Apocalipsis 4:8 - Bible in Tzotzil de Chamula

⁸ Ta jujun ti c'usi chanib cuxajtique, yich'oj vaquib xic' ti jujune, noj ta bec' satil ta yolon ta sba ti xiq'ue. C'ac'al ac'ubal mu xicta sbaic ta yalel ti xi ta xalique: “Ch'ul Dios, Ch'ul Dios, lequil Ch'ul Dios ma' ti Diose. Scotol xu' yu'un ma' ti Diose, ti jech no'ox stalel ta vo'nee, avi tana li'e, xchi'uc ti ta to xtale.”

Tzotzil Zinacantan

⁸ Oy vaquib xicꞌ jujun. Oy satic noxtoc ta sjunlej li spat xoconique, xchiꞌuc ta xiqꞌuic. Oy sat ta yolon li xiqꞌuique xchiꞌuc ta sba. Ta cꞌacꞌal acꞌubal jaꞌ yech chalic chac liꞌi: Stuc noꞌox lec li Cajvaltique, mu snaꞌ saꞌel smul. Stuc noꞌox oy syuꞌel. Tey onox ti cꞌalal ipas li vinajel balamile, cuxul lavie, cuxul ta sbatel osil, xiic yoꞌ bu ti Rioxe.

Bible in Tzotzil de Chenalhó with Deuterocanon

⁸ Li chanib c'usi cuxajtique oy vaquib xic' jujunic. Jech noxtoc oy satic ta spat xiq'uic xchi'uc ta yolon xiq'uic. Ta c'ac'al ta ac'ubal scotol ora jech chalic: “Ch'ul Dios, Ch'ul Dios, ja' Ch'ul Dios stuc li Cajvaltic ti ech'em svu'ele. Ja' li Boch'o te ono'ox oye, xchi'uc ti te oy o li' ta orae, xchi'uc ti te oy o sbatel osile”, xiic.

Tzotzil San Andres

⁸ Li jujunique oy vaquib xiqꞌuic. Schiꞌuc oy satic ta sjunul sbecꞌtalic, schiꞌuc ta jujun xiqꞌuic. Oy sat ta yolon xiqꞌuic, schiꞌuc ta sba xiqꞌuic. Cꞌacꞌal acꞌubal jech chalic: Tucꞌ yoꞌon li Cajvaltic Diose. Oy sjuꞌel, scotol yichꞌoj ta venta. Te onoꞌox oy ta voꞌone, schiꞌuc liꞌ oy cꞌalal tana, schiꞌuc te oy o sbatel osil, xiic ta stojol li Diose.

Tzotzil de Huixtán

⁸ Ti chanvo'ique vaquib xic' jujun. Oy satic ti scotol sbec'talic. Oy sat uc ti jujujech xiq'ue, ti yolon xic' xchi'uc ti spat xic'. Hech yu'un ep ti sate. Ti c'ac'al ti ac'ubal mu spajes sbaic. Scotol ora chalic: Toj yo'nton stuc ti Cajvaltic Diose. Ja' jelaven sp'ijil, ja' scotol sventainoj, ja' stalel oy sbatel osil. Ti vo'one oy, li'oy ti ora to, oy sbatel osil, xchiic ti stojol ti Diose.

Apocalipsis 4:8 Iomraidhean Croise

Génesis 17:1

C'alal yich'oj xa balunlajuneb yo'vinic (99) jabil ti Abrame, laj yac' sba iluc ti Dios ta stojolal ti xi albate: —Vu'un Diosun ti scotol xu' cu'une. Tamo ta spasel ti c'usi lec tuc' ta xquil ta jba ta jsate.

Salmos 91:1

Ti buch'u yac'oj sba ta chabiel ta yolon squeoval yaxinal ti Buch'u oy ta toyol cajale, ti scotol xu' yu'une,

Éxodo 15:11

Le' une, Cajval, mu junuc dios xco'olaj jech c'u cha'al ti vo'ote. Mu'yuc buch'u xco'olaj xch'ul talel jech c'u cha'al ti vo'ote. Xi'bal sba ti c'usitic ti jun yutsiquil ta xapase. Ac'oteb o ti ac'bil ta toyol ac'oplale.

