Apocalipsis 22:1 - Bible in Tzotzil de Chamula

¹ Laj taj une, ti anjele laj yac'bun quil jun yaxjipan uc'um ti ta xac' ti cuxlejale. Yax jipan no'ox yutsil ti vo'e, co'ol s'elan jech c'u cha'al junuc nen ta xloc' talel bu chotol ti Diose xchi'uc ti jcot ta Uni Chije.

Tzotzil Zinacantan

¹ Li anjele liyacꞌbe quil jun ucꞌum scuenta cuxlejal ta sbatel osil, stsꞌayayet coꞌol xchiꞌuc li nene. Tey chlocꞌ tal ta xchotleb ti Rioxe xchiꞌuc ti Cajvaltic Jesuse.

Bible in Tzotzil de Chenalhó with Deuterocanon

¹ Ts'acal laj yac'bun quil jun lequil uc'um; ja' vo' sventa cuxlejal. Te chloc' tal ta xchotleb li Diose xchi'uc li Ch'ium Chije. Li uc'ume sts'ayts'un jech chac c'u cha'al nen.

Tzotzil San Andres

¹ Li chꞌul ángele laj yacꞌbun quil ucꞌum sventa cuxlejal sbatel osil. Xleblun jech chac cꞌu chaꞌal nen. Te chlocꞌ talel ta schotleb Dios schiꞌuc li Cajvaltique.

Tzotzil de Huixtán

¹ Patil laj yac'bun jq'uel ti uc'um ti jun no'ox yutsile, ja' ti ho' sventa cuxlejal sbatel osile. Te chloc' tal te ti bu snacleb ti Diose xchi'uc ti Cajvaltique. Ti uc'ume chleblun hech chaj c'u che'el espejo.

Apocalipsis 22:1 Iomraidhean Croise

Salmos 46:4

Ta sventa ti tan puc yoctac ti muc' ta uc'ume, ta staic smuyubajel yo'ntonic Steclumal ti Diose, ja' ti ch'ul jteclum yu'un ti Buch'u oy ta toyole.

Isaías 41:18

Ta vitsetic ti oy ta sbajtical banomile, ta xcac' tucuc loq'uel uc'um xchi'uc sat vo'etic ti ta o'lol stenlejale. Ta joybin ta tuquemal vo' ti sbajtical banomile. Ti ta taquin banomile, ta xcac' t'omuc loq'uel uc'umetic.

Isaías 48:18

¡Ati lajuc avac' ta venta ti c'u s'elan laj cale, lec ma' ti jechuc une! Ti alequilal avutsilale, c'ot jech c'u cha'al ta xanav yoc ti uc'um jechuque. Ti c'usitic ta xtun avu'une, c'ot jech c'u cha'al ya'lel nab ti xva'i xcoti no'ox ta beinel jechuque.

Isaías 66:12

Ti vu'un Diosune xichi ta xcale: “Co'ol s'elan jun uc'um ta xcac' taluc ta stojolic ti lamajemal o'ntonale. Sc'ulejal ti muc'tiquil lume, co'ol s'elan balac' vo' ta xcac' vuluc ta stojolic. Ta sbain ta smalq'uineloxuc. Snitojoxuc talel ta sc'obic ti mu'yuc xa c'usi xana'ic ta j'ech'el yu'une.

Jeremías 17:13

Cajval, vo'ot spatobil yo'nton ti Israele. Scotol ti buch'u ta stenot sjipot comele, nijil chimil ta xc'ot ta q'uexlal. Scotol ti buch'u ta xnamaj ta atojole, ta sac ch'ay batel jech c'u cha'al junuc biil ti ts'ibabil ta pucuque, ta scoj ti laj stenot comel c'alal vo'ot ti sat vo' ti siquet no'ox ta uch'ele.

Jeremías 2:13

“Yu'un ti jteclumale, cha'tos ti xi laj stsob sba ti smule: laj svalopatin comel ti cuxul sat vo' yu'une, lic sjoc' yaviltac ya'al stuquic ti mu sts'an vo' yu'un ti joq'uetic ta scoj ti chajal ti yute.

Zacarías 14:8

Va'i un, ti ta jteclum Jerusalene, ta xlic tucuc talel sat vo' ti jun no'ox yutsil siquete, ti x'oquin no'ox yoc ti c'alal yorail scomil ti c'ac'ale, ti c'alal snatil ti c'ac'ale. Ti o'lol yoque ta x'oquin ech'el ti bu sbiinoj Chamem Nabe. Yu'un ti o'lol yoque ta x'oquin ech'el ti bu sbiinoj Nab Mediterráneoe.

San Juan 13:32

Mi ta xvinaj yutsilal slequilal ti Dios ta jventa ti co'ol j'elantique, ta xac' iluc yutsilal slequilal Dios ta jtojol ec. Ta xa xc'ot ta pasel un.

San Juan 15:26

“Ja'uc ti c'alal ta jtac talel ta atojolic ta sventa Jtot ti jpat-o'ntonale, ja' ti Ch'ul Espíritu ti melel c'usi ta xac' ta na'ele, ja' ta xalboxuc ava'iic ti jc'oplale.

