Apocalipsis 20:8 - Bible in Tzotzil de Chamula

⁸ Ta xloc' batel ta slo'lael ti jnaclejetic ta banomil ti oyic ta jujun muc'tiquil lum ta sjoylej banomile, ja' sc'oplal ti Goge xchi'uc ti Magoge, ti co'ol s'elan syi'al sti'il nab yepalic ta stsob sbaic ta letovajele.

Tzotzil Zinacantan

⁸ Chba sloꞌlo noxtoc scotol li crixchanoetic ta sjunlej balamile yoꞌ stsob o sbaic ta acꞌ cꞌoqꞌue. Gog xchiꞌuc Magog sbi scotol li crixchanoetique. Ep tajmec ta stsob sbaic, mu xlaj ta nitel yuꞌun coꞌol xchiꞌuc li yiꞌal mare.

Bible in Tzotzil de Chenalhó with Deuterocanon

⁸ Jech bat slo'la scotol cristianoetic ta xchanjotal xchiquin banamil, ja' li Gog xchi'uc Magogue. La stsobic tal scotol sventa chtal spasic pleito. Bats'i ep italic jech chac c'u cha'al yi' ta ti'nab.

Tzotzil San Andres

⁸ Ba schaꞌloꞌlo nojtoc scotol li crixchanoetic ta spꞌejel li balumile. Jaꞌ Gog schiꞌuc Magog sbiic scotol li crixchanoetique. La stsob sbaic tal scotolic yuꞌun ta spasic cꞌop. Ep tajmec italic, mu xlaj ta atel jech chac cꞌu chaꞌal jiꞌ ta tiꞌnab.

Tzotzil de Huixtán

⁸ Chba slo'la yan vuelta ti crixchanoetique ti sjoylejal balumil. Ja' Gog xchi'uc Magog sbiic ti crixchanoetique. Chba stsob tal yu'un tspasic pleito. Ep ti jyalel chtalic. Mu stac' atel hech chaj c'u che'el hi' ti ti'nab.

Apocalipsis 20:8 Iomraidhean Croise

1 Reyes 4:20

Ti lum Judae xchi'uc ti lum Israele, mu albajuc yepal ta j'ech'el ti jnaclejetic oy yu'unique, co'ol s'elan yi' ta ti' nab ti mu atbajuque. Ja' jech oy ta j'ech'el xtoc ti ve'lile, ti uch'bajele, ti xlaet no'ox ti o'ntonal ta muyubajele.

2 Crónicas 18:21

Ti ch'ulelale laj yal ti ta stic'be jutbil c'op ta sjol scotol ti j'alc'opetic yu'un ti ajvalile. Va'i un, albat yu'un ti Diose ti ta xc'ot ta pasel ti ta xlaj ta lo'lael yu'unique, ti batuc ta spasele.

Isaías 10:22

Ac'o mi co'ol s'elan syi'al ti'il nab yepal alumal, Israel, jun chib xa no'ox ta sutic talel. C'ot xa ta nopel ma' ti ta xich' tubel ti sc'oplale, ti j'ech'el ta xich'ic chapanele.

Jeremías 33:22

Snitilultac ti cajtunel Davide, ti caj'abteltaque, ti snitilultac ti Levie, ta xquepajesic ta j'ech'el jech c'u cha'al ti c'analetic ti oy ta vinajele, mi jech c'u cha'al ti yi' ti oy ta sti' ti muc' ta nab ti mu'yuc buch'u xchap yu'une.”

Ezequiel 38:1

Xi laj yalbun Dios ti laj sc'oponun talele:

Ezequiel 38:2

“Yojtot, q'uelo batel ta stuq'uil jteclum Magog. Va'ano aba ta c'opojel ta jventa. Albo ya'i ti contra xquil ti Goge, banquilal ajvalil yu'un ti lum Meseque, xchi'uc ti lum Tubale.

Ezequiel 39:1

“Yojtot, c'opojan ta jventa ti contra ta xquil ti Goge: ‘Xi ta xal ti Diose: Gog, banquilal ajvalilot yu'un ti Meseque, ti Tubale, ta xcal ti contra xaquile.

