Apocalipsis 3:12 - Bible in Tzotzil de Chamula

¹² Ti buch'u ta stsal yu'un scotole, ta xcac' c'otuc jech c'u cha'al yoyal xch'ulna ti Dios cu'une, ti j'ech'el comic o ti bu taje. Ta jts'iba ta stojolic sbi ti Dios cu'une, sbi steclumal ti Dios cu'un ti ach' Jerusalén ta xlic talel ta vinajel ta stojol ti Diose, xchi'uc ti ach' jbi ta stojolique.

Tzotzil Zinacantan

¹² Ti muchꞌutic mu xicta o sbaic li ilbajinele jaꞌ chba xchiꞌinic ta sbatel osil li Cajvale. Mi jaꞌuc xa xloqꞌuic ta jmoj. Li sbi li Cajvale ta jtsꞌibabe ta stiꞌbaic xchiꞌuc sbi li slumale, jaꞌ ti achꞌ Jerusalene, ti chlic tal ta vinajel yoꞌ bu li Cajvale. Ta jtsꞌibabe ta stiꞌbaic noxtoc li cachꞌbie.

Bible in Tzotzil de Chenalhó with Deuterocanon

¹² Li boch'o tstsal yu'un scotole ja' chcac' c'otuc ta yoyal xch'ulna li Dios cu'une; mu xa xloc' o. Ta jts'ibabe ta stojolic sbi li Dios cu'une xchi'uc sbi li lum yu'un Dios cu'une, ja' li ach' Jerusalén chlic tal ta vinajel yo' bu oy li Dios cu'une. Xchi'uc ta jts'ibabe ta stojolic noxtoc li ach' jbie.

Tzotzil San Andres

¹² Li buchꞌutic ta spas ta canal scotole jaꞌ chba schiꞌinic o sbatel osil li Dios cuꞌun li te ta vinajele. Mu xloqꞌuic o. Ta jtsꞌibabe ta stiꞌbaic li sbi li Dios cuꞌune schiꞌuc li sbi li jteclum yuꞌun li Diose, jaꞌ li achꞌ Jerusalén li ta xlic talel ta vinajel li yoꞌ bu oy li Dios cuꞌune. Schiꞌuc ta jtsꞌibabe ta stiꞌbaic nojtoc li cachꞌbie.

Tzotzil de Huixtán

¹² Ti much'u tstsal yu'un scotole, ja' chba xchi'in ti Diose te ti vinajel sbatel osil. Mu xloc' o. Ti jts'ibabe ti stiba ti sbi ti Dios cu'une, xchi'uc ti sbi ti jteclum yu'un ti Dios cu'une, ja' ti ach' Jerusalene ti chyalesat tal yu'un ti Dios cu'une. Ti jts'ibabe ti stiba uc ti ach' jbie.

Apocalipsis 3:12 Iomraidhean Croise

1 Reyes 7:21

Ti Hirame lic sva'an ti c'usi balajtic ta ochebal sti' ti ch'ulnae. C'alal laj xa sva'an muyel ti bu ta xcome, ti oy ta stuq'uil bats'i c'obe, laj sbiin yu'un Jaquín. Ja'uc ti jun ti oy ta stuq'uil ts'et c'obe, laj sbiin yu'un Boaz.

Salmos 46:4

Ta sventa ti tan puc yoctac ti muc' ta uc'ume, ta staic smuyubajel yo'ntonic Steclumal ti Diose, ja' ti ch'ul jteclum yu'un ti Buch'u oy ta toyole.

Salmos 48:8

Laj quil ta jba ta jsatcutic ta steclumal Dios cu'untic ti Ajvalil jelavem xu' yu'une, co'ol jech c'u cha'al ti xi ono'ox albiluncutique: j'ech'el mu xch'aybe sc'oplal Jerusalén ti Diose.

Salmos 87:3

C'upil sba ta j'ech'el steclumal ti Diose, xi ta x'albate:

Isaías 62:2

Ti acolele, ta xilic ta sba ta satic ti muc'tiquil lumetique. Ti alequilale, ta xilic ta sba ta sat scotol ti ajvaliletique. Va'i un, ach' xa abi liquel ti ja' ta xac'bot stuc ti Diose.

Isaías 65:15

Ti buch'utic t'ujbilic cu'une ta stunes abiic ta sbisel ta cotol chaval ti c'otuc ta lajel tubel ti yane. Ti cajtuneltac une, ta xlic jelbe ti sbiique.

Jeremías 1:18

Li' tanae, ta xac' c'otan jech c'u cha'al nac'obbail jteclum, jech c'u cha'al muc' ta pajbil bal-bal taq'uin, jech c'u cha'al pimil c'anal taq'uin moc. Xi s'elan ma' ti buch'u ta xba atsac ta vulel ta sjunul ti muc' ta lum Judae: ti ajvaliletic yu'une, ti banquilal jpas-mantaletic yu'une, ti paleetic yu'une, xchi'uc scotol ti jnaclejetic yu'une.

Ezequiel 40:49

Sjamlej ti scoriolale yich'oj lajuneb (10) metro, vaquib (6) metro x'och batel. Yich'oj lajuncoj (10) muyebal tec'obal yu'un. Ta jujun ti oyetique, va'anbil yictac.

