Apocalipsis 21:5 - Bible in Tzotzil de Chamula

⁵ Ti Buch'u chotol ta muc' ta chotlebale, xi laj yale: “Vu'un ta jpas ta ach' scotol ti c'usitic oye.” Xi laj yal xtoque: “Tsaco ta vun ti c'op li'e, ja' melel, stac' patel o'ntonal ta stojolal.”

Tzotzil Zinacantan

⁵ Ti Rioxe ti tey chotol ta smucꞌta chotlebe, jaꞌ yech iyal chac liꞌi: ―Li cꞌusitic oye ta xcachꞌubtas scotol. Tsꞌibao ta vun scotol yuꞌun yech li cꞌusitic avaꞌie, ta xcꞌot scotol ―xiyut.

Bible in Tzotzil de Chenalhó with Deuterocanon

⁵ Li Boch'o te chotol ta muc'ta chotlebale jech laj yal: “A'yo ava'yic, ta jpas ta ach' scotol li c'usitic oye”, xi. Jech laj yalbun: “Ts'ibao ta vun, yu'un li jc'op li'i ja' melel scotol; persa chc'ot ta pasel”, xiyutun.

Tzotzil San Andres

⁵ Li Dios li te chotol ta mucꞌta chotlebale, jech laj yal: ―Li cꞌustic oye ta jpas ta achꞌ scotol ―xi. Jech liyalbe: ―Tsꞌibao ta jun scotol yuꞌun melel li cꞌustic avaꞌie, ta xcꞌot ta pasel scotol ―xiyut.

Tzotzil de Huixtán

⁵ Hech lic yal ti Diose ti te nacal ti muc'ta naclebale: ―A'yo me ava'i, ach' ti jpas scotol ―xchi. Hech lic yalbun: ―Ts'ibao ti hun avi to yu'un melel ti jc'ope. Chc'ot ti pasel ―xiyutun.

Apocalipsis 21:5 Iomraidhean Croise

Isaías 42:9

A'yio ava'iic c'u s'elan c'ot ta pasel cu'un scotol ti c'usitic jcaj'aloje. Avi tana li'e, ach' ti c'usi ta jcaj'albe sc'oplale. Ta Jcaj'ac'boxuc ana'ic ti c'alal mu to ta xvul ta loq'uele.”

Isaías 43:19

Yu'un oy c'usi ta ach' ta xlic jpase. Ta xavil tana li'e ti ta xvinaj ti ta xc'ot ta pasele. Yu'un ti ta sbajtical banomile, ta jam jun be. Ta xt'om uc'umetic ti bu mu'yuc stu ta j'ech'el ti banomile.

San Lucas 5:38

Jech o xal sc'an tiq'uel ta ach' yavil ti ach' ya'lel uvae, yo' mu'yuc c'usi ta spas.

2 Corintios 5:17

Ja' yu'un un, ti buch'u junic xa xchi'uc ti Cristoe, c'ot xa ta ach', ach' snopbenal yu'un. Yu'un naca ach' scotol ti c'usi ta spase. Laj, ech' sc'oplal yu'un ti c'usi naca chopol laj snop talel ta ba'yele.

Hebreos 12:27

Ti ta xal ti “yan to velta” ti xie, ta xac' ta na'el ti Diose, ti ta stubbe sc'oplal ti c'usitic meltsajeme, ja' ti c'usitic stac' niquesele, ti ja' no'ox ta xcom ti c'usi mu stac' niquesele.

Apocalipsis 1:11

ti xi laj yalbune: —Ti c'u s'elan ta xavile, ts'ibao ta jpoc vun. Taco batel ta stojol ti vuc-chop tsobobbail ti oy ta Asia banomile: ti Efesoe, ti Esmirnae, ti Pérgamoe, ti Tiatirae, ti Sardise, ti Filadelfiae, xchi'uc ti Laodiceae.

Apocalipsis 1:19

Ts'ibao ta jpoc vun ti c'usi laj xa avile, ti c'usi syaquil ta xc'ot ta pasele, xchi'uc ti c'usi ta to xc'ot ta pasele.

Apocalipsis 19:9

Xi laj yalbun ti anjele: “Xi xats'ibae: ‘Yan no'ox yutsilic ti buch'utic ic'bilic ta sq'uelel nupunel yu'un ti jcot ta Uni Chije.’ ” Xi to laj sts'ac batel ti lo'ile: “Taje, ja' sc'op Dios ta melel.”

Apocalipsis 20:11

Laj quil xtoc jun muc' ta saquil chotlebal. Ti Buch'u chotol ta chotlebale, ta sba ta sat, sac ch'ay batel ti banomile ti vinajele, mi jutebuc xa bu vinaj ta q'uelel.

Apocalipsis 22:19

Ti buch'u mu ts'acaluc ta xal ti c'u s'elan ts'ibabil ta jpoc vun li'e, ta xpojbat yu'un Dios ti oy sc'oplal ta slo' ti sat te' ta xac' cuxlejale. Ta xtubbat sbi xtoc yu'un Dios ti bejel ta jpoc svunal ta sventa cuxlejale, mi ja'uc ta x'och batel ta ch'ul jteclum.

Apocalipsis 22:6

Ti anjele xi laj yalbune: “Ja' patob o'ntonal ma' ti c'op li'e, yu'un ja' melel. Ti Cajvaltic Diose, ti ja' stuc ta sva'an sba ta yac'bel sna' c'u s'elan ta xc'opojic ti yaj'alc'optaque, laj stac talel ti ánjel ta xac'be yil ti yajtuneltac c'usi jutuc xa sc'an ta xc'ot ta pasele.”

Apocalipsis 4:2

Ta jech to yepal un, ventainbil lic'ot yu'un smuc'ul stsatsal ti Ch'ul Espiritue. Laj quil jun muc' ta chotlebal ti ta vinajele, ti oy Buch'u chotol ta muc' ta chotlebale.

Apocalipsis 4:9

C'alal jujucoj ti c'usi cuxajtic ta xalbeic slequil yutsil ti Buch'u chotol ta muc' ta chotlebal ti stalel cuxul sbatel osile,

Apocalipsis 5:1

Ti Buch'u chotol ta muc' ta chotlebale, laj quil ti stsacoj ta sbats'i c'ob jlic balbil vun ti ts'ibabil ta yut ta spate, ti bajbil lec ta vucub seyoe.