Apocalipsis 3:7 - Bible in Tzotzil de Chamula

⁷ Xi xats'ibabe batel ta stojol ti buch'u sbainoj ti jch'unolajeletic oyic ta jteclum Filadelfiae: “Xi ta xal ti Buch'u stalel oy slequil stuq'uile, ti jbel xc'ot xc'opoje, ti oy ta sc'ob syavi ti ajvalil Davide. Mi laj sjam ti ti'nae, mu'yuc buch'u xmac yu'un. Mi laj smaque, mu'yuc buch'u ta xjam yu'un.

Tzotzil Zinacantan

⁷ Ti Cajvaltic Jesuse liyalbe noxtoc: ―Li yajchanubtasvanejic li muchꞌutic yichꞌojicon ta mucꞌ ta jteclum Filadélfiae jaꞌ yech xatsꞌibabe echꞌel chac liꞌi: “Ti Cajvaltic Jesuse mu snaꞌ saꞌel smul. Scotol li cꞌusitic chale yech. Jaꞌ chac cꞌu chaꞌal iscuentain Jerusalén ti David ti ta voꞌnee, jaꞌ yech scuentainoj vinajel ti Cajvaltic Jesuse. Stuc noꞌox xuꞌ tsjam, muc muchꞌu xuꞌ tsmac. Stuc noꞌox xuꞌ tsmac, muc muchꞌu xuꞌ tsjam. Jaꞌ yech chayalbeic chac liꞌi:

Bible in Tzotzil de Chenalhó with Deuterocanon

⁷ Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Filadelfiae: ‘Jech chal li Boch'o mu'yuc smule, ti melel scotol c'usi chale, ja' li Boch'o yich'oj ta sc'ob li sllavi Davide. Ja' li Boch'o ta sjam ti mu'yuc boch'o xu' yu'un tsmaque, ja' li Boch'o ta smac ti mu'yuc boch'o xu' yu'un tsjame.

Tzotzil San Andres

⁷ Jech liyalbe nojtoc li Cajvaltique: ―Tsꞌibabo me carta li buchꞌu sventainoj li buchꞌutic yichꞌojicun ta mucꞌ li te ta jteclum Filadélfiae. Xi xatsꞌibabe echꞌele: “Li Cajvaltique tucꞌ yoꞌon, melel scotol li cꞌusi ta xale. Jaꞌ sventainoj li buchꞌutic tꞌujbilic yuꞌun Dios jech chac cꞌu chaꞌal li mucꞌta ajvalil David ta voꞌonee. Li Cajvaltique jaꞌ chal li buchꞌutic ta xꞌochic schiꞌuc li buchꞌutic mu xꞌochic ta vinajele. Jech chayalbeic:

Tzotzil de Huixtán

⁷ Hech laj yalbun uc ti Cajvaltique: ―Hech me chats'ibabe ti much'utic sventainoj ti jch'unojeletique te ti jteclum Filadelfiae: “Ja' ti Cajvaltique, ja' ti toj yo'ntone, ti melel ti sc'ope, ja' ti totil ajvalil ti chac' ochuc ti vinajel ti much'utic t'ujbilic yu'une, ti mu xac' ochuc ti yantique, hech chayalboxuc:

Apocalipsis 3:7 Iomraidhean Croise

Job 11:10

Mi ta xtal chucvanuc ti Diose, ti ta x'ic'van batel ta chapanele, ¿mi oy la buch'u ta spajesat yu'un?

Job 12:14

Ti c'usi ta xc'ot ta lilinel yu'un ti Diose, mu'yuc xa buch'u xu' yu'un ta xcha'va'an; ti buch'u ta xbaje ta maquel yu'un ti Diose, mu'yuc xa buch'u xpojun loq'uel yu'un.

Salmos 145:17

Jun yutsil ti c'usitic ta spas batel ti Diose, ta slequil yo'nton ti c'usitic ta snope.

Salmos 16:10

Yu'un mu aq'uelojuc ta xavictaun comel ta muquinal, mu aq'uelojuc ta xavicta comel ta ch'en ti buch'u lec xavil abaic xchi'uque.

