Apocalipsis 21:2 - Bible in Tzotzil de Chamula

² Ti vu'un Juane laj quil ti ch'ul jteclume, sc'oplal ti ach' Jerusalén ti lic talel ta stojol Dios ti oy ta vinajele. Lec smeltsanoj sba ta j'ech'el jech c'u cha'al junuc jmalijel tseb ta snupel ta be ti slecome.

Tzotzil Zinacantan

² Voꞌon li Juanone, iquil iyal tal jun mucꞌta jteclum, Achꞌ Jerusalén sbi, jaꞌ yoꞌ bu chꞌabal cꞌusi chopole. Tey ilic tal ta vinajel yoꞌ bu ti Rioxe. Lec tsꞌacubtasbil iyal tal, coꞌol xchiꞌuc jun tseb ti chnupune.

Bible in Tzotzil de Chenalhó with Deuterocanon

² Laj quil chyal tal ta vinajel li ch'ul lume, ja' li ach' Jerusalene. Te ilic tal ta stojol Dios ta vinajel. Lec chapal iyal tal jech chac c'u cha'al jun tseb ti lec smeltsanoj sba c'alal yu'un xa chnupine.

Tzotzil San Andres

² Joꞌon li Juanune iquil iyal talel jun mucꞌta jteclum, jaꞌ li achꞌ Jerusalén ti mu xa cꞌusi chopol teye. Te ilic talel ta stojol Dios ta vinajel. Lec meltsanbil iyal talel jech chac cꞌu chaꞌal lec smeltsanoj sba jun tseub li cꞌalal yuꞌun xa ta xicꞌ sbaic schiꞌuc li slecom vinique.

Tzotzil de Huixtán

² Ho'on Juanun laj quil iloc' tal ti stojol ti Diose te ti vinajel jun muc'ta jteclum. Ja' ti ach' Jerusalene. Ja' puru lec, mu'yuc mulil te o. Iyal tal. Lec meltsambil hech chaj c'u che'el jun ants ti lec xchapanoj sba yu'un chic' sba xchi'uc smalal.

Apocalipsis 21:2 Iomraidhean Croise

Salmos 87:3

C'upil sba ta j'ech'el steclumal ti Diose, xi ta x'albate:

Isaías 1:21

Vi to ca s'elan lac'ot un, jteclum, ti c'alal jun to ox ajol avo'ntonique, lac'ot jech c'u cha'al junuc ants ti sna' sbolomalin sbae. Ti ta vo'ne ti jnaclejetic avu'une, sq'ueloj to ox sbaic lec ti c'u s'elan ta xcuxiique, ti oy stuq'uil ti c'usi ta spasique, ja'uc avi tana le' une, naca xa jmilvanejetic un.

Isaías 52:1

Vic'o asat, lum Sión, vic'o asat un. Tsotsan ac'bo xa yipal un, ch'ul jteclum Jerusalén. Lapo xa ti ac'u' ti spajeb xa ono'ox ti yutsil slequile, yu'un ti buch'utic yan ti sjol yo'ntonique, ti mu'yuc stuq'uilique, mi ja'uc xa ta x'ochic talel yan velta.

Isaías 54:5

Ti Buch'u laj yac' ach'ulel avanimae, ta sbisot ta snup xchi'il. Dios scotol xu' yu'un, xi sc'oplal. Ti jcoltavanej avu'une, ja' ch'ul Dios yu'un ti Israele, ja' Dios ti sventainoj sbejel ti banomile.

Isaías 61:10

Bats'i xlaet no'ox co'nton ta stojol ti Diose. Ximuyubaj no'ox ta xca'i ta stojol ti Dios cu'une. Laj jta yu'un ti coltaele, ¡jc'u'inoj c'ot yu'un ti tsalvaneje! Co'ol j'elan junuc jlecomajel laj jlap ti sronail jole, mi co'ol s'elan jlequel tseb ti ta xch'al sba ta stunesel ti c'usitic alaq'uic sba oy yu'une.

Isaías 62:4

Mi ja'uc xa ta xa'albat “Ti tenbil bajbilote.” Mi ja'uc xa ta x'albat ti ateclumale “Lilinbil ma' le' une.” Ti ac'oplal ta x'albate, “Jun yutsil ta xquil ma' le' une.” Ti sc'oplal avosil abanomile, “Jnup jchi'il xa ma' le' une.” Yu'un ti vo'ote, sc'upilot ta xayil ti Diose, ti co'ol s'elan c'otem ta malalil yu'un ti avosil abanomile.

Jeremías 31:23

Ti Ajvalil ti scotol xu' yu'une, Dios yu'un ti Israele, xi ta xale: “C'alal ta xlic jelbe yorail ti jnaclejetic ta Judae, c'alal li' xa oyic ta ach' ta yosil sbanomilique, xi ta xlic yalique: ‘Sva'anuc sba ti Dios ta stojol ti ch'ul vits li'e, bu vul ta bajel ti lequilale.’

San Juan 3:29

Ti jun jlecomajele, ti buch'u ta x'och ta yoc ta sc'ob ti tsebe, ja' ti jlecomajel vinique. Ti vinic ti buch'u lec ta xil sbaic xchi'uc ti jlecomajele xmuyubaj xa ta xa'ibe ti sc'ope. Ja' jechun ec, ximuyubaj xa yu'un.

