Apocalipsis 4:7 - Bible in Tzotzil de Chamula

⁷ Ti jcot c'usi cuxule, co'ol s'elan jcot ta león. Xchibal ti c'usi cuxule, co'ol s'elan jcot ta tot vacax. Yoxibal ti c'usi cuxule, co'ol s'elan sat vinic. Xchanibal ti c'usi cuxule, co'ol s'elan jcot muc' ta xic ti xvililet no'ox ta xanave.

Tzotzil Zinacantan

⁷ Li june coꞌol xchiꞌuc león. Li june coꞌol xchiꞌuc becerro. Li june coꞌol xchiꞌuc sat crixchano li sate. Li june coꞌol xchiꞌuc xic, chvil xa yilel.

Bible in Tzotzil de Chenalhó with Deuterocanon

⁷ Li sba c'usi cuxule xco'laj xchi'uc león. Li xchibale xco'laj xchi'uc tot vacax. Li yoxibale xco'laj xchi'uc sat vinic. Li xchanibale xco'laj xchi'uc xic chvil.

Tzotzil San Andres

⁷ Li june coꞌol schiꞌuc jtiꞌaval bolom. Li june coꞌol schiꞌuc chexel tot vacax. Li june coꞌol schiꞌuc sat crixchano. Li june coꞌol schiꞌuc xic ti xvilete.

Tzotzil de Huixtán

⁷ Ti june jun to jti'vanej bolom x'elan. Ti june jun to vacax x'elan. Ti june oy sat hech chaj c'u che'el sat crixchano. Ti june jun to xic x'elan ti sjamoj ti xiq'ue.

Apocalipsis 4:7 Iomraidhean Croise

Génesis 49:9

Ti vo'ote, cuni nich'on Judá, co'ol a'elan jech c'u cha'al ch'in jti'oval león ti xi s'elan ta spas c'alal ta x'ech' yo'nton ta sti'el ti sve'ele: xlubet xa batel, xba spatan sba ta lumtic jech c'u cha'al muc' ta jti'oval león. ¿Buch'u la xu' yu'un ta xnopaj ta yilbajinel?

2 Samuel 1:23

“Ti Saule, ti Jonatane, c'anbilic, lec ilbilic, jmoj yalel muyelic ti c'alal cuxulique, jmoj chamic xtoc. Xviletic no'ox ta j'ech'el, ja' mu sta ti xiquetique. Ech'em xu' yu'unic, ja' mu sta ti leónetique.

Proverbios 28:2

C'alal mu lecuc ta xc'ot ta pasel ta muc' ta lume, sjel ts'ac no'ox sba ta x'ech' ti ajvaliletique, ti lequil jvolvanej une sna' spajesel ti c'alal xvochvun ti lume.

Isaías 40:31

Ja'uc ti buch'u spatoj yo'ntonic ta stojol ti Diose, yantic no'ox ta xich' batel ti yip ti jelavem xu' yu'unique. Xu' ti co'ol s'elan xic ti xviletic no'ox ta j'ech'ele. Mu xojtiquinic ti lubele. Nom to c'ot ma' ti lubul pich'il ti lum ach'el ta xa'iique.

Ezequiel 1:10

Ti sat yelov ti c'usi chanib cuxul ta xvinaje, xi s'elane: Ti jelavem ta jba'bee, yelov vinic ta q'uelel. Ti oy ta xocon bats'i c'obile, sat león ta q'uelel yilel. Ti oy ta ts'et c'obile, sat tot vacax ta q'uelel yilel. Ti oy ta patile, sat muc' ta xic ta q'uelel yilel.

Ezequiel 1:8

Ti oy ta xchanjotal xocon ta yolon ti xiq'uique, sc'ob viniquetic yilel. Oy sat yelovic ta xiq'uic ta xchanibal xoconic.

