Apocalipsis 22:5 - Bible in Tzotzil de Chamula

⁵ Ti bu taje, laj c'op ti ac'ubale, yu'un ti buch'utic nacalic ti bu taje, laj sc'oplal ta xtun yu'unic xojobal ti lamparae, xojobal ti c'ac'ale, yu'un ja' xa xojobin stuc ti Cajvaltic Diose xchi'uc sbatel osil jmoj ta spasic mantal.

Tzotzil Zinacantan

⁵ Ta jteclume mu snaꞌ xꞌicꞌub. Muc bu chtun lampara, muc bu chtun xojobal cꞌacꞌal, yuꞌun ta xojobal noꞌox stuc ti Cajvaltique ti sac o li osile. Jun yoꞌonic xchiꞌuc Riox ta sbatel osil.

Bible in Tzotzil de Chenalhó with Deuterocanon

⁵ Te ta lume mu'yuc xa ac'ubaltic. Mu xa xtun yu'unic luz; mu xa xtun yu'unic xojobal c'ac'al, yu'un ja' xa sacubtasoj osil stuc li Cajvaltic Diose. Ja' xa tspasic o mantal sbatel osil.

Tzotzil San Andres

⁵ Li te ta jteclume muꞌyuc xa acꞌubal. Mu xa xtun yuꞌunic cantil, mu xa xtun yuꞌunic xojobal cꞌacꞌal, yuꞌun ta xojobal xa noꞌox stuc li Cajvaltic Dios ti sacjaman oe. Coꞌolic xa schiꞌuc Dios sbatel osil.

Tzotzil de Huixtán

⁵ Te mu x'ic'ub osil. Mu sc'anic luz, mu sc'anic c'ac'al, yu'un chac' squeval stuc ti Cajvaltic Diose. Ja' tspasic mantal xchi'uc sbatel osil.

Apocalipsis 22:5 Iomraidhean Croise

Salmos 36:9

Yu'un ti xcuxlejale, j'ech'el oy ta avoc ta ac'ob ta sbainel; ta axojobal ta xquilcutic ti saquilal osil une.

Salmos 84:11

Yu'un ti Ajvalil Diose ta xac'botic ti saquil osile, ta stic' sba ta jpojeltic. Ti Diose mu tuch'baj ta xa'i, ta xac' ta ich'el ta muc' ti buch'u ta stuc'ulan sbaique, mu'yuc c'usi ta xjaltabatic jutebuc.

Isaías 24:23

Ti Dios ti scotol xu' yu'une, ti c'alal ta xlic ochuc ta Ajvalil ta vits Sione, ti ta lum Jerusalene, ti c'ac'ale, ti ue, ta x'ic'ub. Ti banquilaletic yu'un ti steclumale ta xilic yutsilal slequilal ti Diose.

Isaías 30:26

Ti Dios une ta xpoxtabe ta xpixbe syayijemalic ti steclumale. Va'i un, ta xc'ot ta pasel ti xchijlajan no'ox xojobal ti u jech c'u cha'al xojobal ti c'ac'ale. Vucub to velta ta xjelav yip xojobal ti c'ac'ale, ti co'ol to s'elan oy vucbej c'ac'al ti jmoj svoloj sbaique.

Daniel 7:18

Ts'acal to un, ti jech sc'oplal ochemic ta ajvaliletique, ja' ta xlic jelobtasbaticuc ta yoc ta sc'obic ti jteclum yu'un Dios ti oy ta toyole, ti ja' j'ech'el ta xcomic o ta pas-mantal sbatel osile.”

Daniel 7:27

Ti spasob mantale, ti jelavem xu' yu'une, ti yutsilal slequilal ti oy ta scotol pasob mantaletic li' ta banomile, ja' ta xlic ac'batuc ta yoc ta sc'obic steclumal ti Dios ti oy ta toyole. Mu'yuc stsutseb ti jech ta xchoti ta pasob mantale. Yu'un scotol ti jteclumetic ta banomile, ta xac' sbaic ta tunel ta stojol. Ta xch'unbeic ti c'usi ta xale.”

Zacarías 14:7

Stuc xa no'ox jech jun c'ac'al ta xc'ot ta pasel. Ja' no'ox xojtiquin stuc ti Diose. Yu'un ti stuque co'ol no'ox sba ta xil mi c'ac'altic manchuc mi ac'ubaltic xojobin no'ox xojobal.

