Apocalipsis 3:1 - Bible in Tzotzil de Chamula

¹ Xi xats'ibabe batel ta stojol ti buch'u sbainoj ti jch'unolajeletic oyic ta jteclum Sardise: “Xi ta xal ti Buch'u yich'oj ti vuctos stalel ti Ch'ul Espiritue, ti oy ta sc'ob ti vucbej c'anale: Jna' scotol ti c'usi ta xapase. Jna' lec ti chamemote, manchuc mi oy buch'u ta xalic ac'oplal ti ataoj acuxlejal ta stojol ti Diose.

Tzotzil Zinacantan

¹ Ti Cajvaltic Jesuse liyalbe noxtoc: ―Li yajchanubtasvanejic li muchꞌutic yichꞌojicon ta mucꞌ ta jteclum Sardise jaꞌ yech xatsꞌibabe echꞌel chac liꞌi: “Ti Cajvaltic Jesuse ti istac echꞌel ta vucub jteclum ti Chꞌul Espíritue, ti stomoj vucpꞌej cꞌanale, jaꞌ yech chayalbeic chac liꞌi: Li voꞌone jnaꞌoj scotol li cꞌusitic chapasique. Ti avalojique, lec achꞌunojic pero maꞌuc yech. Coꞌol xchiꞌuc chamemoxuc chaquilic.

Bible in Tzotzil de Chenalhó with Deuterocanon

¹ Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Sardise: ‘Li boch'o te oy ta stojol li vucub espíritu yu'un Diose xchi'uc li vucbej c'analetique, jech chayalboxuc: Li vu'une xcotquin li avabtelique. Lec cuxuloxuc ta alel, pero chamenoxuc.

Tzotzil San Andres

¹ Jech liyalbe nojtoc li Cajvaltique: ―Tsꞌibabo me carta li buchꞌu sventainoj li buchꞌutic yichꞌojicun ta mucꞌ li ta jteclum Sardise. Xi xatsꞌibabe echꞌele: “Li Cajvaltic ti la stac batel ta jucub jteclum li Chꞌul Espíritue, schiꞌuc li stsacoj jucpꞌej cꞌanale, xi chayalbeic: Joꞌon jnaꞌoj jtuc scotol li cꞌustic chapasique. Lec achꞌunojic ti avalojique pero muc bu jech. Yuꞌun coꞌol schiꞌuc chamemoxuc chaquilic.

Tzotzil de Huixtán

¹ Hech laj yalbun uc ti Cajvaltique: ―Hech me chats'ibabe ti much'utic sventainojic ti jch'unojeletique te ti jteclum Sardise: “Ja' ti Cajvaltique ti yich'oj ti Ch'ul Espíritue, ti huctos yich'oj sbae hech yu'un jelaven yutsil, ti stsacoj ti sc'ob ti hucub c'analetique, hech chayalboxuc: Jna' ti c'u x'elan avabtelique. Lec xch'unojic, xchi ac'opilalic. Mu hechuc chaquiloxuc.

Apocalipsis 3:1 Iomraidhean Croise

San Lucas 15:24

Yu'un ti jnich'on li'e, laj jnop ti chamem xae, avi cuxul vul ta loq'uel. Ch'ayem xa ox, laj to quilbetic sat.’ Lic spasic ti q'uine.

San Lucas 15:32

Jech sc'an ta jpastic ti q'uin avi tana li'e. Muyubajcutic, yu'un ti avits'ine, laj jnop ti chamem xae, avi cuxul vul ta loq'uel. Ch'ayem xa ox, laj to quilbetic sat’, xi laj yal ti totile.”

San Juan 1:16

Laj xa quich'tic jcotoltic ti smuc' ta c'ulejal ti Xnich'on Diose, ti mu'yuc spajeb ta yaq'uel ti slequilal yutsilale.

San Juan 1:33

Mu jna' ec un ti Buch'ue, ja'uc ti Buch'u laj stacun talel ta yaq'uel ti ich' vo'e, xi laj yalbune: ‘Ti buch'u ta xavil ta xcom o ti Ch'ul Espíritu ta xyal talel ta stojole, ja' ti Buch'u ta xac' avich'ic ti Ch'ul Espiritue.’

San Juan 20:22

Ti Jesuse laj xvuch'ta ti yajchanc'optaque, ti xi laj yalbee: —Ich'ic ti Ch'ul Espiritue.

