Apocalipsis 4:11 - Bible in Tzotzil de Chamula

¹¹ “Cajval Dios cu'uncutic, ac'otebal o ti ich'bilot ta muq'ue, ti ta xa'albat ti yan avutsile, ti oy amuc'ul atsatsale, yu'un vo'ot laj apas scotol ti c'usitic oye, yu'un loc' ayan ta avo'nton ti jech oy scotol ti c'usitic laj ameltsane.”

Tzotzil Zinacantan

¹¹ Voꞌot Cajvaloticotic, voꞌot Rioxot ti quichꞌojoticotic ta muqꞌue. Jaꞌ yech smelol ti chaquichꞌticotic ta muqꞌue, ti chcalticotic ti atuc noꞌox oy ayuꞌele, yuꞌun voꞌot apasoj scotol li cꞌusitic oye yuꞌun jaꞌ acꞌan ti oyuque, xutic ti Rioxe.

Bible in Tzotzil de Chenalhó with Deuterocanon

¹¹ “Cajval, vo'ot Diosot cu'uncutic, vo'ot no'ox atuc oy ta aventa albel alequilal, ich'el ta muc', xchi'uc vo'ot no'ox atuc oy avu'el. Yu'un vo'ot laj apas scotol li c'usitic oye, yu'un jech la sc'an avo'nton ti jech oye, ti jech i'ayin scotole”, xiic ta stojol li Diose.

Tzotzil San Andres

¹¹ Joꞌot Cajvalotcutic, joꞌot Diosot cuꞌuncutic, joꞌot noꞌox atuc ti echꞌem alequilal avutsilale, ti ichꞌbilot ta muqꞌue, ti oy ajuꞌel oy atsatsale. Joꞌot la apas scotol li cꞌustic oye yuꞌun jech la acꞌan ti oye, xiic ta stojol li Diose.

Tzotzil de Huixtán

¹¹ Cajvalot cu'untutic, Diosot cu'untutic, atuc no'ox jelaven yutsil avo'nton. Atuc no'ox chapasat ti muc'. Atuc no'ox jelaven ap'ijil. Yu'un ho'ot laj apas scotol ti c'utic oye. Yu'un hech laj sc'an avo'nton, hech i'an scotol, hech imeltsaj scotol, xchiic ti stojol ti Diose.

Apocalipsis 4:11 Iomraidhean Croise

Génesis 1:1

Ti c'usitic lic meltsajuc talel yu'un ti Dios ta sliquebale, vinajel xchi'uc ti banomile.

2 Samuel 22:4

Ti vo'ote, Cajval Dios, ac'otebal o ti lequil c'optabilote. C'alal ta xajtaot ta c'oponele, ta xapojun ta yoc ta sc'ob ti jcontrataque.

Nehemías 9:5

Ta jech yepal un, xi laj yalic ti levitaetique, ti Josuee, ti Cadmiele, ti Binuye, ti Hasabniase, ti Serebiase, ti Hodiase, ti Sebaniase, xchi'uc ti Petaiase: “Licanic, va'lanic xa, sbateluc osil lequil c'optabiluc ta j'ech'el ti Ajvalil Dios avu'unique. ¡Lequil c'optabiluc ta sventa ti c'uxubinel yu'une, ti toybiluc xi'biluc ti stuc no'ox jelavem ti yutsilale, ti smuc'ul stsatsale!”

Job 36:3

Ta jtunes ta yalel ava'i ti c'usitic quilojane, ta yac'belot ana' ti oy smelol c'usi ta xal ti Buch'u laj yac'bun ti jch'ulel canimae.

Salmos 18:3

Ti vo'ote, Dios. ac'otebal ma' ti muyubtabilot une; c'alal ta xajtaot ta c'oponele, ta xapojun ta yoc ta sc'ob ti jcontrae.

Salmos 68:34

Xi s'elan ojtiquino avilic smuc'ul stsatsal ti Diose: smacoj ta sventainel scotol ti Israele, c'otem to ta yax ts'ijan vinajel ti smuc'ul stsatsale.

Éxodo 20:11

Yu'un ti Diose, ta vaquib (6) no'ox c'ac'al, laj smeltsan ti vinajele, ti banomile, ti nabe, xchi'uc scotol ti c'usitic oy ta stojolique. Ta yucubal (7) c'ac'al une, laj xcux yo'nton. Jech o xal ti Diose laj sts'uiltas ti sc'ac'alil cuxob o'ntonale. Jamal laj yal ti ja' jun ch'ul c'ac'ale.

Proverbios 16:4

Ti Diose oy smelol ti laj yac' ayanuc ti c'usitic oye, jech ec ti buch'u mu'yuc xch'ulel xa'i sbaique, smalauc xa no'ox xa'i ti tsitsele.

Isaías 40:26

Toyo ech'el asatic ta vinajel, xachiic c'alal ta xaq'uelique: ¿Buch'u laj smeltsan scotol le'e? Ja' ti Buch'u laj xchapanbe yavil ta jujuvoq'ue, ti scotolic biiltasbilic yu'une. Toj ech'em ta jmec ti smuc'ul stsatsale, ti jelavem xu' yu'une, ti chapal lec yu'un ti c'usi ta spas ta stojolique.

Isaías 40:28

¿Mi yu'un mu xana'? ¿Mi yu'un mu'yuc ava'yioj? Ti Ajvalil ti ja' Dios sbatel osile, ti laj smeltsan scotol ti banomile, mi ja'uc sna' slubtsaj, mu xojtiquin ti lubele, yu'un mu no'ox albajuc ta j'ech'el ti sbijile.