Ezequiel 39:6

Ta jvoli ta c'oc' ya'i ma' ti Magoge, xchi'uc ti jnaclejetic ti mu'yuc c'usi sna'ic ta muc'tiquil lumetic ti oyic ta sti'il nabe. Va'i unbi, ta sna'ic vu'un ti Ajvalilune.

Ezequiel 7:2

“Ti vu'un Diosune xi ta xcalbe ya'i ti muc' ta lum Israele: Ta xa xvul ta loq'uel ti tsutsel lajele, ta stsutsesel scotol ti banomile.

Hebreos 11:12

Manchuc mi ta xa xc'ot sc'ac'alil ta xpalch'uj batel ti Abrahame, jun to yepal ayan ti snitilultac jech c'u cha'al ti c'analetique, mi jech c'u cha'al ti yi'al nab ti mu stac' chapel ti c'u yepale.

Apocalipsis 12:9

Laj yich' jipel loq'uel ta vinajel ti muc' ta tsajal jti'oval chon ta vo'nee, ja' ti banquilal pucuje, ti Satanás sbie, ti buch'u naca slo'la no'ox scotol ti jnaclejetic ti oy ta sjoylej banomile. Ti stuque xchi'uc ti xchi'iltaque, jipatic yalel talel ta banomil.

Apocalipsis 16:14

Ja' xch'ulel ti pucujetique, ti laj yaq'uic iluc ti oy c'usi ch'ayal ta xc'ot o'ntonal yu'unique, ti loq'uic ta stsobel ti jujun banquilal ajvaliletic oyic ta sjoylej banomile, yo' ta x'ochic ta letovajel c'alal ta sta yorail ti muc' ta c'ac'al nopbil yu'un Dios ti scotol xu' yu'une.

Apocalipsis 20:10

Jech ti pucuje, ti buch'u ilo'lavan xae, laj yich' jipel yalel bu ts'anal ti c'oc' ta xtil ta azufree, ti bu laj xa yich' jipel yalel ti jti'oval chone xchi'uc ti jlo'lavanej j'alc'ope. Ti bu taje, sbatel osil, c'ac'al ac'ubal, ta xich' svocol.

Apocalipsis 20:3

Laj sjip yalel ta natil xa'ab ti mu'yuc spajebe. Laj sbaj comel. Laj yac'be seyoal sti' yo' jech mu slo'laan ti jnaclejetic oy ta sjoylej banomile, ja' to mi ech' ti jmil (1,000) jabile, ti mu xa jaluc ta xcole.

Apocalipsis 7:1

Laj taj une, laj quil chanvo' anjeletic va'ajtic ta jujot xchanjotal xchiquin ti banomile, sva'anoj sbaic ta spajesel ic' yo' mu xjelav talel ta banomil, ta nab, mi ja'uc ta te'etic.

Jueces 7:12

Ti madianitaetique, ti amalecitaetique, ti jnaclejetic ti liquemic talel ta sloq'ueb c'ac'ale, co'ol s'elan j'ilbajinvanej c'ulub ti lamal stanioj sbaic ta stenleje. Mu no'ox albajuc yepal ti scamelloic oy yu'unique, ti co'ol s'elan yi' oy ta sti'il ti nabe.

1 Samuel 13:5

Ja'uc ti filisteoetic eque laj stsob sbaic yo' ta stsaquic ta leto ti israeletique. Oy yu'unic lajuneb xcha'vinic ta mil (30,000) carreta sventa ti ac'ob-letoe, vacmil (6,000) soldadoetic ti cajajtic ta ca'e, ti mu no'ox albajuc yepal oy yu'unic soldadoetic ti xvoletic batel co'ol s'elan jech c'u cha'al syi'al nab ta xanavic ta yoquique. Laj stam batel sbeic ta stuq'uil Micmas, ti c'ot slaman sbaic ta yeloval sloq'ueb c'ac'al yu'un ti Bet-avene.