Apocalipsis 2:5 - Bible in Tzotzil de Chamula

⁵ Jech o xal un, vuleso ta avo'nton bu layanij. Sutan talel ta stojol ti Diose. Cha'tamo liquel jech c'u cha'al ta sliquebale. Yan mi mu jechuc ta xapase, ta xital no'ox ta atojol, ta jloq'uesbot ech'el ti yav cantila ti oy ta yavil mi mu xasut talel ta stojol ti Diose.

Tzotzil Zinacantan

⁵ Yuleso ta ajolic ti cꞌu toꞌox xꞌelan acꞌanojicon ti cꞌalal lic achꞌunique. Ictaic spasel li cꞌusitic chopole; jaꞌ pasic chac cꞌu chaꞌal apasic toꞌoxe. Mi mu xavictaic spasel li cꞌusitic chopole, ta me xital ta ora, chtal jloqꞌues li candeleroe yoꞌ xchꞌay o ta jmoj li jcꞌop tey ta alumalique.

Bible in Tzotzil de Chenalhó with Deuterocanon

⁵ Vuleso ta avo'ntonic ti bu lic chibajanic tale. Suteso avo'ntonic. Taic ti c'u ono'ox xa'elanic ta sliquebale. Me mu xapasic jeche, chital ta ora, chtal jloq'ues li candelero ta atojolique. Jech ta jpas ti me mu xasutes avo'ntonique.

Tzotzil San Andres

⁵ Juleso me ta ajolic li cꞌu sba cꞌuxun toꞌox ta avoꞌonic ta baꞌie. Ictaic me li a sba chapasique; jaꞌ me jech xapasic nojtoc jech chac cꞌu chaꞌal la apasic ta baꞌie. Mi mu xavictaic li cꞌusi chopol chapasique, chital ta ora, chtal jloqꞌues li scuxanobil cantela avuꞌunique, jech ta xchꞌay o, ta xtupꞌ li jcꞌop li te ta avosilalique.

Tzotzil de Huixtán

⁵ Chacha't'abes ti avo'ntonic ti c'u che'el c'uxun ti avo'ntonic ti sliqueb. Suteso me avo'ntonic yu'un amulic. Hech me xlic acha'pasic hech chaj c'u che'el laj apasic ti sliqueb. Mi mu xasutes avo'ntonic yu'un ti amulique, ti jloq'ues ti yav aceite avu'unique, hech chtup' ti jc'ope te ti alumale.

Apocalipsis 2:5 Iomraidhean Croise

Isaías 1:26

Ta xc'ot ta pasel cu'un ti ta xcac' talel jchapanvanejetic ta atojol jech c'u cha'al ta vo'nee. Ta xcac' taluc jbijubtasvanejetic jtojobtasvanejetic ta atojol jech c'u cha'al ta ba'yele. C'alal mi c'ot xa ta pasel cu'un ta atojolic une, ta xlic albatan ‘Xa'ibeic sni' xchiquinal ti jteclum le'e’, ‘mu'yuc c'usi sna'ic ti lum le'e’, xi ti ac'oplalique.

Isaías 14:12

“C'u no'ox la xi ti xajipip to loq'uel talel ta vinajel une, ti vo'ot co'ol a'elan jbej c'analot ti xojobin no'ox xojobal ta xloc' talel ta jujun sobe. Ta banomil to latenat yalel talel, ti vo'ot naca xatsal no'ox ti muc'tiquil lumetique.

Ezequiel 20:43

Ti bu taje, ta xvul liquel ta avo'ntonic scotol ti c'usitic laj apasic ti laj asoques abaic yu'une, xchi'uc mu xal avo'ntonic yu'un ta spasel ti c'usitic mu albajuc xchopolal laj apasic talele.

Ezequiel 36:31

C'alal ta xavules ta ajolic c'u s'elan ti atalelique, ti c'usitic laj apasique, ta xlic ava'iic q'uexlal yu'un ti amulique, xchi'uc ti c'u s'elan ti atalelique.

Oseas 14:1

Israel, cha'ac'o aba ta ventainel yu'un ti Ajvalil Dios avu'une, yu'un layal xa ta lum ta scoj ti amule.

Oseas 9:10

Ti Diose xi ta xale: “C'alal laj jta ta sa'el ti Israele, ximuyubaj xa yu'un, co'ol s'elan jech c'u cha'al ti buch'u oy sat ta sta ti uva ta sbajtical banomile. Ti atot ame'ic ta vo'nee, laj quil ta jba ta jsat ti co'ol s'elanic icux ti sob no'ox ta xac' ti sate. Le' une, c'alal c'otic ta Baal-peore, lic yac' sbaic ta tunel ta stojol ti c'usitic va'anbil ta diosetique. Bajbil tenbil c'otic jech c'u cha'al ti sdiosic ti batem yo'nton xchi'uquique.

Malaquías 3:4

Ti Diose xmuyubaj xa xchi'uc ti matanal ta xac' ti jteclum Judae, ti jteclum Jerusalene. Ta xc'ot ta pasel jech c'u cha'al xmuyubaj ono'ox xchi'uc le' talel ta vo'nee.

Malaquías 4:6

Yu'un ta xc'ot ta pasel ti ta slajesbe sba yo'ntonic ti totil me'iletic xchi'uc ti alab nich'nabiletique. Mi mo'oje, ta xtal cac'be svocol ti steclumale, ta jtsutses ta j'ech'el.”

