Apocalipsis 2:7 - Bible in Tzotzil de Chamula

⁷ Ti buch'u oy xchiquine, ac'o ya'i lec c'u s'elan ta x'albat yu'un Ch'ul Espíritu ti jch'unolajeletique. Ti buch'u ta stsal yu'un scotole, ta xcac'be slo' ti sat te' ti sventa cuxlejal ti teq'uel ta yavil ts'unubal yu'un ti Diose.”

Tzotzil Zinacantan

⁷ Ti muchꞌutic chaꞌiic ti cꞌalal chichꞌ qꞌuelel li vun liꞌi yoꞌ bu chatsob abaique, acꞌu xchꞌunic mi oy cꞌusi ch-albatic yuꞌun li Chꞌul Espíritue. Ti muchꞌutic mu xicta o sbaic li ilbajinele, ta xcacꞌbe sloꞌic li sat teꞌ liꞌ ta vinajele ti ta xcuxiic o ta sbatel osile, xayutic ti Cajvaltic Jesucristoe”, xi xatsꞌiba echꞌel ―xiyut.

Bible in Tzotzil de Chenalhó with Deuterocanon

⁷ Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole ta xcac'be slo'ic li sat te' sventa cuxlejal sbatel osile, ja' ti te oy ta o'lol ts'unubaltic yu'un Diose, xayutoxuc li Cajvaltique’, uto”, xiyutun.

Tzotzil San Andres

⁷ Li Chꞌul Espíritue jaꞌ jech ch‐acꞌbat snaꞌic scotol li buchꞌutic yichꞌojicun ta mucꞌ li butic oyique, acꞌo snopic mi jech tspasic eꞌuc. Li buchꞌutic ta spas ta canal scotole ta xcacꞌbe sloꞌic li sat teꞌ li sventa cuxlejal sbatel osile, jaꞌ li te oy ta vinajele, xayutic li Cajvaltique”, xi xatsꞌibabe echꞌel ―xiyut.

Tzotzil de Huixtán

⁷ Ti much'u tstsal yu'un scotole, ja' chcac'be slo'be sat ti te' sventa cuxlejal sbatel osile, ja' ti te oy ti o'lol ti sverta ti Diose te ti vinajel. Ho'oxuc ti ach'unojbucun ti jc'ope, a'yo me ava'yic ti c'alal hech chayac'boxuc ana'ic ti Ch'ul Espíritu cu'une, xayutoxuc”, xavut me, hech me chats'ibabun ―xiyutun ti Cajvaltique.

Apocalipsis 2:7 Iomraidhean Croise

Génesis 2:9

Ja' jech xtoc laj yac' ch'iuc ep ta tos lequil te'etic ti lec ta lo'bel ti sate. Ti ta o'lol ts'unubale, laj yac' ch'iuc ti j'ac'-cuxlejal te'e, xchi'uc ti te' ta xac' ta na'el ti leque xchi'uc ti chopole.

Proverbios 11:30

Ti lequil tuq'uilale, ta xac' ch'iel c'opojel, ja'uc ti soquemal jol o'ntonale, ta xtuch' cuxlejal une.

Proverbios 13:12

Ti mu'yuc xc'ot ta pasel ti patobil o'ntonal ta xich' taele, ta x'ac'van ta vul-o'ntonal, ja'uc ti ta xc'ot ta pasel ti c'usi juteb ta o'ntonal ta xich' taele, co'ol s'elan jpets te' ti xcuxet o'ntonal yu'un ti squeovale.

Proverbios 15:4

Jtec' cuxlejal te' c'otem ti buch'u xlamet no'ox ti sc'op sti' c'usi ta xale; ti xbet'bun no'ox ti eile ta soques o'ntonal.

Proverbios 3:18

Ti buch'u oy yu'un ti bijilile, cuxlejal ta j'ech'el; mu'yuc c'usi sna' ti buch'u xtojob ta stunesele.