San Juan 3:34

Ti buch'u tacbil talel yu'un ti Diose, naca sc'op Dios ta xal, yu'un ti Diose, yepal no'ox ta xac' ti Ch'ul Espiritue.

Hechos 2:33

Laj taj une, iq'ue muyel ta vinajel ta sventa smuc'ul stsatsal ti Diose yo' ta xc'ot chotluc ta sts'el stuq'uil ti sbats'i c'ob xchi'uc ta yich'el ti Ch'ul Espíritu ta sventa ti Stot ti yalojbe ono'ox sc'oplal ta xac' talele. Jech ti stuc ec une, laj stac talel ta jtojolcutic. Ja' ti vi s'elan yacal ta xava'iic ta xavilic avi tana li' une.

Efesios 2:1

Ti ta vo'nee, chamemoxuc ta stojol ti Dios ta scoj ti amulique, ta scoj ti xchopolil avo'ntonique. Ti Diose ja' o laj yac'boxuc acuxlejalic jmoj xchi'uc ti Cristoe.

Efesios 2:5

yu'un jmoj laj yac' jcuxlejaltic xchi'uc ti Cristo c'alal chamemotic to ox ta scoj ti mulile. Yu'un laj xa ataic colel ta sventa ti slequilal yutsilal yo'ntone.

Colosenses 2:13

Ta vo'ne ti vo'oxuque chamemoxuc ta sba ta sat ti Diose ta scoj ti amulique, yu'un mu'yuc avich'ojic ti circuncisione. Avi tana li' une, ti Diose laj xa yac'boxuc acuxlejalic jmoj xchi'uc ti Cristoe, yu'un laj xa ataic ti ch'aybil c'ot ti amulique.

1 Timoteo 5:6

Ja'uc ti jun me'unal ants ti yac'ojbe yipal ta spasel ti c'usi ta sc'an ti yo'ntone, co'ol s'elan chamem manchuc mu cuxul to.

Santiago 2:26

Mi loc' ti ch'ulelal ta scoj ti cham laj ti lum ach'ele, laj to c'op ma' ti oy to c'usi lec ta spase. Ja' jech mi ta xcaltic ti c'otem ta o'ntonal ta xch'unele, mi mu'yuc ti yabtele, mu'yuc c'usi bal o unbi ti jech ta xcaltique.

1 Pedro 1:11

Ti j'alc'opetique ac'bat sna'ic yu'un Espíritu yu'un ti Cristoe ti ta ono'ox xich' ti svocole, ta ts'acal to ta xich' ti slequilale. Ti stuquique laj yac'beic yipal ta st'unel xchi'uc c'usi c'ac'alil ta xc'ot ta pasel ti jech x'ac'bat sna'ic yu'un ti Ch'ul Espíritu ti oy ta stojolique.

Judas 1:12

Ti stuquic taje ta xayac'oxuc ta q'uexlal c'alal tsoboloxuc ta ve'el ta q'uin ta sventa ti c'ux ta xava'i abaique, ti sjunul yo'nton ta x'uch'obajic ta smalq'uin sbaic ti mu ja'uc xayaq'uic ta ventae. Naca jq'uel-chijetic ti ja' ta xc'uxubin sba stuquique. Co'ol s'elan toc ti mu'yuc yich'oj talel ti vo'e, ti cuche batel yu'un ti iq'ue. Co'ol s'elan jpets te' ti mu xac' sat c'alal yorail xae. Laj to c'op ma' ti cuxulique, yu'un chamemic ta j'ech'el ti pitsbil loq'uel xchi'uc ti yibele.

Apocalipsis 1:11

ti xi laj yalbune: —Ti c'u s'elan ta xavile, ts'ibao ta jpoc vun. Taco batel ta stojol ti vuc-chop tsobobbail ti oy ta Asia banomile: ti Efesoe, ti Esmirnae, ti Pérgamoe, ti Tiatirae, ti Sardise, ti Filadelfiae, xchi'uc ti Laodiceae.

Apocalipsis 1:16

Ti ta sbats'i c'obe stsacoj vucbej c'anal. Ja' jech xtoc co'ol s'elan jich'il espada yich'oj cha'jot ye ta xloc' talel ta ye. Sjunul ti sate co'ol s'elan xojobal c'ac'al ti c'alal tsots xnobet ti xojobale.

