Apocalipsis 4:10 - Bible in Tzotzil de Chamula

¹⁰ jech ti chanib xcha'vinic (24) ta vo' moletique, ta squejan sbaic ta stojol ta yich'el ta muc' ti Buch'u stalel cuxul sbatel osile, xchi'uc xi ta xalic c'alal ta sye'ic batel sronail sjolic ta stojol ti Buch'u chotol ta muc' ta chotlebale:

Bible in Tzotzil de Chenalhó with Deuterocanon

¹⁰ Li chanib xcha'vinic (24) banquilaletique ja'o chlic spatan sbaic ta stojol ec li Boch'o te chotol ta chotlebale, chlic yich'ic ta muc' li Boch'o cuxul o sbatel osile. Tsloq'ues li scoronaique; te chaq'uic ta stuq'uil xchotleb, jech chalic:

Tzotzil de Huixtán

¹⁰ C'alal hech chalic ti chanvo'ique, ja'uc ti veinticuatro ti vo' totiletique tspatan sbaic ti stojol ti Diose. Chlequilc'opojic yu'un ti Diose ti ja' stalel cuxul sbatel osile. Tsloq'uesic ti scoronaique, chaq'uic te ti stojol ti Diose hech tspasic ti muc'. Hech chalic:

Apocalipsis 4:10 Iomraidhean Croise

1 Crónicas 29:20

Xi xcholet lic yal ti David ta stojol scotol ti c'u yepal tsobolique: “Avi tana li' une, lequil c'optaic ti Ajvalil Dios avu'unique.” Va'i un, ti c'u yepal tsobolique, jun no'ox sc'opic laj slequil-c'optaic ti Ajvalil Dios yu'un ti stot sme'ic ta vo'nee, ti xquejeletic snupilanic xa banomil ta stojol ti Diose, xchi'uc ta stojol ti ajvalile.

2 Crónicas 7:3

C'alal laj yilic scotol israeletic ti c'oq'ue, xchi'uc yutsilal slequilal ti Dios ti vul ta yalel ta ch'ulnae, xquejeletic xa laj spatan sbaic ta lumtic ti snupilan xa ti pac'bil tone. Lic xi'taic ti Diose, ti xi ta xcha'alilanbeic ti Dios ta yalbel colyale: “Stuc no'ox lec ti yo'ntone. Sbatel osil oy xc'uxul yo'nton.”

Job 1:20

Ti Job une lic va'iuc. Xtuch'et yo'nton laj ya'i. Mu'yuc xa c'usi x'ech' o ta xa'i ti lic xch'i' ta jatel ti sc'u'e. Laj xch'ul loq'uel ti tsotsil sjole ti snupilan xa banomil laj spatan sba ta lumtique.

Salmos 115:1

Cajval, ta aventauc atuc, ich'biluc c'otan ta muc', ma'uc ti vu'uncutique; ta sventauc ti syail xc'uxul avo'ntone xchi'uc ti melele, ich'biluc c'otan ta muc'.

Salmos 47:8

Ti Diose c'otem ta Ajvalil yu'un ti muc'tiquil lume, chotol ta xch'ul spasob mantal ma' ti Dios une.

Salmos 72:11

Squejanuc sbaic scotol ti ajvaliletic ta stojole. C'otuc ta yajtuneltac scotol ti muc'tiquil lumetique.

Salmos 95:6

La'ic, la' quejan jbatic ta yich'el ta muc' un; quejlucutic ta stojol ti Cajvaltique, yu'un ja' laj yac' jch'uleletic.

Isaías 6:1

Ta sjabilal c'alal cham ti ajvalil Uzíase, laj quil ti Dios ti chotol ta jun toyol chotlebale, ti smacoj sjunul ch'ulna ti sti'iltac sc'u'e.

Daniel 12:7

Jech ti vinic ti buch'u slapoj ti lequil saquil c'u'ile, xi laj yal ti c'alal laj stoy ti sc'ob ta vinajel ti laj sva'an ta rextico ti cuxul Diose: “Li' to c'alal ta o'lol xchanibal jabile, c'alal mi laj sc'oplal ti ch'abal xa yipic ta yilbajinel ti steclumal Diose. Va'i unbi, ja' to jech ta xc'ot ta tsutsel ti va'i s'elan taje.”

Daniel 4:34

“C'alal c'ot ta tsutsel ti c'u sjalil chapanbil ta xc'ot ta pasele, ti vu'un Nabucodonosorune lic jtoy jsat. Laj jq'uel muyel ti vinajele. Laj ca'i ti tuq'uib ti snopbenal cu'une. Va'i un, lic lequil c'opojcun ta stojol ti Dios ti oy ta toyole, ti xi s'elan yutsil ti que jti' lic'opoj ta stojol ti Buch'u stalel cuxul ta sbatel osile: “Mu sna' xlaj sbatel osil ti smuc'ul stsatsale. Yu'un ja' no'ox stuc Ajvalil ta spas mantal ta stojol ti jaylajun-coj ti ta xlaj ech'uc ti totil me'iletique.

