Apocalipsis 3:10 - Bible in Tzotzil de Chamula

¹⁰ Ti jech mu'yuc xchibaj avo'nton c'alal laj avich' avocole, jech o xal ta xajchabi c'alal ta sta yorail ta xich' svocolic scotol ti jnaclejetic oyic ta sjoylej ti banomile, yo' jech ta xich' q'uelbel ti yo'ntonique.

Tzotzil Zinacantan

¹⁰ Yuꞌun muc xavicta abaic ti cꞌalal ataic ilbajinel ta jcuentae, yechꞌo un mu xa bu chacacꞌbeic castico ti cꞌalal sta yora chcacꞌbe castico scotol crixchanoetic liꞌ ta sba balamile ti cꞌalal ta jqꞌuelbe cꞌu xꞌelan yoꞌonique. Yuꞌun tsots tajmec li castico ta xtale.

Bible in Tzotzil de Chenalhó with Deuterocanon

¹⁰ Ta sventa ti laj achabi ta avo'ntonic ti laj calboxuc tsc'an chcuch avu'unic vocole, ja' no'ox jech ec li vu'une chajchabioxuc ti c'alal tsta yorail chcac'be svocol scotol li cristianoetic ta sbejel banamile ti c'alal chich' q'uelbel c'u x'elan yo'ntonique.

Tzotzil San Andres

¹⁰ Ta sventa ti muc bu xchibaj avoꞌonic li cꞌalal avichꞌic vocol ta jventae, jaꞌ yuꞌun mu xcacꞌ xavichꞌic vocol li cꞌalal chcꞌot scꞌacꞌalil ta xcacꞌbe yichꞌic vocol scotol crixchanoetic ta spꞌejel li balumile yuꞌun ta jqꞌuelbe cꞌu sba yoꞌonic. Yuꞌun toj tsots li vocol ta xtale.

Tzotzil de Huixtán

¹⁰ Yu'un muc xacomesic ti jc'ope c'alal laj avich'ic vocol ti jventae, hech yu'un chajcoltaoxuc c'alal tsta yorail tspasbat proval yo'ntonic scotol ti much'utic te oyic ti balumile. Yu'un ep ti vocol chtale.

Apocalipsis 3:10 Iomraidhean Croise

Isaías 24:17

Ti jnaclejetic ta banomile co'ol s'elan te'tical chon bolometic ti nutsbilic yu'un ti jnutsuviletique, ti xi'bal sba xyalic ta jun ch'ene, mi ta jun pets'e.

Daniel 12:10

Ti vocoletic ti caj albil sc'oplale, ep ti buch'utic ta xc'ot ta stojolique. Ti ja' jech ta xc'ot ta stojolic taje, ja' to jech pocbil sapbil ta xcomic, ti tuq'uibtasbil ta xcomique. Yan ti buch'utic toj chopole, tey ochem o batel yipal yu'unic ta spasel ti c'usitic toj chopole. Mi ja'uc xa'ibeic smelol ti c'usi ta xc'ot ta stojolique. Ja'uc ti bijil viniquetique xa'ibeic lec smelol scotol.

Zacarías 13:9

Jech ti jvoc' ti cuxul to ta xcome ta jtiq'uic ya'iic ochel ta c'oc' yo' jech ta xich' lecubtasel jech c'u cha'al ta xich' lecubtasel ta c'oc' ti plata ti oroe. Jech ti stuquic une ta xlic vocoleticuc ta jtojol. Ti vu'un ec une ta jtac'beic ti sc'opique. Ta xcalbeic ya'iic ti ja' jteclumaltaque. Ti stuquic une xi ta staq'uique: ‘Ti Ajvalile ja' ti Dios cu'untique.’ Jech ta xc'ot ta pasel cu'un ti vu'un Diosune.”

San Mateo 24:14

Ti lequil ach' c'op sc'oplal ti ventainel yu'un ti Diose, ta xich' puquel ta sbejel banomil yo' jech ta sna'ic scotolic ti oy coltaele. Va'i un, ta xtal ti slajebal c'ac'ale.

San Mateo 26:41

Mu xavayic, vic'o asatic, c'opojan ti'inanic yo' mu xastsaloxuc ti pucuje. Ta melel, oy yip ti avo'ntonique, ja' mu'yuc yip ti abec'talique.

San Mateo 6:13

Mu xavac'uncutic ta lajeltsael, pojuncutic ta yoc ta sc'ob ti pucuje. Yu'un jelavem amuc'ul, oy alequilal, ta xapas mantal sbatel osil. Jechuc.’

