Apocalipsis 3:8 - Bible in Tzotzil de Chamula

⁸ Jna' lec scotol ti c'usi ta xapase. Jamoj lec jun ti'na ta atojol ti mu'yuc buch'u xmac yu'une. Ac'o mi mu'yuc lec yipal avu'un, c'otem ta avo'nton ta xch'unel ti jc'ope, mi ja'uc yan avo'nton ta jtojol.

Tzotzil Zinacantan

⁸ Li voꞌone jnaꞌoj scotol li cꞌusitic chapasique. Acꞌu mi muc bu epoxuc, pero jꞌechꞌel avichꞌojicon ta mucꞌ. Yuꞌun jamal chavalic ti voꞌon ijtoj amulique. Yechꞌo un más chajcoltaic ta yalel aꞌyuc. Muc muchꞌu xuꞌ chaspajesic.

Bible in Tzotzil de Chenalhó with Deuterocanon

⁸ Xcotquin li avabtelique. A'yo ava'yic, jamal xa lec ti'na cu'un ta aventaic; mu'yuc boch'o xu' tsmac. Ac'o me jutuc no'ox atsatsalic, pero ach'unojbicun o li jc'ope. Mu'yuc amucojicun ta avo'ntonic.

Tzotzil San Andres

⁸ Joꞌon jnaꞌoj jtuc scotol li cꞌustic chapasique. Acꞌo mi muc bu epoxuc, pero avichꞌojicun o ta mucꞌ. Jamal chavalic ti joꞌon chajcoltaique. Jaꞌ yuꞌun chacacꞌbeic ti acꞌo xapucbeic batel li jcꞌop li buchꞌutic tscꞌan chaꞌiique. Muc buchꞌu xuꞌ chaspajesic.

Tzotzil de Huixtán

⁸ Jna' ti c'u x'elan avabtelique. Jna' ti manchuc mi mu'yuc avip chayiloxuc ti crixchanoetique ach'unojbucun ti jc'ope. Mu amucojucun ti avo'ntonic. Hech yu'un chacac'boxuc apuquic batel ti jc'ope ti much'utic tsc'an cha'yique. Mu'yuc much'u xu' chaspajesoxuc.

Apocalipsis 3:8 Iomraidhean Croise

Proverbios 30:9

Yu'un mi yepal no'ox jtaoje, mu nan xacac'ot ta venta un, ta xlic cal ti mu xacojtiquinot une. Mi ch'abal une, xu' xi'och ta elec' liquel un, ta xlic chopol c'opojcun ta ach'ul tojol un.

Daniel 11:34

C'alal ta xc'ot yorail nutsel ilbajinele, oy bu ta xich'ic jutuc coltael ti steclumal Diose. Ac'o mi oy jlomuc ta svol sbaic talel ta stojol un, ja' no'ox ta spasic ti jech lec ta xa'iique.

San Lucas 12:9

Ti buch'u mu jamaluc ta xalic jc'oplal ta stojol ti buch'uuc no'oxe, ja' jechun ec, mu jamaluc ta xcalbe sc'oplal ta stojol yaj'ánjeltac ti Diose.

San Juan 15:20

Ja' vuleso ta avo'ntonic ti xi laj calboxuque: ‘Ti mosovile, ma'uc cajal ta xac' sba ta stojol ti yajvale.’ Mi laj quich' ilbajinele, ja' no'ox jech ta xavich'ic ilbajinel ec. Mi laj yich'ic ta muc' ti c'u s'elan laj calbeique, ja' no'ox jech ich'bil ta xc'ot ta muc' ti ac'opic ti c'u s'elan ta xavalique.

San Juan 17:6

“Ti buch'utic laj at'uj loq'uel li' ta banomil ti laj avac'bune, laj xa cac'be sna'ic Buch'uot ta melel. Ti buch'utic laj avac'bune, ja' ono'ox avu'un, xchi'uc c'ot xa ta yo'ntonic ti ac'ope.

Hechos 14:27

C'alal c'otic ta jteclum Antioquiae, laj stsobic talel ti jch'unolajeletic ta yalbeic ya'i ti c'usi laj spas ti Dios ta stojolique, xchi'uc ti c'u s'elan abtej ta sjamel be ta stojol ti jyanlumetique yo' ta xc'ot ta yo'ntonic ta xch'unic ec.

1 Corintios 16:9

Yu'un lec to jamal jbe ta xi'abtej yu'un ti Cajvaltique, ti xloc' venta ta j'ech'ele, ja'uc le'e, yepal no'ox xtoc ti contrainele.