Salmos 89:18

C'otem ta jmacobbailcutic ma' ti Dios une. Ti Ch'ul Dios yu'un ti Israele c'otem ta Ajvalil cu'untic un.

Isaías 22:22

Ta xcac'be sbain syavial sna ti Davide. Mu'yuc buch'u ta xmac yu'un c'alal mi laj sjame. Mi ja'uc xa oy buch'uc ta xjam yu'un c'alal mi laj smaque.

Isaías 30:11

Ictaic ti bu lec atamojique. Valopatinic comel ti tuq'uil bee. Laj c'op ta xatsatsal iq'ueic batel ta stojol ti Ch'ul Dios yu'un ti Israele.”

Isaías 41:14

Ti Diose j'ech'el ti xi ta xale: “Israel, steclumal Jacob, manchuc mi xi avuni muc'ul ta xa'ilee, ti mu'yuc xa yipal avu'un xtoque, mu xaxi', vu'un ta xajcoltaot. Vu'un ti ch'ul Diosun yu'un ti Israele, jpojvanejun avu'un.

Isaías 41:16

Natic to xvilte-vilte muyel avu'unic ta toyol. Va'i un, cuchbil ta xbat yu'un ti iq'ue, ti bec'bil ta xbat yu'un ti sutub iq'ue. Jech ti vo'ot une, xlaet no'ox liquel avo'nton ta stojol ti Diose, ti atuc xa no'ox jech ti mu'yuc c'usi xana' ta xava'i ta stojol ti ch'ul Dios yu'un ti Israele.

Isaías 41:20

Scotol banomil ta sna'ic, ta xilic, ta snopic, ta sts'et chiquintaic ti vu'un jech Ajvalilune, ti c'ot ta pasel cu'un ta sventa ti jmuc'ul jtsatsale, ti vu'unun ch'ul Diosun yu'un ti Israele, laj cac'be ti xch'ulelique.”

Isaías 47:4

Ti jpojvanej jcoltavanej cu'uncutique, ti Ch'ul Dios yu'un ti Israele, ti sbiinoj Dios ti scotol xu' yu'une, xi ta xale:

Isaías 48:17

Ti jpojvanej Ajvalil avu'une, Ch'ul Dios yu'un ti Israele, xi ta xale: “Vu'unun ti Ajvalil Dios avu'une. Co'ntonuc jchanubtasot ca'i ta yaq'uel avil ti alequilale. Co'ntonuc jtojobtasot ca'i ta sbeiltaselot batel ti bu stac' xatame.

Isaías 49:7

Ti jpojvanej jcoltavanej Ajvalile, Ch'ul Dios yu'un ti Israele, xi ta xalbe ti lum ti tan puc batic ta j'ech'ele, ti bajbil tenbil c'otic yu'un ti yan lumetique, ti c'otic ta yajmosovtac ti buch'u spajebal xa no'ox j'ilbajinvanej xa'i sbaique: “C'alal ta xayil ti ajvaliletique, xchi'uc ti its'inal ajvaliletique, ta xlic va'iicuc, ta squejan sbaic ta atojol, yu'un ti jech Ajvalilune, ch'ul Diosun yu'un ti Israele, laj jt'ujot, ta xc'ot ta pasel cu'un ti c'u s'elan calojane.”

Isaías 54:5

Ti Buch'u laj yac' ach'ulel avanimae, ta sbisot ta snup xchi'il. Dios scotol xu' yu'un, xi sc'oplal. Ti jcoltavanej avu'une, ja' ch'ul Dios yu'un ti Israele, ja' Dios ti sventainoj sbejel ti banomile.

Isaías 55:5

Ta xavol talel ta atojol ti jnaclejetic ti mu xavojtiquinane. Xvoletic no'ox talel ta sts'aclielot ti jnaclejetic ti mu ja'uc xayojtiquinique. Yu'un Ajvalilun avu'un, Ch'ul Diosun yu'un ti Israele, laj cac'ot ta ich'el ta muc'.

