Apocalipsis 21:6 - Bible in Tzotzil de Chamula

⁶ Ts'acal to un, xi laj yalbune: “C'ot xa ta pasel. Vu'unun ti sliqueb spajebe, yu'un vu'un laj jliques, vu'un ta jlajes. Ti buch'u ta xa'i taqui ti'ile, ta xcac'be yuch' ti sat vo' ti ta xac' cuxlejale, mi jutebuc tojbil ta j'ech'el.

Tzotzil Zinacantan

⁶ Liyalbe noxtoc: ―Icacꞌ xa avil scotol. Voꞌon ti ijliques scotole, voꞌon chquilbe slajeb noxtoc. Li muchꞌu chtaquij stiꞌ yaꞌele yuꞌun ti tscꞌan chlecub yoꞌone, voꞌon ta jlecubtasbe li yoꞌone. Ta matanal ta jlecubtasbe. Li slequil yoꞌone mu xlaj ta sbatel osil, coꞌol xchiꞌuc ninabvoꞌ ti mu snaꞌ xꞌule.

Bible in Tzotzil de Chenalhó with Deuterocanon

⁶ Jech laj yalbun noxtoc: “Ivu' xa scotol. Vu'un li sliquebune, vu'un li slajebune. Vu'un la jliques, vu'un ta jlajes. Li boch'o taquin yo'ntone, vu'un ta xcac'be yuch' li nio' sventa cuxlejale, smoton chcac'be.

Tzotzil San Andres

⁶ Jech liyalbe nojtoc: ―Laj xa cacꞌ avil scotol. Joꞌon la jliques scotol, jaꞌ yuꞌun joꞌon ta jneles scotol. Li buchꞌu chtaquij stiꞌ yaꞌel ta sventa ti chac tuqꞌuibuque, joꞌon ta jtuqꞌuibtasbe yoꞌon. Ta smoton noꞌox chcacꞌbe. Li slequil yoꞌone muꞌyuc slajeb sbatel osil jech chac cꞌu chaꞌal nioꞌ ti mu snaꞌ xꞌule.

Tzotzil de Huixtán

⁶ Hech laj yalbun uc: ―Ihu' xa cu'un. Ho'on laj jliques scotol, ho'on laj xa ju'tes scotol. Ho'on jtalel oyun. Hech chaj c'u che'el smoton chavac'beic ho' ti much'u taquin yo'ntone, ja' no'ox hech ti much'u tsc'an ti chcole, ja' smoton ti jcolta sbatel osil.

Apocalipsis 21:6 Iomraidhean Croise

Salmos 36:9

Yu'un ti xcuxlejale, j'ech'el oy ta avoc ta ac'ob ta sbainel; ta axojobal ta xquilcutic ti saquilal osil une.

Isaías 12:3

Xamuyubajic xa ec, xu' xabatic ta stunesel ta yuch'el ti sat vo' ti c'otem ta sventa pojel colele.

Jeremías 2:13

“Yu'un ti jteclumale, cha'tos ti xi laj stsob sba ti smule: laj svalopatin comel ti cuxul sat vo' yu'une, lic sjoc' yaviltac ya'al stuquic ti mu sts'an vo' yu'un ti joq'uetic ta scoj ti chajal ti yute.

Oseas 14:4

Xi ta xal ti Diose: “Ta jtubbe yip ti toyobbaile. Ta xalecubic cu'un, ac'o mi mu xa xac'ot o ti ta xavich' c'uxubinele. Mu ono'ox xatuch' ta co'nton, yu'un lamaj xa ti sc'ac'al co'nton ta atojolique.

Joel 3:18

Ti jech c'ac'al taje, jech ti vinoe, ti chu' vacaxe, buyuc no'ox xlaj t'omanuc talel ta te'tic, ta vitstic jech c'u cha'al junuc vo'. Ti uc'umetic yu'un ti jteclum Judae, mu no'ox albajuc ta xbalaq'uin ti vo'e. Jech ti ta jch'ulnae, ta xtuc talel vo' ti ja' ta smalta ti stenlejal Sitime.

San Juan 4:10

Xi laj stac' ti Jesuse: —Ti xana'uc oy c'usi ta xac' ti Diose, ti xana'uc ti Buch'u ta sc'anbot ti vo'e, ta melel unbi, vo'ot ta xac'anbun ti vo' jechuque. Ta xcac'bot ti cuxul sat vo'e.

San Juan 4:11

Xi laj yal ti antse: —Ti vo'ote mi ja'uc c'usi oy avu'un yo' ta xalup loq'uel tal ti vo'e, yu'un toj nat ti joq'ue. ¿Bu ta xata talel ti vo' ti mu xtub sc'oplale?

San Juan 4:14

Ja'uc ti buch'u ta xuch' ti vo' vu'un ta xcaq'ue, j'ech'el mu xa'iic taqui ti'il. Yu'un ta xc'ot ta yo'ntonic jech c'u cha'al nio' ti mu sna' x'ul ti xtuctun o ti ta x'ac'bat xcuxlejalic sbatel osil yu'une.

