Apocalipsis 3:2 - Bible in Tzotzil de Chamula

² Tijo ajol avo'nton. Ac'bo yipal ta stuc'ulanel ti c'u yepal oy to avu'une, yu'un jutuc xa sc'an xlaj xtub sc'oplal. Yu'un quiloj lec ti c'usi ta xapase ti mu lecuc ta xil ta sba ta sat ti Dios cu'une.

Tzotzil Zinacantan

² Nopic cꞌu xaꞌelanic. Yuꞌun muc bu chapasic chquil ti cꞌusi lec chil ti Rioxe. Pasic xa me, yuꞌun me poꞌot xa xchꞌay xavaꞌiic.

Bible in Tzotzil de Chenalhó with Deuterocanon

² Vic'o me asatic. Ich'beic yipal achi'uquic ti c'u to yepal comen avu'unique, yu'un ta xa me xcham scotol. Yu'un mu'yuc bu tuc' jtaoj avabtelic ta stojol li Diose.

Tzotzil San Andres

² Jaꞌ yuꞌun qꞌuelo me abaic. Lecuc me li cꞌustic chapasique naca me chꞌayanic o. Yuꞌun muc bu lec ta xquil la avabtelic ta stojol li Dios cuꞌune.

Tzotzil de Huixtán

² A'yo me c'u ya'yel ti avo'ntonique. Tsots me xapas abaic naca me chibajuc avo'ntonic o. Mu'yuc bu lec avabtelic ti stojol ti Dios cu'une laj jta.

Apocalipsis 3:2 Iomraidhean Croise

1 Reyes 11:4

C'alal molineb xa ti Salomone, yanijesbat sjol sbaquil yu'unic ti antsetique, ti lic snijan xchiman sba ta yich'el ta muc' ti meltsanbil diosetique, ti mu j'ech'eluc laj yac' sba ta stojol ti Dios jech c'u cha'al laj spas ti David ti ja' stote.

1 Reyes 15:3

Ti c'u s'elan laj spas talel ti stot ta ba'yele, jech lic mulivajuc ec ti Abiame, mu junuc yo'nton ta stojol ti Ajvalil Dios yu'une, mu jechuc yo'nton jech c'u cha'al laj spas ti David ti ja' smuc'tote.

2 Crónicas 25:2

Ti c'usitic laj spas ti Amasiase, lec laj yil ta sba ta sat ti Diose, ac'o mi mu jamaluc ti yo'ntone.

Job 16:5

Xu' xtoc ti jun no'ox yutsil ti que jti'e, ti xpatet ta xc'ot o'ntonal yu'une, ti xatsijan xa aba lec yu'une.

Isaías 35:3

Ac'o stam sba liquel avu'unic ti buch'u mu xa cha'bel stam sbae. Stsacuc liquel yip avu'un ti buch'u lubemic xae.

Isaías 56:10

Yu'un ti jchabivanejetic yu'un ti jteclumale, c'otem ta ma'satetic. Mi ja'uc xa xilic ti oy c'usi ta xc'ot ta pasele. Scotolic co'ol s'elan ts'i' ch'an xi mochol no'ox ti mu'yuc xvajvune, ti ja' xa xlaj o xchi'uc ti mochol ta vaichinajele, ti vayel xa no'ox batem ta yo'ntone.

Isaías 57:12

Ja'uc le' une, ta jvinajes ma' ti avuni talel une, ti tac'al lec avu'un ti oy atuq'uil avaloje.

Ezequiel 34:16

“Ti ch'ayemal chijetique, ta xi'och ta sa'el. Ta jtsob talel ti jatavemic xa batele. Ta jts'ot ta pixel ti bu tsiq'uem ti yacanique. Ta jcolta ti bu ch'abal xa yipal yu'unique. Ta jchabi ti bu lec jubemique, ti tsots xu' yu'unique. Ta jchabi ti c'u s'elan sc'an ta xquile.

Daniel 5:27

TEKEL ti xie, yu'un ti Jcuch abtele, laj xa yich' bisel ti bu c'alal oye, pec'tsaj xa ti bu to ox c'oteme.