Jeremías 10:11

(Ti vo'oxuque, israeletic, xi xavalbeic ya'iic ti buch'utic yan yajvalique: “Ti diosetic ti ma'uc laj smeltsanic ti vinajel banomile, j'ech'el ta xtub sc'oplalic li' ta banomile. Mi junuc ta xcom ti c'u yepal oyique.”)

Jeremías 32:17

‘Cajval, ti ta sjunul amuc'ul atsatsal laj ameltsan ti vinajele ti banomile. Ma'uc ma' ti mu'yuc c'usi ta xc'ot ta pasel avu'une.

Hechos 14:15

—Jchi'lactic, ¿c'u cha'al jech ta xapasic le'e? Vinicuncutic no'ox jech c'u cha'al ti vo'oxuque. Ti jech litalcutic li'e, ja' tal calcutic ava'iic ti lequil ach' c'ope yo' ta xavictaic ta spasel ti vi s'elan le'e, ti ma'uc toj tsots sc'oplale. Sutanic xa talel ta stojol ti cuxul Dios ti Buch'u laj spas ti vinajele, ti banomile, ti muc' ta nabe, xchi'uc scotol ti c'usitic oye.

Hechos 17:24

“Ti Dios ti laj smeltsan ti banomile xchi'uc scotol ti c'usitic oye, le'e, ja' yajval vinajel, banomil. Mu xnaqui ta ch'ul naetic meltsanbil yu'un ti jnaclejetique.

Romanos 11:36

Yu'un scotol ti c'usitic oye, ta xlic talel ta stojol ti Diose, ja' pasbil yu'un yo' ta xtun yu'un. ¡Vinajuc slequilal sbatel osil ti Diose! Jechuc.

Efesios 3:9

Ti Buch'u laj smeltsan scotol ti c'usitic oye, laj yac'bun cabtel ta svinajesel ta stojol scotol ti jnaclejetic ta banomil ti c'usi mu to ox xvinaj yu'un ti Dios ta vo'nee.

Deuteronomio 32:4

Ja' c'otem ta jpojobbailtic; jun yutsil ti yabtel spasoje. Ti c'usi ta spase, lec tuc' ta j'ech'el, yu'un ja' jun Dios ti melel ti c'usi ta xale. Mu'yuc c'usi chopol ta spas ti stuque, yu'un ja' melel, oy lec srazon ti stuque.

Hebreos 1:10

Oy bu xi ta xal xtoque: “Ti vo'ote, Cajval, ta aventa lic meltsajuc talel ti banomile, yu'un ta avoc ac'ob laj ameltsan ti vinajele.

Hebreos 1:2

Avi tana une, ti slajebtic xa batel ti c'ac'ale, c'opoj ta jtojoltic ta sventa ti Xnich'one. Yu'un ti Diose laj spas scotol ti c'usi oy x'ayan ta sventa ti Xnich'one, xchi'uc laj yac'be yich' scotol ti c'usitic oy x'ayane.

Apocalipsis 1:6

Yu'un ta sventa Cristo, lijc'ot ta ajvalil, ta pale yo' jech ta xijtun ta stojol ti Diose, Stot ti Cajvaltic Jesucristoe. Jechuc o sbatel osil, ich'biluc ta muc' ti slequil yutsile, ti smuc'ul stsatsale. Jechuc.

Apocalipsis 10:6

Tey laj sva'an ta yalel ti Buch'u sbatel osil cuxule, ti laj smeltsan ti vinajele, ti banomile, ti nabe, scotol ti c'usitic oye, ti xi laj yale: “Mu xa xjalij sc'ac'alil ti c'usi ta xc'ot ta pasele.

Apocalipsis 14:7

Xi tsots ta xale: “Xi'taic ti Diose, albeic yutsilal slequilal, yu'un sta xa yorail ta xchapanvan. Ich'ic ta muc' ti Buch'u laj spas ti vinajele, ti banomile, ti nabe, ti sat vo'etique.”

Apocalipsis 19:1

Laj taj une, laj ca'i oy buch'u ep ta xc'opojic ta vinajel ti xi tsots ta xalique: “Ta sventa smuc'ul stsatsal slequilal yutsilal Dios cu'untic, laj jtatic ti pojel colele. Colij'albat yu'un.

Apocalipsis 5:12

ti xi tsots ta xalique: “Ti jcot ta Uni Chij ti laj yich' svocol ta milele, sc'otebal o yich'uc albel ti oy smuc'ul stsatsale, ti oy sc'ulejale, ti oy sbijile, ti xu' yu'une, ti lec sc'oplale, ti muyubtabiluque.”

Apocalipsis 5:2

Laj quil jun ánjel ti jelavem xu' yu'une, ti xi tsots laj sjaq'ue: “¿Buch'u oy slequilal yutsilal ti xc'ot o xu' yu'un ta sjamel ti vun li'e, xchi'uc ta stotsbel loq'uel ti seyoale?”

Apocalipsis 5:9

Xi s'elan lic sq'uejintaic jun ach' q'uejimol: “Vo'ot ac'otebal o xu' avu'un xajam ti balbil vune, xchi'uc stotsel loq'uel ti seyoale, yu'un laj avich' avocol ta milel, yu'un laj amanuncutic ta ach'ul ch'ich'el yo' licomcutic ta yu'un ti Diose, ti oyuncutic ta jujun lume, ti jujuchop ti jc'opcutique, ti jujun muc'tiquil lume, ti oyuncutic ta sjoylej banomile.