Marcos 14:9

Ta xcalboxuc ava'iic ta melel, buyuc no'ox ta xich' alel batel ti lequil ach' c'op ta sjoylej banomile, ta xvinajesbat sc'oplal c'usi laj spas ti ants li'e yo' mu xch'ay ta o'ntonal.

San Lucas 2:1

C'alal ja' o tiq'uil ta banquilal ajvalil ti Augusto Cesare, laj yal mantal ti ac'o yich' bejanbel ta vun sbiic scotol ti jnaclejetic oy ta banomile.

San Juan 17:6

“Ti buch'utic laj at'uj loq'uel li' ta banomil ti laj avac'bune, laj xa cac'be sna'ic Buch'uot ta melel. Ti buch'utic laj avac'bune, ja' ono'ox avu'un, xchi'uc c'ot xa ta yo'ntonic ti ac'ope.

Romanos 1:8

Ta sventa ti Jesucristoe, ba'yel ta xcal, coliyalbun ti Dios cu'une, yu'un buyuc no'ox vinajem ac'oplalic ti c'otem ta avo'ntonic ta xch'unele.

1 Corintios 10:13

Ti vo'oxuque mu'yuc to ech'emoxuc ti bu mu xa ts'icbaj xc'uxul ti slajeb xa j'ilbajinvanej vocole. Ti vo'oxuque xu' xapat avo'ntonic ta stojol ti Diose, yu'un mu teyuc no'ox sq'ueloj ti ch-epaj batel ti vocol ti bu mu xa xcuch avu'un ti lajeltsaele. Ja'uc le'e, c'alal ta xtal ti lajeltsaele, ja' ta sva'an stec'an sba ti Dios c'u s'elan ta xaloc' yu'un ti lajeltsaele yo' jech ta xcuch avu'un.

Efesios 6:13

Jech o xal un, tsaquic scotol ti amacobbailic ac'biloxuc yu'un ti Diose yo' jech ti c'alal ta xc'ot sc'ac'alil ti vocol q'uelel talel ta atojolique, xu' xcuch avu'unic stsalel ti pucuje. C'alal mi cuch avu'une, xu' xa avu'un, mu xa stsic' avo'nton yu'un.

2 Timoteo 2:12

Mi mu'yuc stsic' co'ntontic yu'un ti vocole, ta jchi'intic ta pas mantal. Mi ta jmuc ta co'ntontique, ja' no'ox jech ta xismucotic ta yo'nton ec.

Santiago 3:12

Jech ti jtec' icuxe ma'uc aceituna ta xac' ti sate, mi ja'uc ta xac' sat icux ti jpets uvae. Ja' jech ti jun nio'e, mu xtuc talel ch'ail vo' c'alal lequil vo' ono'ox ta xtuc talele.

1 Pedro 4:12

Ti jech c'uxoxuc ta co'ntone, Jchi'iltac, ma'uc ti toj ch'ayaluc xc'ot ach'ulelic yu'un ti c'alal ta xc'ot ta atojolic ti tsots lajeltsaele, ti mu'yuc bu jech xvinaj xc'ot ta pasele.

2 Pedro 2:9

Ti Cajvaltique ta spoj ta scolta ti buch'u nabalic ta stojol c'alal oy ti svocolique, xchi'uc caj chapal xa yu'un ta stsits ta xchapanel c'alal ta sta sc'ac'alil ti buch'utic toj chopolique.

Apocalipsis 1:9

Vu'un Juan, jchi'il jbatic, jmoj ta xquich' jvocoltic ta sventa ti jmoj laj jtatic ventainel yu'un ti Diose, xchi'uc jmoj ta xac'botic yip co'ntontic ti Jesucristoe. Ti vu'une tiq'uilun ta chuquel ta Patmos banomil ti joyobtabil ta nab ta sventa ti ta xcal ti ch'ul c'op yu'un Dios ti laj yac'bun jna' ti Jesucristoe.

Apocalipsis 11:10

Ti jech cham lajique, xlaet to ta xa'i ma' ti jnaclejetic ta banomile. Mu'yuc xa c'usi x'ech' o ta xa'i ti muyubajele, ti xac'anbe xa sbaic matanal ta jujun ta scoj ti mu x'ech' xjelav svocolic laj ya'iic yu'un ti cha'vo' j'alc'opetique.

Apocalipsis 13:10

“Ti buch'utic oy sc'oplal chuquel ta xbate, chuquel ono'ox ta xbat. Ti buch'utic oy sc'oplal espada ya'i xcham xlaje, espada ono'ox ta xve' yu'un.” Ti buch'utic ja' yu'untac ti Diose, sc'anuc xa no'ox yip yo'ntonic, junuc yo'ntonic xchi'uquic ti c'u s'elan c'otem ta ch'unel yu'unique.

