Apocalipsis 21:8 - Bible in Tzotzil de Chamula

⁸ Ja'uc ti buch'utic xi'el no'ox xa'i sbaique, ti buch'utic mu'yuc c'usi ta xc'ot ta yo'nton ta xch'unele, ti buch'utic xti'et sjolique, ti buch'utic jmilvaneje, ti buch'utic batem yo'ntonic ta mulivajele, ti j'ac'-chameletique, ti buch'utic ta xich'ic ta muc' ti c'usitic meltsanbil ta c'abale, ti buch'utic jutc'opetique, scotolic taje, ta xbatic ta muc' ta c'oc' ti bu ta xtil ta azufree, ti ja' xa xcha'cojal lajebale.”

Tzotzil Zinacantan

⁸ Yan ti muchꞌutic chiꞌic o li ilbajinele, xchiꞌuc ti muchꞌutic mu xiyichꞌic ta muqꞌue, xchiꞌuc ti muchꞌutic chopol sjolique, xchiꞌuc li jmilvanejetique, xchiꞌuc ti muchꞌutic tsaꞌ yantsique, xchiꞌuc ti muchꞌutic tsaꞌ yajmulique, xchiꞌuc li jꞌiloletique, xchiꞌuc ti muchꞌutic chichꞌic ta mucꞌ santoetique, xchiꞌuc scotol li jnopcꞌopetique, jaꞌ ch-ochic ta mucꞌta cꞌocꞌ yoꞌ bu chtil xchiꞌuc asuvree. Jaꞌ xa xchaꞌechꞌelal o ta xchamic ―xiyut ti Rioxe.

Bible in Tzotzil de Chenalhó with Deuterocanon

⁸ Yan li me' jxi'eletique, li boch'otic mu xiyich'icun ta muq'ue, li boch'otic toj chopol c'usitic tspasique, li jmilvanejetique, li jmulaviletique, li j'ac'chameletique, li boch'otic chich'ic ta muc' c'usitic mu ja'uc Diose, xchi'uc scotol li j'epalc'opetique, ja' chjipatic ochel ta muc'ta c'oc' tsanbil ta azufre. Le'e ja' xchibal velta lajel”, xiyutun.

Tzotzil San Andres

⁸ Yan li buchꞌutic ta xiꞌique, schiꞌuc li buchꞌutic mu xiyichꞌic ta muqꞌue, schiꞌuc li buchꞌutic toj chopol li cꞌustic tspasique, schiꞌuc li jmilvanejetique, schiꞌuc li jmulivajeletique, schiꞌuc li jꞌilvanejetique, schiꞌuc li buchꞌutic ta xichꞌic ta mucꞌ li cꞌustic oye, schiꞌuc scotol li jutcꞌopetique, jaꞌ ta xjipeic ochel ta mucꞌta cꞌocꞌ ti tsanal ta azufree. Taje jaꞌ schibal xa velta lajel yuꞌunic ―xiyut li Diose.

Tzotzil de Huixtán

⁸ Ja'uc ti much'utic chi'ique xchi'uc ti much'utic mu xixch'umbucun ti jc'ope, xchi'uc ti much'utic tspas loquil lo'ile, xchi'uc ti jmilvanejetique, xchi'uc ti jmulaviletique, xchi'uc ti jpicch'ich'etique, xchi'uc ti much'utic xch'unojic ti santoetique, xchi'uc ti much'utic tsnopic c'ope, scotolic ti jten ochel xchi'uc sbec'talic ti muc'ta c'oc' yo' bu chtil azufre. Ja' xchibal velta chchamic ―xiyutun ti Diose.

Apocalipsis 21:8 Iomraidhean Croise

Proverbios 19:5

Mu q'uelbiluc no'ox ta xcom ma' ti jut c'op rexticoe; mu ono'ox xcol ec un ma' ti jut c'ope.

Proverbios 19:9

Mu q'uelbiluc no'ox ta xcom ti jut c'op rexticoe. ti jutc'ope, ja' xac' o sjol sbaquil xchi'uc.

Isaías 51:12

“Vu'un ta xcac' tsatsuban. ¿Buch'u ti ta xaxi' yu'une, mi ja' ti viniquetique, mi ja' ti viniquetic ti sna' xcham xlajic co'ol s'elan ti momole?

Isaías 57:11

“¿Buch'u xcal ti diosetic ti laxi' yu'une, ti laj avich' ta muq'ue, ti yanij ajol ta jtojol yu'une, ti j'ech'el laj ach'ayun ta avo'nton xchi'uque? C'alal mu'yuc xa quich'el ta muc' avu'une, ts'ijilun xa no'ox, co'nton xa no'ox sna'.

