Apocalipsis 21:1 - Bible in Tzotzil de Chamula

¹ Laj taj une, laj quil jun ach' vinajel xchi'uc jun ach' banomil, yu'un ti ba'yel vinajele, ti ba'yel banomile laj tsuts xa sc'oplal. Jech ec ti muc' ta nabe tsuts sc'oplal.

Tzotzil Zinacantan

¹ Tsꞌacal to iquil achꞌ vinajel balamil. Li baꞌyi vinajel balamile isacchꞌay. Chꞌabal xa mar.

Bible in Tzotzil de Chenalhó with Deuterocanon

¹ Ts'acal laj quil ach' vinajel, ach' banamil. Yu'un li poco' vinajel banamile ich'ay o batel. Mu'yuc xa nabetic noxtoc.

Tzotzil San Andres

¹ Ta tsꞌacale iquil achꞌ vinajel balumil, yuꞌun li poco vinajel balumile isac‐chꞌay xa batel. Muꞌyuc xa nabetic nojtoc.

Tzotzil de Huixtán

¹ Patil laj quil ach' vinajel xchi'uc ach' balumil. Yu'un itup' xa ti poco vinajele xchi'uc ti poco balumile. Mu'yuc xa ti nabe.

Apocalipsis 21:1 Iomraidhean Croise

Isaías 27:1

Ti Diose, ta sventa ti jelavem xu' yu'un ti yespadae, ta stsits o ti Leviatán ti muc' ta Dragón chon ti xnaquet ta muc' ta nabe, ti xotol xchapoj sba ti luquetel chon Leviatán ti jech c'ac'al taje.

Isaías 51:11

Ja' jech ta sutic tal ec ti buch'utic c'uxubinatic yu'un ti Diose, ti x'avlajetic no'ox ta muyubajel ta x'ochic talel ta lum Sione, ti xlaet no'ox ta xvinaj ti sat yelovique, ti ta staic ti mu'yuc c'usi sna'ique, ti xlaet no'ox ta xa'iique, ti nom to c'ot ti oq'uel avanele ti mu x'ech' ti vocole.

Isaías 57:20

Ja'uc ti jpas-muliletique, co'ol s'elan jech c'u cha'al ti nab ti xyuc'uq'uet ta jujujote, ti mu ja'uc spajes sbae, ti naca ach'el ic'obal ta sjip loq'uel ta syuc'benale.

Isaías 66:22

Xi ta sva'an sba ta yalel ti Diose: “Jech c'u cha'al ta xjalij ti ach' vinajele, xchi'uc ti ach' banomil ti ta xlic jmeltsane, ja' jech ta xjalijic ti anitilultaque, ti mu'yuc ch'ayem ta o'ntonal ti ac'oplalique.

Daniel 7:3

Ta jech to yepal, vul ta loq'uel chancot (4) xi'bal sba muc'tiquil jti'oval chon ti yan o ta q'uelel ti jujucot ti loq'uic talel ta nabe.

Romanos 8:21

Yu'un ta sta yorail ti ta xpaj ti svocolic ti jech ta xc'a'e, ti jech ta soque. Yu'un ta xich' slequilalic ec ti c'alal ja' o ta xich' slequilal yutsilal ti xnich'nabtac ti Diose.

2 Pedro 3:10

Ja'uc ti sc'ac'alil ta xtal ti Cajvaltique, mu na'baj, ja' to xava'ie, li' xa ono'ox oy jech c'u cha'al junuc j'elec' ti ta xtal ta ac'ubaltique. Va'i un, ti vinajele, xvo'o'et no'ox ta xac' xi'el ta sac ch'ay batel. Ta xlaj ta c'oc' scotol ti c'usitic oy ta stojole. Jech ec ti banomile xchi'uc scotol ti c'usitic oy ta stojole, j'ech'el ta xlaj stsuts sc'oplal ta c'oc'.

2 Pedro 3:13

Ja'uc ti vo'otique jmalaojtic ta xvul ta loq'uel ti ach' vinajele, ti ach' banomile, ti yaloj ono'ox Dios ta xaq'ue. Ti bu taje, naca lec scotol.

Apocalipsis 13:1

Laj quil loc' talel ta nab jcot jti'oval chon ti oy vucub sjole, ti yich'oj lajuneb xulube, ti oy sronail ta jujun ti xulube. Yajcontra Dios le'e, xi yich'oj jun biil ta jujun sjoltac.

Apocalipsis 20:11

Laj quil xtoc jun muc' ta saquil chotlebal. Ti Buch'u chotol ta chotlebale, ta sba ta sat, sac ch'ay batel ti banomile ti vinajele, mi jutebuc xa bu vinaj ta q'uelel.

Apocalipsis 21:5

Ti Buch'u chotol ta muc' ta chotlebale, xi laj yale: “Vu'un ta jpas ta ach' scotol ti c'usitic oye.” Xi laj yal xtoque: “Tsaco ta vun ti c'op li'e, ja' melel, stac' patel o'ntonal ta stojolal.”

Apocalipsis 6:14

Ti vinajele sac ch'ay batel, co'ol s'elan jech c'u cha'al junuc balbil vun. Scotol ti vitsetique, xchi'uc ti banomil joyobtabil ta nabe, jel yavil ti bu to ox oye.