Apocalipsis 22:2 - Bible in Tzotzil de Chamula

² Ta o'lol calle yu'un ti muc' ta jteclume, ti ta jujot sti'il ti uc'ume, ch'iemic te'etic ti ta xac' cuxlejale. Lajcha'coj ta xac' sat ta jun jabil, ti lec ta alele, jujun u ta xac' ti sate. Yanal ti te'e, ta xtun yo' ta xpoxta o sbaic ti jnaclejetic ta banomile.

Tzotzil Zinacantan

² Li ucꞌume tey ch-echꞌ ta oꞌlol scayail li jteclume. Ta jujot li tiꞌ ucꞌume jaꞌ tey chꞌiemic li teꞌ scuenta cuxlejal ta sbatel osile. Lajchatos tsatin ta jabil, jutos jujun u. Li yanale jaꞌ mu xꞌipaj o scotol li crixchanoetic teyoꞌe.

Bible in Tzotzil de Chenalhó with Deuterocanon

² Ta o'lol li muc'ta xoral yu'un lume, xchi'uc ta jujujot ti' uc'ume te ch'iem te'etic sventa cuxlejal. Lajchab velta tsatin ta jun jabil, jujun velta tsatin ta jujun u. Li yanale ja' sventa chcolic ta chamel scotol li cristianoetic te oyique.

Tzotzil San Andres

² Li ucꞌume jaꞌ te ta xbein ta oꞌlol li smucꞌta cayail li jteclume. Ta jujot tiꞌucꞌume te chꞌiemic teꞌetic sventa cuxlejal sbatel osil. Lajchachop tsatin ta jun jabil. Juchop tsatin ta jujun u. Li yanale jaꞌ sventa ti ta jꞌechꞌel icolic o ta chamel scotol li crixchanoetic li te oyique.

Tzotzil de Huixtán

² Ti muc'ta jteclum oy jun muc'ta calle. Te ti o'lol ti calle te chanav ti uc'ume. Ti jujujech ti uc'ume te oy ti te'etic sventa cuxlejal sbatel osil. Ti te'e ja' tsjelilan ti sate ti chaq'ue jujun u. Lajchatos chac'. Ti yanal ti te'e ja' sventa scolel ti ep ti tos ti crixchanoetique ti te nacajtique.

Apocalipsis 22:2 Iomraidhean Croise

Génesis 2:9

Ja' jech xtoc laj yac' ch'iuc ep ta tos lequil te'etic ti lec ta lo'bel ti sate. Ti ta o'lol ts'unubale, laj yac' ch'iuc ti j'ac'-cuxlejal te'e, xchi'uc ti te' ta xac' ta na'el ti leque xchi'uc ti chopole.

Salmos 147:3

Ta xpoxtabe ti buch'utic xmich'mun ti yo'nton ta xa'iique; ta xpixbe ti syayijemalique.

Proverbios 3:18

Ti buch'u oy yu'un ti bijilile, cuxlejal ta j'ech'el; mu'yuc c'usi sna' ti buch'u xtojob ta stunesele.

Isaías 6:10

Yanijesbo snopobil yu'unic ti lum li'e. Macbo ti xchiquinique, macbo ti satique, yo' jech mu xilic, mi ja'uc xc'ot ta yo'ntonic ti lo'il a'yeje, yo' jech mu sutic talel ta jtojol ti ta xc'ot ta pasel ta jpoxtaique.”

Jeremías 17:14

Colesun, Cajval, yo' ta xpoxtaj ti jvocole. Tic'o aba ta jpojel yo' jech ta xicol. Atuc xa no'ox ta jlequil-c'optaot unbi.

Ezequiel 47:1

Ts'acal to un, ti vinique laj yic'un sutel ta ochebal sti' ti ch'ulnae. Laj quil un ta xtuc talel vo' ta yolon ti'na. Ta xanav batel ta yeloval sloq'ueb c'ac'al bu oy ti ch'ulnae. Ta bats'i c'ob yu'un ti ch'ulnae, ta xyal talel yoc vo' ta yeloval yolon ti yac'ol xocon sloq'ueb c'ac'al yu'un ti altare.