Isaías 9:15

(Sc'oplal ti sjole, ja' ta xac' ta na'el sc'oplal ti moletique xchi'uc ti banquilaletique. Sc'oplal ti snee, ja' ta xac' ta na'el sc'oplal ti jlo'lavanej j'alc'opetique.)

Malaquías 3:5

Ti Dios ti scotol xu' yu'une xi ta xale: “Ta xtal jchapanoxuc ava'iic. Ti jech yorail taje, vu'un ta jva'an jba ta rextico ta scontrainelic ti buch'utic yac'ojbeic yipal ta sc'oponel ti sbel banomile, ti buch'utic ta xmulivaj ta yane, ti buch'utic ta jeche' no'ox ti c'usi ta sva'anic ta rexticoe, ti buch'utic ta xilbeic svocol ti j'abteletique, ti me'unal antsetique xchi'uc ti me'un mu'natetique, ti buch'utic mu'yuc stu ta xilic ti jyanlumetique, xchi'uc ti buch'utic mu x'ac'vanic ta ventae.

San Mateo 10:28

Mu xaxi'ic yu'un ti buch'u ta xasmiloxuque, yu'un ti ach'ulelique mu xu' ta sta ta milel. Ja' xi'taic ti Diose ti xu' ta smilote, ti xu' ta stac batel ta lajebal ti ach'ulelique.

San Mateo 25:25

Lixi', jech o xal bat jnac' ta lum ti ataq'uine. Li' oy ti ja' avu'une.’

San Mateo 8:26

Ti Jesuse xi laj staq'ue: —¿C'u cha'al ti xi'el ta j'ech'ele? Mu'yuc c'usi c'otem ta ch'unel avu'unic. Ti jech laj yal une, va'i liquel, laj yalbe mantal ti iq'ue xchi'uc ti nabe. Sts'ijlajan com scotol.

Marcos 9:44

Ti ta c'oq'ue, cuxul o ti xuvit yu'unique, mu xtub ti c'oq'ue.

San Juan 8:44

Yu'un ti atotique, ja' ti pucuje. Yu'un ja' yu'unoxuc. Ja' ta xapas ava'iic jech c'u cha'al ta sc'an ti stuque. Ta sliquebal ono'ox, ja' jun jmilvanej ti pucuje. Mu xac' ta venta ti bu ja' melele. Mu no'ox meleluc sna' xal. Ti buch'u naca jutbil ti c'usi ta xale, jech ta xal jech c'u cha'al ti stuque. Yu'un jutc'op ono'ox ta j'ech'el, ja' jun totil jutc'op.

Deuteronomio 20:8

“Mi laj taj une, xi ta xlic yalic ta ach' ti banquilal moletic ti ta xalbeic ya'iic ti soldadoetique: ‘Mi oy buch'u junucal avu'unic ti mu'yuc yip yo'ntone, ti ta xi' ta xa'ie, sutuc ech'el ta sna yo' jech mu stsiq'uesbe yo'nton ti xchi'iltaque.’

2 Tesalonicenses 2:9

C'alal xvul ta loq'uel ti me'mulil vinic taje, ja' coltabil yu'un ti pucuje, ti yepal no'ox ti smuc'ul stsatsal ta xac' iluque, xchi'uc ti c'usi ch'ayal ta xc'ot o'ntonal yu'une, ti naca ta xlo'lavan xchi'uque.

1 Timoteo 4:2

Yu'un ta sts'etan xchiquinic ta ya'yiel sc'op ti jutc'op jnaclejetic ti ta spac'ta sbaique, yu'un co'ol s'elan c'aq'uem xa ta c'ac'al taq'uin ti snopbenal yu'unic ti mu xa'iic xa albele.

SUN TITO 1:16

Ta xalic ti xojtiquinic ti Diose. Ta scoj ti oy c'usi ta spasique, ta xvinaj ti mu meleluque. Yu'un xti'et sjolic, jbaj-mantaletic, mu xtojobic ta spasel mi jutebuc ti c'usi lec ta pasele.

Hebreos 12:24

Lanopajic xtoc ta stojol ti Jesuse, ti ja' j'et'esej-c'op yu'un ti ach' tratee. Lanopajic ta stojol xch'ich'el Jesús ti laj smale, ti ja' x'ech' to yutsil ta xac' ta na'ele, ti ja' mu sta sc'oplal xch'ich'el ti Abele.

Hebreos 13:4

Tsotsuc sc'oplal, ich'ic ta muc' acotolic sc'oplal ti nuplej ts'aclijele, ti junuc avo'ntonic yu'une. Yu'un ti buch'u ta xmulivaje, xchi'uc ti jlo'laej jolile, ta staic xchapanel yu'un ti Diose.

1 Juan 2:22

¿Buch'u ti jutc'op un cha'e? Ja' ti buch'u ta xal ti ma'uc Cristo ti Jesuse. Taje, ja' yajcontra Cristo, yu'un ta scontrain ti Dios Totile, xchi'uc ti Nich'onile.

