Apocalipsis 4:5 - Bible in Tzotzil de Chamula

⁵ Ti bu oy ti muc' ta chotlebale, xjaplajet no'ox sac tsel, oy c'opojel, xchi'uc xc'avlajet no'ox chauc ta xloc' talel. Ta stuq'uil yeloval ti muc' ta chotlebale, ta xtil vucub leb c'oc', ja' smelol ti vuctos stalel ti Ch'ul Espíritu yu'un ti Diose.

Tzotzil Zinacantan

⁵ Yoꞌ bu chotol ti Rioxe xleblajet chlocꞌ chavuc. Oy cꞌusi yan xal tajmec icaꞌi noxtoc. Ta yichon ti Rioxe oy tey vucub cꞌocꞌ. Li vucub cꞌoqꞌue jaꞌ seña ti Chꞌul Espíritu ta vucub jteclume.

Bible in Tzotzil de Chenalhó with Deuterocanon

⁵ Ta muc'ta chotlebale te chloc' sacsevuletic, xchi'uc xc'ulet no'ox chauquetic. Ta yeloval li chotlebale oy vucub candil te tsanajtic; le'e ja' li vucub espíritu yu'un Diose.

Tzotzil San Andres

⁵ Li bu chotol li Diose te xlebluj chlocꞌ chauc, schiꞌuc tsots iꞌavan li chauque, schiꞌuc oy cꞌustic tsots inic. Li ta stuqꞌuil li bu chotol li Diose te tsanal jucub cantil. Li jucub cantile jaꞌ senyail li Chꞌul Espíritu li te oy li ta jucub jteclume.

Tzotzil de Huixtán

⁵ Ti bu nacal ti Diose te ti muc'ta naclebale te chleblej tal tselov, ch-avan chauc, oy c'usi yan chc'opoj uc. Te ti stojol ti Dios uque oy hucub yat c'oc'. Ja' señail ti Ch'ul Espíritue ti huctos yich'oj sbae hech yu'un jelaven yutsil.

Apocalipsis 4:5 Iomraidhean Croise

Génesis 15:7

Xi albat xtoque: —Vu'un Diosun, laj jloq'uesot talel ta Ur oy ta yosilalic ti caldeoetique yo' jech ta xcac'bot avosilin ti banomil li'e.

2 Crónicas 4:20

ti co'ol s'elan pajleb cantila ta naca lequil oro meltsanbile, xchi'uc ti slamparailtac ti ta xich' aq'uel ta yeloval Bats'i Cuxul Ch'ul Cuartoe, ti ta xich' tsanel jech c'u cha'al albil ono'oxe,

Salmos 68:35

Jun yutsil ta j'ech'el ti Dios ta xch'ulnae; ti Dios yu'un Israele ta xac'be yip smuc'ul stsatsal ti steclumale. Lequil-c'optabiluc ta j'ech'el ti Dios une.

Éxodo 19:16

Va'i un, ta sacubel osil ta yoxibal (3) c'ac'ale, xc'avlajet no'ox liquel ti chauque. Xjaplajet no'ox liquel ti sac tsele. Volol vul jun ic'al lumal toc ta sjol ti vitse. Tsots xvochet xa liquel ti oq'uesetique, ti xniquic xa liquel ta xi'el scotol ti c'u yepal tey vololique.

Éxodo 20:18

Ja' rexticoetic scotol ti israeletic ti laj yilic ti xc'avlajet ti chauque, ti xjaplajet ti sac tsele, ti xvochet yech'omal ti oq'uesetique, ti xtomet no'ox xch'ailal ti vitse. Nom va'ajtic ta scoj ti xi'ele.

Éxodo 25:37

Meltsano xtoc yan vucub lamparaetic ti joc'ajtic ta xac' batel xojobal ta yelove.

Éxodo 37:23

Ja' jech xtoc ta smeltsan ta bats'i oro ti vucub lamparaetique, ti xtuch'obil xnichtaque, ti scajanobile.

Ezequiel 1:13

Co'ol s'elan tilemal ac'al x'ubet no'ox ta q'uelel ma' ti c'usi cuxule, mi co'ol s'elan jch'obuc toj xtal xbat no'ox ta o'lol yu'unic. Xojobin no'ox ta q'uelel ma' ti c'oq'ue. Xjaplajet ta xloc' tal sac tsel ti bu taje.