San Mateo 5:14

“Ta stojolal ti yane, co'ol s'elan luz c'otemoxuc. Ti jun jteclum ti oy ta jol vitse, mu'yuc ta nac'al.

San Mateo 5:15

Mu'yuc ta xich' tsanel jun lampara ti chba yich' aq'uel ta yolon caxae. Ta xich' aq'uel ta toyol yo' ta xilic xojobal ti c'u yepal oyic ta nae.

Marcos 12:9

“¿C'usi ta spas ti yajval banomil xana'e? Ta xtal smil ti j'abteletique. Ta xac' ta loq'uel ta yan j'abteletic ti osile.

San Lucas 1:17

Ti Juan taje, ja' jba'be yu'un ti Cajvaltique, co'ol ac'bil snopbenal smuc'ul stsatsal jech c'u cha'al ech' ti j'alc'op Eliase. Ta sco'oltasbe yo'nton ti totiletic xchi'uc ti xnich'nabique yo' jech ti jtoyobbaetique ta xc'ot ta jch'unej mantal yu'un. Jech xtoc un, yo' ta xchapanbe lec sjol yo'nton ti jteclum ta yich'el ta muc' ti Ajvalile.

San Lucas 20:16

Ta xtal smil ti jloc'-osiletique. Ti osile, ta xac' ta loq'uel ta yan.” Xi laj yalic c'alal jech laj ya'iic taje: —Ma'uc calbetic Dios.

Gálatas 5:4

Ti vo'oxuc ti jech ach'unojic ta xata ava'iic ti lec xa'ileic yu'un Dios ta sventa ti ta xapas ava'iic avalojic ti oy c'usi tsots sc'oplal albile, laj xa ach'ac abaic loq'uel ta stojol ti Cristoe, laj aten ajipic ti yutsil slequil yo'nton ti Dios ti oy ta atojolique.

Filipenses 2:15

yo' jech mu xatabat amulic achopolalic, yo' jech bats'i xnich'nabucoxuc Dios ta stojol ti jnaclejetic ta banomil ti mu'yuc xch'ulel xa'i sbaique. Co'oluc a'elanic ta stojol jech c'u cha'al junuc c'anal ti xojobin ta ic'al osile,

Hebreos 10:32

Ja'uc ti vo'oxuque, vuleso ta avo'ntonic ti c'alal naca to no'ox laj ava'iic talel ti lequil ach' c'ope, ta smuc'ul avo'ntonic cuch avu'unic ti ep ta tos vocol ti ja' jun muc'ul ilbajinele.

2 Pedro 3:17

Ti jech laj xa avich'ic albel scotol taje, Jchi'iltac, ti c'uxoxuc ta co'ntone, jech o xal un, bijanic yo' mu xalajic ta lo'lael ta stamel batel ti bu stamojic batel ti jchopol joletique.

Judas 1:24

Ti Dios stuque, ti ja' Jcoltavanej cu'untique, ta smuc'ul stsatsal, xu' ta xchabioxuc yo' mu xabajic ta lum yu'un ti mulile, yo' xamuyubajic xa ti mu'yuc c'usi quechel macal avu'unic ta xc'ot ava'an abaic ta stojol ti bu jun yutsil oye.

Apocalipsis 1:20

Le'e, xi smelol ma' ti vucub c'anal ti jtsacoj ta jbats'i c'ob laj avile, xchi'uc ti laj avil ti vucub yavil cantila meltsanbil ta oroe: ti vucbej c'anale, ja' sc'oplal ti buch'u sventainojic ti vuc-chop tsobobbaile. Ti vucub yavil cantile, ja' sc'oplal ti vuc-chop jch'unolajeletique.

Apocalipsis 16:9

Manchuc mi scotolic laj ya'iic tsots xq'uixnal sat ti c'ac'ale, mu'yuc sutic talel ta stojol ti Diose, mi ja'uc lequil-c'opojic ta stojol. C'ajomal no'ox naca chopol c'usitic ta xloc' ta yeic ta stojol Dios ti jnaclejetic ta banomile, c'alal ja' oy ta sc'ob ta yaq'uel ti cuxul j'ilbajinvanej vocole.

Apocalipsis 2:16

Jech o xal un, sutan talel ta stojol ti Diose. Mi mu jechuc ta xapase, ta xital no'ox ta atojol, ta jtsaquic ta contra scotolic ta sventa ti espada ti oy ta que jti'e.

Apocalipsis 2:19

Jna' lec scotol ti c'usi ta xapase: ti oy xc'uxul syail avo'ntone, ti lec c'otem ta avo'nton ta xch'unele, ti avac'oj aba ta tunele, ti mu xavicta abae, ti x'ech' to avac'ojbe yipale, ti ja' mu sta ta sliquebale.

Apocalipsis 2:2

Jna' lec scotol ti c'usi ta xapase. Quiloj lec ti avac'ojbe yipal ti abtele, ti oy smuc'ul avo'ntone, ti mu jutebuc lec ta xava'i ti buch'utic chopolique. Jna' lec ti laj aq'uelbe yo'ntonic ti buch'utic sbisoj sbaic ta cajcholc'optac ti c'alal ma'uque, jech laj avil ti ja' jutc'opetique.

Apocalipsis 3:19

Scotol ti buch'u c'ux ta xca'ie, ta jtuq'uibtas, ta jvul. Jbeluc sc'oplal junuc avo'nton ta jtojol. Sutan talel ta stojol ti Diose.