Ezequiel 28:13

Oyot to ox ta ts'unubaletic yu'un Dios ti sbiinoj Edene, ti xi a'elan ch'albilot ep ta tos c'upil sba bax-tonetique: ti tsoj-tsojtic sba xojobale, ti c'on-c'ontic sba xyaxale, ti ic'-ic'tic sba xyaxale, ti xlablun sba sc'anele, ti ic'-ic'tic sba stsajale, ti yox-yoxtic sba stsajale, ti yax'elantic sba stsajale, ti ep ta tos xojobale, ti c'on-c'ontic sba xyaxal xlablun ta q'uelele, ti c'usitic x'ayan avu'une, ti taq'uinal chiquinale, naca ta oro, chapanbil xa ono'ox c'alal laj avich' ac'bel ach'ulele.

Ezequiel 31:8

Mu jpetsuc ch'ut te' xco'olaj teq'uel ta sts'unubal ti Diose, mi jpetsuc jech sc'obtac jech c'u cha'al ti avu'une, mi jpetsuc castanyo te' yepal yanal jech c'u cha'al ti avu'une, mi petsuc te' ta sts'unubal Dios stac' co'oltasel jech c'u cha'al ti avutsile.

San Mateo 11:15

Ti buch'u xchiquintaj yu'une, ac'o ya'i lec.

San Mateo 13:43

Va'i un, ti buch'utic ta xc'ot ta spasel yu'unic ti c'usi ta sc'an ti Diose, co'ol s'elan xojobal c'ac'al xnobetic ti bu ta xventainvan ti Jtotique. Mi oy achiquinique, a'yio ava'iic.

San Mateo 13:9

Mi oy achiquinique, a'yio ava'iic.

Marcos 4:9

—Ti buch'u oy xchiquine, ac'o ya'iic lec smelol.

Marcos 7:15

C'usiuc no'ox ta stun, ta slajes ti buch'uuc no'oxe, ma'uc ta soques sba xchi'uc. Ti bu ta soques sba xchi'uc ti buch'uuc no'oxe, ja' ti c'usi xloc' x'ayan talel ta yo'ntonique.

Marcos 7:16

Mi oy ani' achiquinic ti vo'oxuque, a'yic lec.

San Lucas 23:43

Xi tac'bat yu'un ti Jesuse: —Ta melel xcalbot ava'i, ti c'ac'al li'e, chba jchi'in jbatic ta lequilal.

San Lucas 8:8

Oy jlom un c'ot ta lequil banomil, lec ch'i talel. Laj yac' lec sat, ti loc' vo'vinic (100) ta bej sat ti jujupets ts'unobale. Xi to laj sts'ac batel lo'il a'yej ti Jesús ti tsots lic c'opojuque: —Ti buch'u oy xchiquine, sts'etanuc lec ta ya'yiel.

San Juan 16:33

Ja' jech laj cal ava'iic scotol taje, yo' jech lamajem avo'ntonic ti oyoxuc ta jtojole. Ti li' ta banomile, ta xavich' avocolic. Ja'uc le'e, tsotsanic, yu'un tsal xa cu'un ti sba banomile.

1 Corintios 2:10

Scotol taje, ta xac' ta na'el ti Dios ta sventa ti Ch'ul Espíritue. Yu'un ti Ch'ul Espíritue yiloj scotol, sna'oj scotol bu c'alal snopbenal yu'un ti Diose.

2 Corintios 12:4

Yu'un iq'uel batel ta lequilal ti bu laj ya'i c'opetic ti mucul ta j'ech'el ti c'usi ta xale, ti mu ja'uc jun vinic xu' x'albat ya'i ti smelole.