San Mateo 2:11

Ochic batel ta na un, laj yilic ti olole xchi'uc ti sme'e, ja' ti Mariae. Laj squejan sbaic, laj yich'ic ta muc'. Lic sjam ti xcaxaique, laj yac'beic smoton, naca oro, pom, xchi'uc momol ti mirra sbie.

San Lucas 24:52

Va'i un, c'alal laj yo'ntonic ta yich'el ta muq'ue, xmuyubajic xa sutic batel ta Jerusalén.

1 Corintios 15:10

Ti laj jta ti vi j'elane, yu'un lec yo'nton ti Dios ta jtojole. Mu ta jeche'uc no'ox ti laj xc'uxubinune, yu'un yepal xa li'abtej ta sventa ti Cajvaltique, mu sta ti yane, ac'o mi ma'uc ta jtsatsal jtuc li'abtej, yu'un coltabilun ta sventa yutsil yo'nton ti Diose.

Deuteronomio 32:40

Ta jye' muyel coc jc'ob ta vinajel. Ti jech cuxulun sbatel osile, ta jva'an jba ta yalel ta jamal,

Apocalipsis 10:6

Tey laj sva'an ta yalel ti Buch'u sbatel osil cuxule, ti laj smeltsan ti vinajele, ti banomile, ti nabe, scotol ti c'usitic oye, ti xi laj yale: “Mu xa xjalij sc'ac'alil ti c'usi ta xc'ot ta pasele.

Apocalipsis 11:16

Ti chanib xcha'vinic (24) ta vo' moletic chotajtic ta chotlebal ta sts'el bu chotol ti Diose, snupilanic xa banomil laj spatan sbaic ta lumtic ta yich'el ta muc' ti Diose.

Apocalipsis 15:4

¿Buch'u la ti mu ta xi'taote, Cajval, Ch'ul Dios? ¿Buch'u la ti mu ta xalbot ti alequilale? Yu'un vo'ot no'ox Ch'ul Diosot. Scotol ti muc'tiquil lum oy ta sjoylej banomile, ta xtal snijan xchiman sbaic ta atojol, yu'un laj xa yilic ta sba ta satic ti oy slequil yutsil ti c'usi ta xapase.”

Apocalipsis 15:7

Ti vucub anjele, ac'batic jujun sbisic naca meltsanbil ta oro yu'un jun ta xchanibal ti c'usi cuxule, ti bu colbil xa yalel sc'ac'al yo'nton ti Dios ti Buch'u stalel cuxul sbatel osile.

Apocalipsis 19:4

Ti chanib xcha'vinic (24) ta vo' moletique, xchi'uc ti chanib c'usi cuxulique, snupilanic xa banomil laj spatan sbaic ta lumtic ta yich'el ta muc' ti Dios ti chotol ta muc' ta chotlebale, xi lic yalilanique: “Lequil c'optabiluc ti Diose. Jechuc.”

Apocalipsis 4:2

Ta jech to yepal un, ventainbil lic'ot yu'un smuc'ul stsatsal ti Ch'ul Espiritue. Laj quil jun muc' ta chotlebal ti ta vinajele, ti oy Buch'u chotol ta muc' ta chotlebale.

Apocalipsis 4:4

Ta joyob bu oy ti muc' ta chotlebale, oy yan chanib xcha'vinic (24) ta cot chotlebal, ti chotolic chanib xcha'vinic (24) ta vo' moletic ti xi s'elan oyique: jun no'ox yutsil ti sc'u' slapojique, xchi'uc slapoj sronail sjolic ti naca meltsanbil ta oroe.

Apocalipsis 4:9

C'alal jujucoj ti c'usi cuxajtic ta xalbeic slequil yutsil ti Buch'u chotol ta muc' ta chotlebal ti stalel cuxul sbatel osile,

Apocalipsis 5:14

Ti chanib c'usi cuxajtique xi laj staq'uic eque: “¡Jechuc!” Ti chanib xcha'vinic (24) ta vo' moletique laj squejan sbaic ta yich'el ta muc' ti Buch'u stalel cuxul sbatel osile.

Apocalipsis 5:8

C'alal jech laj stsac ti balbil vune, jech ti c'usi chanib cuxajtique xchi'uc ti chanib xcha'vinic (24) ta vo' ti moletique, lic squejan sbaic ta stojol ti jcot ta Uni Chije. Jujun ti moletique oy yarpaic, xchi'uc yich'ojic batel yav ac'al naca meltsanbil ta oro ti noj ta pome. Ti pom taje, ja' smelol sc'opojel sti'inelic ti buch'utic yu'untac ti Diose.

Apocalipsis 7:11

Scotol ti anjeletic va'ajtic ta sts'el ti muc' ta chotlebale, ta sts'el ti moletique, ta sts'el ti chanib c'usi cuxajtique, snupilanic xa banomil laj spatan sbaic ta lumtic ta sts'el ti muc' ta chotlebal ta yich'el ta muc' ti Dios