Oseas 14:4

Xi ta xal ti Diose: “Ta jtubbe yip ti toyobbaile. Ta xalecubic cu'un, ac'o mi mu xa xac'ot o ti ta xavich' c'uxubinele. Mu ono'ox xatuch' ta co'nton, yu'un lamaj xa ti sc'ac'al co'nton ta atojolique.

Zacarías 14:8

Va'i un, ti ta jteclum Jerusalene, ta xlic tucuc talel sat vo' ti jun no'ox yutsil siquete, ti x'oquin no'ox yoc ti c'alal yorail scomil ti c'ac'ale, ti c'alal snatil ti c'ac'ale. Ti o'lol yoque ta x'oquin ech'el ti bu sbiinoj Chamem Nabe. Yu'un ti o'lol yoque ta x'oquin ech'el ti bu sbiinoj Nab Mediterráneoe.

Malaquías 4:2

Ja'uc ti vo'oxuc une, ti nijil chimiloxuc ta yich'elun ta muq'ue, jech ti pojel c'uxubinel cu'une xtixet no'ox vulel ta atojolic co'ol s'elan xojobal ti c'ac'ale, yu'un ja' ach'iel ac'opojelic ti xtixet no'ox vulel ta atojolique. Jech ti vo'oxuque, natic no'ox xabitic ta muyubajel jech c'u cha'al ti ch'iom vacaxetic c'alal ta xloc' batel ta scorrale.

San Lucas 4:18

“Ti Ch'ul Espíritu yu'un ti Cajvaltique, li' oy ta jtojole yu'un laj st'ujun, ta yalbel lequil ach' c'op ti buch'u abol sbaique, ta yac'bel jun yo'nton ti buch'u oyic ta vul o'ntone, ta yalbel spojel scolel ti buch'u chuculique, ta jambel sat ti ma'satetique, ta yalbel spojel scolel ti buch'u ilbajinbilic yu'un ti vocole,

1 Pedro 2:24

Ti Cristoe laj sbain ta sbec'tal stuc ti jmultic c'alal cham laj ta curuse, yo' jech ta xlaj x'ech' sc'oplal ti mulil oy ta jtojoltique, yo' jech ta jtamtic ta spasel ti c'usi oy smelol stuq'uile. Yu'un ta sventa ti yayij ti Cristoe, laj ata acolelic yu'un.

Apocalipsis 2:7

Ti buch'u oy xchiquine, ac'o ya'i lec c'u s'elan ta x'albat yu'un Ch'ul Espíritu ti jch'unolajeletique. Ti buch'u ta stsal yu'un scotole, ta xcac'be slo' ti sat te' ti sventa cuxlejal ti teq'uel ta yavil ts'unubal yu'un ti Diose.”

Apocalipsis 21:21

Ti lajcha'pech ti' moque, naca ta perla ton meltsanbil. Ti jujupech sti'taque, jpech perla ton yich'oj. Ti muc' ta calle yu'un ti jteclume, naca oro yich'oj, ti sts'ayet no'ox yutsil jech c'u cha'al ti nene.

Apocalipsis 21:24

Xanavic no'ox ta xojobal jteclum ma' ti jnaclejetic oy ta sjoylej banomile. Ti ajvaliletic oyic ta sjoylej banomil xtoque, ta xac'beic Dios ti sc'ulejalic laj staique.

Apocalipsis 22:1

Laj taj une, ti anjele laj yac'bun quil jun yaxjipan uc'um ti ta xac' ti cuxlejale. Yax jipan no'ox yutsil ti vo'e, co'ol s'elan jech c'u cha'al junuc nen ta xloc' talel bu chotol ti Diose xchi'uc ti jcot ta Uni Chije.

Apocalipsis 22:14

Yan yutsil ti buch'utic laj yaq'uic ta chuq'uel ti sc'u'ique yo' xu' ta slo' ti sat te' ta xac' ti cuxlejale, yo' ta x'ochic batel ta sti'tac ti jteclume.

Apocalipsis 22:19

Ti buch'u mu ts'acaluc ta xal ti c'u s'elan ts'ibabil ta jpoc vun li'e, ta xpojbat yu'un Dios ti oy sc'oplal ta slo' ti sat te' ta xac' cuxlejale. Ta xtubbat sbi xtoc yu'un Dios ti bejel ta jpoc svunal ta sventa cuxlejale, mi ja'uc ta x'och batel ta ch'ul jteclum.