Apocalipsis 1:20

Le'e, xi smelol ma' ti vucub c'anal ti jtsacoj ta jbats'i c'ob laj avile, xchi'uc ti laj avil ti vucub yavil cantila meltsanbil ta oroe: ti vucbej c'anale, ja' sc'oplal ti buch'u sventainojic ti vuc-chop tsobobbaile. Ti vucub yavil cantile, ja' sc'oplal ti vuc-chop jch'unolajeletique.

Apocalipsis 1:4

Vu'un Juan ta jts'iba batel ti jvun ta stojol ti vuc-chop tsobobbail ti oy ta Asia banomile. Ich'beic slequilal yutsilal xchi'uc slamajemal yo'nton ti Diose, ti ja' ono'ox Dios avi tana li'e, ti ta vo'ne talele, ti oy sc'oplal ta xtale, xchi'uc ta sventa ti Ch'ul Espíritu ti oy vuctos ti stalel ti bu oy ta spas mantal ti Diose,

Apocalipsis 2:13

Jna' lec scotol ti tey nacalot ti bu ta spas mantal ti pucuje. Manchuc mi jech un, staoj yav jun avo'nton ta jtojol, yu'un mi ja'uc lachibaj ta jtojol c'alal laj yich' milel ti lequil caj'abtel Antipas ti bu snacanoj sba ti pucuje.

Apocalipsis 2:19

Jna' lec scotol ti c'usi ta xapase: ti oy xc'uxul syail avo'ntone, ti lec c'otem ta avo'nton ta xch'unele, ti avac'oj aba ta tunele, ti mu xavicta abae, ti x'ech' to avac'ojbe yipale, ti ja' mu sta ta sliquebale.

Apocalipsis 2:2

Jna' lec scotol ti c'usi ta xapase. Quiloj lec ti avac'ojbe yipal ti abtele, ti oy smuc'ul avo'ntone, ti mu jutebuc lec ta xava'i ti buch'utic chopolique. Jna' lec ti laj aq'uelbe yo'ntonic ti buch'utic sbisoj sbaic ta cajcholc'optac ti c'alal ma'uque, jech laj avil ti ja' jutc'opetique.

Apocalipsis 2:9

Jna' lec scotol ti avocole, ti ame'unal amu'natile, ti c'alal jc'ulejot ono'oxe. Jna' lec ti ta xavich' chopol c'optael yu'un ti buch'utic sbisoj sbaic ta israeletique, ti c'alal ja' yu'untac ti pucuje.

Apocalipsis 3:15

Jna' scotol ti c'usi ta xapase. Jna' lec ti ma'uc c'oc'ote, ti ma'uc sicote. Ja' toj lec ti sicucote, ti c'oc'ucote.

Apocalipsis 3:2

Tijo ajol avo'nton. Ac'bo yipal ta stuc'ulanel ti c'u yepal oy to avu'une, yu'un jutuc xa sc'an xlaj xtub sc'oplal. Yu'un quiloj lec ti c'usi ta xapase ti mu lecuc ta xil ta sba ta sat ti Dios cu'une.

Apocalipsis 3:8

Jna' lec scotol ti c'usi ta xapase. Jamoj lec jun ti'na ta atojol ti mu'yuc buch'u xmac yu'une. Ac'o mi mu'yuc lec yipal avu'un, c'otem ta avo'nton ta xch'unel ti jc'ope, mi ja'uc yan avo'nton ta jtojol.

Apocalipsis 4:5

Ti bu oy ti muc' ta chotlebale, xjaplajet no'ox sac tsel, oy c'opojel, xchi'uc xc'avlajet no'ox chauc ta xloc' talel. Ta stuq'uil yeloval ti muc' ta chotlebale, ta xtil vucub leb c'oc', ja' smelol ti vuctos stalel ti Ch'ul Espíritu yu'un ti Diose.

Apocalipsis 5:6

C'alal jech laj yale, ja' o laj quil ta o'lol bu oy ti muc' ta chotlebale, ta o'lol bu oy ti c'usi chanib cuxajtique, ta o'lol bu oy ti moletique, laj quil cotol jcot ta Uni Chij ti oy svinajeb laj yich' milele. Ti Uni chij taje, oy vucub xulub, xchi'uc vucbej sbec' sat ti ja' svinajeb ti vuctos stalel Ch'ul Espíritu yu'un ti Diose, ti yac'oj batel sat ti Dios ta sjoylej ti banomile.