Éxodo 3:14

Ti Diose xi laj staq'ue: —VU'UN TI BUCH'U ONO'OXE., Ja' jech xtoc xi xavalbe ya'iic ti israeletique: VU'UNUN ti xie, ja' laj stacun talel ta atojolic.

Isaías 13:6

Me'unal oc'anic ta avanel, yu'un nopaj xa talel sc'ac'alil ta xtal ti Diose, ti xjipluj to vulel vocol yu'un ti Buch'u scotol xu' yu'une.

Isaías 62:1

Ta sventa ti syail xc'uxul co'nton ta atojole, jteclum Sión, mi ja'uc ma' ti ts'ijil ta xicome. Ta sventa ti syail xc'uxul co'nton ta atojole, jteclum Jerusalén, mi ja'uc ta jcux co'nton, ja' to ti c'uxi ta xquil ti xojobin no'ox liquel ti tsalvanej avu'un jech c'u cha'al xojobal ti sacubel osile, ti apojel acoltaele, xtil no'ox jech c'u cha'al junuc c'oc' ti oy ta yavile.

Ezequiel 1:18

Laj quil ti yich'oj xot-xot taq'uinetic ti chanib carosetique, sts'aylajet no'ox xojobal ta jujujot xocon.

Ezequiel 1:5

Ta o'lol taj une, oy c'usi chanib cuxul ta xvinaj yilel, ti co'ol s'elan vinic ta q'uelele.

Ezequiel 1:6

Ti jujunic taj une, chanib sat yelovic, xchi'uc oy chanib xiq'uic.

Ezequiel 10:12

Ti c'u s'elan oye, ti spatique, ti sc'obique, ti xiq'uique, xtixet no'ox xojobal ta sjunulic. Ja' jech xtixet no'ox xojobalic ec ti chanib carosetique.

Joel 1:15

Mu xa ono'ox cha'bel un, nopaj xa talel sc'ac'alil yorail ti Diose. Ta xvul ta loq'uel ti tsots vocole, ti ja' no'ox ta stsutsesvan ti ta xac' taluc ti Buch'u scotol xu' yu'une.

Hechos 20:31

Viq'uiluc asatic, vuleso ta avo'ntonic ti c'u s'elan lichanubtasvan ti oxib (3) jabil li' oyun ta atojolique, yu'un c'ac'al ac'ubal ta ya'lel jsat laj jbijubtasoxuc acotolic.

2 Corintios 6:18

Ta xic'ot ta Totil avu'unic. Ta xac'otic ta calab jnich'nab ec, xi ti Cajvaltic Dios ti scotol xu' yu'une.”

1 Tesalonicenses 2:9

Ti co'ol jchi'il jbatique, xana'ic lec ti laj jpascutic tsatsal ta abtel yo' jech ta jta ti jve'elcutic ti jech li' cuxuluncutique. Yu'un c'ac'al ac'ubal li'abtejcutic yo' jech mu'yuc buch'u junucal avu'unic ta xisbainuncutic c'alal laj calcutic ava'iic ti sc'op Diose.

1 Timoteo 4:16

Ich'o aba ta c'ac'al un, bijan yu'un ti c'u s'elan ta xachanubtas ti yane, ti junuc avo'nton yu'un scotole. Mi jech ta xapase, ta xacol, xchi'uc ta xcolic ec ti buch'utic ta xa'iic ti ac'ope.

2 Timoteo 4:2

Paso tsatsal ta yalel ti lequil ach' c'ope. Mu xavicta ta yalel. Mi sc'an xa'iic, mi mu sc'an xa'iic, yavil mi laj avale. Ac'bo sna'ic ti lequil ach' c'ope. Tac'aluc c'otuc ta yo'nton avu'un ti oy c'usi quechel maquic ti jnaclej ta banomile. Muq'uibtasbo yo'ntonic. Mu xatsiq'ues avo'nton ta chanubtasvanej.

Hebreos 13:8

Yu'un ti Jesucristoe staoj yav yo'nton ti c'u s'elan ti voljee, avi tana li'e, ti sbatel osile.