Romanos 3:24

Ta sventa ti yutsil slequil yo'nton ti Dios une, ta matanal laj jtatic ti pojel colel ta sventa ti c'usi ic'ot ta pasel yu'un ti Cristo Jesuse.

Romanos 8:32

Ti jech mu'yuc laj sjalanbotic ti Xnich'on ti Diose, ti c'ajomal laj yac' ta milel ta sventa jcotoltique, ¿mi ja' xa la mu ta xijyac'botic ec scotol ti c'usi ta xac'be ti Xnich'one?

1 Corintios 2:12

Ti Ch'ul Espíritu quich'ojtique ma'uc li' liquem ta banomile, yu'un ti Ch'ul Espíritue liquem talel ta stojol Dios yo' sventa yutsil slequil yo'nton ta xca'itic scotol ti oy c'usi ta xijyac'botique.

1 Corintios 3:12

Ta sba ti bu liquem xae, oy nan yan xu' ta sva'anic muyel ta oro, ta plata, ta ton ti yan yutsile. Mi mo'oje, xu' ta sva'anic muyel ta naca te', ta c'ajben, mi ta anjobel ti jujubej nae.

1 Corintios 3:21

Jech o xal un, mi junuc stac' stoy sba ta sts'acliel no'ox jun vinic, yu'un scotol c'otem ta aventaic yo' lec oyoxuc:

1 Corintios 3:5

Ti xcaltic un cha'e, ¿buch'u ti Pabloe? ¿buch'u ti Apolose? Naca uni jtuneletic no'ox ti ja' ta sventaic ti c'ot ta avo'ntonic ta xch'unel ti Cajvaltique. Ti jujununcutique ja' laj cabtelancutic ti xi s'elan li'ac'bat jbaincutic yu'un ti Diose:

Apocalipsis 1:11

ti xi laj yalbune: —Ti c'u s'elan ta xavile, ts'ibao ta jpoc vun. Taco batel ta stojol ti vuc-chop tsobobbail ti oy ta Asia banomile: ti Efesoe, ti Esmirnae, ti Pérgamoe, ti Tiatirae, ti Sardise, ti Filadelfiae, xchi'uc ti Laodiceae.

Apocalipsis 1:17

C'alal jech laj quile, co'ol s'elan chamem liyal ta lum ta sts'el yoc. Ja'uc ti stuque laj scajan talel sbats'i c'ob ta jtojol ti xi laj yalbune: —Mu xaxi', yu'un vu'unun ti sliqueb spajebe.

Apocalipsis 1:8

Ti Cajvaltic Dios ti scotol xu' yu'une, ti ja' ono'ox Dios avi tana li'e, ti ta vo'nee, ti oy sc'oplal ta xtale, xi ta xale: —Vu'un ti sliqueb spajebe.

Apocalipsis 10:6

Tey laj sva'an ta yalel ti Buch'u sbatel osil cuxule, ti laj smeltsan ti vinajele, ti banomile, ti nabe, scotol ti c'usitic oye, ti xi laj yale: “Mu xa xjalij sc'ac'alil ti c'usi ta xc'ot ta pasele.

Apocalipsis 16:17

Loc' talel ti yucubal anjele, laj scocan yalel ti sbel sbis ta jamaltic. Ta muc' ta chotlebal to, ti bu oy ti ch'ulna ti ja' sc'oplal ti vinajele, oy Buch'u tsots c'opoj talel ti xi ta xale: “C'ot xa ta pasel ti c'u s'elan albil sc'oplale.”

Apocalipsis 22:13

Vu'un ti sliqueb spajebe, yu'un vu'un laj jliques, vu'un ta jlajes.”

Apocalipsis 22:17

Ti Ch'ul Espiritue xchi'uc yajnil ti jcot ta Uni Chije, xi ta xalique: “¡La' me!” Xiuc ac'o yal ti buch'u ta xa'ie: “¡La' me!” Ti buch'u ta xa'i taqui ti'ile, ti juteb ta yo'ntone, ac'o taluc ta yuch'el ti vo' ta xac' cuxlejale, mu'yuc tojbil jutebuc.

Apocalipsis 3:14

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Laodiceae: “Xi ta xal ti Buch'u stalel jech oe, ti ja' melel ti sc'op laj sva'an sba ta yalele, ti c'otem ta jpas-mantal yu'un scotol ti c'usitic laj smeltsan ti Dios ta sliquebal talele:

Apocalipsis 7:17

Yu'un ti jcot ta Uni Chij ti oy ta o'lol bu oy ti muc' ta chotlebale, ta xchabiatic yu'un jech c'u cha'al ti jq'uel-chije, ta x'iq'ueic batel ta sat vo' ti ta xac' cuxlejale, scotol ti ya'lel satique, ta scusbatic loq'uel yu'un ti Diose.