Apocalipsis 21:4 - Bible in Tzotzil de Chamula

⁴ Scotol ta scusbat ya'lel satic yu'un ti Diose, yu'un laj xa sc'oplal ti chamebal lajel ta stojolique, ti oq'uel avanele, ti at-o'ntone, ti ip c'ux ta xa'iique, yu'un x'ech' jelav xa sc'oplal ti c'u s'elan oy ta vo'nee.”

Tzotzil Zinacantan

⁴ Ta scusbat yaꞌlel satic yuꞌun li Rioxe, mu xa muchꞌu ta xꞌocꞌ, mu xa muchꞌu ta xcham, mu xa muchꞌu chat yoꞌon, mu xa muchꞌu cꞌusi cꞌux chaꞌi. Yuꞌun ilaj xa scꞌoplal ti oy toꞌox yeche ―xi ti muchꞌu iꞌavane.

Bible in Tzotzil de Chenalhó with Deuterocanon

⁴ Li Diose ta scusbe loq'uel scotol ya'lel satic, jech mu'yuc xa boch'o chcham, mu'yuc xa boch'o chat yo'nton, mu'yuc xa boch'o ch-oc', mu'yuc xa boch'o c'usi c'ux cha'ay. Yu'un ilaj xa sc'oplal scotol ti jech to'ox oy ta ba'yuque”, xi li boch'o ic'opoje.

Tzotzil San Andres

⁴ Li Diose ta schꞌay scotol li cꞌustic chopole, jech mu xa buchꞌu chcham, mu xa buchꞌu chat yoꞌon, mu xa buchꞌu ch‐ocꞌ, mu xa buchꞌu cꞌusi cꞌux chaꞌi. Yuꞌun ilaj xa scꞌoplal scotol ti jech toꞌox oye ―xi li buchꞌu icꞌopoje.

Tzotzil de Huixtán

⁴ Ti Diose tscusbe loq'uel scotol ya'lel satic. Te mu'yuc much'u chcham, mu'yuc much'u chich' mul, mu'yuc much'u ch-oc', mu'yuc much'u c'ux cha'i. Yu'un ilaj xa sc'opilal ti hech ono'ox oye ―xchi.

Apocalipsis 21:4 Iomraidhean Croise

Salmos 144:4

Co'ol s'elan jic' o'ntonal ta x'ech' ti vinique, xtemet no'ox jelavel xcuxlej jech c'u cha'al ti queove.

Isaías 25:8

Ti Diose j'ech'el ta stubbe sc'oplal ti lajel tubebale. Ta scusbe ya'lel sat scotolic. Ta xch'aybe ta banomil scotol ti mu'yuc yutsil slequil sc'oplal ti slumale. Ja' Dios laj yal stuc ma' taje.

Isaías 30:19

Xi ac'oplalic yalab xnich'nab Dios ti nacaloxuc ta Jerusalene: Mi ja'uc xa ta xa'oc' liquel. Ti Diose ta xlic c'uxubajuc yo'nton ta atojol ti ta xa'i ti xa'avet no'ox ta sc'anel ti coltaele. Ta jech yepal ta stac'bot talel ti c'alal naca to no'ox laj ya'ie.

Isaías 35:10

ti ja' coltaatic yu'un ti Diose. Xmuyubajic ta xq'uejinic ochel ta jteclum Sión, ti j'ech'el xmuyubajic ta xnaquiique. Ta staic ti mu'yuc xa c'usi xal ti yo'ntonique, ti mu'yuc xa c'usi sna'ique, ti laj to me sc'oplal ma' ti oq'uel avanel yu'unic ta scoj yipal ti vocole.

Isaías 51:11

Ja' jech ta sutic tal ec ti buch'utic c'uxubinatic yu'un ti Diose, ti x'avlajetic no'ox ta muyubajel ta x'ochic talel ta lum Sione, ti xlaet no'ox ta xvinaj ti sat yelovique, ti ta staic ti mu'yuc c'usi sna'ique, ti xlaet no'ox ta xa'iique, ti nom to c'ot ti oq'uel avanele ti mu x'ech' ti vocole.

Isaías 60:20

Ti xojobal c'ac'al ataoje, mu sna' xch'ay batel. Ti xojobal u ataoje, mu xyam ti saquilale. Yu'un ti vu'un Diosune lic'ot ta saquilal osil avu'un sbatel osil. Laj to me sc'oplal yorail sc'ac'alil ma' ti vul o'nton avu'un une.

Isaías 61:3

ta yac'bel sronail sjolic ti buch'u oyic ta vocol ta lum Sión ti q'uelel ta stojolic ta svijbe sbaic ti tanil c'oq'ue, ta yac'bel muil poxil sventa muyubajel ti q'uelel ta stojolic ti oq'uel avanele, ti ta xjoybij ta laetel q'uejimol yu'unic ti lajemic xa ta xa'iic ta banomile. “Jtsalvanej c'an tulan ma' le'e”, xi sc'oplal yu'unic. Ts'unbil yu'un Dios yo' jech ta svinajes ti yutsilal slequilale.

Jeremías 31:12

“Ta xtalic, xmuyubajic xa ta xlic q'uejinicuc ta toyol vits yu'un ti jteclum Sione. Ta sc'upinic ti xi s'elan chapanbil yu'un ti Dios ta sventaique: mu xc'ot ta ch'ayel ti oy no'ox ti trigoe, ti vinoe, ti aceitee, ti chijetique, xchi'uc ti vacaxetique. Ta staic ti co'ol s'elan jun yav ts'unubaletic ti lec maltabile, staoj scotol ti c'usi ta xtun yu'une.