2 Corintios 2:12

C'alal livul ta yalel ti lequil ach' c'op yu'un Cristo ta jteclum Troase, jamal laj jta ti be ta yabtelanel yabtel ti Cajvaltique.

Filipenses 4:13

Xu' cu'un scotol ta sventa Cristo, yu'un ja' ta xiyac'bun jtsatsal.

Colosenses 4:3

C'oponic Dios ta jtojolcutic yo' jech ti Cajvaltique ta sjam batel jbe ta yalel ti lequil ach' c'op yu'une, sc'oplal ti Jesucristo ti mucul to oxe. Yu'un ja' ta sventa ti li' tiq'uilun ta chuquele.

1 Timoteo 5:8

Yu'un ti buch'u mu xc'uxubin ti yuts' yalale, mi ja'uc ta xc'uxubin ti c'u yepal ta yut sna ti c'alal tsots sc'oplal sc'an c'uxubinele, ti buch'u jech taje, laj xa svalopatin comel ti ta xal c'otem ta yo'nton ta xch'unel ti Cajvaltique, xchi'uc ja' xi to smuc'ul ti buch'u ma'uc jch'unolajele.

2 Timoteo 4:7

Laj, tsuts xa cu'un scotol ti bu to ox jtamoje. ti lec iloc' cu'un ti cabtel li'ac'bat jbain ti bu xijipet ta jujujot yu'une. Staoj o yav jch'unoj ti Cajvaltique, mu'yuc xilubtsaj.

Judas 1:4

Yu'un oy jlo'lavanej viniquetic ti ta mucul laj xa stic' sbaic ochel ta atojolique, ti vo'ne xa ono'ox albilic sc'oplalic ta ch'ul c'op ti chapal sc'oplalic ta xbat stojique. Ti viniquetic taje mu'yuc xch'ulel xa'i sbaic. Ta xalic ti ja' la ta sventa spasel c'usi chopol ti jech oy syail xc'uxul yo'nton ti Diose. Ta sbajic ti ja' no'ox stuc c'otem ta Cajvaltique, ti ta Jpojvanej cu'untic ti Jesucristoe.

Apocalipsis 2:13

Jna' lec scotol ti tey nacalot ti bu ta spas mantal ti pucuje. Manchuc mi jech un, staoj yav jun avo'nton ta jtojol, yu'un mi ja'uc lachibaj ta jtojol c'alal laj yich' milel ti lequil caj'abtel Antipas ti bu snacanoj sba ti pucuje.

Apocalipsis 2:2

Jna' lec scotol ti c'usi ta xapase. Quiloj lec ti avac'ojbe yipal ti abtele, ti oy smuc'ul avo'ntone, ti mu jutebuc lec ta xava'i ti buch'utic chopolique. Jna' lec ti laj aq'uelbe yo'ntonic ti buch'utic sbisoj sbaic ta cajcholc'optac ti c'alal ma'uque, jech laj avil ti ja' jutc'opetique.

Apocalipsis 22:7

Xi ta xal ti Jesuse: “Po'ot xa xital. Yan yutsil ti buch'u ta xich'ic ta muc' ti c'u s'elan ta scaj'al ta jpoc vun li'e.”

Apocalipsis 3:1

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Sardise: “Xi ta xal ti Buch'u yich'oj ti vuctos stalel ti Ch'ul Espiritue, ti oy ta sc'ob ti vucbej c'anale: Jna' scotol ti c'usi ta xapase. Jna' lec ti chamemote, manchuc mi oy buch'u ta xalic ac'oplal ti ataoj acuxlejal ta stojol ti Diose.

Apocalipsis 3:10

Ti jech mu'yuc xchibaj avo'nton c'alal laj avich' avocole, jech o xal ta xajchabi c'alal ta sta yorail ta xich' svocolic scotol ti jnaclejetic oyic ta sjoylej ti banomile, yo' jech ta xich' q'uelbel ti yo'ntonique.

Apocalipsis 3:15

Jna' scotol ti c'usi ta xapase. Jna' lec ti ma'uc c'oc'ote, ti ma'uc sicote. Ja' toj lec ti sicucote, ti c'oc'ucote.

Apocalipsis 3:7

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Filadelfiae: “Xi ta xal ti Buch'u stalel oy slequil stuq'uile, ti jbel xc'ot xc'opoje, ti oy ta sc'ob syavi ti ajvalil Davide. Mi laj sjam ti ti'nae, mu'yuc buch'u xmac yu'un. Mi laj smaque, mu'yuc buch'u ta xjam yu'un.