Apocalipsis 3:9 - Bible in Tzotzil de Chamula

⁹ Ta jpas ta mantal ti ta snijan sbaic ta atojol ti buch'utic ventainbilic yu'un ti pucuje, ti ta xalic bats'i israeletic ti c'alal ma'uque, yo' jech ta sna'ic ti c'uxot ta co'ntone.

Tzotzil Zinacantan

⁹ Oy jlom jurioetic chalic chac liꞌi: Quichꞌojtic ta mucꞌ ti Rioxe, xiic pero tsnopic yuꞌun jaꞌ stotinojic li Satanase. Chascrontainic. Pero chcacꞌ ti acꞌu yichꞌoxuc ta muqꞌue yoꞌ xilic o ti ta melel ti jchꞌamaloxuque, ti jcꞌanojoxuc tajmeque.

Bible in Tzotzil de Chenalhó with Deuterocanon

⁹ Ja' yu'un a'yo ava'yic, ta xcac'boxuc ta ac'obic li nail tsobobbail yu'un banquilal pucuje, ja' li boch'otic chalic ti ja' judioetique pero ma'uc; ja' no'ox ch-epalc'opojic. Ta xcac' ti ac'o tal squejan sbaic ta atojolique, yu'un jech ac'o sna'ic ti ta melel c'anbiloxuc cu'une.

Tzotzil San Andres

⁹ Oy jꞌisraeletic ti chalic ti tꞌujbilic cuꞌune pero jaꞌ noꞌox ta sjutic cꞌop yuꞌun jaꞌ stotic li Satanase. Yuꞌun chascontrainic. Pero chcacꞌ ti chayichꞌic ta mucꞌ yoꞌ chlic yilic ti ta melel jnichꞌnaboxuque schiꞌuc ti cꞌuxoxuc ta coꞌone.

Tzotzil de Huixtán

⁹ Oy much'utic jnich'on scuyoj sbaique yu'un ja' yelnich'on ti Israel ti sventa sbec'talic. Hovil chalic ti jnich'on. Ja' tsnopic c'op yu'un ja' stotic ti Satanase. Ja' chcac'be xch'un ti jc'ope ti chacholbee hech mu xa stoy sbaic ti atojolic yu'un chlic sna'ic ti melel ti ho'oxuc jnich'onoxuc. Hech chlic sna'ic uc ti c'uxoxuc ti co'ntone.

Apocalipsis 3:9 Iomraidhean Croise

Ester 8:17

Ta scotol ti buyuc ti jteclumetique, ti bic'tal lume, c'ot slo'il ya'yejal mantal yu'un ti ajvalile. Mu'yuc xa c'usi x'ech' o ta xa'iic ta muyubajel ti judioetique, xlaet no'ox ta xa'iic. Lic spasic q'uin sventa ve'el uch'ubajel. Ma'uc no'ox taje, yepal jnaclejetic ta jteclum lic snaban sbaic ta stojol ti judíoetic ti mu x'ech' xi'elal ta xa'iic yu'un ti judioetic ti cuch xa yu'unique.

Éxodo 11:8

Ja' yu'un un, scotol ti avaj'abteltac li'e ta xtal sq'uelicun. Xquejeletic ti xi ta xisc'anbeicune: “Ti vo'ote xchi'uc ti c'u yepal ta sts'acliot ti achi'iltaque, batanic.” Ti jech mu to ta xc'ot ta pasel ti va'i s'elan taje, mu xibat. Va'i un, soquem xa sjol loc' batel ti Moisés ta stojol ti faraone.

Isaías 43:4

Yu'un mu tuch'bajucot ta o'ntonal ta xca'i. Ech'em atunel, toj c'ux ta xca'iot. Ti jech ventainbilote, ti jech mu xa'aq'ue ta milele, laj cac' ta c'abal ti jnaclejetique, ti muc'tiquil lumetique.

Isaías 45:14

Ti Diose xi ta xalbe ti Israele: “Ti jchabajometic ta Egiptoe, ti jbolomajeletic ta Etiopiae, ti natiquil viniquetic ti nacalic ta lum Sabae, ta sbic'tajes sbaic ta atojol. Ta xc'otic ta amosovtac, ti tijil batel ta apatic ti chucajtic ech'el ta carinae, ti xi xvocoletic xquejeletic ta atojole: ‘Ta melel xa cac'tic un, oy ta atojolic ti Dios une. Mu'yuc xa yan, mi ja'uc oy ta tael yan dios.’ ”

Isaías 49:23

Ti ajvaliletique ta xc'otic ta jts'itesvanej totil. Ti tojol tsebetic ti oy sc'oplal ta xc'ot ta me' ajvalile, ta xc'ot ta avajch'ipomtac. Snupilan xa banomil ta snijan sbaic ta atojol, ti slec' xa ti spucuquil avacane. Ja' jech ta xlic ana' ti vu'un ti Diosune. Ti buch'utic spatoj yo'ntonic ta jtojole, mu xlajic ta lo'lael.”

Isaías 60:14

Xnich'nabic ti buch'u laj yil ti avocole, ta xtal sbic'tajes sbaic ta atojol. Scotolic ti buch'utic laj sjip laj stenote, ta xtal squejan sbaic ta avoc ti xi ta xalbote, ‘Steclumalot ti Ajvalile’, ‘Sión, steclumal ch'ul Dios yu'un ti Israele’.

San Juan 17:23

Oyun ta stojolic ec jech c'u cha'al oyot ta jtojole yo' jech jun no'ox ta xc'otic ti junuc yo'ntonic ta jbel sc'oplale, yo' jech ta xlic yilic ti jnaclejetic ta banomil ti vo'ot laj atacun talele, ti c'ux ta xava'iic jech c'u cha'al c'ux ta xava'iune.

Apocalipsis 2:9

Jna' lec scotol ti avocole, ti ame'unal amu'natile, ti c'alal jc'ulejot ono'oxe. Jna' lec ti ta xavich' chopol c'optael yu'un ti buch'utic sbisoj sbaic ta israeletique, ti c'alal ja' yu'untac ti pucuje.

1 Samuel 2:36

Va'i un, ti buch'u cuxul to com ti anitilultaque, ta xtal sbic'tajes sbaic ta stojol yo' ta xtal sc'anbeic jsepuc plata taq'uin, mi ja' jxet'uc pan, ti xvocoletic xa ti ac'o ac'baticuc yabtelic ta stojol ti paleetique, yo' jech xu' ta sta ti sve'elique.’ ”