San Mateo 19:28

Ti Jesuse xi laj stac'bee: —Ta xcalboxuc ava'iic ta melel, c'alal ta sta sc'ac'alil ta xcom ta ach' scotole, ti vu'un co'ol j'elantique ta xichoti ta jpasob mantal ti bu jun yutsile. Ti vo'oxuc ti laj ats'acliicune ta xachotiic ta sventainel ti lajcheb (2) pasob mantaletic ta xchapanel ti lajcha'chop snitilul ti Israele.

San Mateo 25:34

Ti Ajvalilune xi ta xcalbe ya'i ti oyic ta jbats'i c'obe: ‘La'ic ta jtojol ti vo'oxuc la'ich'atic ta c'ux yu'un ti Jtote. Ochanic ti bu ta xventainvan ti Jtote, yu'un jech ono'ox chapanbil ac'oplalic c'alal mu'yuc to ox bu meltsajem ti banomile.

San Mateo 25:46

Taj une, ta xbatic ta tojob mulil sbatel osil. Ja'uc ti buch'u oy slequil stuq'uilique ta xbatic ta cuxlejal sbatel osil.”

Romanos 5:17

Ti ayan yip ti mulil ti ta xijchamotic yu'une, ja' ta scoj ti laj sta smul ti jun vinique. Oy lec smelol un ti ta sventa ti jun vinic Jesucristoe, laj jtatic ti ach' cuxlejal ta matanale. Laj jtatic ti lec xij'ile yu'un ti Dios ta sventa ti Jesucristoe.

2 Timoteo 2:12

Mi mu'yuc stsic' co'ntontic yu'un ti vocole, ta jchi'intic ta pas mantal. Mi ta jmuc ta co'ntontique, ja' no'ox jech ta xismucotic ta yo'nton ec.

Apocalipsis 11:15

C'alal laj yoq'uisan yoq'ues ti yucubal anjele, vinaj ti oy buch'utic tsots ta xc'opojic talel ta vinajel ti xi ta xalique: “Laj sc'oplal ta xventainvanic ti ajvaliletic li' ta banomile, ja' xa ta xlic ventainvanuc ti Cajvaltic Diose xchi'uc ti Cristo yu'une, ja' xa ta xlic pasvanuc ta mantal sbatel osil.”

Apocalipsis 18:23

Laj sc'oplal xtoc sac jaman no'ox xojobal ti lamparae, laj sc'oplal xvochvun ti pas q'uin sventa nupunele. Caj tsacal xa'i sbaic ta banomil ma' ti jbolomajeletic ta aventae, yu'un laj alo'laan ti muc'tiquil lumetic ti oy ta sjoylej banomil ta scoj ti achamelinoj ti lo'lavaneje.”

Apocalipsis 20:4

Laj quil chotlebaletic. Ti ta chotlebaletique, chotajtic ti buch'utic ac'bat yich' yabtelic ta chapanvaneje. Laj quil xch'ulelic xtoc ti buch'utic laj yich' c'ocbel snuq'uic ta sventa ti laj sva'an sbaic ta yalbel sc'oplal ti Jesuse, xchi'uc ti laj yalic c'u s'elan ta xac' ta na'el ti sc'op Diose. Yu'un ti stuquique, mu'yuc laj yich'ic ta muc' ti jti'oval chone, mi ja'uc ti sloc'obbaile, mi ja'uc laj yich'beic smarcail ta sti'baic mi ta sc'obique. Cha'cuxiic un, jmoj laj spasic mantal xchi'uc Cristo jmil (1,000) jabil.

Apocalipsis 20:6

Yan yutsil ti buch'u oy sc'oplalic ba'yel ta xcha'cuxiique, yu'un c'otemic ta steclumal ti Diose. Yu'un laj to sc'oplal ti q'uelel ta stojolic ta xchamic ta xcha'cojale, c'otemic xtoc ta yajpale ti Diose xchi'uc ti Cristoe, jmil jabil ta spasic mantal xchi'uc.

Apocalipsis 21:11

Ti jteclume xojobin no'ox ta yutsilal ti Diose, xnobet xojobal co'ol s'elan jech c'u cha'al xojobal c'upil sba ton, yu'un sts'ayet no'ox xojobal jech c'u cha'al ti saquil baxtone, ti sts'ayayet no'ox xojobal jech c'u cha'al ti nene.

Apocalipsis 3:21

Ti buch'u ta stsal yu'un scotole, ta xcac' ochuc ta xchi'inun ta spas mantal ti bu ta jpas mantale, jech c'u cha'al ta jchi'in ta pas mantal ti Jtote, ja' ti laj jtsal scotole.