Apocalipsis 5:1 - Bible in Tzotzil de Chamula

¹ Ti Buch'u chotol ta muc' ta chotlebale, laj quil ti stsacoj ta sbats'i c'ob jlic balbil vun ti ts'ibabil ta yut ta spate, ti bajbil lec ta vucub seyoe.

Tzotzil Zinacantan

¹ Ti Riox tey chotol ta mucꞌta chotlebale, iquil ti stomoj ta sbatsꞌicꞌob jlic balbil vune, tsꞌibabil xchaꞌjotol. Oy vucub spacꞌ yoꞌ mu xjilchꞌuj o slicleje.

Bible in Tzotzil de Chenalhó with Deuterocanon

¹ Li boch'o te chotol ta muc'ta chotlebale laj quil te stsacoj ta sbats'ic'ob jlic balbil vun ts'ibabil ta spat xchi'uc ta yut. Ac'bil lec vucub spac'.

Tzotzil San Andres

¹ Li Dios li te chotol ta mucꞌta chotlebale, iquil te stsacoj ta sbatsꞌicꞌob jlic balbil jun tsꞌibabil schaꞌjotol. Acꞌbil jucub spacꞌ yoꞌ mu xjilchꞌuj o.

Tzotzil de Huixtán

¹ Ti Diose stsacoj ti sbats'ic'ob hun laj quil. Balbil ti hune. Ts'ibabil ti yut xchi'uc ti spat. Pac'bil ti hucub sello ti hune yu'un hech mu xtilp'uj.

Apocalipsis 5:1 Iomraidhean Croise

Isaías 29:11

Scotol ti c'usi ta xich' ilele, c'ot ta atojolic jech c'u cha'al junuc jlic balbil ts'ibabil vun ti pac'al lec ta seyoe. Mi ta x'ac'batic sq'uel junuc ti buch'u sna' vune, ti xi ta x'albate, “Q'uelo ca'itic c'usi ta xal”, xi ta staq'ue: “Mu xu' un, yu'un pac'bil seyoal.”

Isaías 34:16

T'uno, avtao ava'iic ti xi ta xal ta jpoc vun yu'un ti Diose: Ti chon bolometic taje, jcot stot jcot sme' ta snupul-nup oyic, ti c'ot xa ta nopel yu'un stuc ti Diose, ti ta jbel no'ox sc'op ta stsob talele.

Isaías 8:16

Bejluc me ta ajol avo'ntonic ti c'op li'e; avo'ntonuc no'ox me sna' ti c'u s'elan laj avich'ic tojobtasele, ti laj avich'ic chanubtasel cu'une.

Daniel 8:26

Sc'oplal ti jujun xmal sacub ti la'ac'bat avil ti c'alal jam ti aba asate, le'e, ja' ono'ox melel une. Ja' no'ox ti vo'ot une, ts'ijlan no'ox me. Yu'un ta ono'ox me xc'ot ta pasel ti mi jalij xa ech'ele.”

Zacarías 5:1

Jam jba jsat no'ox xtoc, laj quil jlic ts'ibabil balbil vun ti xvililete.

Apocalipsis 10:2

Stsacoj batel ta sc'ob uni biq'uit jambil balbil vun. Laj stec'an ta ba nab ti sbats'i oque, laj stec'an ta banomil ti sts'et oque.

Apocalipsis 4:3

Ti Buch'u chotol ta muc' ta chotlebale, oy xojobal co'ol s'elan ti diamante ton ta xac' xojobale, mi mo'oje, co'ol s'elan ti rubí baxton ti sts'ayts'un no'ox xojobal ta xaq'ue. Ta joyob bu oy ti muc' ta chotlebale, oy jun vacnac'obal xlaplun ti xojobal co'ol s'elan jech c'u cha'al ti esmeralda tone.

Apocalipsis 4:9

C'alal jujucoj ti c'usi cuxajtic ta xalbeic slequil yutsil ti Buch'u chotol ta muc' ta chotlebal ti stalel cuxul sbatel osile,

Apocalipsis 5:13

Scotol c'usitic laj spas ti Dios ti oy ta vinajele, ti oy ta banomile, ti oy ta lajebale, ti oy ta nabe, laj ca'i ti xi ta xal scotolique: “Ti Buch'u chotol le' ta muc' ta chotlebale xchi'uc ti jcot ta Uni Chije, c'otuc ta pasel ti ich'biluc ta muq'ue, ti junuc yutsil ti sc'oplalique, ti jelavemuc ti yutsil slequile, ti smuc'ul stsatsale, ti jechuc o sbatel osile.”

Apocalipsis 5:7

Ti jcot ta Uni Chije, ja' ba stsac ti balbil vune, ti stsacoj ta sbats'i c'ob ti Buch'u chotol ta muc' ta chotlebale.

Apocalipsis 6:1

Ti jcot ta Uni Chije, laj quil laj stots loq'uel sliquebal seyoal ti yich'oj vucub seyo ti balbil vune. Laj ca'i ti co'ol s'elan chauc xc'avluj sc'opojel jun ta xchanvo'al ti c'usi cuxajtique, ti xi laj yale: “¡La' li'e!”

Apocalipsis 6:16

Xi ta xalbeic ti vitse, ti ch'ene: “Loman talel ta jbacutic yo' ta xanac'uncutic ta sba ta sat ti Buch'u chotol ta muc' ta chotlebale, xchi'uc jech mu xitaecutic yu'un ti sc'ac'al yo'nton ti jcot ta Uni Chije.

Apocalipsis 8:1

C'alal ti jcot ta Uni Chij laj stots loq'uel ti yucubal seyo yich'oj ti balbil vune, sts'ijlajan com ti vinajele, nopol o'loluc ora.