Apocalipsis 22:3 - Bible in Tzotzil de Chamula

³ Ti bu taje, laj c'op ma' ti oy c'usi chopol q'uelel ta stojolique. Yu'un ti ta jteclume, ja' ti bu chotol ti Diose xchi'uc ti jcot ta Uni Chije, ti ich'bilic ta muc' yu'un ti yajtuneltaque.

Tzotzil Zinacantan

³ Teyoꞌe chꞌabal cꞌusi chopol yuꞌun jaꞌ tey ta spas mantal stuc ti Rioxe xchiꞌuc ti Cajvaltic Jesuse. Scotolic ta xtunic yuꞌun ti Rioxe.

Bible in Tzotzil de Chenalhó with Deuterocanon

³ Mu'yuc xa c'usi chopol te. Yu'un ja' te tspas mantal stuc li Diose xchi'uc li Ch'ium Chije. Scotol li yu'untaque te chtunic o yu'un.

Tzotzil San Andres

³ Mu xa cꞌusi chopol tey yuꞌun jaꞌ te ta spas mantal stuc li Diose schiꞌuc li Cajvaltique. Scotolic li teye te ta xtuneic yuꞌun li Diose.

Tzotzil de Huixtán

³ Mi jutuc mu'yuc c'usi chopol te o. Te tspas mantal ti Diose xchi'uc ti Cajvaltique. Scotol ti yaj'abtele ti icol yu'une te chac' sbaic ti abatinel ti stojol.

Apocalipsis 22:3 Iomraidhean Croise

Salmos 16:11

Ta xavac'bun quil ta stamel batel sbelel ti cuxlejale. Ta atojol, jelavem ta j'ech'el ti muyubajele; sbatel osil xlaet no'ox ti o'ntonal ta atojole.

Salmos 17:15

Melel xcal ti vu'une, xlaet no'ox ta xca'i ta jq'uelbot ti asate, ta xquil ono'ox asat c'alal xiva'et liquele.

Isaías 12:6

Avananic ta muyubajel, jnaclejetic yu'un ti lum Sione, yu'un ti ch'ul Dios yu'un Israele, oy ta o'lol avu'unic xchi'uc scotol ti smuc'ul stsatsale.”

Isaías 51:11

Ja' jech ta sutic tal ec ti buch'utic c'uxubinatic yu'un ti Diose, ti x'avlajetic no'ox ta muyubajel ta x'ochic talel ta lum Sione, ti xlaet no'ox ta xvinaj ti sat yelovique, ti ta staic ti mu'yuc c'usi sna'ique, ti xlaet no'ox ta xa'iique, ti nom to c'ot ti oq'uel avanele ti mu x'ech' ti vocole.

Ezequiel 37:27

Ta xinaqui ta stojolic. Ta xic'ot ta Dios yu'unic. Ta xc'otic ta calab jnich'nab ec un.

Ezequiel 48:35

Smocal ti jteclum ta joyobe, yich'oj balunmil (9,000) metro sbisol. ‘Li' oy ma' ti Diose’, xi sbi ta xich' liquel ti jteclume”, xi laj yal ti Dios ti scotol xu' yu'une.

Zacarías 14:11

Melel, yu'un ta xlic ayanuc jnaclejetic ti ta jteclum Jerusalene. Mi ja'uc xa ta xc'ot ta pasel yan velta xtoc ti ta xtub ti sc'oplale. Ta j'ech'el mi ja'uc oy c'usi xal yo'ntonic ta xnaquiic liquel ti jnaclejetic yu'une.

San Mateo 25:21

Ti ajvalile xi laj yale: ‘Lec oy. Lequil j'abtelot. Lec laj aventain ti juteb laj cac'bot comele. Jech o xal yepal to ta xcac'bot aventain. Muyubajan, ochan talel ta jtojol.’

San Mateo 25:41

“Ti vu'un Ajvalilune xi ta jtac'beic ti buch'u oyic ta jts'et c'obe: ‘Ch'aco abaic loq'uel ta jtojol ti bisbiloxuc ta cotol chaval yu'un ti Diose. Sbatel osil, batanic ta c'oc' ti bu chapanbil ta sventa ti pucuje xchi'uc ti yaj'ánjeltaque.

San Juan 12:26

Mi oy buch'u ta xac' sba ta tunel cu'une, ac'o sts'acliun batel. Ti buyuc no'ox oyune, tey oy ec ti buch'u ta xac' sba ta tunel cu'une. Ti buch'u ta xac' sba ta tunel ta jtojole, ich'bil ta muc' yu'un ti Jtote.

San Juan 13:32

Mi ta xvinaj yutsilal slequilal ti Dios ta jventa ti co'ol j'elantique, ta xac' iluc yutsilal slequilal Dios ta jtojol ec. Ta xa xc'ot ta pasel un.

San Juan 14:3

Ta xibat un, ta xba jchapan ta smeltsan ti bu ta xanaquiique. Ts'acal to un, ta xisut talel yo' ta xquic'oxuc ech'el yo' tey oyoxuc ti bu oyune.

San Juan 17:24

“Tot, yu'un vo'ot laj avac'bun, ta jc'an ti tey oyicuc ti bu oyun eque, yo' jech ta xilic ti jlequilal laj avac'bune, yu'un ac'uxubinojun ono'ox c'alal mu'yuc to meltsaj ti banomile.

Deuteronomio 27:26

‘Bac svocol chamuc ta banomil ti buch'u mu xac' ta venta ti va'i s'elan ti bijubtasele, ti mu sc'an xchan ta yabtelanele.’ Xi ta stac' scotol ti lume: ‘Jechuc.’

Apocalipsis 7:10

Xi tsots ta x'avan scotolique: “Ti pojel colel laj jtatique, ja' ta sventa ti Dios cu'untique, ja' ti Buch'u chotol ta muc' ta chotlebale, xchi'uc ti jcot ta Uni Chije.”

Apocalipsis 7:9

Laj taj une, laj quil yepal oy bu talemic ta jujun banomil ti oyic ta muc'tiquil lumetique, ti jujutos ti sts'unobalique, ti jujutos ti sc'opique, ti oyic ta jujun jteclume. Ti yepal no'ox ta j'ech'el ti mu'yuc buch'u xchap yu'un c'u yepalique, tey va'ajtic ta stojol ti Buch'u chotol ta muc' ta chotlebale, xchi'uc ti jcot ta Uni Chije. Slapojic batel saquil c'u'il xchi'uc xtuchojic batel yanal xan.