Isaías 6:3

Xi ta xalbe sbaic ti jujune: “Ti ch'ul Dios ti scotol xu' yu'une, oy xch'ul lequilal, oy xch'ul lequilal. Smacoj sjunul banomil ti slequilal yutsilale.”

San Mateo 16:19

Ta xcac'bot syavial ti ventainel yu'un Dios oy ta vinajele. Ti mi chuculot xavut li' ta banomile, ja' jech chucul ta x'ilat yu'un ti Dios ti oy ta vinajele. Ti mi colemot xavut li' ta banomile, ja' jech colem ta x'ilat yu'un ti Dios ti oy ta vinajele.

San Mateo 24:35

Ti vinajele, ti banomile ta xlaj ta x'ech' sc'oplal, ja'uc ti jc'ope, jbel sc'oplal xc'ot ta pasel ti c'usi ta xale.

Marcos 1:24

—¿C'u cha'al ta xatic' aba ta jtojolcutic, Jesús liquemot tal ta Nazarete? ¿Mi yu'un tal xa avac'bun jvocolcutic? Yu'un xacojtiquinot. Jna'oj lec t'ujbilot yu'un ti Diose.

San Lucas 1:32

Tsots cajal sc'oplal ta xc'ot, ti ta x'albat sc'oplal ti ja' Xnich'on ti cuxul Dios oy ta vinajele. Ta x'ac'bat yabtel ta ajvalilal yu'un ti Ajvalil Diose jech c'u cha'al ech' ti amolmuc'totic David ta vo'nee.

San Lucas 4:34

—¡Ch'an utuncutic un! ¿C'u cha'al tal atic' aba ta jtojolcutic, Jesús ti liquemot talel ta Nazarete? ¿Mi yu'un tal avilbajinuncutic? Ti vu'une xacojtiquinot lec. Jna'oj lec ti t'ujbilot yu'un ti Diose.

San Juan 14:6

Xi laj stac' ti Jesuse: —Vu'un c'otem ta jventa ti bee, ti melele, xchi'uc ti cuxlejale. Ti xu' xac'otic bu oy ti Jtote, vu'un ta jventa.

Hechos 3:14

Yu'un ja' laj ac'anic ti scoltauc batel ti jmilvaneje. Ma'uc laj ac'anic ti scoltauc batel ti lequil tuq'uil Ch'ul vinique.

1 Juan 5:20

Jna'tic lec xtoc ti tal ti Xnich'on Dios li' ta banomile, ti laj yac'botic jbijiltic ti laj sjam ti jba jsatique, yo' jech ta xcojtiquintic ti bats'i cuxul Diose. Ti Buch'u ja' melel ono'oxe, cuxulotic ta stojol, ti ja' sc'oplal ti Jesucristoe, ja' ti Nich'onile. Taje, ja' ti bats'i cuxul Dios ti oy ta sventa cuxlejal sbatel osile.

Apocalipsis 1:11

ti xi laj yalbune: —Ti c'u s'elan ta xavile, ts'ibao ta jpoc vun. Taco batel ta stojol ti vuc-chop tsobobbail ti oy ta Asia banomile: ti Efesoe, ti Esmirnae, ti Pérgamoe, ti Tiatirae, ti Sardise, ti Filadelfiae, xchi'uc ti Laodiceae.

Apocalipsis 1:18

Vu'un ti stalel cuxulune. Licham to ox, avi tana une, cuxulun sbatel osil, yu'un oy xa ta coc ta jc'ob syavial ti lajebale, xchi'uc ti bu ta xbatic ti animaetique.

Apocalipsis 1:5

xchi'uc ta sventa ti Jesucristoe, ti Buch'u j'ech'el laj sva'an sba ta rextico ti c'usi ta xale, xchi'uc ti Buch'u ja' ba'yel cha'cuxie, ti oy ta yoc ta sc'ob ti ajvaliletic li' ta banomile. Yu'un laj xc'uxubinotic ti Cristoe, laj spocbotic jmultic ta sventa laj smal ti xch'ul ch'ich'ele.