Joel 3:16

C'alal ta xac' ta a'yiel ti xc'avluj to sc'opojel ti Dios ta vits Sión ti oy ta Jerusalene, ta xlic nicuc ti vinajele, ti banomile. Ti Diose, ja' jpojvanej jnac'vanej yu'un ti israeletique, yu'un ja' steclumal.

Zacarías 4:2

“¿C'usi ta xavil yilel?” Xichi laj jtac'bee: “Ja' jun pajleb cantila ti meltsanbil ta oroe, ti yich'oj xch'amleb aceite ta sbae. Yu'un ti ta toyole yich'oj vucub (7) lámpara ti oy jujun sbetac ti aceite ti ta xlic talel ta yavile.

San Mateo 25:1

Ti Jesuse xi laj yal xtoque: —Ti ventainel yu'un ti Dios ti oy ta vinajele, co'ol s'elan jech c'u cha'al lajuneb tsebetic ti yich'ojic batel ti slamparaic ti chba snupic ta be ti jnupunel vinique.

San Mateo 3:11

Ta melel, vo' no'ox ta xcac' avich'ic ta yiq'ueloxuc ti sutanic talel ta stojol ti Diose. Ja'uc ti Buch'u ta ts'acal to ta xtale, ta xac'boxuc avich'ic ti Ch'ul Espíritu ti co'ol s'elan c'oq'ue. Ti Buch'u ta ts'acal ta xtale, jelavem ti smuc'ule. Ti vu'une ch'abal c'usi xu' cu'un, mi ja'uc ta yich'bel batel ti xonobe, mu'yuc jlequilal ta stojol.

Hechos 2:3

Laj yilic co'ol s'elan leb c'oc' laj xch'acan sba batel ta jujun ti c'u yepal tsobolique.

Apocalipsis 1:4

Vu'un Juan ta jts'iba batel ti jvun ta stojol ti vuc-chop tsobobbail ti oy ta Asia banomile. Ich'beic slequilal yutsilal xchi'uc slamajemal yo'nton ti Diose, ti ja' ono'ox Dios avi tana li'e, ti ta vo'ne talele, ti oy sc'oplal ta xtale, xchi'uc ta sventa ti Ch'ul Espíritu ti oy vuctos ti stalel ti bu oy ta spas mantal ti Diose,

Apocalipsis 10:3

Tsots avan jech c'u cha'al xloquet snuc' jun león c'alal ta x'oq'ue. Ti c'alal jech lic avanuque, vucmoj chauc xc'avlajet no'ox liquel laj staq'uic talel ti sc'opojele.

Apocalipsis 11:19

Va'i un, jam xch'ulna ti Dios oy ta vinajele. Ti ta ch'ulnae, xvinaj xcaxail ti tratee. Ta jech to yepal xjaplajet liquel ti sac tsele, ti yech'omal eile, ti xvo'o'et no'ox liquele, ti xc'avlajet no'ox liquel ti chauque, ti lic tsots niquele, ti mu no'ox albajuc tal ti bote.

Apocalipsis 3:1

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Sardise: “Xi ta xal ti Buch'u yich'oj ti vuctos stalel ti Ch'ul Espiritue, ti oy ta sc'ob ti vucbej c'anale: Jna' scotol ti c'usi ta xapase. Jna' lec ti chamemote, manchuc mi oy buch'u ta xalic ac'oplal ti ataoj acuxlejal ta stojol ti Diose.

Apocalipsis 5:6

C'alal jech laj yale, ja' o laj quil ta o'lol bu oy ti muc' ta chotlebale, ta o'lol bu oy ti c'usi chanib cuxajtique, ta o'lol bu oy ti moletique, laj quil cotol jcot ta Uni Chij ti oy svinajeb laj yich' milele. Ti Uni chij taje, oy vucub xulub, xchi'uc vucbej sbec' sat ti ja' svinajeb ti vuctos stalel Ch'ul Espíritu yu'un ti Diose, ti yac'oj batel sat ti Dios ta sjoylej ti banomile.

Apocalipsis 8:5

Ti ánjel xtoque laj snojes ta yac'alil c'oc' ti oy ta altar ti yavil ac'ale. Laj sjip yalel talel ta banomil. Xc'avlajet no'ox liquel un. Xvo'o'et ta j'ech'el. Xjaplajet no'ox liquel ti sac tsele xchi'uc ti niquele.