Ezequiel 48:35

Smocal ti jteclum ta joyobe, yich'oj balunmil (9,000) metro sbisol. ‘Li' oy ma' ti Diose’, xi sbi ta xich' liquel ti jteclume”, xi laj yal ti Dios ti scotol xu' yu'une.

Marcos 12:16

Laj yac'beic. Ti Jesuse xi laj yale: —¿Buch'u sat, buch'u sbi li' tsacale? —Ja' ti ajvalile —xi laj staq'uique.

Gálatas 2:9

Jech o xal un, ti Santiagoe, ti Pedroe, ti Juane, ja' ti ich'bilic ta muc' teye, laj ya'iic ti ja' laj yac'bun Dios ti cabtele. Jech o xal ti stuquique laj stsacbun jc'ob xchi'uc ti Bernabee, ja' svinajeb ti jununcutique, ti co'ol ti cabtelcutique. Lec laj ya'iic ta xba abtejcun ta stojol ti jyanlumetique. Lec laj ya'iic ec ta xcom abtejicuc ta stojol ti israeletique.

Efesios 3:15

yu'un ja' Totil yu'unic scotol ti oyic ta vinajele, xchi'uc ti oyic ta banomile.

Hebreos 12:22

Ja'uc ti vo'oxuque lanopajic batel ta vits Sión, ta steclumal ti cuxul Diose, ta Jerusalén ti ja' sc'oplal ti vinajele, ti bu yepal no'ox ta mil tsobolic ti ánjeletic ti ta xalbeic slequilal ti Diose.

Hebreos 13:14

Ti li' ta banomile, mu'yuc jteclumaltic ti ta xjalij oe, yu'un yacalotic ta sa'el batel ti jteclumaltic ti oy sc'oplal ta xvul ta loq'uele.

1 Juan 4:4

Jnich'nabtac, yu'unoxuc xa ti Diose, atsalojic xa ti jutc'opetic taje. Ti Buch'u oy ta atojolique, jelavem smuc'ul stsatsal, ja' mu sta ti buch'u oy ta stojolic ti buch'u sventainojic ti sba banomile.

Apocalipsis 14:1

Laj taj une, laj quil ti va'al ta vits Sión ti jcot ta Uni Chije. Oyic ta stojol chanib xvaxacvinic mil (144,000) ta vo' ti buch'utic yich'ojic ta sti'baic sbi ti jcot ta Uni Chije, xchi'uc sbi ti Stote.

Apocalipsis 17:14

Jech ta stsaquic ta leto xchi'uc ti jcot ta Uni Chije. Tsalbil ta xc'otic ti c'alal ta stsaquic ta leto ti jcot ta Uni Chij ti Buch'u c'otem ta Banquilal yu'un ti banquilal ajvalile, xchi'uc ti banquilal ajvalil yu'un ti its'inal ajvaliletique. Yu'un oy ta stojol ti jcot ta Uni Chije ti buch'utic ic'bilic talel yu'un ti Diose, ti t'ujbilic yu'une, ti jun yo'ntonique.”

Apocalipsis 2:11

Ti buch'u oy xchiquine, ac'o ya'i lec c'usi ta x'albatic yu'un Ch'ul Espíritu ti jch'unolajeletique. Ti buch'u ta stsal yu'un scotole, mu xa c'usi ta spasbat yu'un ti xcha'cojal chamebal lajebale.”

Apocalipsis 2:17

Ti buch'u oy xchiquine, ac'o ya'i lec ti va'i s'elan ta x'albat yu'un Ch'ul Espíritu ti jch'unolajeletique. Ti buch'u ta stsal yu'un scotole, ta xcac'be sve' ti maná nac'bil leque, xchi'uc ta xcac'be jbej saquil ton ti bu tsacbil jun ach' biil ti mu'yuc buch'u xojtiquine, ti ja' no'ox ta xojtiquin ti buch'u ta xich'e.”

Apocalipsis 2:7

Ti buch'u oy xchiquine, ac'o ya'i lec c'u s'elan ta x'albat yu'un Ch'ul Espíritu ti jch'unolajeletique. Ti buch'u ta stsal yu'un scotole, ta xcac'be slo' ti sat te' ti sventa cuxlejal ti teq'uel ta yavil ts'unubal yu'un ti Diose.”

Apocalipsis 21:2

Ti vu'un Juane laj quil ti ch'ul jteclume, sc'oplal ti ach' Jerusalén ti lic talel ta stojol Dios ti oy ta vinajele. Lec smeltsanoj sba ta j'ech'el jech c'u cha'al junuc jmalijel tseb ta snupel ta be ti slecome.

Apocalipsis 22:4

Ta xilbe sba ti satique, xchi'uc yich'ojbeic sbi ti Dios ta sti'baique.

Apocalipsis 3:5

Ti buch'u ta stsal yu'un scotole, ta x'ac'bat slapic saquil c'u'il. Mi ja'uc ta jtubbe sbiic ti oy ta jpoc vun yu'un ti sventa cuxlejale, c'ajomal jamal ta xcalbe sc'oplal ta stojol ti Jtote xchi'uc ta stojol ti yaj'ánjeltaque.