Apocalipsis 1:4

Vu'un Juan ta jts'iba batel ti jvun ta stojol ti vuc-chop tsobobbail ti oy ta Asia banomile. Ich'beic slequilal yutsilal xchi'uc slamajemal yo'nton ti Diose, ti ja' ono'ox Dios avi tana li'e, ti ta vo'ne talele, ti oy sc'oplal ta xtale, xchi'uc ta sventa ti Ch'ul Espíritu ti oy vuctos ti stalel ti bu oy ta spas mantal ti Diose,

Apocalipsis 1:8

Ti Cajvaltic Dios ti scotol xu' yu'une, ti ja' ono'ox Dios avi tana li'e, ti ta vo'nee, ti oy sc'oplal ta xtale, xi ta xale: —Vu'un ti sliqueb spajebe.

Apocalipsis 11:17

Xi ta xalique: “Colaval, Cajval, Ch'ul Dios ti scotol xu' avu'une, ti oyot ono'ox talel ta vo'nee, ti jech staoj yav avi tana li'e, ti laj xa avinajes ti amuc'ul atsatsale, ti ta xlic apas mantale.

Apocalipsis 14:11

Ti bu ta xich' svocol ta c'oq'ue, sbatel osil xtomet ta xmuy batel ti xch'ailale, yu'un c'ac'al ac'ubal mi jset'uc oy cux o'nton yu'unic ti buch'utic laj snijan xchiman sbaic ta yich'el ta muc' ti jti'oval chone, ti sloc'obbaile, mi laj yich'beic smarcail sbi ti chone.”

Apocalipsis 14:3

Ta sq'uejintaic jun ach' q'uejimol ta stojol ti Buch'u chotol ta muc' ta chotlebale, ta stojol ti c'usi chanib cuxajtique, ta stojol ti moletique. Mi junuc oy buch'u xchan yu'un ma' ti q'uejimole. C'ajomal no'ox sna'ic sq'uejintael ti chanib xvaxacvinic mil (144,000) ta vo' ti buch'utic pojeic loq'uel ta stojol ti buch'utic oyic li' ta banomile.

Apocalipsis 15:3

Tey ta sq'uejintabeic sq'uejimol ti Moisés ti yajtunel ti Diose, xchi'uc sq'uejimol ti jcot ta Uni Chij ti xi ta xalique: “Cajval, Ch'ul Dios ti scotol xu' avu'une, jun yutsil, mu no'ox albajuc smuc'tiquil ti c'usi ta xapase. Ch'ul Ajvalilot yu'un ti muc'tiquil lume, ti bu atamoj batele, jbel sc'oplal lec tuc' scotol.

Apocalipsis 15:7

Ti vucub anjele, ac'batic jujun sbisic naca meltsanbil ta oro yu'un jun ta xchanibal ti c'usi cuxule, ti bu colbil xa yalel sc'ac'al yo'nton ti Dios ti Buch'u stalel cuxul sbatel osile.

Apocalipsis 16:14

Ja' xch'ulel ti pucujetique, ti laj yaq'uic iluc ti oy c'usi ch'ayal ta xc'ot o'ntonal yu'unique, ti loq'uic ta stsobel ti jujun banquilal ajvaliletic oyic ta sjoylej banomile, yo' ta x'ochic ta letovajel c'alal ta sta yorail ti muc' ta c'ac'al nopbil yu'un Dios ti scotol xu' yu'une.

Apocalipsis 16:7

Laj ca'i xtoc ti oy buch'u ta xc'opoj ta altar ti xi ta xale: “Jech, Cajval, Jch'ul Tot, scotol xu' avu'un, Dios, ti melel tuc' ta xachapan scotole.”

Apocalipsis 19:15

Ti Buch'u cajal ta ca'e, ta xloc' ta ye jun espada ti juxbil lec yee, yo' ta syayijesan ti jujun muc'tiquil lume. Co'ol s'elan tsatsal taq'uin, jbel xc'opoj ta spasvan ta mantal. Ti jech mu'yuc xa c'usi x'ech' o ta xa'i yu'un sc'ac'al yo'nton ti Dios ti scotol xu' yu'une, ja' stuc ta st'us ta yacan ti uva oy ta yavile, yo' ta xloc' ti vino ta yac'bel yuch' ti jnaclejetic ta banomil ti ta sta svocolic yu'une.