San Juan 4:14

Ja'uc ti buch'u ta xuch' ti vo' vu'un ta xcaq'ue, j'ech'el mu xa'iic taqui ti'il. Yu'un ta xc'ot ta yo'ntonic jech c'u cha'al nio' ti mu sna' x'ul ti xtuctun o ti ta x'ac'bat xcuxlejalic sbatel osil yu'une.

Hechos 2:33

Laj taj une, iq'ue muyel ta vinajel ta sventa smuc'ul stsatsal ti Diose yo' ta xc'ot chotluc ta sts'el stuq'uil ti sbats'i c'ob xchi'uc ta yich'el ti Ch'ul Espíritu ta sventa ti Stot ti yalojbe ono'ox sc'oplal ta xac' talele. Jech ti stuc ec une, laj stac talel ta jtojolcutic. Ja' ti vi s'elan yacal ta xava'iic ta xavilic avi tana li' une.

Apocalipsis 1:1

Ti jpoc vun ts'ibabil li'e, ja' sc'oplal ti oy c'usi ac'bat sna' ti Jesucristo yu'un ti Diose, yo' jech ti Jesucristoe ta xac'be sna' ti yajtuneltac ti c'usi jutuc xa sc'an ta xc'ot ta pasele. Ti Jesucristo eque laj stac talel yaj'ánjel yo' tal yac'be sna' ti Juan ti yajtunele.

Apocalipsis 21:11

Ti jteclume xojobin no'ox ta yutsilal ti Diose, xnobet xojobal co'ol s'elan jech c'u cha'al xojobal c'upil sba ton, yu'un sts'ayet no'ox xojobal jech c'u cha'al ti saquil baxtone, ti sts'ayayet no'ox xojobal jech c'u cha'al ti nene.

Apocalipsis 21:6

Ts'acal to un, xi laj yalbune: “C'ot xa ta pasel. Vu'unun ti sliqueb spajebe, yu'un vu'un laj jliques, vu'un ta jlajes. Ti buch'u ta xa'i taqui ti'ile, ta xcac'be yuch' ti sat vo' ti ta xac' cuxlejale, mi jutebuc tojbil ta j'ech'el.

Apocalipsis 21:9

Tal jun ta yucubal ti anjele, ti oy ta sc'ob ti yucubal sbis noj ta slajeb ti vucub cuxul j'ilbajinvanej vocole, ti xi laj yalbune: “La' li'e, ta xcac'bot avil ti jmalijel tsebe, ja' ti yajnil ti jcot ta Uni Chije.”

Apocalipsis 22:17

Ti Ch'ul Espiritue xchi'uc yajnil ti jcot ta Uni Chije, xi ta xalique: “¡La' me!” Xiuc ac'o yal ti buch'u ta xa'ie: “¡La' me!” Ti buch'u ta xa'i taqui ti'ile, ti juteb ta yo'ntone, ac'o taluc ta yuch'el ti vo' ta xac' cuxlejale, mu'yuc tojbil jutebuc.

Apocalipsis 22:6

Ti anjele xi laj yalbune: “Ja' patob o'ntonal ma' ti c'op li'e, yu'un ja' melel. Ti Cajvaltic Diose, ti ja' stuc ta sva'an sba ta yac'bel sna' c'u s'elan ta xc'opojic ti yaj'alc'optaque, laj stac talel ti ánjel ta xac'be yil ti yajtuneltac c'usi jutuc xa sc'an ta xc'ot ta pasele.”

Apocalipsis 3:21

Ti buch'u ta stsal yu'un scotole, ta xcac' ochuc ta xchi'inun ta spas mantal ti bu ta jpas mantale, jech c'u cha'al ta jchi'in ta pas mantal ti Jtote, ja' ti laj jtsal scotole.

Apocalipsis 5:13

Scotol c'usitic laj spas ti Dios ti oy ta vinajele, ti oy ta banomile, ti oy ta lajebale, ti oy ta nabe, laj ca'i ti xi ta xal scotolique: “Ti Buch'u chotol le' ta muc' ta chotlebale xchi'uc ti jcot ta Uni Chije, c'otuc ta pasel ti ich'biluc ta muq'ue, ti junuc yutsil ti sc'oplalique, ti jelavemuc ti yutsil slequile, ti smuc'ul stsatsale, ti jechuc o sbatel osile.”

Apocalipsis 5:6

C'alal jech laj yale, ja' o laj quil ta o'lol bu oy ti muc' ta chotlebale, ta o'lol bu oy ti c'usi chanib cuxajtique, ta o'lol bu oy ti moletique, laj quil cotol jcot ta Uni Chij ti oy svinajeb laj yich' milele. Ti Uni chij taje, oy vucub xulub, xchi'uc vucbej sbec' sat ti ja' svinajeb ti vuctos stalel Ch'ul Espíritu yu'un ti Diose, ti yac'oj batel sat ti Dios ta sjoylej ti banomile.

Apocalipsis 7:17

Yu'un ti jcot ta Uni Chij ti oy ta o'lol bu oy ti muc' ta chotlebale, ta xchabiatic yu'un jech c'u cha'al ti jq'uel-chije, ta x'iq'ueic batel ta sat vo' ti ta xac' cuxlejale, scotol ti ya'lel satique, ta scusbatic loq'uel yu'un ti Diose.