33:2

ti xi xcholet lic yale: “Lic talel ta vits Sinaí ti Diose; yu'un ta Seir to, sac jaman no'ox talel ti jbetic yu'une. Yu'un xojobin no'ox vulel ta vits Parán, ti sac jaman no'ox ech'el yu'un c'alal ta Mariba-cadés, ti xtuchoj talel ta sbats'i c'ob ti co'ol s'elan junuc c'oc' sc'oplal ti oy jbel c'usi albil yu'une.

Hebreos 12:22

Ja'uc ti vo'oxuque lanopajic batel ta vits Sión, ta steclumal ti cuxul Diose, ta Jerusalén ti ja' sc'oplal ti vinajele, ti bu yepal no'ox ta mil tsobolic ti ánjeletic ti ta xalbeic slequilal ti Diose.

Judas 1:14

Vinajesbatic ono'ox sc'oplalic ta vo'ne yu'un ti Enoque, ti ja' xa yucubal totil me'il sliquel tal yu'un ti Adane, ti xi laj scaj'albe sc'oplal ti jnaclejetic taje: “Laj quil ti Cajvaltique, ti tal xchi'uc ep ta mil ti yu'untaque.

Apocalipsis 19:6

Laj ca'i xtoc ti oy buch'u yepal no'ox ta xc'opojic ti xvochvun ta j'ech'ele, ti co'ol s'elan yech'omal epal uc'um, mi co'ol s'elan tsots chauc xc'avlajet ti xi ta xalique: “Lequil c'optabiluc ti Diose, yu'un och xa ta spas mantal ti Cajvaltique, ti Dios cu'untic ti scotol xu' yu'une.

Apocalipsis 4:4

Ta joyob bu oy ti muc' ta chotlebale, oy yan chanib xcha'vinic (24) ta cot chotlebal, ti chotolic chanib xcha'vinic (24) ta vo' moletic ti xi s'elan oyique: jun no'ox yutsil ti sc'u' slapojique, xchi'uc slapoj sronail sjolic ti naca meltsanbil ta oroe.

Apocalipsis 4:6

Ta yeloval xtoc ti bu oy ti muc' ta chotlebale, tey oy jun muc' ta nab yilel, ti yaxjipan yutsil co'ol s'elan jech c'u cha'al junuc nene. Ta jujot sti'il ti muc' ta chotlebal oy ta o'lole, laj quil oy c'usi chanib cuxajtic ti yepal no'ox oy sbec' sat ta spat ta sti'bae.

Apocalipsis 5:14

Ti chanib c'usi cuxajtique xi laj staq'uic eque: “¡Jechuc!” Ti chanib xcha'vinic (24) ta vo' moletique laj squejan sbaic ta yich'el ta muc' ti Buch'u stalel cuxul sbatel osile.

Apocalipsis 5:6

C'alal jech laj yale, ja' o laj quil ta o'lol bu oy ti muc' ta chotlebale, ta o'lol bu oy ti c'usi chanib cuxajtique, ta o'lol bu oy ti moletique, laj quil cotol jcot ta Uni Chij ti oy svinajeb laj yich' milele. Ti Uni chij taje, oy vucub xulub, xchi'uc vucbej sbec' sat ti ja' svinajeb ti vuctos stalel Ch'ul Espíritu yu'un ti Diose, ti yac'oj batel sat ti Dios ta sjoylej ti banomile.

Apocalipsis 5:8

C'alal jech laj stsac ti balbil vune, jech ti c'usi chanib cuxajtique xchi'uc ti chanib xcha'vinic (24) ta vo' ti moletique, lic squejan sbaic ta stojol ti jcot ta Uni Chije. Jujun ti moletique oy yarpaic, xchi'uc yich'ojic batel yav ac'al naca meltsanbil ta oro ti noj ta pome. Ti pom taje, ja' smelol sc'opojel sti'inelic ti buch'utic yu'untac ti Diose.

Apocalipsis 7:11

Scotol ti anjeletic va'ajtic ta sts'el ti muc' ta chotlebale, ta sts'el ti moletique, ta sts'el ti chanib c'usi cuxajtique, snupilanic xa banomil laj spatan sbaic ta lumtic ta sts'el ti muc' ta chotlebal ta yich'el ta muc' ti Dios

Apocalipsis 9:16

Laj jta ta a'yiel c'u yepal oy ti yajsoldadotaque, ja' lajunvinic ta millon (200,000,000) ti ta ca' ta xanavique.