Apocalipsis 19:4

Ti chanib xcha'vinic (24) ta vo' moletique, xchi'uc ti chanib c'usi cuxulique, snupilanic xa banomil laj spatan sbaic ta lumtic ta yich'el ta muc' ti Dios ti chotol ta muc' ta chotlebale, xi lic yalilanique: “Lequil c'optabiluc ti Diose. Jechuc.”

Apocalipsis 21:22

Ti jcot ta Uni Chije xchi'uc ti Cajvaltic Dios ti scotol xu' yu'une, ja' xa c'otem ta xch'ulna ta jteclume. Mu'yuc laj quil yan ch'ulna ti bu taje.

Apocalipsis 3:7

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Filadelfiae: “Xi ta xal ti Buch'u stalel oy slequil stuq'uile, ti jbel xc'ot xc'opoje, ti oy ta sc'ob syavi ti ajvalil Davide. Mi laj sjam ti ti'nae, mu'yuc buch'u xmac yu'un. Mi laj smaque, mu'yuc buch'u ta xjam yu'un.

Apocalipsis 4:4

Ta joyob bu oy ti muc' ta chotlebale, oy yan chanib xcha'vinic (24) ta cot chotlebal, ti chotolic chanib xcha'vinic (24) ta vo' moletic ti xi s'elan oyique: jun no'ox yutsil ti sc'u' slapojique, xchi'uc slapoj sronail sjolic ti naca meltsanbil ta oroe.

Apocalipsis 4:6

Ta yeloval xtoc ti bu oy ti muc' ta chotlebale, tey oy jun muc' ta nab yilel, ti yaxjipan yutsil co'ol s'elan jech c'u cha'al junuc nene. Ta jujot sti'il ti muc' ta chotlebal oy ta o'lole, laj quil oy c'usi chanib cuxajtic ti yepal no'ox oy sbec' sat ta spat ta sti'bae.

Apocalipsis 4:9

C'alal jujucoj ti c'usi cuxajtic ta xalbeic slequil yutsil ti Buch'u chotol ta muc' ta chotlebal ti stalel cuxul sbatel osile,

Apocalipsis 5:6

C'alal jech laj yale, ja' o laj quil ta o'lol bu oy ti muc' ta chotlebale, ta o'lol bu oy ti c'usi chanib cuxajtique, ta o'lol bu oy ti moletique, laj quil cotol jcot ta Uni Chij ti oy svinajeb laj yich' milele. Ti Uni chij taje, oy vucub xulub, xchi'uc vucbej sbec' sat ti ja' svinajeb ti vuctos stalel Ch'ul Espíritu yu'un ti Diose, ti yac'oj batel sat ti Dios ta sjoylej ti banomile.

Apocalipsis 6:1

Ti jcot ta Uni Chije, laj quil laj stots loq'uel sliquebal seyoal ti yich'oj vucub seyo ti balbil vune. Laj ca'i ti co'ol s'elan chauc xc'avluj sc'opojel jun ta xchanvo'al ti c'usi cuxajtique, ti xi laj yale: “¡La' li'e!”

Apocalipsis 6:6

Ta o'lol ti bu oy ti c'usi chanib cuxajtique, laj ca'i oy buch'u c'opoj talel ti xi ta xale: “C'ajomal no'ox jun kilo trigo xman yu'un ti tojolil ta jun c'ac'al abtele. Oxib kilo jchop o ta trigo xman yu'un ta jun c'ac'al abtel. Le' une, mu xavixlan ti aceitee xchi'uc ti vinoe.”

Apocalipsis 7:11

Scotol ti anjeletic va'ajtic ta sts'el ti muc' ta chotlebale, ta sts'el ti moletique, ta sts'el ti chanib c'usi cuxajtique, snupilanic xa banomil laj spatan sbaic ta lumtic ta sts'el ti muc' ta chotlebal ta yich'el ta muc' ti Dios

Apocalipsis 7:15

Jech o xal un, li' oyic ta sts'el ti bu chotol ti Diose, yu'un c'ac'al ac'ubal ta xac' sbaic ta tunel li' ta xch'ulna ti Diose. Chabibilic yu'un ti Buch'u chotol ta muc' ta chotlebale.