Jeremías 31:13

Xmuyubaj no'ox ta x'ac'otaj ti tsebetique. Ta x'ac'otajic ec ti jch'iel viniquetique xchi'uc ti moletique. Yu'un xi s'elan ti spatobil yo'ntonic ta xcac'bee: ta joybinbe ta smuyubajel yo'ntonic ti oyic ta oq'uele, xch'ay to xc'uxul vocol ta xa'iic cu'un ti c'alal mu no'ox albajuc yepal ta xcac'beic ti smuyubajel yo'ntonique.

Oseas 13:14

¿Mi yu'un ta to jpoj loq'uel ti jech u'ninibilic yu'un ti muquinale? ¿Mi yu'un ta to jcoltaic loq'uel ti oyic ta lajebale? ¿Bu bat avu'un ti jelavem xalilinvane, lajebal? ¿Bu bat avu'un ti c'usi tsots xu' avu'une, muquinal? Mu xa ts'icbajuc ta xca'i yu'unic ti jnaclejetic li'e.”

San Mateo 24:35

Ti vinajele, ti banomile ta xlaj ta x'ech' sc'oplal, ja'uc ti jc'ope, jbel sc'oplal xc'ot ta pasel ti c'usi ta xale.

1 Corintios 15:26

Ti slajeb scontra ti Cristoe, ja' ti ta stubbe sc'oplal ta j'ech'el ti lajebale.

1 Corintios 7:31

Ti buch'u staojic scotol yo' lec oyic li' ta sba banomile, co'oluc s'elan ya'iic ti mu'yucuc c'usi staojique. Yu'un scotol ti c'usi oy li' ta banomile yantic x'ech' batel sc'oplal.

2 Corintios 5:17

Ja' yu'un un, ti buch'u junic xa xchi'uc ti Cristoe, c'ot xa ta ach', ach' snopbenal yu'un. Yu'un naca ach' scotol ti c'usi ta spase. Laj, ech' sc'oplal yu'un ti c'usi naca chopol laj snop talel ta ba'yele.

2 Corintios 6:17

Xi laj yal xtoc ti Diose: “Ch'aco abaic ta stojolic. Mu xapasic ti chopole. Mi jech ta xapasique, ta xaquic'oxuc ta jtojol.

Hebreos 12:27

Ti ta xal ti “yan to velta” ti xie, ta xac' ta na'el ti Diose, ti ta stubbe sc'oplal ti c'usitic meltsajeme, ja' ti c'usitic stac' niquesele, ti ja' no'ox ta xcom ti c'usi mu stac' niquesele.

2 Pedro 3:10

Ja'uc ti sc'ac'alil ta xtal ti Cajvaltique, mu na'baj, ja' to xava'ie, li' xa ono'ox oy jech c'u cha'al junuc j'elec' ti ta xtal ta ac'ubaltique. Va'i un, ti vinajele, xvo'o'et no'ox ta xac' xi'el ta sac ch'ay batel. Ta xlaj ta c'oc' scotol ti c'usitic oy ta stojole. Jech ec ti banomile xchi'uc scotol ti c'usitic oy ta stojole, j'ech'el ta xlaj stsuts sc'oplal ta c'oc'.

1 Juan 2:17

Yu'un ti sba banomile, ta xlaj batel ti c'usi oy yu'une, xchi'uc scotol ti sc'upijel o'ntonale. Ja'uc ti buch'u ta spas ti c'usi oy ta yo'nton ti Diose, ta xcuxi o sbatel osil.

Apocalipsis 20:13

Ti nabe laj yac' jelavel ti animaetic ti c'u yepal oy ta stojole. Ti buch'u sventainoj ti lajebale, laj yac' jelavel ti animaetic ti yepal oy ta stojole. Scotolic ti animaetique jech laj yich'ic chapanel jech c'u cha'al ti c'u s'elan laj spasic ta jujun tale.

Apocalipsis 20:14

Laj taj une, jip x'ute yalel ta c'oc' ti buch'u sventainoj ti lajebale. Ja' xa xcha'cojal lajebal ma' ti bu ta xtil ti c'oc' taje.

Apocalipsis 21:1

Laj taj une, laj quil jun ach' vinajel xchi'uc jun ach' banomil, yu'un ti ba'yel vinajele, ti ba'yel banomile laj tsuts xa sc'oplal. Jech ec ti muc' ta nabe tsuts sc'oplal.

Apocalipsis 22:3

Ti bu taje, laj c'op ma' ti oy c'usi chopol q'uelel ta stojolique. Yu'un ti ta jteclume, ja' ti bu chotol ti Diose xchi'uc ti jcot ta Uni Chije, ti ich'bilic ta muc' yu'un ti yajtuneltaque.

Apocalipsis 7:17

Yu'un ti jcot ta Uni Chij ti oy ta o'lol bu oy ti muc' ta chotlebale, ta xchabiatic yu'un jech c'u cha'al ti jq'uel-chije, ta x'iq'ueic batel ta sat vo' ti ta xac' cuxlejale, scotol ti ya'lel satique, ta scusbatic loq'uel yu'un ti Diose.