2 Corintios 11:2

Ti j'ech'el mu lecuc ta xca'i ti c'u s'elan oyoxuque, liquem talel ta stojol ti Diose. Yu'un cac'oj xa que ta stojol Cristo ti oyuc alequilic ta xc'ot jva'anoxuc ta stojol jech c'u cha'al jun tojol tseb ti jac'bil xa ti oy sc'oplal x'iq'ue yu'un ti vinique.

Hebreos 11:10

Yu'un ti Abrahame ja' smalaoj ti muc'ul jteclum ti bu lec yicob meltsanbile, ja' ti jteclum ti snopoj spasoj stuc ti Diose.

Hebreos 11:16

Ja'uc ti stuquique ta sc'an ta sta ya'iic ti slequil-lumalique, ja' sc'oplal ti vinajele. Jech o xal ti Diose mu q'uexlaluc ta xa'i ti jech bisbil ta Dios yu'unique, ja' ti meltsanbat xa ti steclumalique.

Hebreos 12:22

Ja'uc ti vo'oxuque lanopajic batel ta vits Sión, ta steclumal ti cuxul Diose, ta Jerusalén ti ja' sc'oplal ti vinajele, ti bu yepal no'ox ta mil tsobolic ti ánjeletic ti ta xalbeic slequilal ti Diose.

Hebreos 13:14

Ti li' ta banomile, mu'yuc jteclumaltic ti ta xjalij oe, yu'un yacalotic ta sa'el batel ti jteclumaltic ti oy sc'oplal ta xvul ta loq'uele.

Apocalipsis 1:1

Ti jpoc vun ts'ibabil li'e, ja' sc'oplal ti oy c'usi ac'bat sna' ti Jesucristo yu'un ti Diose, yo' jech ti Jesucristoe ta xac'be sna' ti yajtuneltac ti c'usi jutuc xa sc'an ta xc'ot ta pasele. Ti Jesucristo eque laj stac talel yaj'ánjel yo' tal yac'be sna' ti Juan ti yajtunele.

Apocalipsis 1:4

Vu'un Juan ta jts'iba batel ti jvun ta stojol ti vuc-chop tsobobbail ti oy ta Asia banomile. Ich'beic slequilal yutsilal xchi'uc slamajemal yo'nton ti Diose, ti ja' ono'ox Dios avi tana li'e, ti ta vo'ne talele, ti oy sc'oplal ta xtale, xchi'uc ta sventa ti Ch'ul Espíritu ti oy vuctos ti stalel ti bu oy ta spas mantal ti Diose,

Apocalipsis 1:9

Vu'un Juan, jchi'il jbatic, jmoj ta xquich' jvocoltic ta sventa ti jmoj laj jtatic ventainel yu'un ti Diose, xchi'uc jmoj ta xac'botic yip co'ntontic ti Jesucristoe. Ti vu'une tiq'uilun ta chuquel ta Patmos banomil ti joyobtabil ta nab ta sventa ti ta xcal ti ch'ul c'op yu'un Dios ti laj yac'bun jna' ti Jesucristoe.

Apocalipsis 11:2

Yamaq'uil ti xch'ulna oy ta loq'uebale, mu xabis talel, yu'un ac'batic xa ta yoc ta sc'ob ti jyanlumetic ti ch'ul jteclum ti oy sc'oplal ta soquesic ta pech'olanel ta teq'uel o'lol xchanibal jabil.

Apocalipsis 21:10

C'alal laj sjambun jba jsat ti Ch'ul Espiritue, laj quil ti yic'ojun batel ti ánjel ta jun muc' ta toyol vitse. Laj yac'bun quil ti muc' ta ch'ul jteclum Jerusalén ti yal talel ta stojol ti Dios ti oy ta vinajele.

Apocalipsis 21:9

Tal jun ta yucubal ti anjele, ti oy ta sc'ob ti yucubal sbis noj ta slajeb ti vucub cuxul j'ilbajinvanej vocole, ti xi laj yalbune: “La' li'e, ta xcac'bot avil ti jmalijel tsebe, ja' ti yajnil ti jcot ta Uni Chije.”

Apocalipsis 22:17

Ti Ch'ul Espiritue xchi'uc yajnil ti jcot ta Uni Chije, xi ta xalique: “¡La' me!” Xiuc ac'o yal ti buch'u ta xa'ie: “¡La' me!” Ti buch'u ta xa'i taqui ti'ile, ti juteb ta yo'ntone, ac'o taluc ta yuch'el ti vo' ta xac' cuxlejale, mu'yuc tojbil jutebuc.

Apocalipsis 22:19

Ti buch'u mu ts'acaluc ta xal ti c'u s'elan ts'ibabil ta jpoc vun li'e, ta xpojbat yu'un Dios ti oy sc'oplal ta slo' ti sat te' ta xac' cuxlejale. Ta xtubbat sbi xtoc yu'un Dios ti bejel ta jpoc svunal ta sventa cuxlejale, mi ja'uc ta x'och batel ta ch'ul jteclum.

Apocalipsis 3:12

Ti buch'u ta stsal yu'un scotole, ta xcac' c'otuc jech c'u cha'al yoyal xch'ulna ti Dios cu'une, ti j'ech'el comic o ti bu taje. Ta jts'iba ta stojolic sbi ti Dios cu'une, sbi steclumal ti Dios cu'un ti ach' Jerusalén ta xlic talel ta vinajel ta stojol ti Diose, xchi'uc ti ach' jbi ta stojolique.