Apocalipsis 15:3

Tey ta sq'uejintabeic sq'uejimol ti Moisés ti yajtunel ti Diose, xchi'uc sq'uejimol ti jcot ta Uni Chij ti xi ta xalique: “Cajval, Ch'ul Dios ti scotol xu' avu'une, jun yutsil, mu no'ox albajuc smuc'tiquil ti c'usi ta xapase. Ch'ul Ajvalilot yu'un ti muc'tiquil lume, ti bu atamoj batele, jbel sc'oplal lec tuc' scotol.

Apocalipsis 16:7

Laj ca'i xtoc ti oy buch'u ta xc'opoj ta altar ti xi ta xale: “Jech, Cajval, Jch'ul Tot, scotol xu' avu'un, Dios, ti melel tuc' ta xachapan scotole.”

Apocalipsis 19:11

Laj taj une, jamal ti vinajel laj quile, vinaj jcot saquil ca'. Ti buch'u scajlebinoje, ta x'albat sc'oplal J'ech'el Oy Stuq'uil Yo'nton, yu'un ta stuq'uil slequil yo'nton ta xventainvan xchi'uc ta stuq'uil yutsil yo'nton ta xletovaj.

Apocalipsis 19:2

Yu'un jbel sc'oplal tuc' ta xchapanvan, Laj xa yac'be stoj smul ti me' jmulivajel antse, ta scoj ti lec xa'i sbolomalin sbae, ti laj soques ti jnaclejetic ta sjoylej banomile. Ti Diose laj xa spacbe sutel ti lajic ta milel ti yajtuneltaque.”

Apocalipsis 2:1

Xi xats'ibabe batel ta stojol ti buch'u sbainoj ti jch'unolajeletic ti oy ta jteclum Efesoe: “Xi ta xal ti Buch'u stsacoj ta sbats'i c'ob ti vucbej c'anale, ti xva'et ta xanav ta o'lol ti bu oy ti vucub yavil cantila meltsanbil ta oroe:

Apocalipsis 21:5

Ti Buch'u chotol ta muc' ta chotlebale, xi laj yale: “Vu'un ta jpas ta ach' scotol ti c'usitic oye.” Xi laj yal xtoque: “Tsaco ta vun ti c'op li'e, ja' melel, stac' patel o'ntonal ta stojolal.”

Apocalipsis 3:14

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Laodiceae: “Xi ta xal ti Buch'u stalel jech oe, ti ja' melel ti sc'op laj sva'an sba ta yalele, ti c'otem ta jpas-mantal yu'un scotol ti c'usitic laj smeltsan ti Dios ta sliquebal talele:

Apocalipsis 4:8

Ta jujun ti c'usi chanib cuxajtique, yich'oj vaquib xic' ti jujune, noj ta bec' satil ta yolon ta sba ti xiq'ue. C'ac'al ac'ubal mu xicta sbaic ta yalel ti xi ta xalique: “Ch'ul Dios, Ch'ul Dios, lequil Ch'ul Dios ma' ti Diose. Scotol xu' yu'un ma' ti Diose, ti jech no'ox stalel ta vo'nee, avi tana li'e, xchi'uc ti ta to xtale.”

Apocalipsis 5:9

Xi s'elan lic sq'uejintaic jun ach' q'uejimol: “Vo'ot ac'otebal o xu' avu'un xajam ti balbil vune, xchi'uc stotsel loq'uel ti seyoale, yu'un laj avich' avocol ta milel, yu'un laj amanuncutic ta ach'ul ch'ich'el yo' licomcutic ta yu'un ti Diose, ti oyuncutic ta jujun lume, ti jujuchop ti jc'opcutique, ti jujun muc'tiquil lume, ti oyuncutic ta sjoylej banomile.

Apocalipsis 6:10

Xi tsots ta xalique: “Ch'ul Dios, ti atalel xc'ot xac'opoje, ¿c'usi to ora ta xachapan ta xavac'be stoj ti jnaclejetic ta banomil ti laj smiluncutique?”