Apocalipsis 13:14

Ta sventa ti jech ac'bat spas ti c'usitic ch'ayal ta xc'ot o'ntonal yu'un ta stojol ti jti'oval chon loc' talel ta nabe, laj slo'la ti jnaclejetic ta banomil ti ac'o spasbeic sloc'obbail ti jti'oval chon ti cuxul xa ti jutuc xa mu cham ta scoj ti yayij ta espada ti sjole.

Apocalipsis 13:8

Ti jti'oval chon loc' ta nab taje, ta x'ich'atic ta muc' yu'un ti jnaclejetic ta banomile, ja' ti buch'utic mu'yuc tsacal sbiic ta jpoc vun sventa cuxlejal c'alal mu'yuc to ox meltsajem ti banomile, xchi'uc ta jpoc vun ti oy ta yoc ta sc'ob ti jcot ta Uni Chij ti laj yich' svocol ta milele.

Apocalipsis 14:12

Ti buch'utic ja' yu'untac ti Diose, sc'anuc xa no'ox yip yo'ntonic ti c'otem ta ch'unel yu'unic ti smantaltaque, xchi'uc ti jun yo'ntonic ta stojol ti Jesuse.

Apocalipsis 14:6

Laj quil yan ánjel xtoc ti xvilet ta o'lol vinajel ta yalel ta stojol ti jnaclejetic ta banomil ta jujun muc'tiquil lume, ti jujutos sts'unubalique, ti jujuchop sc'opique, ti sbatel osil oy c'usi ach' ta xc'ot ta pasele.

Apocalipsis 16:14

Ja' xch'ulel ti pucujetique, ti laj yaq'uic iluc ti oy c'usi ch'ayal ta xc'ot o'ntonal yu'unique, ti loq'uic ta stsobel ti jujun banquilal ajvaliletic oyic ta sjoylej banomile, yo' ta x'ochic ta letovajel c'alal ta sta yorail ti muc' ta c'ac'al nopbil yu'un Dios ti scotol xu' yu'une.

Apocalipsis 17:2

Yu'un ti ajvaliletic oyic ta banomile bat sjol yo'ntonic ta mulivajel xchi'uc ti antse. Jovi sjol yo'nton yu'un xtoc ti jnaclejetic ta banomil ta scoj ti ta sbolomalin sbae.”

Apocalipsis 17:8

Ti jti'oval chon laj avil ti cuxul to oxe, ja'uc le'e laj xa sc'oplal avi tana le'e. Ac'o mi laj xa sc'oplal, ta xloc' talel ta xa'ab ti c'alal mu'yuc to ta stsuts o ta j'ech'ele. Ti jnaclejetic ta banomil ti buch'u mu'yuc ono'ox tsacal sbiic ta jpoc vun sventa cuxlejal c'alal lic meltsajuc talel ti banomile, ch'ayal ta xc'ot yo'ntonic, c'alal ta xilic ti tsajal xi'bal sba jti'oval chon ti ta xac' sba iluc xtoque, c'alal albil sc'oplal chamem xae.

Apocalipsis 2:10

Mu xaxi' yu'un ti avocol ta xc'ot ta atojole, yu'un oy jlom avu'unic ta xatiq'ueic ta chuquel yu'un ti pucuje, yo' jech ta xich' q'uelel ti avo'ntonique. Yu'un ta xavich' avocolic lajuneb c'ac'al. Staojuc yav avo'ntonic xacham xalajic, ta xcac'boxuc ti acuxlejalic ti ja' amotonique.

Apocalipsis 3:8

Jna' lec scotol ti c'usi ta xapase. Jamoj lec jun ti'na ta atojol ti mu'yuc buch'u xmac yu'une. Ac'o mi mu'yuc lec yipal avu'un, c'otem ta avo'nton ta xch'unel ti jc'ope, mi ja'uc yan avo'nton ta jtojol.

Apocalipsis 6:10

Xi tsots ta xalique: “Ch'ul Dios, ti atalel xc'ot xac'opoje, ¿c'usi to ora ta xachapan ta xavac'be stoj ti jnaclejetic ta banomil ti laj smiluncutique?”

Apocalipsis 8:13

Laj taj une, laj quil xvilet talel jun xic ta o'lol vinajel ti xi tsots ta xal laj ca'ie: “Mu xa ono'ox cha'bel un ma' ti jnaclejetic ta banomil c'alal ta xoq'uisan yoq'uesic ti yan oxib anjeletique.”