Ezequiel 10:14

Jujunic ti c'usi oy xiq'uique, oy chantos ta q'uelel ti sat yelovique: Ti jun ta sliquebe, co'ol s'elan sat vacax yilel. Ti xchibale, co'ol s'elan sat vinic yilel. Ti yoxibale, co'ol s'elan sat león yilel. Ti xchanibale, co'ol s'elan sat xic yilel.

Ezequiel 10:21

Ti jujunique, laj quil ti oy chantos (4) ta q'uelel ti satique, xchi'uc chanib (4) ti xiq'uique. Ti ta yolon ti xiq'uique, ta xvinaj ti tey oy c'obaletic.

Daniel 7:4

Ti bu ba'yel laj quile, co'ol s'elan jcot león yilel. Ja' no'ox un, oy xic' jech c'u cha'al ti xique. C'alal ja' o batem jsat xchi'uc ta sq'uelele, laj quil ti laj yich' loq'uesbel ti xic'taque. Lic stoybeic liquel ti sjole. Laj stec'anbeic lec ti svalopat acan ta lumtique. Va'al lec com yu'unic jech c'u cha'al junuc vinic. Lic ayanuc snopobil yu'un jech c'u cha'al snopobil yu'un jun vinic.

Abdías 1:4

Ac'o mi ta toyol to xavilet muyel jech c'u cha'al ta spas ti muc' ta xique, ti ta toyol to laj ameltsan ti avayeb ti bu oy ti c'analetique, ta jipot yalel ti bu taje.” Ti Diose xi ta xal ta jamale:

Números 23:24

Yu'un ti jteclum le'e, co'ol s'elan jcot jti'oval león ti syolinoj sba talele, mi ja'uc spajes sbaic ja' to ti c'uxi laj sbal ta ti'el ti sve'ele, ti ta xuch'be xch'ich'el ti smilbene.”

Números 24:9

Yu'un xi s'elan ti c'alal xach'al ta xcuxique, co'ol to s'elan junuc jti'oval león yilel: mu'yuc buch'u uni xit'an no'ox xa'i sba ta xnopaj ta stijbel ti svayele. C'uxubinbiluc ec ti buch'u ta xc'uxubinote. Bisatuc ta cotol chaval ya'i ti buch'u ta sbisot ta cotol chavale.”

1 Corintios 14:20

Ti jech co'ol jchi'il jbatique, mu me snopbenuc olol ti c'usi ta xanopique. Mu'yucuc c'usi chopol oy ta avo'ntonic jech c'u cha'al ti ololetique, vulemuc lec ach'ulelic ta snopel.

Deuteronomio 28:49

Yu'un ti Diose ta stac' talel jyanlumetic ti co'ol to s'elan junuc muc' ta xic ti xvilil to talel ta xliquic talel ta jot to banomil ti ta stsacoxuc ta letoe. Mu ja'uc jutebuc ta xava'ibeic ti sc'opique.

Apocalipsis 4:6

Ta yeloval xtoc ti bu oy ti muc' ta chotlebale, tey oy jun muc' ta nab yilel, ti yaxjipan yutsil co'ol s'elan jech c'u cha'al junuc nene. Ta jujot sti'il ti muc' ta chotlebal oy ta o'lole, laj quil oy c'usi chanib cuxajtic ti yepal no'ox oy sbec' sat ta spat ta sti'bae.

Apocalipsis 6:3

C'alal laj stots xchibal seyo ti jcot ta Uni Chije, xi laj ca'i laj yal xchibal ti c'usi cuxule: “¡La' li'e!”

Apocalipsis 6:5

C'alal laj stots yoxibal seyo ti jcot ta Uni Chije, laj ca'i ti xi laj yal yoxibal ti c'usi cuxule: “¡La' avil li'e!” Laj jq'uel batel un, laj quil loc' talel jcot ic'al ca'. Ti buch'u scajlebinoje stsacoj ta sc'ob jun sbisobil ti c'usi stac' bisel ti oy yalale.

Apocalipsis 6:7

C'alal laj stots xchanibal seyo ti jcot ta Uni Chije, laj ca'i ti xi laj yal ti xchanibal ti c'usi cuxule: “¡La' li'e!”