1 Juan 3:15

Scotol ti buch'u xti'et sjol ta stojol ti xchi'ile, ja' jun jmilvanej. Xana'ic lec xtoc, ti jun jmilvaneje, laj to c'op ma' ti oy ta stojol ti ach' cuxlejal sventa sbatel osile.

1 Juan 5:10

Ti buch'u ta xc'ot ta yo'nton ta xch'unel Xnich'on ti Diose, toj c'otel ta yo'nton ta xch'unel ti c'u s'elan yaloj ti Diose. Ti buch'u mu xc'ot ta yo'nton ta xch'unel ti c'u s'elan yaloj ti Diose, ta sbis ta jun jutc'op, yu'un mu xc'ot ta yo'nton ta xch'unel ti ja' stuc Dios laj sva'an sba ta rextico ta yalbel sc'oplal ti Xnich'one.

Apocalipsis 14:10

ta x'ac'bat yuch' ma' ti vino ti naca sc'ac'al yo'nton Dios ti colbil xa ta sbise, ti ta xich' svocol ta c'oc' xchi'uc ta azufre ta sba ta sat ti anjeletique, xchi'uc ti jcot ta Uni Chije.

Apocalipsis 19:20

Ti jti'oval chone och ta c'abal jmoj xchi'uc ti jlo'lavanej j'alc'op ti laj yac' iluc ti oy c'usi ch'ayal ta xc'ot o'ntonal yu'un ta stojol ti jti'oval chone. Ta sventa ti laj yac' iluc oy c'usi ch'ayal ta xc'ot o'ntonal yu'un ti jlo'lavanej j'alc'ope, laj slo'laan ti buch'utic sq'ueloj xa no'ox sba laj yich'ic smarcail ti jti'oval chone, xchi'uc ti laj yich'beic ta muc' ti sloc'obbaile. Va'i un, ti jti'oval chone, xchi'uc ti jlo'lavanej j'alc'ope, cuxul jipatic yalel ta c'oc' ti bu ta xtil ta azufree.

Apocalipsis 2:11

Ti buch'u oy xchiquine, ac'o ya'i lec c'usi ta x'albatic yu'un Ch'ul Espíritu ti jch'unolajeletique. Ti buch'u ta stsal yu'un scotole, mu xa c'usi ta spasbat yu'un ti xcha'cojal chamebal lajebale.”

Apocalipsis 2:2

Jna' lec scotol ti c'usi ta xapase. Quiloj lec ti avac'ojbe yipal ti abtele, ti oy smuc'ul avo'ntone, ti mu jutebuc lec ta xava'i ti buch'utic chopolique. Jna' lec ti laj aq'uelbe yo'ntonic ti buch'utic sbisoj sbaic ta cajcholc'optac ti c'alal ma'uque, jech laj avil ti ja' jutc'opetique.

Apocalipsis 21:27

Ti bu taje, laj c'op ta x'och batel ti c'usi chopole, ti buch'u oy c'usi chopol ta spase, ti jlo'lavanejetique. Ja' no'ox ta x'ochic batel ti buch'utic tsacal ti sbiic ta jpoc vun sventa cuxlejal ti oy ta stojol ti jcot ta Uni Chije.

Apocalipsis 22:15

Ja'uc ti jchopol-joletique, ti j'ac'-chameletique, ti buch'u ja' no'ox batem ta yo'ntonic ti mulivajele, ti jmilvaneje, ti ta xich'ic ta muc' ti c'usitic meltsanbil ta c'abale, ti buch'utic lec xa'iic ti lo'lavaneje, scotolic taje ta xcomic ta spat ti jteclume.

Apocalipsis 9:17

Ti li'ac'bat quil ti ca'etique, xchi'uc ti buch'u cajalique, xi s'elane: oy oxtos sbon ti smac sti' yo'ntonique. Ti june chac uban stsajal jech c'u cha'al c'oc'. Ti xchibale yax urantic sba stsajal. Ti yoxibale c'antilan sc'anal jech c'u cha'al azufre. Sjol ti ca'etique, co'ol s'elan sjol león. Ti ta yeique ta xloc' talel c'oc', ch'ail, xchi'uc azufre.

Apocalipsis 9:21

Mi ja'uc laj yicta sbaic ta milvanej, ta ac'-chamel, ta mulivajel, ta elc'ajel.

Jueces 7:3

Jech o xal un, albo ya'i ti avinictaque, ti buch'uuc no'ox ta xi'e, suticuc batel ta snaic.” Ti va'i s'elan taje, laj sna' c'u s'elan yo'nton svinictac ti Gedeone. Sutic batel chib xcha'vinic mil (22,000) ta vo' ti svinictaque. C'ajomal xa no'ox lajunmil (10,000) ta vo' ti come.