1 Juan 2:13

Ti jech ta jts'ibaboxuc talel li'e, totil me'iletic, yu'un laj xa avojtiquinic ti Buch'u oy xa ono'ox c'alal lic meltsajuc talel scotole. Ti jech ta jts'ibaboxuc talel li'e, querem tsebetic, yu'un laj xa apech'ic ta teq'uel ti pucuje. Ti jech ta jts'ibaboxuc talel li'e, Jnich'nabtac, yu'un laj xa avojtiquinic ti Jtotic Diose.

Apocalipsis 13:9

Ti oy buch'u oy xchiquine, ac'o ya'i lec smelol ti xi s'elan li'e:

Apocalipsis 14:13

Va'i un, laj ca'i oy buch'u c'opoj talel ta vinajel ti xi laj yalbune: “Xi tsaco ta vune: ‘Li' ta xlic batel avi tana li'e, ti jun no'ox yutsilic ti buch'utic staoj yav nabalic ta stojol ti Cajvaltic xcham xlajique.’ ” Xi laj yal ti Ch'ul Espiritue: “Jech, tsuts ti yabtelique, ta xa xcux yo'ntonic, yu'un ich'bil c'ot ta venta ti c'u s'elan lec laj spasique.”

Apocalipsis 15:2

Laj quil xtoc ti co'ol s'elan nen capal ta c'oq'ue. Laj quil ti oy buch'utic ac'bil yarpaic yu'un ti Diose, ti va'ajtic ta sts'el ti nab taje, ja' ti buch'utic mu'yuc lajic ta lo'lael yu'un ti jti'oval chone, ti mu'yuc laj yich'beic ta muc' ti sloc'obbaile, ti mu'yuc laj yich'beic snumeroal sbi ti chone.

Apocalipsis 2:11

Ti buch'u oy xchiquine, ac'o ya'i lec c'usi ta x'albatic yu'un Ch'ul Espíritu ti jch'unolajeletique. Ti buch'u ta stsal yu'un scotole, mu xa c'usi ta spasbat yu'un ti xcha'cojal chamebal lajebale.”

Apocalipsis 2:17

Ti buch'u oy xchiquine, ac'o ya'i lec ti va'i s'elan ta x'albat yu'un Ch'ul Espíritu ti jch'unolajeletique. Ti buch'u ta stsal yu'un scotole, ta xcac'be sve' ti maná nac'bil leque, xchi'uc ta xcac'be jbej saquil ton ti bu tsacbil jun ach' biil ti mu'yuc buch'u xojtiquine, ti ja' no'ox ta xojtiquin ti buch'u ta xich'e.”

Apocalipsis 21:7

Ti buch'u mu xlaj ta lo'laele, ti ta stsal yu'un scotole, vu'un ta jva'an jba ta Dios yu'un. Ta xc'ot ta jnich'on ti stuc eque. Ta xcac'be xrextoin scotol taje.

Apocalipsis 22:14

Yan yutsil ti buch'utic laj yaq'uic ta chuq'uel ti sc'u'ique yo' xu' ta slo' ti sat te' ta xac' ti cuxlejale, yo' ta x'ochic batel ta sti'tac ti jteclume.

Apocalipsis 22:17

Ti Ch'ul Espiritue xchi'uc yajnil ti jcot ta Uni Chije, xi ta xalique: “¡La' me!” Xiuc ac'o yal ti buch'u ta xa'ie: “¡La' me!” Ti buch'u ta xa'i taqui ti'ile, ti juteb ta yo'ntone, ac'o taluc ta yuch'el ti vo' ta xac' cuxlejale, mu'yuc tojbil jutebuc.

Apocalipsis 22:2

Ta o'lol calle yu'un ti muc' ta jteclume, ti ta jujot sti'il ti uc'ume, ch'iemic te'etic ti ta xac' cuxlejale. Lajcha'coj ta xac' sat ta jun jabil, ti lec ta alele, jujun u ta xac' ti sate. Yanal ti te'e, ta xtun yo' ta xpoxta o sbaic ti jnaclejetic ta banomile.