Zacarías 11:16

Ti ta jteclum li'e, ta jva'an jun j'il-chij ti mu ja'uc jutebuc ta svul yo'nton yu'un ti jcotcovil chije. Mu ja'uc ta sa' xtoc ti ch'ayem xa batele. Mu ja'uc ta xpoxta xtoc ti yayijemique. Mi ja'uc ta xac'be sve'el ti ch'abal xa yipe. Ja' no'ox lec ta xa'i ta sti'be sbec'tal ti bu lec jubeme. Mi ja'uc oy c'usi ta xictabe comel ti svoy xtoque.

San Mateo 23:5

Ta spasic scotol jech taje yo' ta staic ti lec ta x'ilatic yu'un ti yane. Yu'un lec ta xa'iic ti chucajtic ta sti'baic ta sc'obic ti smantal Dios ts'ibabil ta jamal poq'ue, xchi'uc lec nat ta slap ti sc'u'ic ti oy stsitsimaltaque.

San Mateo 25:13

Xi to laj sts'ac batel lo'il ti Jesuse: —Vic'luc asatic ti vo'oxuque, yu'un mu xana'ic c'usi ora, c'usi c'ac'alil ta xital ti vu'un co'ol j'elantique.

San Mateo 25:7

Scotol ti tsebetique julavic, lic xchapanic ti slamparaique.

Hechos 18:23

Jalij c'u sjaliluc, lic xanavuc ta stsatsubtasbel yo'nton ti jch'unolajeletic buyuc no'ox oyic ta Galaciae, ta Frigia banomile.

Deuteronomio 3:28

Bijubtaso, tojobtaso lec ti Josuee. Tsatsubtasbo ta yich'el yip xchi'uc smuc'ul yo'nton. Yu'un ti stuque ja' jba'be ta xjelav ech'el ta stojol ti xchi'iltaque. Yu'un ja' jba'be ta xjelav ech'el ta stojol ti svinquileltaque. Ja' ta xac'be yu'ninic ti banomil ti ta xbat aq'uel avi tana li'e.’

1 Pedro 4:7

Tsots sc'oplal batuc avo'ntonic ta sc'oponel sti'inel ti Diose yo' jech xtojob lec ti snopbenal avu'unique, yu'un po'ot xa sta yorail ta xlaj scotol ti c'usitic oye.

1 Pedro 5:8

Bijanic me, vic'luc me ti asatique, yu'un ti avajcontraic pucuje, co'ol s'elan león x'avet ta xanav ta sa'el ti buch'u ta smil ya'ie.

Apocalipsis 16:15

Oy Buch'u ta xc'opoj ti xi ta xale: “A'yio ava'iic, ta xital no'ox jech c'u cha'al junuc j'elec' ta xvul ta loq'uele. Yan yutsil ti buch'u svic'oj ti sate, ti lec chapal stuc'ulanoj ti sc'u'e, yo' mu x'ilbat xq'uexlalil ti t'anal ta xanave.”

Apocalipsis 2:4

Oy jtos xi s'elan ti mu lecuc ta xquile: tub xa ti syail xc'uxul avo'nton ta jtojole, mu xa jechuc jech c'u cha'al ta sliquebale.

Apocalipsis 3:1

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Sardise: “Xi ta xal ti Buch'u yich'oj ti vuctos stalel ti Ch'ul Espiritue, ti oy ta sc'ob ti vucbej c'anale: Jna' scotol ti c'usi ta xapase. Jna' lec ti chamemote, manchuc mi oy buch'u ta xalic ac'oplal ti ataoj acuxlejal ta stojol ti Diose.

Apocalipsis 3:3

Vuleso ta avo'nton un cha'e, ti c'u s'elan laj avich' chanubtasele, mu xavicta aba. Sutan talel ta stojol ti Diose. Mi mu xatij ajol avo'ntone, co'ol s'elan j'elec' ta xital ta atojol ti mu xana' c'usi orae.